ರೇಷ್ಮೆಯಲ್ಲಿ ಯಶಸ್ಸು ಕಂಡ "ಚಂದ್ರ' ಕಾಂತ

ಮೈಸೂರು : ಸಕರ್ಾರಿ ನೌಕರಿ.ಕೈ ತುಂಬಾ ಸಂಬಳ.ಮಡದಿ ಎಂ.ಬಿ.ಸರಸ್ವತಿ ಬಿಎಸ್ಎನ್ಎಲ್ನ ಹಿರಿಯ ವಿಭಾಗೀಯ ಅಧೀಕ್ಷಕರಾಗಿ ನಿವೃತ್ತರಾಗಿದ್ದಾರೆ. ಇಬ್ಬರು ಮಕ್ಕಳಾದ ಚಿರಂತನ್, ಮಿಥುನ್ ಸೊಸೆಯರಾದ ಸ್ನೇಹಾ,ನಮ್ರತಾ ಸಾಫ್ಟವೇರ್ ಎಂಜಿನಿಯರ್ಗಳು. ಕುಳಿತು ಉಣ್ಣಬಹುದಾದ ಸಂಪತ್ತು ಇರುವ ಸುಖಿ ಕುಟುಂಬ. ಸ್ವರ್ಗಕ್ಕೆ ಕಿಚ್ಚು ಹಚ್ಚಲು ಇನ್ನೇನು ಬೇಕು ಎಂದು ನಿಮಗೆ   ಅನಿಸುತ್ತಿರಬಹುದು.

ಆದರೆ ಅವರಿಗಿದ್ದ ಕೃಷಿ ಮತ್ತು ಹಸಿರು ಪ್ರೀತಿ ನಿವೃತ್ತಿ ನಂತರವೂ ಅವರನ್ನು ಸೋಮಾರಿಯಾಗಿ ಕುಳಿತುಕೊಳ್ಳಲು ಬಿಡಲಿಲ್ಲ. ರೇಷ್ಮೆ ಕೃಷಿ ಮಾಡುತ್ತಾ ತಮ್ಮ ಸುತ್ತಮುತ್ತಲಿನ ರೈತರಿಗೆ ರೇಷ್ಮೆ ಬೆಳೆಯಲು ಸಲಹೆ, ಮಾರ್ಗದರ್ಶನ ನೀಡುತ್ತಾ, ವರ್ಷಪೂತರ್ಿ ಎಂಟತ್ತು ಜನರಿಗೆ ನೌಕರಿ ನೀಡಿ ಕಾಯಕದಲ್ಲೇ ನೆಮ್ಮದಿ ಕಂಡುಕೊಂಡ ಕಾಯಕಜೀವಿಯೊಬ್ಬರ ಬಗ್ಗೆ ನಿಮಗೆ ಹೇಳಲೇ ಬೇಕು.

ಅವರೇ ಈ ವಾರದ ಬಂಗಾರದ ಮನುಷ್ಯ ಡಾ.ಚಂದ್ರಕಾಂತ್.

ಕೇಂದ್ರೀಯ ರೇಷ್ಮೆ ಸಂಶೋಧನಾ ಸಂಸ್ಥೆಯಲ್ಲಿ ಕೆಲಸಮಾಡಿ 2013 ರಲ್ಲಿ ನಿವೃತ್ತಿಹೊಂದಿ ರೇಷ್ಮೆ ಕೃಷಿಯಲ್ಲಿ ತೊಡಗಿಕೊಂಡಿರುವ ಇವರು ಕೊಡಗು ಜಿಲ್ಲೆಯ ಸೋಮವಾರಪೇಟೆ ತಾಲೂಕಿನ ಬೇಳೂರು ಗ್ರಾಮದವರು. ತಂದೆ ನಿವೃತ್ತ ಶಾಲಾ ಶಿಕ್ಷಕ ಕೆ.ಎಚ್.ಶಾಂತವೀರಯ್ಯ, ತಾಯಿ ಜೆಎಸ್ಎಸ್ ಪ್ರಶಿಕ್ಷಣ ಕಾಲೇಜಿನಲ್ಲಿ ಉಪ ಪ್ರಾಶುಪಾಲರಾಗಿದ್ದ ಕೆ.ಎಂ.ಗೌರಮ್ಮ. ಮಡಿಕೇರಿಯ ಕೇಂದ್ರಿಯ ಶಾಲೆಯಲ್ಲಿ ಒಂಭತ್ತನೆ ತರಗತಿವರೆಗೆ ಓದು. ನಂತರ ಮೈಸೂರಿನ ಮರಿಮಲ್ಲಪ್ಪ, ಯುವರಾಜ ಕಾಲೇಜು ಮತ್ತು ಮಾನಸ ಗಂಗೋತ್ರಿಯಲ್ಲಿ ವಿದ್ಯಾಭ್ಯಾಸ. ನಂತರ ಮರಿಮಲ್ಲಪ್ಪ ಕಾಲೇಜಿನಲ್ಲಿ ಐದುವರ್ಷ ಅರೆಕಾಲೀಕ  ಉಪನ್ಯಾಸಕ. ಈ ನಡುವೆ ನೌಕರಿ ಕಾಯಂ ಆಗದ್ದಕ್ಕೆ ಬೇಸರ. ಅದೇ ಸಮಯದಲ್ಲಿ ಕೇಂದ್ರೀಯ ರೇಷ್ಮೆ ಸಂಸ್ಥೆಯಿಂದ ಸಂದರ್ಶನಕ್ಕೆ ಕರೆ. ಬಿಹಾರ ರಾಜ್ಯ(ಈಗಿನ ರಾಂಚಿ)ದಲ್ಲಿ ಮೊದಲ ನೌಕರಿ ಆರಂಭ. ಅಲ್ಲಿ ಮೂರು ವರ್ಷ ಸೇವೆ. ನಂತರ ಚಾಮರಾಜನಗರದ ಭಿತ್ತನೆ ಕೋಠಿ,ನಾಗಮಂಗಲ,ಮೈಸೂರು,ಕೋಲಾರ,ಕೆ.ಆರ್.ಪೇಟೆ, ಮಳವಳ್ಳಿ ಹೀಗೆ ನಾನಾ ಕಡೆ ಉದ್ಯೋಗ. ಮೂರು ತಿಂಗಳು ಜಪಾನ್ ದೇಶದಲ್ಲಿ ರೇಷ್ಮೆ ಕೃಷಿ ಬಗ್ಗೆಯೇ ಹೆಚ್ಚಿನ ಸಂಶೋಧನೆ. 

ಹೋದಲೆಲ್ಲ ರೈತರಿಗೆ ರೇಷ್ಮೆ ಕೃಷಿ ಮಾಡುವ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ. ಹೀಗೆ ರೈತರೊಂದಿಗೆ ರೇಷ್ಮೆ ತರುವ ಆದಾಯದ ಬಗ್ಗೆ ಮಾತನಾಡುತ್ತಿರುವಾಗಲೇ,ನಾನೇ ಏಕೆ ರೇಷ್ಮೆ ಕೃಷಿ ಮಾಡಬಾರದು ಎಂಬ ಭಾವನೆ. ಆದರೆ ಚಂದ್ರಕಾಂತ್ ರೈತ ಕುಟುಂಬದಿಂದ ಬಂದಿರಲಿಲ್ಲ. ಆಗಾಗಿ ಅವರಿಗೆ ಜಮೀನು ಕೊಳ್ಳಲು ಆರ್ಟಿಸಿ ಇಲ್ಲದೆ ಕಾನೂನಿನ ತೊಡಕುಂಟಾಯಿತು.ಆದರೆ ರೇಷ್ಮೆ ಕೃಷಿ ಮಾಡಬೇಕೆಂಬ ಅವರ ಆಸೆಗೆ ಇದು ಅಡ್ಡಿಯಾಗಲೇ ಇಲ್ಲ.

ನೌಕರಿಯಿಂದ ನಿವೃತ್ತಿಯಾದ ನಂತರ ಸಮಯವನ್ನು ವ್ಯರ್ಥ ಮಾಡದೆ ಮೂರು ತಿಂಗಳು ಗುತ್ತಿಗೆಮಾಡಲು ಜಮೀನುಗಳನ್ನು ಹುಡುಕಿಕೊಂಡು ಸಾವಿರಾರು ಕಿ,ಮೀ, ದೂರ ಅಲೆದಾಟ. ಕೊನೆಗೆ ಮೈಸೂರು ಸಮೀಪ ಬಿದರಗೂಡು ಎಂಬಲ್ಲಿ ಐದು ಎಕರೆ ಜಮೀನನ್ನು ಐದು ವರ್ಷಕ್ಕೆ ಆರು ಲಕ್ಷ ರೂಪಾಯಿ ನೀಡಿ ಏಪ್ರಿಲ್ 2013 ರಲ್ಲಿ ಗುತ್ತಿಗೆ ಆಧಾರದ ಮೇಲೆ ಒಪ್ಪಂದ ಮಾಡಿಕೊಳ್ಳುತ್ತಾರೆ. ಅಲ್ಲಿ ನೀರಿಗೆ ಬರವಿರಲಿಲ್ಲ. ಒಂದು ಬೋರ್ವೆಲ್ ಇದ್ದ ನೀರಾವರಿ ಜಮೀನು ಅದು.

ಕಾಯಕ ಆರಂಭ : ಇಲ್ಲಿಂದ ಚಂದ್ರಕಾಂತ್ ಅವರ ರೇಷ್ಮೆ ಕೃಷಿ ಆರಂಭ. ಮೇ ತಿಂಗಳಲ್ಲಿ ಶ್ರೀರಾಂಪುರದಲ್ಲಿರುವ ರೇಷ್ಮೆ ಸಂಶೋಧನಾ ಸಂಸ್ಥೆಯಲ್ಲಿ ಕಡ್ಡಿಗಳನ್ನು ತಂದು ನಾಲ್ಕು ಎಕರೆಗೆ ನಾಟಿ ಮಾಡಿಸಿದರು.ಆಗ ಬೇಸಿಗೆಕಾಲ. ಆದರೂ ಪಂಪ್ಸೆಟ್ ಸಹಾಯದಿಂದ ನೀರು ನಿರ್ವಹಣೆ ಮಾಡಿಕೊಳ್ಳಬಹುದು ಎಂಬ ನಂಬಿಕೆಯ ಮೇಲೆ ರೇಷ್ಮೆಕಡ್ಡಿಯನ್ನು ನಾಟಿ ಮಾಡಿಸಿದ್ದರು. ಪಂಪ್ಸೆಟ್ ಕೆಟ್ಟು ದುರಸ್ಥಿ ಆಗುವುದು ತಡವಾಯಿತು. ಬಿಸಿಲಿಗೆ ಕಡ್ಡಿಗಳು ಸರಿಯಾದ ನಿರ್ವಹಣೆ ಇಲ್ಲದೆ ಚಿಗುರಲೇ ಇಲ್ಲ. ಒಣಗಿಹೋದವು.

ಆದರೂ ಛಲಬಿಡದೆ ಮತ್ತೆ ಹೊಸದಾಗಿ ಗುರುಸ್ವಾಮಿ ಅವರ ನರ್ಸರಿಯಿಂದ ಪ್ರತಿ ಗಿಡಕ್ಕೆ ಎರಡು ರೂಪಾಯಿ ನೀಡಿ ಸಸಿಗಳನ್ನು ತಂದು ಜುಲೈ ತಿಂಗಳಿನಲ್ಲಿ  ಎರಡು ಎಕರೆಗೆ ನಾಟಿ ಮಾಡಿದರು.ಮತ್ತೆರಡು ಎಕರೆಯಲ್ಲಿ ಸಾವಿರ ಏಲಕ್ಕಿ ಬಾಳೆ, ಸಾವಿರ ಪಚ್ಚಬಾಳೆ  ಒಟ್ಟು ಎರಡು ಸಾವಿರ ಬಾಳೆ ನೆಟ್ಟರು. ಆದರೆ ಇದು ಅವರಿಗೆ ಅಷ್ಟೊಂದು ಲಾಭ ತರುವ ಬೆಳೆಯಾಗಿ ಕಾಣಲಿಲ್ಲ. ಎರಡು ಬೆಳೆ ತೆಗೆದುಕೊಂಡ ನಂತರ ಮತ್ತೆ ಎರಡು ಎಕರೆಗೆ ರೇಷ್ಮೆ ಕಡ್ಡಿಗಳನ್ನೆ ನಾಟಿ ಮಾಡಿ ಒಟ್ಟು ನಾಲ್ಕು ಎಕರೆ ಜಮೀನಿನಲ್ಲಿ ಭಿತ್ತನೆ ಗೂಡು ರೇಷ್ಮೆ ಕೃಷಿ ಮಾಡುತ್ತಾ ಬಂದಿದ್ದಾರೆ.

ಪ್ರತಿ ತಿಂಗಳು 350 ರಿಂದ 500 ಮೊಟ್ಟೆ ನಿರ್ವಹಣೆಮಾಡುವ ಚಂದ್ರಕಾಂತ್ ಕನಿಷ್ಟ 120 ರಿಂದ 150 ಕೆಜಿ ಗೂಡು ತೂಗುತ್ತಾರೆ.ಮೊದಲೆ ಮಾಡಿಕೊಂಡ ಒಪ್ಪಂದದಂತೆ ರಾಷ್ಟ್ರೀಯ ರೇಷ್ಮೆ ಭಿತ್ತನೆ ಸಂಸ್ಥೆ (ಎನ್ಎಸ್ಎಸ್ಒ) ಪ್ರತಿ ಕೆ.ಜಿ.ಗೂಡಿಗೆ 750 ದರ ನೀಡಿ ಖರೀದಿಸುತ್ತದೆ.ಪ್ರತಿ ತಿಂಗಲು 120 ಕೆಜಿ ಗೂಡು ಉತ್ಪಾದಿಸಿದರೆ 750 ರೂ ನಂತೆ 90 ಸಾವಿರ ಆದಾಯನಿಶ್ಚಿತ.ಕೆಲವೊಮ್ಮೆ ಗೂಡಿನ ದರ ಹೆಚ್ಚಳವಾಗುವುದು ಉಂಟು.ಆಗ ಹೆಚ್ಚಿನ ಲಾಭ ನಿರೀಕ್ಷಿಸಬಹುದು.

ಕಳೆದ ತಿಂಗಳು ಬೆಳಗಾಂನ ರೈತರೊಬ್ಬರು ಸಿಎಸ್ಆರ್ 2 (ಹೆಣ್ಣು) ಮತ್ತು ಮೈಸೂರು ಭಿತ್ತನೆ ತಳಿ (ಗಂಡು) ಮಿಶ್ರತಳಿಯ 400 ಮೊಟ್ಟೆ ಸಾಕಾಣಿಕೆಮಾಡಿ 50 ಕೆಜಿ ಗೂಡು ಬಳೆದು ಪ್ರತಿ ಕೆಜಿಗೆ 4500 ರೂ.ಗೆ ಮಾರಾಟನಾಡಿ ಎರಡು ಲಕ್ಷದ ಇಪ್ಪತ್ತೈದು ಸಾವಿರ ಆದಾಯಗಳಿಸಿದ್ದಾರೆ.ಒಂದೇ ತಿಂಗಳಲ್ಲಿ 40 ಸಾವಿರ ಖಚ್ಚರ್ು ತೆಗೆದರು 1 ಲಕ್ಷದ 85 ಸಾವಿರ ಆದಾಯ ಯಾವ ಬೆಳೆಯಿಂದ ಬರಲುಸಾಧ್ಯ ಹೇಳಿ ಎಂದು ಚಂದ್ರಕಾಂತ್ ನಮ್ಮನ್ನೇ ಪ್ರಶ್ನಿಸುತ್ತಾರೆ.

ಕಾಮರ್ಿಕರ ಸಮಸ್ಯೆ ಇಲ್ಲ: ನಮಗೆ ಬಿದರಗೂಡು ಸುತ್ತಮುತ್ತ ಕೂಲಿ ಕಾಮರ್ಿಕರ ಸಮಸ್ಯೆ ಅಷ್ಟಾಗಿ ಇಲ್ಲ. ಕಾರಣ ತಮಿಳುನಾಡು ಮೂಲದ ಸಣ್ಣ ಸಣ್ಣ ಹಣಕಾಸು ಸಂಸ್ಥೆಗಳು ಇಲ್ಲಿ ಸ್ವ ಸಹಾಯ ಗುಂಪಗಳನ್ನು ಮಾಡಿಕೊಂಡು ಕಿರುಸಾಲ ಯೋಜನೆಯಡಿ ಸಾಲನೀಡುತ್ತಾರೆ. ಸಂಘದ ಮೂಲಕ ಸಾಲ ತೆಗೆದುಕೊಂಡವರು ತಪ್ಪದೆ ಪ್ರತಿವಾರ ಕಂತು ಕಟ್ಟಲೇ ಬೇಕು. ಇಲ್ಲದಿದ್ದರೆ ಸಂಘದ ಎಲ್ಲಾ ಸದಸ್ಯರು ತೊಂದರೆ ಅನುಭವಿಸಬೇಕಾಗುತ್ತದೆ. ಏಕೆಂದರೆ ಸಾಲಕ್ಕೆ ಸಂಘ ಜಾಮೀನುನೀಡಿರುತ್ತದೆ.

ಹಾಗಾಗಿ ಇಲ್ಲಿ ಕಾಮರ್ಿಕರು ಪ್ರಾಮಾಣಿಕವಾಗಿ ದುಡಿಯುತ್ತಾರೆ.ನಮ್ಮ ತೋಟದಲ್ಲೇ ಕಳೆದ ಮೂರು ವರ್ಷಗಳಿಂದ ನಿರಂತರವಾಗಿ ಎಂಟು ಮಂದಿ ಕೆಲಸಕ್ಕೆ ಬರುತಿದ್ದಾರೆ. ನಾವು ದುಡಿಯುವ ಕೈಗಳಿಗೆ ಉದ್ಯೋಗ ನೀಡಿದಂತಾಗಿದೆ ಎನ್ನುತ್ತಾರೆ. ಹೆಚ್ಚಿನ ಮಾಹಿತಿಗೆ 9663880880 ಅಥವಾ 9448601990 ಸಂಪಕರ್ಿಸಬಹುದು.

ರೇಷ್ಮೆ ಬೆಳೆಗಾರರಿಗೆ ಸಲಹೆ

ಎರಡು ಎಕರೆ ಪ್ರದೇಶದಲ್ಲಿ ಗುಣಮಟ್ಟದು ಹಿಪ್ಪುನೇರಳೆ ಸೊಪ್ಪು ಬೆಳೆದುಕೊಂಡರೆ ಪ್ರತಿ ತಿಂಗಳು ಖಚ್ಚರ್ುವೆಚ್ಚ ಕಳೆದು ಕನಿಷ್ಠ 30 ಸಾವಿರ ರೂಪಾಯಿ ಆದಾಯಗಳಿಸಬಹುದು. ಗಿಡಗಳನ್ನು ನಾಟಿ ಮಾಡಿದ ಆರು ತಿಂಗಳ ನಂತರ ಹುಳ ಸಾಕಾಣಿಕೆ ಮಾಡಬಹುದು.

ಒಂದು ಎಕರೆ ಪ್ರದೇಶದ ತೋಟದಲ್ಲಿ 200 ಮೊಟ್ಟೆ ಸಾಕಬಹುದು. ಡಬ್ಬಲ್ ಹೈಬ್ರಿಡ್ 100 ಮೊಟ್ಟೆಗೆ 100 ರಿಂದ 120 ಕೆಜಿ ಗೂಡು ಉತ್ಪಾದನೆ ಮಾಡಬಹುದು. 200 ಮೊಟ್ಟೆಗೆ 150 ಕೆಜಿ ಗೂಡು ಬಂದರು ಪ್ರತಿ ತಿಂಗಳು ಸರಾಸರಿ ಕೆಜಿಗೆ 300 ರೂ ಅಂದುಕೊಂಡರು 45 ಸಾವಿರ ಆದಾಯ ನಿಶ್ಚಿತ. ಗಿಡನಾಟಿ ಮಾಡಿದ ಮೂರು ವರ್ಷದ ನಂತರ ಗಿಡಗಳಿಂದ ಉತ್ಕೃಷ್ಟ ಗುಣಮಟ್ಟದ ಸೊಪ್ಪು ನಮಗೆ ದೊರೆಯುತ್ತದೆ. ಆಗ ಇನ್ನೂ ಹೆಚ್ಚಿನ ಲಾಭ ಬರುತ್ತದೆ.

ಸೆಪ್ಟೇಂಬರ್ನಿಂದ ಜನವರಿ ತಿಂಗಳವರೆಗೆ ಬೈವೊಲ್ಟನ್ ತಳಿ ಸಾಕಲು ಸೂಕ್ತ ಕಾಲ. ಜಪಾನ್ ವಿಜ್ಞಾನಿಯೊಬ್ಬರ ಪ್ರಕಾರ ಶೇ 35 ಸೊಪ್ಪಿನ ನಿರ್ವಹಣೆ,ಶೇ35 ವಾತವರಣ, ಶೇ12 ಸೋಂಕು ನಿವಾರಣೆ ಹಾಗೂ ಕೇವಲ ಶೇ 5 ನಿರ್ವಹಣೆಗೆ ನಾವು ಗಮನಹರಿಸಿದರೆ ಉತ್ತಮ ಗುಣಮಟ್ಟದ ಗೂಡು ಉತ್ಪಾದಿಸಬಹದು. ಉತ್ತಮ ಗುಣಮಟ್ಟದ ಸೊಪ್ಪು, ಸೂಕ್ತ ನಿರ್ವಹಣೆ ಮತ್ತು ವಾತಾವರಣ, ಕಾಲಕಾಲಕ್ಕೆ ಸೋಂಕು ನಿವಾರಣೆ ದ್ರವಕ ಸಿಂಪರಣೆ ಇಷ್ಟನ್ನು ಸೂಕ್ತವಾಗಿ ನಿಭಾಯಿಸಿಕೊಂಡರೆ ಯಾವುದೇ ತೊಂದರೆ ಬರುವುದಿಲ್ಲ. ಕಡಿಮೆ ವೆಚ್ಚದಲ್ಲಿ 20* 50 ಅಡಿಯ ಹುಳು ಸಾಕಾಣಿಕೆ ಮನೆ ನಿಮರ್ಾಣ ಮಾಡಿಕೊಂಡರೆ ಉಳಿದ ವ್ಯವಸ್ಥೆ ಸುಲಭ. ಇಲಾಖೆಯಿಂದ ಸಾಕಷ್ಟು ಸಹಾಯ ಧನದ ಸೌಲಭ್ಯ ಇದ್ದು ಆಸಕ್ತ ರೈತರು ಅದನ್ನು ಬಳಸಿಕೊಳ್ಳಬಹುದು.

ಮನೆಯಲ್ಲಿ ಮೂರು ಮಂದಿ ಇದ್ದರೆ ಸಾಕು. ಗೂಡು ಬಿಡಿಸುವ ಸಮಯದಲ್ಲಿ ಮತ್ತೆ ಮೂರು ಹೆಣ್ಣಾಳುಗಳನ್ನು ಕರೆದುಕೊಂಡರೆ ಒಂದು ಬೆಳೆಯನ್ನು ತೆಗೆದುಕೊಳ್ಳಬಹುದು. ಇದರಲ್ಲಿ ಬೇರೆ ತರಕಾರಿ ಬೆಳೆಗಳಂತೆ ಕಳೆ ನಿರ್ವಹಣೆ, ಕ್ರೀಮಿನಾಶಕ ಸಿಂಪರಣೆ ಮಾಡುವಂತಿಲ್ಲ. ರೇಷ್ಮೆಯಿಂದ ಬರುವ ತ್ಯಾಜ್ಯಗಳನ್ನೇ ಸೊಪ್ಪು ಬೆಳೆಯಲು ಬಳಸಿಕೊಂಡು ಸುಲಭವಾಗಿ ಸಾವಯವ ಕೃಷಿಗೂ ಜಮೀನನ್ನು ಸಿದ್ಧಮಾಡಿಕೊಳ್ಳಬಹುದು ಎನ್ನುತ್ತಾರೆ ಚಂದ್ರಕಾಂತ್.

ಇನ್ನೆರಡು ವರ್ಷಕ್ಕೆ ತಮ್ಮ ಗುತ್ತಿಗೆ ಅವಧಿ ಮುಗಿಯುತ್ತಾ ಬಂದಿದ್ದು ಮತ್ತೆ ಒಂದುವರ್ಷ ಗುತ್ತಿಗೆ ನವೀಕರಣ ಮಾಡಿಕೊಳ್ಳುವ ಯೋಜನೆ ಇದೆ. ಸಧ್ಯಕ್ಕೆ ಇಲ್ಲೇ ಸಮೀಪ ಎರಡು ಎಕರೆ ಜಮೀನನ್ನು ನೋಡಿದ್ದು ಅದನ್ನು ತಮ್ಮ ಭಾವ ಮಲೆಯೂರು ಗುರುಸ್ವಾಮಿಯವರ ಹೆಸರಿನಲ್ಲಿ ಖರೀದಿಸಿ ಸಂಪೂರ್ಣ ವ್ಯವಸಾಯದಲ್ಲೇ ತೊಡಗಿಕೊಳ್ಳುವ ಸಿದ್ಧತೆಯಲ್ಲಿದ್ದಾರೆ.

ನಷ್ಟಕ್ಕೆ ಕಾರಣಗಳು: ಸಾಮಾನ್ಯವಾಗಿ ನಮ್ಮ ರೈತರು ರೇಷ್ಮೆ ಸಾಕಾಣಿಕೆ ಜೊತೆಗೆ ತರಕಾರಿ, ಹೈನುಗಾರಿಕೆ, ಕುರಿ ಸಾಕಾಣಿಕೆ ಹೀಗೆ ನಾನಾ ಕೆಲಸಗಳಲ್ಲೂ ತೊಡಗಿಕೊಂಡಿತರುತ್ತಾರೆ. ರೇಷ್ಮೆಗೆ ಅಷ್ಟಾಗಿ ಗಮನ ನೀಡುತ್ತಿರುವುದಿಲ್ಲ. ತರಕಾರಿಯಲ್ಲಿ ದಿಢೀರ್ ಸಿಗುವ ಬೆಲೆಯ ಹುಚ್ಚು ಕುದುರೆ ಏರಿ ಸಾವಿರಾರು ರೂ ಖಚ್ಚರ್ುಮಾಡಿ ರಾಸಾಯನಿಕ ಗೊಬ್ಬರ ಸುರಿದು, ಕ್ರಿಮಿನಾಶಕ ಹೊಡೆದು ರೇಟು ಸಿಗದಿದ್ದರೆ ಸಾಲದ ಸುಳಿಗೆ ಸಿಲುಕಿಕೊಳ್ಳುತ್ತಾರೆ.

ಕೋಲಾರದ ಸುತ್ತಮುತ್ತಲಿನ ರೈತರು ಆಲುಗಡ್ಡೆಯಲ್ಲಿ ಆದ ನಷ್ಟವನ್ನು ರೇಷ್ಮೆಯಲ್ಲಿ ತುಂಬುಕೊಳ್ಳುತ್ತಿರುವುದನ್ನು ಈಗಲೂ ಕಾಣಬುಹುದು. ಹೆಚ್ಚು ಜನರಿದ್ದರೆ ಬೇರೆ ಬೇರೆ ಉಪ ಕಸುಬಿನಲ್ಲಿ ತೊಡಗಿಕೊಂಡರೆ ತಪ್ಪಿಲ್ಲ. ಆದರೆ ಮನೆಯಲ್ಲಿ ಮೂರ್ನಾಲ್ಕು ಜನರಿರುವವರು ಹೀಗೆ ಮಾಡಬಾರದು.ನಮ್ಮ ಜಮೀನಿನ ಸುತ್ತ ಮುತ್ತ ಹೀಗೆ ಕಷ್ಟಕ್ಕೆ ಸಿಲುಕಿದವರ ದೊಡ್ಡ ಸಂಖ್ಯೆಯ ಜನರೆ ಇದ್ದಾರೆ ಎನ್ನುತ್ತಾರೆ ಚಂದ್ರಕಾಂತ್.

 ತರಕಾರಿಗೆ ಬೈ ರೇಷ್ಮೆಗೆ ಜೈ

ಬಿದರಗೂಡಿನ ಲಿಂಗಣ್ಣ ಅವರು ಮೊದಲು ತಮಗಿರುವ ಎರಡು ಎಕರೆ ಪ್ರದೇಶದಲ್ಲಿ ಟೊಮೋಟೊ ಮತ್ತಿತರ ತರಕಾರಿ ಬೆಳೆ ಬೆಳೆಯುತ್ತಿದ್ದರು. ಕ್ರಿಮಿನಾಶಕ ಸಿಂಪರಣೆಯಿಂದ ಆರೋಗ್ಯ ಪದೇಪದೇ ಹದಗೆಡುತ್ತಿತ್ತು. ಜತೆಗೆ ಟೊಮೋಟೊ ದರ ಏರಿಳಿತದಿಂದ ಸಾಲದ ಸುಳಿಯಲ್ಲೂ ಸಿಲುಕಿಕೊಂಡಿದ್ದರು.

ಚಂದ್ರಕಾಂತ್ ಅವರ ಸಲಹೆ ಮತ್ತು ಮಾರ್ಗದರ್ಶನದಂತೆ ಟೊಮೋಟೊ ಬಿಟ್ಟು ಒಂದುವರೆ ವರ್ಷದಿಂದ ರೇಷ್ಮೆ ಬೆಳೆಯಲು ಆರಂಭಿಸಿದರು. ಈಗ ಪ್ರತಿ ತಿಂಗಳು ಕನಿಷ್ಟ 25 ಸಾವಿರ ರೂ. ಆದಾಯ ಕಾಣುವಂತಾಗಿದ್ದು ನೆಮ್ಮದಿಯಿಂದ ಆರೋಗ್ಯವಾಗಿದ್ದೇವೆ ಎನ್ನುತ್ತಾರೆ ಲಿಂಗಣ್ಣನ ಮಕ್ಕಳಾದ ಮಂಜು ಮತ್ತು ಮಹೇಶ.

 ಈಗ ನಾವು ತರಕಾರಿ ಬೆಳೆಯುತ್ತಿದ್ದಾಗ ಮಾಡಿದ ಸಾಲವನ್ನು ತೀರಿಸಿ. ಪಕ್ಕದಲ್ಲೇ ಎರಡು ಗುಂಟೆ ಜಮೀನು ಖರೀದಿಸಿರುವುದಾಗಿ ಹೆಮ್ಮೆಯಿಂದ ಹೇಳುತ್ತಾರೆ. ನಾಲ್ಕುವರೆ ಲಕ್ಷ ರೂ. ವೆಚ್ಚಮಾಡಿ ರೇಷ್ಮೆ ಮನೆ ನಿಮರ್ಾಣ ಮಾಡಿಕೊಂಡಿದ್ದು ಇಲಾಖೆಯಿಂದ ಒಂದು ಲಕ್ಷ ರೂ ಸಹಾಯ ಧನ ಕೊಟ್ಟರು. ಅದರ ಸಾಲವು ತೀರುತ್ತಾ ಬಂದಿದೆ. 

ನಮ್ಮ ಮನೆಯಲ್ಲಿರುವ ನಾಲ್ಕು ಜನರೇ 200 ಬೈವೋಲ್ಟನ್ ತಳಿಯ ಮೊಟ್ಟೆ ನಿರ್ವಹಣೆಮಾಡುತ್ತೇವೆ. ಗೂಡು ಬಿಡಿಸುವ ಕಾಲದಲ್ಲಿ 5 ಜನರನ್ನು ಕೆಲಸಕ್ಕೆ ಕರೆದುಕೊಳ್ಳುತ್ತೇವೆ. ಹಾಗಾಗಿ ನಮಗೆ ಈ ಕೃಷಿಯಲ್ಲಿ ಕೂಲಿ ಕಾಮರ್ಿಕರ ಸಮಸ್ಯೆ ಉಂಟಾಗುವುದೇ ಇಲ್ಲ ಎನ್ನುತ್ತಾರೆ. ಮಧ್ಯ ಒಂದೆರಡು ತಿಂಗಳು ಗೂಡಿನ ದರ 150 ರೂಗೆ ಕುಸಿತ ಕಂಡಿತ್ತು. ಆಗಲೂ ನಮಗೆ ನಷ್ಟವೇನು ಆಗಿಲ್ಲ. ಲಾಭ ಕಡಿಮೆ ಬಂತು ಅಷ್ಟೆ. ಈಗ ಪ್ರತಿ ಕೆಜಿ ಗೂಡಿಗೆ 450 ರೂ. ಇದೆ. ಸಣ್ಣ ಹಿಡುವಳಿ ರೈತರಿಗೆ ರೇಷ್ಮೆ ಸಾಕಾಣಿಕೆಯೇ ಸರಿಯಾದ ಉದ್ಯೋಗ ಎನ್ನುವುದು ಅವರ ಅನುಭವದ ಮಾತು

 ಜೀವ ಚೈತನ್ಯ ಕೃಷಿ ಸಾಧಕ ಪಾಪಣ್ಣ

ಇದು ವೃತ್ತಿನಿರತ ರಾಜಕಾರಣಿಯೊಬ್ಬ ಹಸಿರು ಪ್ರೇಮಿಯಾಗಿ ಬದಲಾದ ಅಚ್ಚರಿ !

ಮೈಸೂರು : ಎರಡು ದಶಕಗಳಿಗೂ ಹೆಚ್ಚುಕಾಲ ಸಕ್ರೀಯ ರಾಜಕಾರಣದಲ್ಲಿದ್ದ ನಾಯಕರೊಬ್ಬರು ಇದ್ದಕ್ಕಿದ್ದಂತೆ ರಾಜಕೀಯದಿಂದ ದೂರ ಸರಿದು ಪರಿಸರ ಚಕ್ರವತರ್ಿಯಾದರು. ತಮ್ಮದೇ ಹಸಿರು ಸಾಮ್ರಾಜ್ಯ ರೂಪಿಸಿ ಬಂಗಾರದ ಮನುಷ್ಯನಾದರು. ಕರುನಾಡಲ್ಲದೆ ವಿದೇಶಿ ರೈತರಿಗೂ ಮಾದರಿಯಾದರು. ಅವರೇ ಹುಣಸೂರಿನ ಮಾಜಿ ಶಾಸಕ ವಿ.ಪಾಪಣ್ಣ.
ಸದಾ ಹಸಿರು ಸಿರಿಯ ನಡುವೆ ಇರುವ ಪಾಪಣ್ಣ ತಮ್ಮ ಎಂಬತ್ತೊಂದನೇ ವಯಸ್ಸಿನಲ್ಲೂ ಲವಲವಿಕೆಯಿಂದ ತೋಟದ ತುಂಬಾ ತಿರುಗಾಡುತ್ತಾ ಬಂದವರಿಗೆ ಕೃಷಿಪಾಠ ಮಾಡುತ್ತಾರೆ.
ಸಾಮಾನ್ಯವಾಗಿ ರಾಜಕೀಯ ಅಖಾಡ ಪ್ರವೇಶಿಸಿದವರು ಮತ್ತೆ ತಿರುಗಿ ಬಂದು ಕೃಷಿಯನ್ನು ಅಪ್ಪಿಕೊಂಡದ್ದು ಕಡಿಮೆ. ಈಗಿರುವಾಗ ಪಾಪಣ್ಣ 1987ರಲ್ಲಿ ಜಿಲ್ಲಾಪಂಚಾಯಿತಿ ಚುನಾವಣೆಗೆ ನಿಲ್ಲುವ ಮೂಲಕ ರಾಜಕೀಯ ಪ್ರವೇಶಿಸಿ ಸೋತು, ಹುಣಸೂರು ಕ್ಷೇತ್ರದಿಂದ ವಿಧಾನ ಸಭೆಗೆ ನಿಲ್ಲುವ ಮೂಲಕ ಗೆದ್ದು ಶಾಸಕರಾಗಿ ಮತ್ತೆ ಸೋತು ಚುನಾವಣಾ ರಾಜಕೀಯದಿಂದ ದೂರ ಸರಿದು ಮಾದರಿ ಕೃಷಿಕರಾಗಿದ್ದು ಎಂತಹವರಿಗೂ ಅಚ್ಚರಿ ಮೂಡಿಸುತ್ತದೆ.
ಪಾಪಣ್ಣನವರ ಎದುರು ಕುಳಿತು ಅವರ ಮಾತು ಕೇಳುತ್ತಿದ್ದರೆ ಪರಿಸರದ ಎಲ್ಲ ಸೂಕ್ಷ್ಮಗಳು ನಮ್ಮ ಕಣ್ಣಮುಂದೆ ತೆರೆದುಕೊಳ್ಳುತ್ತಾ ಹೋಗುತ್ತವೆ.ಮಣ್ಣಿಗೆ ಬೇಕಾದ ಪೋಷಕಾಂಶಗಳು,ಲವಣಗಳು,ಪರಿಸರದೊಂದೆಗೆ ಮುನುಷ್ಯ,ಪ್ರಾಣಿಪಕ್ಷಿಗಳ ಸಂಬಂಧ ಹೀಗೆ ದಿನಗಟ್ಟಳೆ ಮಾತನಾಡಬಲ್ಲ ಜ್ಞಾನವನ್ನು ತಮ್ಮ ಅನುಭವದ ಮೂಲಕ ಹೇಳುವ ಪಾಪಣ್ಣ ಸಂತೆಕೆರೆ ಕೋಡಿಯ ಮಣ್ಣಿನಲ್ಲಿ  ಚಿನ್ನದಂತ ಬೆಳೆ ತೆಗೆಯುತ್ತಿದ್ದಾರೆ.
ಮುವತ್ತು ವರ್ಷಗಳಿಂದ ಉಳುಮೆಯನ್ನೇ ಕಾಣದ  ಮೂವತ್ತು ಎಕರೆ ತೋಟದಲ್ಲಿ ನೂರಾರು ಸಸ್ಯ ಪ್ರಬೇಧಗಳು ಹಸಿರಿನಿಂದ ನಳನಳಿಸುತ್ತಿವೆ. ಸಾಮಾನ್ಯವಾಗಿ ಆರೋಗ್ಯವಂತ ತೆಂಗಿನ ಮರವೊಂದು ವಾಷರ್ಿಕ ನೂರೈವತ್ತರಿಂದ ಇನ್ನೂರು ತೆಂಗಿನ ಕಾಯಿ ಬಿಟ್ಟರೆ ಇಲ್ಲಿರುವ ಒಂದೊಂದು ಮರವು ವಾಷರ್ಿಕ ಐದನೂರು ತೆಂಗಿನ ಕಾಯಿಗಳನ್ನು ಬಿಡುವ ಮೂಲಕ ಅಚ್ಚರಿ ಮೂಡಿಸಿವೆ. ಅಡಿಕೆ ಮರಗಳಂತೂ ಕಾಯಿಯ ಭಾರಕ್ಕೆ ಬಾಗಿ ನಿಂತಿವೆ. ಬಟರ್ ಪ್ರೂಟ್, ನಿಂಬೆ, ಜಾಯಿಕಾಯಿ ಗಿಡಗಳು ಎಲೆಗಿಂತ ಹಣ್ಣುಗಳನ್ನೇ ಗಿಡದ ತುಂಬೆಲ್ಲಾ ಹೊದ್ದು ಕಂಪು ಬೀರುತ್ತಿವೆ.
ಇದಕ್ಕೆಲ್ಲ ಮುಖ್ಯ ಕಾರಣ ಮಳೆನೀರು ಕೊಯ್ಲು.ಗಿಡಗಳಿಗೆ ಜೀವಾಮೃತ ಮತ್ತು ಎರೆ ಗೊಬ್ಬರ ಬಳಕೆ. ಮಣ್ಣಿಗೆ ಮುಚ್ಚುಗೆಯಾಗಿ ಕೃಷಿ ತ್ಯಾಜ್ಯಗಳ ಸಮರ್ಥ ಬಳಕೆ.ಇವು ಪಾಪಣ್ಣನವರ ತೋಟವನ್ನು ಸಮೃದ್ಧ ಜೀವ ಚೈತನ್ಯ ಕಾಡನ್ನಾಗಿ ಪರಿವತರ್ಿಸಿವೆ.
ಇಡೀ ತೋಟದಲ್ಲಿ ಎಲ್ಲೇ ಭೂಮಿಯನ್ನು ಅಗೆದರೆ ಸಿಗುವುದು ಮಣ್ಣಲ್ಲ ಎರೆಗೊಬ್ಬರ. ಭೂಮಿಯಿಂದ ಸುಮಾರು ಮೂರು ಅಡಿಗಳವರೆಗೂ ಮಣ್ಣು ಎರೆಗೊಬ್ಬರವಾಗಿ ರೂಪಾಂತರಗೊಂಡಿದೆ. ಈ ಸಾಧನೆಗಾಗಿಯೇ ಸ್ವಿಡ್ಜರ್ಲ್ಯಾಂಡ್ನ ಐಎಂಒ ಸಂಸ್ಥೆ ಪಾಪಣ್ಣನವರ ತೋಟಕ್ಕೆ ಜೀವ ಚೈತನ್ಯ ಕೃಷಿ ತೋಟ ಎಂದು ಮಾನ್ಯತೆ ನೀಡಿದೆ.30 ಎಕರೆ ಪ್ರದೇಶದಲ್ಲಿ ವಿಸ್ತರಿಕೊಂಡಿರುವ ತೋಟದಲ್ಲಿ ಬಹುತೇಕ ಜಾಗವನ್ನು ತೆಂಗು ಮತ್ತು ಅಡಿಕೆ ಆವರಿಸಿಕೊಂಡಿದ್ದರೆ. ಉಳಿದಂತೆ ಕಾಡು ಬಾಳೆ, ಪೂಜಾ,ಏಲಕ್ಕಿ,ಕಪರ್ೂರವಳ್ಳಿ,ದಿಂಡಿಗಲ್ ಹೀಗೆ ನಾನಾ ತಳಿಯ ಬಾಳೆಗಳು ಮುಗಿಲೆತ್ತರಕ್ಕೆ ಬೆಳೆದು ಬಾಗಿ ಬೀಗುತ್ತಿವೆ. ಜಾಯ್ ಕಾಯಿ,ನಿಂಬೆ,ಪಪ್ಪಾಯಿ, ಮಲ್ಲಿಕಾ ಮಾವು, ಸಪೋಟ,ನುಗ್ಗೆ, ಮೆಣಸು, ಅಗರ್, ಗಮ್ಲೆಸ್ ಹಲಸು ಹೀಗೆ ನಾನಾ ರೀತಿಯ ಸಸ್ಯ ಪ್ರಭೇದಗಳಿವೆ. ತೋಟದಲ್ಲಿ ಪ್ರತಿ ತಿಂಗಳು ಒಂದಲ್ಲ ಒಂದು ಬೆಳೆ ಕೊಯ್ಲಿಗೆ ಬಂದು ನಿರಂತರ ಆದಾಯ ತಂದುಕೊಡುತ್ತಿವೆ.
ಸಹಜ ಸಾಗುವಳಿ, ಅಡಿಕೆ ಪತ್ರಿಕೆ,ಸಿರಿ ಸಮೃದ್ಧಿ, ಸುಜಾತ, ಶರದ್ ಕೃಷಿ, ಲೀಸಾ ಹೀಗೆ ರಾಜ್ಯದಲ್ಲಿ ಪ್ರಕಟವಾಗುವ ಬಹುತೇಕ ಎಲ್ಲಾ ಕೃಷಿ ಪತ್ರಿಕೆಗಳಿಗೂ ಅಜೀವಾ ಚಂದಾದರರಾಗಿರುವ    ಪಾಪಣ್ಣ ಮಾಧ್ಯಮದಲ್ಲಿ ಬರುವ ಕೃಷಿ ಸಂಬಂಧಿತ ವರದಿಗಳನ್ನು ತಪ್ಪದೇ ಓದುತ್ತಾರೆ. ಅದರಲ್ಲಿ ತಮಗೆ ಬೇಕಾದ ಮಾಹಿತಿ ಮತ್ತು ತಂತ್ರಜ್ಞಾನವನ್ನು ತಮ್ಮ ತೋಟದಲ್ಲಿ ಜಾರಿ ಮಾಡುತ್ತಾರೆ. ಇದಲ್ಲದೆ ತಿಪಟೂರು ಭೈಫ್ ಸಂಸ್ಥೆಯ ಮನುತೇಜ್ ದೇಸಾಯಿ, ಅರಸೀಕೆರೆ ತಾಲೂಕು ಮಾರಗೋಡನಹಳ್ಳಿಯ ಸದಾಶಿವಪ್ಪ ಮತ್ತು ಮೈಸೂರಿನ ಡಿ.ಶಿವಲಿಂಗು ಅವರ ಸಲಹೆ ಮತ್ತು ಮಾರ್ಗದರ್ಶನ ತಮ್ಮ ಕೃಷಿ ಸಾಧನೆಗೆ ನೆರವಾಯಿತು ಎಂದು ಸ್ಮರಿಸಿಕೊಳ್ಳುತ್ತಾರೆ.
ಪ್ರತಿವರ್ಷ ಹದಿನೈದು ದಿನಗಳು ವಿವಿಧ ರಾಜ್ಯಗಳಿಗೆ ಕೃಷಿ ಪ್ರವಾಸ ಕೈಗೊಳ್ಳುವ ಪಾಪಣ್ಣ ನಮ್ಮ ನಾಡಿನಲ್ಲಿಲ್ಲಿರುವ ಅತ್ಯತ್ತಮ ನರ್ಸರಿಗಳ ಪಟ್ಟಿಯನ್ನೇ ಕೊಡುತ್ತಾರೆ. ಅಲ್ಲಿಂದ ನಾನಾ ರೀತಿಯ ಗಿಡಗಳನ್ನು ತಂದು ಬೆಳೆಸುತ್ತಿದ್ದಾರೆ.
ತಮ್ಮ ತೋಟದಲ್ಲಿ ಮಳೆಗಾಲದಲ್ಲಿ ಎರಡು ತಿಂಗಳು ಮಾತ್ರ ಹೆಚ್ಚಿನ ಆಳುಗಳು ಕೆಲಸಮಾಡುತ್ತಾರೆ. ಗಿಡಗಳಿಗೆ ಎರೆಗೊಬ್ಬರ ಹಾಕುವುದು. ಗಿಡಗಳನ್ನು ಸವರುವುದು.ಕೃಷಿ ತ್ಯಾಜ್ಯ ಸಂಗ್ರಹಣೆ ಮತ್ತಿತರ ಕೆಲಸಗಳಿಗೆ ವಾಷರ್ಿಕ ಎರಡು ಲಕ್ಷ ರೂಪಾಯಿ ವೆಚ್ಚವಾಗುತ್ತದೆ. ಉಳಿದಂತೆ ವರ್ಷವಿಡಿ ಇಬ್ಬರು ಆಳುಗಳು ಮೇಕೆ ಕುರಿ ಸಾಕಾಣಿಕೆ ಜತೆಗೆ ತೋಟವನ್ನು ನಿರ್ವಹಣೆಮಾಡುತ್ತಾರೆ. 1986 ರಿಂದ ಇಲ್ಲಿಯವರೆಗೂ ಭೂಮಿಯನ್ನು ಉಳುಮೆಮಾಡಿಲ್ಲ. ಪ್ರಕೃತಿಯಲ್ಲಿ ಬದುಕಲು ಪ್ರತಿಯೊಂದು ಜೀವಿಗೂ ಹಕ್ಕಿದ್ದು, ಯಾವುದೇ ಕೀಟಗಳನ್ನು ನಾವು ಕ್ರಿಮಿನಾಶಕ ಸಿಂಪಡಿಸಿ ಕೊಲ್ಲುವುದಿಲ್ಲ. ಇಲಿಗಳಿಗೆ ಗೆಣಸು, ಪಕ್ಷಿಗಳಿಗೆ ಪಪ್ಪಾಯಿ ಹಾಕಿದ್ದೇವೆ. ಪರಿಸರದಲ್ಲಿ ಒಂದಕ್ಕೊಂದು ಪೂರಕ ಚಟುವಟಿಕೆಗಳು ನಡೆಯುತ್ತಿರುತ್ತವೆ ಅದಕ್ಕೆ ನಾವು ಅಡ್ಡಿ ಪಡಿಸಬಾರದು ಎಂಬ ಪಾಪಣ್ಣ ಜಪಾನಿನ ಸಹಜ ಕೃಷಿಕ ಮಸನೊಬ್ಬ ಪುಕೊವಕೊ ಕುರಿತು ಮಾತನಾಡಲು ಶುರುಮಾಡಿಬಿಡುತ್ತಾರೆ.
ಭೂಮಿಯನ್ನು ಆಳವಾಗಿ ಉಳುಮೆ ಮಾಡಬಾರದು.ಅದೊಂದು ಅವೈಜ್ಞಾನಿಕ ಪದ್ಧತಿ.ಬೇಕಾದರೆ ರೋಟೊವೇಟರ್ನಿಂದ ತ್ಯಾಜ್ಯವನ್ನು ಭೂಮಿಗೆ ಸೇರಿಸಬಹುದು.ಭೂಮಿಯನ್ನು ಸಾಧ್ಯವಾದಷ್ಟು ಫಲವತ್ತತೆ ಮಾಡುವುದಷ್ಟೇ ನಮ್ಮ ಕೆಲಸ. ಉಳಿದಂತೆ ಭೂಮಿತಾಯಿಯೇ ನಮಗೆ ಸಕಲವನ್ನೂ ಕೊಡುತ್ತಾ ಹೋಗುತ್ತಾಳೆ ಎನ್ನುವುದು ಅವರ ಅನುಭವ.
ತೋಟದಲ್ಲಿ ಮಳೆ ನೀರು ಕೊಯ್ಲಿಗೆ 53 ಕಡೆ ಟ್ರಂಚ್ ಕಮ್ ಬಂಡ್ ಪದ್ಧತಿ ಮಾಡಲಾಗಿದೆ.23 ಬಯೋಡೈಜೆಸ್ಟರ್ ಮಾಡಿಕೊಳ್ಳಲಾಗಿದೆ.ಎರೆಹುಳು ಗೊಬ್ಬರ ಘಟಕವನ್ನು ನಿರ್ವಹಿಸಲಾಗುತ್ತಿದೆ.ಈ ಪ್ರದೇಶ ಮಿನಿ ಮಲೆನಾಡಿನಂತಿದ್ದರೂ ಪಾಪಣ್ಣ ಅವರ ತೋಟದ ಸುತ್ತಮತ್ತ 150 ಮೀಟರ್ ಅಂತರದಲ್ಲಿರುವ ಬೋರ್ವೆಲ್ಗಳಲ್ಲಿ ಸಾವಿರಾರು ಅಡಿಗಳಿಂದ ನೀರನ್ನು ತೆಗೆದು ಕೃಷಿ ಮಾಡಲಾಗುತ್ತಿದೆ. ಆದರೆ ಇವರ ತೋಟದಲ್ಲಿರುವ ಮೂರು ಬೋರ್ವೆಲ್ಗಲು ಕೇವಲ ನಲವತ್ತು ಅಡಿಯಿಂದ ನೀರನ್ನು ಪಂಪ್ ಮಾಡುತ್ತವೆ. ಸ್ಪಿಂಕ್ಲರ್ ಮೂಲಕ ನೀರು ಕೊಡಲಾಗುತ್ತದೆ. ಇದಕ್ಕೆಲ್ಲ ಮುಖ್ಯ ಕಾರಣ ಮಳೆನೀರು ಕೊಯ್ಲು ಎನ್ನುವ ಪಾಪಣ್ಣ ಬೋರ್ವೆಲ್ಗಳಿಂದಲ್ಲೂ ನಾವು ನೀರನ್ನು ಕಡಿಮೆ ಬಳಸಿಕೊಳ್ಳುತ್ತಿದ್ದು ತಮ್ಮ ತೋಟದಲ್ಲಿ ಭೂಮಿಯ ಆಳದಲ್ಲಿರುವ ಕಠಿಣ ಶಿಲೆಗಳು ಮೃದುಶಿಲೆಗಳಾಗಿ ಪರಿವರ್ತನೆಯಾಗಿಬಿಟ್ಟಿವೆ. ಅದರಿಂದಾಗಿಯೇ ಹೊರಗಡೆಗಿಂತ ತಮ್ಮ ತೋಟದ ವಾತವಾರಣ ತಂಪಿನಿಂದ ಕೂಡಿದ್ದು ಹಿತವಾಗಿದೆ ಎನ್ನುತ್ತಾರೆ.
ಪಾಥರ್ೇನಿಯಂ ಸೇರಿದಂತೆ ತೋಟದಲ್ಲಿ ಸಿಗುವ ಎಲ್ಲಾ ರೀತಿಯ ಕೃಷಿ ತ್ಯಾಜ್ಯಗಳನ್ನು ಮರಳಿ ಮಣ್ಣಿಗೆ ಸೇರಿಸುವ ಮೂಲಕ ಎರೆಹುಳುಗಳನ್ನು ಕೋಟ್ಯಾಂತರ ಸಂಖ್ಯೆಯಲ್ಲಿ ಹೆಚ್ಚಿಸಲಾಗಿದೆ. ಇವುಗಳಿಗೆ ಭೂಮಿಯನ್ನು ಉಳುಮೆ ಮಾಡುವ ಕೆಲಸವಹಿಸಿ ನಿಶ್ಚಿಂತೆಯಿಂದ ಇದ್ದೇನೆ ಎನ್ನುವ ಪಾಪಣ್ಣ ಪರಿಸರವಾದಿಗಳೆಲ್ಲ ಕಾಂಕ್ರೀಟ್ ಕಾಡು ಸೇರಿಕೊಂಡರೆ ನಮ್ಮ ಪರಿಸರ ಉಳಿಯುವುದಾದರು ಹೇಗೆ ಎಂದು ಕೇಳುತ್ತಾರೆ.
ಸಿಸರ್ಿ, ಸಿದ್ದಾಪುರ,ಶ್ರೀ ಪಡ್ರೆಯವರ ತೋಟ, ಸಹ್ಯಾದ್ರಿ ನರ್ಸರಿ,ಶ್ರೀಧರ ಆಶ್ರಮ ಹೀಗೆ ರಾಜ್ಯದ ನಾನಾ ಭಾಗಗಳಿಗೆ ಕೃಷಿ ಪ್ರವಾಸ ಹೋಗಿ ಬಂದಿರುವ ಪಾಪಣ್ಣ ತಮ್ಮ ತೋಟದಲ್ಲಿ ಪರಸ್ಪರ ಹೋಂದಾಣಿಕೆಯಾಗಬಲ್ಲಂತ ಮರಗಿಡಳನ್ನು ಮಾತ್ರ ಹಾಕಲಾಗಿದೆ. ಯಾವುದೇ ಒಂದು ವಿದೇಶಿ ಗಿಡಗಳನ್ನು ಹಾಕಿಲ್ಲ ಎಂದು ಹೆಮ್ಮೆಯಿಂದ ಹೇಳುತ್ತಾರೆ. ತಂಬಾಕು ಮಂಡಳಿಯವರು ಕೇಳಿದರೆ ನಿಕೋಟಿನ್ ಮುಕ್ತ ತಂಬಾಕು ಬೆಳೆದು ಕೊಡುವುದಾಗಿ ಸವಾಲು ಹಾಕುವ ಪಾಪಣ್ಣ ಸದ್ಯ 500 ರೆಡ್ಲೇಡಿ ಪಪ್ಪಾಯ ಗಿಡಗಳನ್ನು ಯಾವುದೇ ರಾಸಾಯನಿಕ ಸಿಂಪಡಿಸದೆ ನೇಸಗರ್ಿಕ ಪದ್ಧತಿಯಲ್ಲಿ ಬೆಳೆಯುವ ಪ್ರಯೋಗದಲ್ಲಿದ್ದಾರೆ.
ಕೃಷಿ ವಿಜ್ಞಾನಿಗಳಿಗೆ ಸಾವಯವ ಪಾಠ ಮಾಡುವ ಪಾಪಣ್ಣ ಮೈಸೂರಿನಲ್ಲಿರುವ ಅಬ್ದುಲ್ ನಜೀರ್ ಸಾಬ್ ಗ್ರಾಮೀಣಭಿವೃದ್ಧಿ ಸಂಸ್ಥೆ ಮತ್ತು ತೋಟಗಾರಿಕೆ ಇಲಾಖೆಯವರು ಕರೆದು ತರುವ ರೈತರ ಗುಂಪುಗಳಿಗೂ ಸಹಜ ಕೃಷಿಯ ಮಹತ್ವದ ಬಗ್ಗೆ ಉಪನ್ಯಾಸ ನೀಡುತ್ತಾರೆ.ರಾಜ್ಯದ ನಾನಾ ಭಾಗದ ರೈತರು ಇವರ ತೋಟಕ್ಕೆ ಭೇಟಿ ಕೊಡುತ್ತಲೇ ಇರುತ್ತಾರೆ. ಆಸಕ್ತರು ದೂ. 8762356042,  9900166256 ಸಂಪಕರ್ಿಸಬಹುದು.
=========================================

ಕೋಟಿ ಆದಾಯ ತರುವ ಅಗರ್

ಇದರ ಹೆಸರು ಅಗರ್ ವುಡ್ ಅಂತ. ಇದನ್ನು ಶೃಂಗೇರಿಯ ವನದುರ್ಗ ಅಗರ್ ಇಂಡಸ್ಟ್ರೀಸ್ನ ಛೇರ್ಮನ್ ಮಲ್ಲಪ್ಪ ಹೆಗಡ ಫಾರಂನಿಂದ ತಂದು ಹಾಕಿದ್ದೇನೆ. ಗಿಡ 10 ವರ್ಷದ ಮರವಾಗಿ ಬೆಳೆದಾದ ಒಂದು ರೀತಿಯ ದ್ರವವನ್ನು ಮರಕ್ಕೆ ಇಂಜೆಕ್ಟ್ ಮಾಡುವ ಮೂಲಕ ಸೇರಿಸಲಾಗುತ್ತದೆ. ಇಡೀ ಮರವೆಲ್ಲ ಶ್ರೀಗಂಧದ ಕಂಪಿನಿಂದ ಸುವಾಸನೆ ಬೀರುತ್ತದೆ.ನಂತರ ಆರು ತಿಂಗಳಿಗೆ ಮರ ಕಡಿಯಬಹುದು. ಒಂದು ಮರ ಲಕ್ಷಾಂತರ ಬೆಲೆ ಬಾಳುತ್ತದೆ. ಈ ಮರದಿಂದ ತೆಗೆಯಲಾಗುವ ಎಣ್ಣೆಗೆ ಅಪಾರ ಹಣ ನೀಡಲಾಗುತ್ತದೆ. ಇದನ್ನು ಅರಬ್ ದೇಶ ಸೇರಿದಂತೆ ಅಮೇರಿಕಾ ದೇಶಗಳಿಗೂ ರಫ್ತು ಮಾಡಲಾಗುತ್ತದೆ. ಪ್ರತಿ ಗಿಡಕ್ಕೆ 53 ರೂಪಾಯಿ ಕೊಟ್ಟು 250 ಗಿಡಗಳನ್ನು ತಮ್ಮ ತೋಟದಲ್ಲಿ ಬೆಳೆಸುತ್ತಿರುವುದಾಗಿ ಪಾಪಣ್ಣ ಹೇಳುತ್ತಾರೆ.
ಕೃಷಿಯಲ್ಲಿ ಸಿಗುವ ನಿಗಧಿತ ಆದಾಯದ ಬಗ್ಗೆ ವಿರೋಧ ವ್ಯಕ್ತಪಡಿಸುವ ಪಾಪಣ್ಣ ತಮ್ಮ ತೋಟದ ಸುತ್ತಾ ಹಾಕಿದ್ದ ಅಕೆಶಿಯಾ, ಐಟಿಸಿ ಕ್ಲೋನ್, ಹೆಬ್ಬೇವಿನ ಕೆಲವು ಮರಗಳನ್ನು ಇತ್ತೀಚಿಗೆ ಮಾರಾಟ ಮಾಡಿದೆವು. ಅದರಿಂದ ನಾಲ್ಕುವರೆ ಲಕ್ಷ ಆದಾಯ ಬಂತು. ಅದರಲ್ಲೇ 25 ಸಾವಿರ ಕೊಟ್ಟು ಒಂದು ಪವರ್ ಟಿಲ್ಲರ್ ಹಾಗೂ 75 ಸಾವಿರ ಕೊಟ್ಟು ಒಂದು ಜನರೇಟರ್ ತಂದೆವು. ಇದು ಕೃಷಿ ಚಟುವಟಿಕೆಗಾಗಿಯೇ ತಂದದ್ದು. ಇದರಲ್ಲಿ ಯಾವುದು ಆದಾಯ, ಯಾವುದು ವೆಚ್ಚ ಎಂದು ನಮ್ಮನ್ನೇ ಪ್ರಶ್ನೆ ಮಾಡುತ್ತಾರೆ.
ಪರಿಸರ ಪೂರಕ ಕೃಷಿ ಚಟುವಟಿಕೆಯಿಂದ ಖಂಡಿತಾ ನಷ್ಟವಂತು ಆಗುವುದಿಲ್ಲ. ನಮ್ಮ ತೋಟದಲ್ಲಿ ಪ್ರತಿ ತಿಂಗಳು ಒಂದಲ್ಲ ಒಂದು ಬೆಳೆ ಕೊಯ್ಲಿಗೆ ಬರುತ್ತಲೇ ಇರುತ್ತದೆ. ಅದರಿಂದ ಸಾಕಷ್ಟು ಆದಾಯ ಇದ್ದೆ ಇದೆ.ಯಾವುದೋ ಒಂದು ಬೆಳೆ ಬೆಳೆದು ಲಕ್ಷಾಂತರ ಆದಾಯಗಳಿಸಿಬಿಟ್ಟು, ಮುಂದಿನ ವರ್ಷದಿಂದ ಯಾವುದೇ ಆದಾಯವಿಲ್ಲದೇ ನರಳುವ ಕೃಷಿ ನಮಗೆ ಬೇಡ.ತೋಟವನ್ನು ನಿತ್ಯ ಆದಾಯ ಬರುವಂತೆ ರೂಪಿಸಿಕೊಳ್ಳಬೇಕು ಎಂದು ಪ್ರಯೋಗಶೀಲ ರೈತರಿಗೆ ಪಾಪಣ್ಣ ಸಲಹೆ  ನೀಡುತ್ತಾರೆ 

ಸುಸ್ಥಿರ ಬದುಕಿಗೆ ಒಲಿದ ಕ್ಷೀರಸಾಗರ

ಎತ್ತ ನೋಡಿದರತ್ತ ಹಚ್ಚ ಹಸಿರು.ನಾನಾ ಜಾತೀಯ ಹಣ್ಣಿನ ಗಿಡಗಳು. ಅಲ್ಲಲ್ಲಿ ಮುರಿದು ಬಿದ್ದ ದೊಡ್ಡ ದೊಡ್ಡ, ಹಣ್ಣಾದ ಪಚ್ಚಾಬಾಳೆ ಗೊನೆಗಳು. ಸುಮಾರು ನಾಲ್ಕು ಎಕರೆ ಪ್ರದೇಶದ ಸುತ್ತಲ್ಲೂ ಸೋಲಾರ್ ಬೇಲಿ. ತೋಟದ ಅಂಚಿನಲ್ಲಿ ಗ್ಲಿರಿಸಿಡಿಯಾ,ಸಿಲ್ವರ್,ಅಕೇಶಿಯಾ ಹೀಗೆ ನಾನಾ ಜಾತಿಯ ಗಿಡಗಳು. ಹೀಗೆ ತಾವು ಕಳೆದ ನಾಲ್ಕು ವರ್ಷದಿಂದ ಕಟ್ಟಿದ ಹಸಿರು ತೋಟದ ಬಗ್ಗೆ ಪ್ರೀತಿಯಿಂದ, ಅಕ್ಕರೆಯಿಂದ ಪ್ರತಿಗಿಡವನ್ನು ತೋರಿಸುತ್ತಾ ಅದರ ಬಗ್ಗೆ ವಿವರಿಸುತ್ತಾ ನಡೆಯುತ್ತಿದ್ದರು ಕ್ಷೀರಸಾಗರ.

ಅಸಂಘಟಿತ ಕಾಮರ್ಿಕರು, ಭೂ ಸುಧಾರಣೆಯ ಬಗ್ಗೆ ಬೆಂಗಳೂರಿನ ವೈಟ್ಫೀಲ್ಡ್ ಸುತ್ತಮುತ್ತ  ಸಿಯೆಡ್ಸ್ ಸಂಸ್ಥೆಯೊಂದಿಗೆ ಸೇರಿಕೊಂಡು ಎಂಟು ವರ್ಷ ಕೆಲಸಮಾಡಿರುವ ಕ್ಷಿರಸಾಗರ ಎಚ್.ಡಿ.ಕೋಟೆ ತಾಲೂಕಿನ ಕಬಿನಿಕಾಲೋನೊಯವರು.ಮಾನಸ ಗಂಗೋತ್ರಿಯಲ್ಲಿ ಮನಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಮಹಾರಾಜ ಕಾಲೇಜಿನಲ್ಲಿ ದೇವನೂರ ಮಹಾದೇವ ಅವರ ಸಹಪಾಠಿಯಾಗಿದ್ದ ಸಾಗರ ತಮಗಿರುವ ಪರಿಸರ ಕಾಳಜಿಯಿಂದಾಗಿಯೇ ಗಿರಿಜನರೊಟ್ಟಿಗೆ ಬಹುಕಾಲ ಕೆಲಸ ಮಾಡಿದರು.
ಮೈಸೂರು ಜಿಲ್ಲೆಯಲ್ಲಿ ನಡೆದ ಸಂಪೂರ್ಣ ಸಕ್ಷಾರತ ಆಂದೋಲನದಲ್ಲಿ ಕಾರ್ಯಕ್ರಮ ಸಂಯೋಜನೆಯ ಸಂಪೂರ್ಣ ಹೊಣೆಹೊತ್ತಿದ್ದ ಕ್ಷೀರಸಾಗರ ಗಿರಿಜನರ ಬದುಕು ಬವಣೆ ಕುರಿತು "ಜೇನು ಆಕಾಶದ ಅರಮನೆಯೂ" ಎಂಬ ಕಾದಂಬರಿಯನ್ನು ಭೂ ಸುಧಾರಣೆ ಕುರಿತು "ದಿಕ್ಕು ತಪ್ಪಿದ ಕನರ್ಾಟಕ ಭೂ ಸುಧಾರಣೆ" ಎಂಬ ಪುಸ್ತಕವನ್ನು ಪ್ರಕಟಿಸಿದ್ದಾರೆ. ವಿಶೇಷವಾಗಿ ಪಕ್ಷಿ ಮತ್ತು ಪರಿಸರವನ್ನು ಕುರಿತು ಅನೇಕ ಲೇಖನಗಳನ್ನು ಬರೆದಿದ್ದಾರೆ.1984 ರಿಂದ 2002 ರವರೆಗೆ ಫೆಡಿನ ವಿಕಾಸ (ವಿವಿಧ ಕಾಡುಕುರುಬರ ಸಂಘ) ದೊಂದಿಗೆ ಸೇರಿಕೊಂಡು ವಿವಿಧ ಸಂಘಟನೆಗಳೊಂದಿಗೆ ಸೇರಿ ಸುಮಾರು ಎಂಟು ಸಾವಿರ ಎಕರೆ ಭೂಮಿಯನ್ನು ಕಾಡು ಕುರುಬರಿಗೆ ಸಿಗುವಂತೆ ಮಾಡಿದ್ದಾರೆ. ಸಧ್ಯ ಈಗ ಗದ್ದಿಗೆ-ಎಚ್.ಡಿ.ಕೋಟೆ ಮುಖ್ಯರಸ್ತೆಯಲ್ಲಿ ಬರುವ ವಡ್ಡರಗುಡಿ ಬಳಿಯ ತಮ್ಮ ನಾಲ್ಕು ಎಕರೆ ಹಸಿರು ಸಾವಯವ ತೋಟದಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡಿದ್ದು ವಿವಿಧ ಪ್ರಯೋಗದಲ್ಲಿ ನಿರತರಾಗಿದ್ದಾರೆ.
ಅವರೊಂದಿಗೆ ನಾವು ತೋಟದಲ್ಲಿ ನಿಧಾನವಾಗಿ ಹೆಜ್ಜೆ ಹಾಕುತ್ತಾ ಹೋಗುತ್ತಿದ್ದಂತೆ, ಪಕ್ಕನೇ ಬಿಳಿಯ ಬಣ್ಣದ ಹಕ್ಕಿಯೊಂದು ನಮ್ಮ ಕಣ್ಣಮುಂದೆ ಪುರ್ರನೇ ಹಾರಿ ಹೋಯಿತು.ತಕ್ಷಣ ಅಲ್ಲೇ ನಿಂತ ಕ್ಷೀರಸಾಗರ ತೋಟವನ್ನು ಬಿಟ್ಟು ಆ ಹಕ್ಕಿಯ ಬಗ್ಗೆ ಮಾತನಾಡತೊಡಗಿದರು. ಆ ಹಕ್ಕಿಯನ್ನು ನೋಡಿದ್ರಾ, ಅದು ವೈಟ್ ಬ್ರಾಡ್ ಬುಲ್ ಬುಲ್ ಅಂತ ಅದರ ಹೆಸರು. ಅದು ಇಲ್ಲಿ ಕಾಣಸಿಗುವುದು ಅಪರೂಪ. ಅದು ಇಲ್ಲಿಗೆ ಯಾಕೆ ಬಂದಿರಬಹುದು.ಬಹುಶಃ ಬಾಳೆಯ ಹಣ್ಣುಗಳು ಕೊಳೆತು ಬಿದ್ದಿರುವ ಹಣ್ಣಗಳನ್ನು ತಿನ್ನಲು ಬಂದಿರಬಹುದು.ಮುರ್ನಾಲ್ಕು ದಿನಗಳಿಂದ ನೋಡುತ್ತಿದ್ದೇನೆ ಅದರ ಬಗ್ಗೆ ಮತ್ತಷ್ಟು ಅಧ್ಯಯನ ನಡೆಸಬೇಕು ಎಂದರು.
ಪೂರ್ಣಚಂದ್ರತೇಜಸ್ವಿಯವರಂತೆ ಅವರಿಗಿದ್ದ ಪರಿಸರ ಕುತೂಹಲವನ್ನು ಗಮನಿಸಿದ ನಾವು ಸಾರ್ ಇದೆಲ್ಲಾ ಹೇಗಾಯ್ತು, ನೀವು ಕಟ್ಟಿದ ತೋಟದ ಬಗ್ಗೆ ಹೇಳ್ತೀರಾ ಅಂತ ಮೊದಲ ಬಾರಿಗೆ ಮಾತಿಗೆಳೆದವು, ಅವರು ಹೇಳುತ್ತಾ ಹೋದರು...
ಇದು ಸಂಪೂರ್ಣ ನೈಸಗರ್ಿಕ ಕೃಷಿ ತೋಟ. ಇಲ್ಲಿ ಮಾನವ ಮತ್ತು ಯಂತ್ರಗಳ ಹಸ್ತಕ್ಷೇಪ ತುಂಬಾ ಕಡಿಮೆ. ಆರಂಭದಲ್ಲಿ ಗಿಡ ನೆಡುವಾಗ ದನದ ಗೊಬ್ಬರದ ಜೊತೆಗೆ ಬೇವಿನ ಹಿಂಡಿ, ಟ್ರೈಕೋಡಮರ್ಾ ಜೀವಾಣುಗಳನ್ನು ಮಿಶ್ರಣಮಾಡಿ ಪ್ರತಿ ಗಿಡಕ್ಕೂ ನೀಡಲಾಗಿದೆ. ನಂತರ ಮಣ್ಣಿಗೆ ಮುಚ್ಚಿಗೆಯಾಗಿ ಉರುಳಿಯನ್ನು ಭಿತ್ತಿ,ಅದು ಹೂವು ಬಿಡುವ ಹಂತದಲ್ಲಿ ಅಲ್ಲೇ ಉಳುಮೆ ಮಾಡಿ ಮಣ್ಣಿಗೆ ಸೇರಿಸುತ್ತಾ ಬಂದೆ.ಭೂಮಿಯಲ್ಲಿ ತೇವಾಂಶ ಕಾಪಾಡಿಕೊಂಡು ಜೀವಾಣುಗಳ ಸಂಖ್ಯೆಯನ್ನು ಹೆಚ್ಚಿಸಲು ಈ ಕ್ರಮ ಅನುಸರಿಸಲಾಯಿತು.
ಕಳೆದ ಐದು ವರ್ಷಗಳಿಂದ ನಮ್ಮ ಭೂಮಿಗೆ ಯಾವುದೇ ವಿಷಕಾರಿ ಪದಾರ್ಥಗಳನ್ನು ಸೇರಿಸಿಲ್ಲ. ನಮ್ಮದು ಸಂಪೂರ್ಣ ಸಾವಯವ ಕೃಷಿ ತೋಟ.ಇಲ್ಲಿ 140 ತೆಂಗು,1200 ಅಡಿಕೆ, 200 ಸಪೋಟ,125 ನಿಂಬೆ,10 ಬಟರ್ ಪ್ರೂಟ್, 15 ಮೂಸಂಬಿ,12 ಕಿತ್ತಳೆ,15 ವಿವಿಧ ತಳಿಯ ಮಾವು, 500 ಮೆಣಸು ಇದರೊಂದಿಗೆ ವಾಣಿಜ್ಯ ಬೆಳೆಗಳಾಗಿ ನುಗ್ಗೆ ಮತ್ತು ಪಪ್ಪಾಯಿ ಗಿಡಗಳನ್ನು ಸಮಿಶ್ರ ಪದ್ಧತಿ ವಿಧಾನದಲ್ಲಿ ಬೆಳೆಯಲಾಗಿದೆ.
ಇದರಿಂದ ಲಕ್ಷಾಂತರ ಆದಾಯ ಬರುತ್ತಿರಬಹುದು ಎನ್ನುವುದು ನಿಮ್ಮ ನಿರೀಕ್ಷೆ ಆಗಿದ್ದರೆ. ಅದು ಸುಳ್ಳು. ಇದುವರೆಗೂ ನಯಾ ಪೈಸೆ ಆದಾಯ ಬಂದಿಲ್ಲ.ಆರೋಗ್ಯ ಮಾತ್ರ ಸುಧಾರಿಸಿದೆ.ಕಳೆದ ಐದು ವರ್ಷದಿಂದ ಇಲ್ಲಿಯವರೆಗೆ ಒಟ್ಟು ಸುಮಾರು 12 ಲಕ್ಷ ರೂಪಾಯಿಗಳನ್ನು ಖಚ್ಚರ್ುಮಾಡಿದ್ದೇನೆ. ಆರಂಭದಲ್ಲಿ ನೀರಿಗಾಗಿ ಒಂದೆರಡು ಬೋರ್ವೆಲ್ ಕೊರೆಸಿದೆ. ನೀರು ಬರಲಿಲ್ಲ. ಕೊನೆಗೆ ಧೈರ್ಯಮಾಡಿ ಮತ್ತೊಂದು ಬೊರ್ವೆಲ್ ಕೊರೆಸಿದೆ. ಅದರಲ್ಲಿ ಸುಮಾರು ಎರಡುವರೆ ಇಂಚು ನೀರು ಬಂತು. ಇಡೀ ನಾಲ್ಕು ಎಕರೆ ತೋಟದಲ್ಲಿ ಬೆಳೆದು ನಿಂತಿರುವ ಸುಮಾರು ಹದಿನೈದು ವಿವಿಧ ಜಾತಿಯ ಗಿಡಮರಗಳಿಗೆ ಈ ಒಂದೇ ಬೋರ್ವೆಲ್ನಿಂದ ಹನಿ ನೀರಾವರಿಯಲ್ಲಿ ನೀರು ಕೊಡುತ್ತಿದ್ದೇನೆ.ಹನಿ ನೀರಾವರಿಗಿಂತ ಸ್ಪಿಂಕ್ಲರ್ ಪದ್ಧತಿ ಅಳವಡಿಸಿಕೊಂಡರೆ ಒಳ್ಳೆಯದು ಎನ್ನುವುದು ಈಗ ಅನುಭವಕ್ಕೆ ಬಂದಿದೆ.
ಸೋಲಾರ್ ಬೇಲಿ ನಿಮರ್ಾಣ.ಬೋರ್ವೆಲ್ ಮತ್ತು ಬೇರೆ ಬೇರೆ ನರ್ಸರಿಗಳಿಂದ ತಂದು ನೆಟ್ಟಗಿಡಗಳು ಎಲ್ಲಾ ಸೇರಿ 12 ಲಕ್ಷ ರೂಪಾಯಿ ವೆಚ್ಚಮಾಡಿದ್ದೇನೆ. ಈ ವರ್ಷದಿಂದ ಆದಾಯ ನಿರೀಕ್ಷೆಮಾಡಬಹುದು ಎಂದು ಕ್ಷೀರಸಾಗರ ನಕ್ಕರು.
ಬಾಳೆ,ಟೊಮಟೋ,ಹರಿಶಿನ ಹೀಗೆ ನಾನಾ ತೋಟಗಾರಿಕೆ ಬೆಳೆದು ಮೂರು ತಿಂಗಳಲ್ಲಿ ಲಕ್ಷಾಂತರ ರೂಪಾಯಿ ಆದಾಯಗಳಿಸುವ ರೈತರ ಬಗ್ಗೆ ಕೇಳಿದ್ದ ನಮಗೆ ಐದು ವರ್ಷಗಳಿಂದಲ್ಲೂ ನಯಾಪೈಸೆ ಆದಾಯ ಇಲ್ಲದೇ ಬೇಸಾಯ ಮಾಡುತ್ತಿರುವ ಸಾಗರ ನಮ್ಮ ಕಣ್ಣಿಗೆ ವಿಚಿತ್ರವಾಗಿ ಕಂಡರು.ಆದಾಯವಿಲ್ಲದ ಬೇಸಾಯ ಯಾಕೆ? ಖುಶಿಗಾಗಿ, ಫ್ಯಾಶನ್ಗಾಗಿ ಕೃಷಿಮಾಡಿದರೆ ರೈತ ಬದುಕಲು ಸಾಧ್ಯವೇ ಎನ್ನುವುದು ನಮ್ಮ ಪ್ರಶ್ನೆಯಾಗಿತ್ತು.
ಕ್ಷೀರಸಾಗರ್ ವಿವರಿಸುತ್ತಾ ಹೋದರು... ನೋಡಿ ನಾಲ್ಕು ಎಕರೆ ಜಮೀನಿನಲ್ಲಿ ಒಂದು ಕುಟುಂಬ ನೆಮ್ಮದಿಯಿಂದ ಜೀವನ ಮಾಡುವಷ್ಟು ಆದಾಯ ಬಂದೇ ಬರುತ್ತದೆ. ಸುಸ್ಥಿರವಾದ ಕೃಷಿಮಾಡುವಾಗ, ಅದರಲ್ಲೂ ಯಾವುದೇ ರಾಸಾಯನಿಕ,ಕ್ರಮಿನಾಶಕಗಳನ್ನು ಬಳಸದೆ, ಹೊರಸುಳಿಗಳ ಹಂಗಿಲ್ಲದೇ ಜಮೀನಿನಲ್ಲೇ ಬೆಳೆದ ಸೆತ್ತೆ ಸೆದೆ, ಹಸಿರು ಗೊಬ್ಬರಗಳನ್ನು ಬಳಸಿಕೊಂಡು ವ್ಯವಸಾಯ ಮಾಡುವಾಗ ತತ್ಕ್ಷಣದ ಲಾಭವನ್ನು ನಿರೀಕ್ಷೆಮಾಡಬಾರದು.
ಹಾಗಂತ ಬೇಸಾಯಮಾಡುವ ಕುಟುಂಬ ನಷ್ಟಮಾಡಿಕೊಂಡು ಕೃಷಿ ಮಾಡಬೇಕಾಗಿಲ್ಲ.ಆರಂಭದಲ್ಲಿ ನಾನು ಕೃಷಿ ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳ ಮಾತು ಕೇಳಿಕೊಂಡು ಆದಾಯದಲ್ಲಿ ನಷ್ಟ ಅನುಭವಿಸಿದೆ.ಬಾಗಲಕೋಟ ಕೃಷಿ ವಿಶ್ವವಿದ್ಯಾನಿಲಯದವರ ನೂತನವಾಗಿ ಸಂಶೋದನೆ ಮಾಡಿದ್ದ ಭಾಗ್ಯ ತಳಿಯ 600 ನುಗ್ಗೆಗಿಡಗಳನ್ನು ನಾಟಿಮಾಡಿದೆ. ಗಿಡಗಳು ತುಂಬಾ ಹುಲುಸಾಗಿ ಚೆನ್ನಾಗಿ ಬಂದವು. ಆದರೆ 600 ಗಿಡದಲ್ಲಿ ಕೇವಲ ಹತ್ತೇ ಹತ್ತು ಗಿಡಗಳು ಮಾತ್ರ ಕಾಯಿ ಬಿಟ್ಟವು. ಹಾಗೇ ಸೂರ್ಯ ತಳಿಯ ಪಪ್ಪಾಯ ಗಿಡಗಳನ್ನು ಬೆಳೆದು ಹಣ್ಣು ಬಿಡದೇ ನಷ್ಟ ಅನುಭವಿಸಿದೆ.ತಳಿಯ ಆಯ್ಕೆಯಲ್ಲಿ ನಾನು ಸ್ವಲ್ಪ ಮುಂಜಾಗ್ರತೆ ವಹಿಸಿದ್ದರೆ ನಷ್ಟ ತಪ್ಪಿಸಿ ಆದಾಯಗಳಿಸಬಹುದಿತ್ತು.
ನನಗೆ ಬಾರಿ ಹೊಡೆತ ಕೊಟ್ಟದ್ದು ಬಾಳೆ. 2000 ಜಿ 9 ತಳಿಯ ಬಾಳೆಯನ್ನು ನಾಟಿಮಾಡಿ,ಸಾವಯವ ಪದ್ಧತಿಯಲ್ಲೇ ಬೆಳೆಸಿದೆ. ಗಿಡಗಳು ಸಮೃದ್ಧವಾಗಿ ಬೆಳೆದು,ಒಂದೊಂದು ಗೊನೆಗಳು ಕನಿಷ್ಠ 25 ರಿಂದ 30 ಕೆಜಿವರೆಗೂ ಬಂದವು. ಆದರೆ ಈ ಬಾರಿ ಮಾರುಕಟ್ಟೆಯಲ್ಲಿ ಪ್ರತಿ ಕೆಜಿ ಬಾಳೆಹಣ್ಣಿಗೆ ಕೇವಲ ಎರಡು ರೂಪಾಯಿ ಬೆಲೆಬಂತು.ಒಂದು ಗೊನೆಯನ್ನು ಕಡಿಯಲು ಆಗುವ ವೆಚ್ಚವೂ ಕೈಗೆ ಬರದಿದ್ದರೆ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗುವುದಾದರೂ ಹೇಗೆ?. ಅದಕ್ಕೆ ಒಂದಷ್ಟು ಗೊನೆಗಳನ್ನು ಗಿರಿಜನ ಮಕ್ಕಳ ಶಾಲೆಗೆ ಕಡಿದು ಸ್ವತಃ ನಾನೇ ತೆಗೆದುಕೊಂಡು ಹೋಗಿ ಕೊಟ್ಟು ಬಂದೆ. ಒಂದಷ್ಟು ಗೊನೆಗಳು ಗಿಡದಲ್ಲೇ ಹಣ್ಣಾಗಿ, ಕೊಳೆತು ಪಕ್ಷಿಗಳಿಗೆ ಆಹಾರವಾಗಿ ಮಣ್ಣಿಗೆ ಸೇರಿ ಒಳ್ಳೆಯ ಗೊಬ್ಬರವಾದವು.
ನೆನಪಿರಲಿ,ನಾನು ಇಡೀ ತೋಟವನ್ನು ನೋಡಿಕೊಳ್ಳಲು ಯಾವುದೇ ಕೂಲಿ ಆಳನ್ನು ಅವಲಂಬಿಸಿಲ್ಲ. ಗಿಡ ನೇಡುವಾಗ, ಗೊಬ್ಬರ ಹಾಕುವಾಗ ಅಗತ್ಯ ಬಿದ್ದಾಗಷ್ಟೇ ಆಳನ್ನು ಕರೆದುಕೊಳ್ಳುತ್ತೇನೆ. ಉಳಿದಂತೆ ತೋಟದಲ್ಲಿ ಮಾನವ ಹಸ್ತಕ್ಷೇಪ ಕಡಿಮೆ. ಶೂನ್ಯ ಬಂಡವಾಳದ ನೈಸಗರ್ಿಕ ಕೃಷಿ ಪ್ರತಿಪಾದಕ ಸುಭಾಷ್ ಪಾಳೇಕರ್ ಅವರ ಪ್ರಭಾವಕ್ಕೆ ಒಳಗಾಗಿ ಆರಂಭದ ಒಂದೆರಡು ವರ್ಷ ಗಿಡಗಳಿಗೆ ಜೀವಾಮೃತ ನೀಡಿದೆ. ನಾನು ಯಾವ ಹಸುಗಳನ್ನು ಇಲ್ಲಿ ಸಾಕದೇ ಇರುವುದರಿಂದ ಅದನ್ನು ಮುಂದುವರಿಸಲು ಕಷ್ಟವಾಗಿ ನಿಲ್ಲಿಸಿಬಿಟ್ಟೆ. ಈಗ ಅಗತ್ಯ ಬಿದ್ದಾಗ ಇಡೀ ತೋಟಕ್ಕೆ ಏಕದಳ, ದ್ವಿದಳ ಧಾನ್ಯಗಳನ್ನು ಮಿಶ್ರಣಮಾಡಿ ಭಿತ್ತಿ, ಅದನ್ನೇ ಹಸಿರು ಗೊಬ್ಬರವಾಗಿ ಪವರ್ ಟಿಲ್ಲರ್ನಿಂದ ಉಳುಮೆಮಾಡಿ ಭೂಮಿಗೆ ಸೇರಿಸಿಬಿಡುತ್ತೇನೆ.ಇದಲ್ಲದೇ ಭೂಮಿಯಲ್ಲಿ ಬೆಳೆಯುವ ಸೆತ್ತೆಸೆದೆ, ಗಿಡಗಳ ಎಲೆ ಎಲ್ಲವನ್ನು ಮಣ್ಣಿಗೆ ಮುಚ್ಚಿಗೆಯಾಗಿ ಬಳಸುತ್ತೇನೆ.ವರ್ಷಕ್ಕೆ ಒಂದು ಬಾರಿ ಕೊಟ್ಟಿಗೆ ಗೊಬ್ಬರ ಖರೀದಿಸಿ ಅದಕ್ಕೆ ಬೇವಿನಹಿಂಡಿ, ಟ್ರೈಕೋಡಮರ್ಾ ಜೀವಾಣುಗಳನ್ನು ಮಿಶ್ರಣಮಾಡಿ ಪ್ರತಿ ಗಿಡಗಳಿಗೂ ಕೊಡುತ್ತೇನೆ. ಉಳಿದಂತೆ ಇಲ್ಲಿ ಯಾವುದೇ ಕೆಲಸಗಳು ನಡೆಯುವುದಿಲ್ಲ.
ಈ ವರ್ಷದಿಂದ ಆದಾಯದ ನಿರೀಕ್ಷೆ ಇದೆ. ಪಚ್ಚಾಬಾಳೆ ಎರಡನೇ ಕೂಳೆಗೆ ಏನು ಖಚರ್ುಮಾಡದಿದ್ದರು ಚೆನ್ನಾಗಿದೆ. ಈ ಬಾರಿ ಕನಿಷ್ಟ ಕೆಜಿಗೆ 10 ರಿಂದ 12 ರೂಪಾಯಿ ಸಿಕ್ಕರೂ ಮೂರು ಲಕ್ಷ ರೂಪಾಯಿ ಆದಾಯ ಗ್ಯಾರಂಟಿ. ತೆಂಗು, ಅಡಿಕೆ, ನಿಂಬೆ, ಮೂಸಂಬಿ ಹೀಗೆ ನಾನಾ ಜಾತಿಯ ಹಣ್ಣಿನ ಗಿಡಗಳು ಉತ್ತಮ ಫಸಲು ಬಿಟ್ಟಿದ್ದು ಇವು ಇನ್ನುಮುಂದೆ ನಿರಂತರವಾಗಿ ಆದಾಯ ತಂದು ಕೊಡುವ ಮೂಲಗಳಾಗಿವೆ.
ನಮ್ಮ ರೈತರು ಕನಿಷ್ಟ ಐದು ವರ್ಷ ಹೆಚ್ಚಿನ ಆದಾಯ ನಿರೀಕ್ಷೆ ಮಾಡದೆ,ನೆಮ್ಮದಿಯ ಬದುಕಿಗಾಗುಷ್ಟು ಉತ್ಪನ್ನಗಳನ್ನಾ ಬೆಳೆದುಕೊಂಡು ಹೀಗೆ ಮಿಶ್ರ ಪದ್ಧತಿಯಲ್ಲಿ ಬೇಸಾಯ ಕ್ರಮ ರೂಢಿಸಿಕೊಂಡರೆ ಸುಸ್ಥಿರವಾದ ಬದುಕು ಕಟ್ಟಿಕೊಳ್ಳಬಹುದು. ಕಡಿಮೆ ಖಚರ್ುಮಾಡಿ, ನಿರಂತರವಾಗಿ ಆದಾಯಗಳಿಸುತ್ತಾ ಹೋಗಬಹುದು.ವಿಷಮುಕ್ತ ಆಹಾರ ಬೆಳೆಯುವ ಮೂಲಕ ಪರಿಸರವನ್ನು ಕಾಪಾಡಿಕೊಂಡು,ಉತ್ತಮ ಆರೋಗ್ಯವನ್ನು ಪಡೆಯಬಹುದು. ತಾವು ಬೇಸಾಯ ಮಾಡುವ ಭೂಮಿಯಲ್ಲಿ ಬೆಳೆಯಬಲ್ಲಂತಹ ಹಲವು ಬೆಳೆಗಳನ್ನು ಸಂಯೋಜಿಸಿ ಮಿಶ್ರ ಪದ್ಧತಿಯಲ್ಲಿ, ನೈಸಗರ್ಿಕ ವಿಧಾನದಿಂದ ಬೆಳೆದಾಗ ಮಾತ್ರ ರೈತ ಸಾಲಮುಕ್ತನಾಗಿ ನೆಮ್ಮದಿ ಕಂಡುಕೊಳ್ಳಬಹುದು ಎನ್ನುವುದು ಕ್ಷೀರಸಾಗರ ಅವರ ದೃಢವಾದ ಮಾತು. ಹೆಚ್ಚಿನ ಮಾಹಿತಿಗಾಗಿ 9481321246 ಸಂಪಕರ್ಿಸಬಹುದು.                                                     ಚಿನ್ನಸ್ವಾಮಿವಡ್ಡಗೆರ 

ಬರದ ನಾಡಲ್ಲಿ ಮಲೆನಾಡು ಸೃಷ್ಠಿಸಿದ "ವೀರ" ರಾಜು

ನಂಜನಗೂಡು : ಆಧುನಿಕ ಕೃಷಿ ಹಲವು ವಿಕಾರಗಳನ್ನು ತನ್ನ ಒಡಲಲ್ಲಿ ಬಚ್ಚಿಟ್ಟುಕೊಂಡಿದೆ.ಕುಲಾಂತರಿ ಬೀಜಗಳನ್ನು ತಂದು ಭಿತ್ತನೆ ಮಾಡುವ ರೈತ ತನಗರಿವಿಲ್ಲದಂತೆ ರಾಸಾಯನಿಕ ಗೊಬ್ಬರ, ಕ್ರಿಮಿನಾಶಕ ಕಂಪನಿಗಳ ಕಪಿಮುಷ್ಠಿಗೆ ಸಿಲುಕಿಕೊಳ್ಳುತ್ತಾನೆ. ಹಸಿರು ಕ್ರಾಂತಿ ಪ್ರಣೀತ ಕೃಷಿ ಹೊರಸುಳಿಗಳನ್ನು ಬೇಡುತ್ತಾ ಹೋಗಿ ಕೊನೆಗೆ ರೈತನ ನಾಶಕ್ಕೆ ಕಾರಣವಾಗುತ್ತದೆ.

ನೈಸಗರ್ಿಕ ಕೃಷಿ ಯಾವುದನ್ನು ಹೊರಗಿನಿಂದ ಬೇಡುವುದಿಲ್ಲ. ಇಲ್ಲ ನಾವು ಕಳಚುತ್ತಾ ಹೋಗಬೇಕಾಗುತ್ತದೆ. ಗೊಬ್ಬರ, ಮಾನವ ಶ್ರಮ ಹೀಗೆ ಒಂದೊಂದರ ಬಳಕೆಯನ್ನು ಕಡಿಮೆ ಮಾಡುತ್ತಾ ಹೋಗಬೇಕಾಗುತ್ತದೆ. ಕೃಷಿಯಲ್ಲಿ ಮಾನವ ಶ್ರಮವನ್ನು ಕಡಿಮೆ ಮಾಡುವುದಕ್ಕೆ ನಮ್ಮ ಮೊದಲ ಆದ್ಯತೆ ಎಂದರು ಯಶಸ್ವಿ ನೈಸಗರ್ಿಕ ಕೃಷಿಕ ಎಂ.ಆರ್.ವೀರರಾಜು.

ಎಲ್ಲಡೆ ಬಿಸಿಲಿನ ತಾಪ ಜನ ಜಾನುವಾರುಗಳನ್ನು ಹೈರಾಣಗಿಸಿದೆ. ಏಪ್ರಿಲ್ ತಿಂಗಳು ಕಳೆದು ಮೇ ಆರಂಭವಾದರು ವರುಣನ ಆಗಮನವಾಗಿರಲಿಲ್ಲ. ಬೆಳಗ್ಗೆ ಹತ್ತು ಗಂಟೆಯಿಂದಲ್ಲೇ ನೆತ್ತಿಗೆ ಕುಕ್ಕುವ ರಣ ಬಿಸಿಲಿಗೆ ಜನ ಬೀದಿಗೆ ಬರಲು ಹೆದರುವ ಪರಿಸ್ಥಿತಿ ಇತ್ತು.

ಅಂತಹ ಕಡು ಬೇಸಿಗೆಯಲ್ಲೂ ಅವರ ತೋಟ ಹಚ್ಚ ಹಸಿರಿನಿಂದ ಕಂಗೊಳಿಸುತ್ತಿತ್ತು. ನಂಜನಗೂಡು ತಾಲೂಕಿನಂತಹ ಅರೆಮಲೆನಾಡು ಪ್ರದೇಶದಲ್ಲಿರುವ ತೋಟಕ್ಕೆ ಹೋದರೆ ಮಲೆನಾಡಿಗೆ ಹೋದ ಅನುಭವ. ತೆಂಗು, ಅಡಿಕೆ,ಬಾಳೆ, ಕಾಫಿ,ವೀಳ್ಯದೆಲೆ,ಕೋಕೋ ಕಾಡಿನಂತಿರುವ ತೋಟದಲ್ಲಿ ನಡೆದರೆ ಮೃದುವಾದ ಸ್ಪಾಂಜಿನಂತಹ ಮಣ್ಣು ಹಿತಕರ ಅನುಭವ ನೀಡುತ್ತದೆ.

ಭತ್ತ ಬೆಳೆದು ಸತ್ವ ಕಳೆದುಕೊಂಡಿದ್ದ ಭೂಮಿಯ ಪ್ರತಿ ಕಣ ಕಣವೂ ಇಂದು ಸತ್ವಭರಿತವಾಗಿದೆ. ಈಗ ಅಲ್ಲಿ ತೆಂಗು, ಅಡಿಕೆ, ಕಾಫಿಯಂತಹ ವಾಣಿಜ್ಯ ಬೆಳೆಗಳನ್ನು ಬೆಳೆಯಲಾಗಿದೆ.ಇಂತಹ ಮಲೆನಾಡು ವಾತಾವರಣವನ್ನು ಸೃಷ್ಟಿಸುವಲ್ಲಿ ಕೃಷಿ ಸಾಧಕ ವೀರರಾಜು ಅವರ ಪರಿಶ್ರಮ ಕಣ್ಣಿಗೆ ಕಾಣುತ್ತದೆ. 

ಕೃಷಿಯ ಬಗ್ಗೆ ಅವರಿಗಿರುವ ಪ್ರೀತಿ ಮತ್ತು ಕಾಳಜಿಯಿಂದಾಗಿ ಈಗ ಅಲ್ಲೊಂದು ದ್ವೀಪದಂತಹ ಮಲೆನಾಡೇ ನಿಮರ್ಾಣವಾಗಿದೆ. ವೀರರಾಜು ಅವರು ಮೂಲತಃ ಟಿ.ನರಸೀಪುರ ತಾಲೂಕು ಮಾಡ್ರಹಳ್ಳಿಯವರು. ಪ್ರೊ.ನಂಜುಂಡಸ್ವಾಮಿಯವರ ಸಹೋದರ ಎಂ.ರಾಜಶೇಖರ್ (ಬೆಮೆಲ್ನ ನವೃತ್ತ ಎಜಿಎಂ) ಇವರ ತಂದೆ,ತಾಯಿ ರತ್ನಮ್ಮ. ನಂಜನಗೂಡಿನಿಂದ ಮುಂದೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಲಕ್ಕೆ ತಿರುಗಿಕೊಂಡರೆ ಅರತಲೆ ಎಂಬ ಊರು. ಅಲ್ಲಿ ತಮ್ಮ ಪಾಲಿಗೆ ಬಂದ ಆರು ಎಕರೆ ಗದ್ದೆಯಲ್ಲಿ ಸುಂದರವಾದ ನಿರಂತರ ಆದಾಯತರಬಲ್ಲ ತೋಟವನ್ನು ಕಟ್ಟಿದ್ದಾರೆ.ಮಳೆಗಾಲದಲ್ಲಿ ನೀರಿಗೆ ತೊಂದರೆಯಿಲ್ಲ. ಬೇಸಿಗೆಯಲ್ಲಿ ಇರುವ ಎರಡು ಬೋರ್ವೆಲ್ಗಳಿಂದ ಒಂದುವರೆ ಇಂಚು ನೀರು ಲಭ್ಯ.

275 ತೆಂಗಿನ ಮರಗಳಿಂದ ವಾಷರ್ಿಕ ನಲವತ್ತು ಸಾವಿರ ಕಾಯಿ ಬೀಳುತ್ತವೆ, 500 ಅಡಿಕೆಗಿಡಗಳಿಂದ ವಾಷರ್ಿಕ ಆರರಿಂದ ಏಳು ಕ್ವಿಂಟಾಲ್ ಅಡಿಕೆ ಸಿಗುತ್ತಿದ್ದು ಒಳ್ಳೆಯ ಆದಾಯಗಬರುತ್ತದೆ.ಮಿಶ್ರಬೆಳೆಯಾಗಿ ಬಾಳೆ, ಕೋಕೋ, ಕಾಫಿ ಬೆಳೆಯಲಾಗಿದ್ದು ಈಗ ನಿರಂತರ ಆದಾಯಕ್ಕಾಗಿ ವೀಳ್ಯದೆಲೆಯನ್ನು ನಾಟಿಮಾಡಲಾಗುತ್ತಿದೆ.ತಮ್ಮ ತೋಟದಲ್ಲಿ ಹಾಕಿರುವ ಯಾವುದೇ ಅಡಿಕೆ ಗಿಡಗಳನ್ನು ನರ್ಸರಿಯಿಂದ ಖರೀದಿಮಾಡಿಲ್ಲ.ತಾವು ನೋಡಿದ ಫಲಭರಿತವಾದ ಅಡಿಕೆಮರಗಳಿಂದ ಕಾಯಿಗಳನ್ನು ತಂದು ನರ್ಸರಿಮಾಡಿಕೊಂಡು ನಾಟಿಮಾಡಿಕೊಂಡಿದ್ದಾರೆ.

ಆರಂಭದಿಂದಲ್ಲೂ ರಾಸಾಯನಿಕ ಕೃಷಿಯಿಂದ ದೂರವೇ ಇರುವ ವೀರರಾಜು ಕೊಟ್ಟಿಗೆ ಗೊಬ್ಬರ ಮತ್ತು ಕೃಷಿ ತ್ಯಾಜ್ಯವನ್ನೇ ಬಳಸಿ ಕೃಷಿಮಾಡುತ್ತಾ ಬಂದಿದ್ದರು. ರಾಜ್ಯದಲ್ಲಿ ನೈಸಗರ್ಿಕ ಕೃಷಿಕ ಸುಭಾಶ್ ಪಾಳೇಕರ್ ಕೃಷಿ ಪರಿಚಿತವಾಗುತ್ತಿದ್ದಂತೆ, ಪಾಳೇಕರ್ ಮಾದರಿಯತ್ತ ಆಕಷರ್ಿತರಾದರು. ಇದಕ್ಕಾಗಿ ಮೈಸೂರು, ಅರಸೀಕೆರೆ, ಬೆಂಗಳೂರು ಹೀಗೆ ನಾನಾ ಕಡೆ ನಡೆದ ಪಾಳೇಕರ್ ಅವರ ಶೂನ್ಯ ಬಂಡವಾಳ ಕೃಷಿ ಕಾರ್ಯಾಗಾರಗಳಲ್ಲಿ ಭಾಗವಹಿಸಿ ನೈಸಗರ್ಿಕ ಕೃಷಿಯ ಬಗ್ಗೆ ಅರಿವು ಮೂಡಿಸಿಕೊಂಡರು.

ಪಾಳೇಕಾರ್ ಮಾದರಿ ಕೃಷಿಮಾಡಲು ನಾಟಿತಳಿಯ ದೇಸಿ ಹಸುಗಳನ್ನೇ ಸಾಕಬೇಕು ಎನ್ನುವ ವೀರರಾಜು ತಮ್ಮ ಆರು ಎಕರೆ ಜಮೀನಿಗೆ ಆರು ಹಸುಗಳಿಂದ ಬರುವ ಗೋಮೂತ್ರ ಮತ್ತು ಸಗಣಿಯೇ ಸಾಕಾಗುತ್ತಿದೆ. ಆರಂಭದಲ್ಲಿ ತಮಿಳುನಾಡಿನ ಗುಂಟಾಪುರದಿಂದ ನಾಲ್ಕು ನಾಟಿ ಹಸುಗಳನ್ನು ತಲಾ ಐದು ಸಾವಿರ ರೂಪಾಯಿ ಕೊಟ್ಟು ತರಲಾಗಿತ್ತು. ಈಗ ಅವುಗಳ ಸಂಖ್ಯೆ ಆರಾಗಿದೆ.ಅದರಲ್ಲಿ ಎರಡು ಸಧ್ಯ  ಗರ್ಭಧರಿಸಿವೆ. ಇವುಗಳನ್ನು ನಾವು ಹಾಲಿಗಾಗಿ ಸಾಕಿಲ್ಲ ತೋಟಕ್ಕೆ ಬೇಕಾದ ಜೀವಾಮೃತ ತಯಾರುಮಾಡಿಕೊಳ್ಳುವುದಕ್ಕೆ ಮೊದಲ ಆದ್ಯತೆ ನಂತರ ಹಾಲು, ಮೊಸರು, ತುಪ್ಪಕ್ಕಾಗಿಯೂ ಬಳಸಿಕೊಳ್ಳುತ್ತೇವೆ ಎನ್ನುತ್ತಾರೆ.

ದೊಡ್ಡಹೊಟ್ಟೆ,ಸಣ್ಣಹೊಟ್ಟೆ : ಜಸರ್ಿ ಮತ್ತು ಎಚ್ಎಫ್ ಹಸುಗಳು ಗಾತ್ರದಲ್ಲಿ ದೊಡ್ಡವು. ಅವುಗಳಿಗೆ ದೊಡ್ಡ ಹೊಟ್ಟೆ. ಗಾತ್ರಕ್ಕೆ ತಕ್ಕಂತೆ ಆಹಾರ ಕೊಡಬೇಕು.ಅದಕ್ಕಾಗಿಯೇ ಮೇವು ಬೆಳೆದುಕೊಳ್ಳಬೇಕು. ಅಷ್ಟೇ ಅಲ್ಲದೆ, ಅವುಗಳಿಗೆ ರೋಗನಿರೋಧಕ ಶಕ್ತಿಯೂ ಕಡಿಮೆ. ಅವು ನೀಡುವ ಸಗಣಿ ಮತ್ತು ಮೂತ್ರದಲ್ಲಿ ಜೀವಾಣುಗಳ ಸಂಖ್ಯೆ ಅತಿ ಕಡಿಮೆ. ಇದರಿಂದಾಗಿ ಇವುಗಳ ತ್ಯಾಜ್ಯದಿಂದ ಮಣ್ಣಿಗೆ ಬೇಕಾದ ಪೋಷಕಾಂಶಗಳು ಸಿಗುವುದಿಲ್ಲ.

ನಮ್ಮದೇ ದೇಸಿ ತಳಿಯ ದನಗಳಾದೆ ಸಣ್ಣ ಹೊಟ್ಟೆ ಹೊಂದಿರುತ್ತವೆ.ರೋಗ ನಿರೋಧಕ ಶಕ್ತಿಯೂ ಅಧಿಕವಾಗಿರುತ್ತದೆ.ಕಡಿಮೆ ಮೇವು ತಿಂದು ಪೌಷ್ಠಿಕವಾದ ಹಾಲನ್ನು ನೀಡುತ್ತವೆ. ಇವುಗಳ ಸಗಣಿ ಮತ್ತು ಮೂತ್ರದಲ್ಲಿ ಕೋಟ್ಯಾಂತರ ಜೀವಾಣುಗಳು ಇದ್ದು ಇದರಿಂದ ಜೀವಾಮೃತ ಮಾಡಿಕೊಳ್ಳುವುದರಿಂದ ಮಣ್ಣಿಗೆ ಬೇಕಾದ ಎಲ್ಲಾ ರೀತಿಯ ಪೋಷಕಾಂಶಗಳು ದೊರೆಯುತ್ತವೆ. ಎರಡು ದೇಸಿ ಹಸು ಸಾಕುವುದರಿಂದ ಇಪ್ಪತ್ತು ಎಕರೆ ಜಮೀನನ್ನು ಸುಲಭವಾಗಿ ನಿರ್ವಹಿಸಬಹುದು ಎನ್ನುತ್ತಾರೆ.

ಸ್ಪಿಂಕ್ಲರ್ ಉತ್ತಮ: ನೈಸಗರ್ಿಕ ಕೃಷಿಯಲ್ಲಿ ಜೀವಾಮೃತ ಬಳಸಿ ಬೇಸಾಯಮಾಡಲು ಹನಿ ನೀರಾವರಿಗಿಂತ ಸ್ಪಿಂಕರ್ ಸಿಸ್ಟಂ ಒಳ್ಳೆಯದು. ಹನಿ ನೀರಾವರಿ ಪದ್ಧತಿ ಅಳವಡಿಸುವುದರಿಂದ ಮಿಶ್ರ ಬೇಸಾಯ ಕಷ್ಟ. ಸ್ಪಿಂಕ್ಲರ್ ಬಳಸಿ ಜೀವಾಮೃತ ನೀಡುವುದರಿಂದ ಇಡೀ ತೋಟದ ಮಣ್ಣು ಸತ್ವಯುತವಾಗುತ್ತದೆ.ಎಲ್ಲಕ್ಕಿಂತ ಮುಖ್ಯವಾಗಿ ಕಡಿಮೆ ಮಾನವ ಶ್ರಮವನ್ನು ಬೇಡುತ್ತದೆ. ನೂರಾರು ತೋಟಗಳನ್ನು ಸುತ್ತಿ ಬಂದಿರುವ ವೀರರಾಜು ಕೊನೆಗೆ ಅನುಸರಿಸುತ್ತಿರುವುದು ತಮಿಳುನಾಡಿನ ತಾಳವಾಡಿ ಬಳಿ ಇರುವ ಕಲ್ಲುಬಂಡಿಪುರದ ನೈಸಗರ್ಿಕ ಕೃಷಿಕ ಶಕ್ತಿವೇಲು ಮಾದರಿ. ಕಳೆದ ಎರಡು ವರ್ಷಗಳಿಂದ ಶಕ್ತಿವೇಲು ಮಾದರಿಯಲ್ಲಿ ತೋಟಕ್ಕೆ ಜೀವಾಮೃತ ಕೊಡುತ್ತಿದ್ದು ಇದರಿಂದಾಗಿ ತೋಟ ಸದಾ ಹಸಿರಿನಿಂದ ಕೂಡಿದ್ದು ತೇವಾಂಶವನ್ನು ಕಾಪಾಡಿಕೊಳ್ಳುವ ಶಕ್ತಿಯನ್ನು ಬೆಳೆಸಿಕೊಂಡಿದೆ ಎನ್ನುತ್ತಾರೆ.

ಶಕ್ತಿವೇಲು ತಮ್ಮ 15 ಎಕರೆ ತೋಟದಲ್ಲಿ ನೈಸಗರ್ಿಕ ಕೃಷಿಮಾಡುತ್ತಿದ್ದು, ಕಡಿಮೆ ನೀರು ಮತ್ತು ಕಡಿಮೆ ಮಾನವ ಶ್ರಮವನ್ನು ದಕ್ಷತೆಯಿಂದ ಬಳಸಿಕೊಂಡಿದ್ದು ಪ್ರತಿಯೊಬ್ಬ ರೈತರಿಗೆ ಮಾದರಿಯಾಗುವಂತಿದೆ ಎನ್ನುವ ವೀರರಾಜು, ಸುಭಾಶ್ ಪಾಳೇಕರ್ ಅವರ ಮಾದರಿಯೊಂದಿಗೆ ತಾವು ಕಟ್ಟೆಮಳಲವಾಡಿಯ ಎ.ಪಿ.ಚಂದ್ರಶೇಖರ್ ಮತ್ತು ಶಕ್ತಿವೇಲು ಅವರ ಕೃಷಿ ವಿಧಾನಗಳನ್ನು ಅಳವಡಿಸಿಕೊಂಡಿರುವುದಾಗಿ ಹೇಳುತ್ತಾರೆ. ತಮ್ಮ ಜೊತೆ ತೋಟದಲ್ಲಿ ಇಬ್ಬರು ಕಾಮರ್ಿಕರು ಕೆಲಸಮಾಡುತ್ತಾರೆ.ಮಳೆಕಾಲದಲ್ಲಂತೂ ನಮಗೆ ಕೆಲಸವೇ ಇರುವುದಿಲ್ಲ.ಅಷ್ಟರಮಟ್ಟಿಗೆ ನಾವು ಮಾನವ ಶ್ರಮವನ್ನು ಕಡಿಮೆಮಾಡಿಕೊಂಡಿದ್ದೇವೆ ಎನ್ನುತ್ತಾರೆ.

ಮೌಲ್ಯವರ್ಧನೆಯಿಂದ ಆದಾಯ : ಎಳನೀರು ಮತ್ತು ತೆಂಗಿನ ಕಾಯಿಗಳನ್ನು ವೀರರಾಜು ಮಾರಾಟಮಾಡುವುದಿಲ್ಲ. ತೆಂಗನ್ನು ಕೊಬ್ಬರಿ ಮಾಡಿ ನಂತರ ಮಾರಾಟಮಾಡುತ್ತಾರೆ.ತೆಂಗಿನ ಕರಟದಿಂದ ಇದ್ದಿಲು ಮಾಡುತ್ತಾರೆ. ಇದ್ದಿಲ್ಲನ್ನು ಚಿನ್ನಬೆಳ್ಳಿ ವ್ಯಾಪಾರಗಾರರು ತೋಟಕ್ಕೆ ಬಂದು ಖರೀದಿ ಮಾಡುತ್ತಾರೆ. ಇದರಿಂದಲ್ಲೂ ಒಳ್ಳೇಯ ಆದಾಯ ಬರುತ್ತದೆ.

ತೆಂಗಿನ ನಾರು ಮತ್ತು ಬಿದ್ದ ಸೋಗನ್ನು ಮಣ್ಣಿಗೆ ಮುಚ್ಚುಗೆಯಾಗಿ ಬಳಸಿ ತೋಟದಲ್ಲಿ ಸದಾ ತೇವಾಂಶವನ್ನು ಕಾಪಾಡಿಕೊಳ್ಳಲಾಗುತ್ತದೆ. ಏನೇ ಜೀವಾಮೃತ ನೀಡಿದರೂ ಮಣ್ಣಿಗೆ ಬೇಕಾದ ಪೋಷಕಾಂಶಗಳು ಸಿಗಬೇಕಾದರೆ ದ್ವಿದಳ ಮತ್ತು ಎಕದಳ ಧಾನ್ಯಗಳನ್ನು ಬೆಳೆಯಲೇ ಬೇಕು ಎನ್ನುವ ವೀರರಾಜು ,ಅದಕ್ಕಾಗಿಯೇ ನಮ್ಮಲ್ಲಿ ಯಾವುದೇ ಶುಭಸಮಾರಂಭ ನಡೆದರೂ ಏಕದಳ ಮತ್ತು ದ್ವಿದಳ ಧಾನ್ಯಗಳನ್ನು ಮಿಶ್ರಣ ಮಾಡಿ ಮೊಳಕೆಬರಿಸಿ ಪೂಜೆಗೆ ಬಳಸುವಮೂಲಕ ಅದರ ಮಹತ್ವವನ್ನು ತಿಳಿಸುತಿದ್ದರು. ನಮಗೆ ಇದು ಅರ್ಥವಾಗುತ್ತಿಲ್ಲ.

ನೈಸಗರ್ಿಕ ಕೃಷಿಯಲ್ಲಿ ಜೀವಾಮೃತ ಬಲಸುವುದರಿಂದ ಆರಂಭದಲ್ಲಿ ಕಳೆ ಹೆಚ್ಚಾಗಿ ಬರುವುದು ಸಹಜ. ಅದಕ್ಕಾಗಿ ಕಳೆ ಕೊಚ್ಚುವ ಯಂತ್ರವನ್ನು ಬಳಸಿಕೊಳ್ಳುತ್ತೇವೆ.ಸಾಧ್ಯವಾದಷ್ಟು ಮಾನವ ಶ್ರಮವನ್ನು ಕಡಿಮೆ ಮಾಡುವುದರಿಂದ ಮಾತ್ರ ಕೃಷಿ ಕ್ಷೇತ್ರ ಉಳಿಯಬಲ್ಲದು, ಬೆಳೆಯಬಲ್ಲದು ಎನ್ನುತ್ತಾರೆ. ಆಸಕ್ತರು 8762277017 ಇವರನ್ನು ಸಂಪಕರ್ಿಸಬಹುದು 

ಅಮೃತ ಭೂಮಿಯಲ್ಲಿ ನವೀನ ಕೃಷಿ

ಚಾಮರಾಜನಗರ : ಹಳ್ಳಿಗಳು ವೃದ್ಧಾಶ್ರಮಗಳಾಗುತ್ತಿವೆ. ವಿದ್ಯಾವಂತ ಹುಡುಗರನ್ನು ಹಿರಿಯರು ಬಲವಂತವಾಗಿ ನಗರಕ್ಕೆ ನೂಕುತ್ತಿದ್ದಾರೆ.ತಲೆಮಾರುಗಳ ಅಂತರದಿಂದ ನಮ್ಮ ಕೃಷಿ ಹಳಿತಪ್ಪಿದೆ.ಕಲಿತ ಯುವಕರು ವ್ಯವಸಾಯದ ರೀತಿರಿವಾಜುಗಳನ್ನು ಅರಿತುಕೊಂಡು ಮರಳಿ ಹಳ್ಳಿಗೆ ಬಂದಾಗ ಮಾತ್ರ ಪರಿಸರವೂ ಉಳಿದು,ನಾವು ನೆಮ್ಮದಿಯ ಬದುಕು ಕಟ್ಟಿಕೊಳ್ಳಬಹುದು....ಹೀಗೆ ಎದುರಿಗೆ ಕುಳಿತ ಹುಡುಗ ಹೇಳುತ್ತಾಹೋದ. ನಮ್ಮ ಮತ್ತು ಅವನ ಎದುರು ಕಳೆದ ಆರು ತಿಂಗಳಿನಲ್ಲಿ ಅವನು ರೂಪಿಸಿದ ತೋಟ ಏಪ್ರಿಲ್ನ ಬಿರು ಬೇಗೆಯಲ್ಲೂ ಹಚ್ಚ ಹಸಿರು ತುಂಬಿಕೊಂಡು ನಗುತ್ತಿತ್ತು.
ಸುಸ್ಥಿರ ಕೃಷಿಯ ಮಾದರಿಗಳನ್ನು ಹುಡುಕಿಕೊಂಡು ಹೊರಟ ನಾವು ಬಂದು ನಿಂತಿದ್ದು ಚಾಮರಾಜನಗರದಿಂದ 13 ಕಿ.ಮೀ.ದೂರದ ವಂಡರಬಾಳುವಿನಲ್ಲಿದ್ದ ಅಂತರ ರಾಷ್ಟ್ರೀಯ ಸುಸ್ಥಿರ ಅಭಿವೃದ್ಧಿ ಕೇಂದ್ರ ಫ್ರೊಫೆಸರ್ ಎಂ.ಡಿ.ನಂಜುಂಡಸ್ವಾಮಿಯವರ ಮಹಾ ಕನಸಿನ "ಅಮೃತ ಭೂಮಿ' ಗೆ. ಬರದ ನಾಡಿನಲ್ಲಿ ಬದುಕುಳಿಯಬಲ್ಲ ಕೃಷಿ ಮಾದರಿಗಳು ನಮಗೆ ಬೇಕಿತ್ತು. ನಮ್ಮ ಸಾವಿರಾರು ಕಿ. ಮೀ ಪಯಣದಲ್ಲಿ ಅಲ್ಲಲ್ಲಿ ನಮ್ಮ ನಾಡಿನ ಯುವಕರು ಮಳೆಯಾಶ್ರಯದಲ್ಲಿ ಕಡಿಮೆ ನೀರು ಬಳಸಿ ಮಿಶ್ರ ಬೇಸಾಯ ಮಾಡುತ್ತಾ, ಹೊಸ ಹೊಸ ಪ್ರಯೋಗಗಳೊಂದಿಗೆ, ಬರದಲ್ಲೂ ಬದುಕುವ ಪಯರ್ಾಯವನ್ನು ಕಟ್ಟಿಕೊಡುತ್ತಿರುವುದು ಕಂಡುಬಂತು.
ಪ್ರೊ.ಎಂ,ಡಿ.ನಂಜುಂಡಸ್ವಾಮಿಯವರು ಅಮೃತಭೂಮಿಯನ್ನು ದೇಸಿತಳಿಯ ಬೀಜಗಳ ಸಂರಕ್ಷಣ ಕೇಂದ್ರವಾಗಿ ಮಾಡುವ ಮಹಾ ಕನಸಿನೊಂದಿಗೆ ಆರಂಭಮಾಡಿದ್ದರು. ಈಗ ಅಲ್ಲಿ ಸದ್ದಿಲ್ಲದೆ ನಾಟಿ ತಳಿಯ ಬೀಜಬ್ಯಾಂಕ್ ಕೆಲಸಮಾಡುತ್ತಿದೆ. ರೈತರಿಗೆ ಇತರ ಕಡೆಗಿಂತ ಕಡಿಮೆ ದರದಲ್ಲಿ ನಾಟಿ ತಳಿಯ ಬೀಜಗಳನ್ನು ಮಾರಾಟಮಾಡುವ ಮೂಲಕ ಅವರನ್ನು ಸ್ವಾವಲಂಭಿ ಕೃಷಿಕರನ್ನಾಗಿ ಮಾಡಲು ಚುಕ್ಕಿನಂಜುಂಡಸ್ವಾಮಿ ಶ್ರಮಿಸುತ್ತಿದ್ದಾರೆ. ಇವರ ಕನಸನ್ನು ಸಾಕಾರಮಾಡಲು ಉತ್ಸಾಹಿ ಯುವಕರ ತಂಡವೊಂದು ಅಲ್ಲಿ ಕೃಷಿನಿರತವಾಗಿದೆ.
ಅಂತಹ ತಂಡದ ಒರ್ವ ಯುವಕ ನವೀನ್. ಮೈಸೂರಿನ ಮಹಾರಾಜ ಕಾಲೇಜಿನಲ್ಲಿ ಪತ್ರಿಕೋದ್ಯಮ,ಇಂಗ್ಲೀಷ್ ಸಾಹಿತ್ಯ ಮತ್ತು ಸೈಕಾಲಜಿ ವಿಷಯದಲ್ಲಿ ಪದವಿ ಮುಗಿಸಿರುವ ನವೀನ್ ಕುಮಾರ್ ಬಿ.ಐ. ಮನಸ್ಸು ಮಾಡಿದ್ದರೆ ಪತ್ರಕರ್ತನಾಗಿ ಅಥವಾ ಯಾವುದಾದರೂ ಕಂಪನಿಯಲ್ಲಿ ನೌಕರಿಗೆ ಸೇರಬಹುದಿತ್ತು. ಆದರೆ ಕೃಷಿಯ ಮೇಲಿನ ಕಾಳಜಿ ಮತ್ತು ಮಣ್ಣಿನ ಮೇಲಿನ ಪ್ರೀತಿ ಅವನನ್ನು ಒಬ್ಬ ಕೃಷಿ ಪಂಡಿತನನ್ನಾಗಿಮಾಡಿದೆ.
ಕೇವಲ ಒಂದು ಎಕರೆ ಹತ್ತು ಗುಂಟೆ ಪ್ರದೇಶದಲ್ಲಿ ನವೀನ್ ಮಾಡುತ್ತಿರುವ ಬೇಸಾಯ ಕೃಷಿ ಪಯರ್ಾಯಗಳನ್ನು ಹುಡುಕುತ್ತಿರುವವರಿಗೆ ಮಾದರಿಯಗಬಲ್ಲದು.
ಆಯಾಯ ಸಮಯದಲ್ಲಿ ಬೆಳೆಯುವ ಬೆಳೆಗಳ ಜತೆಗೆ ದೀರ್ಘಕಾಲ ಇದ್ದು ಆದಾಯ ತಂದು ಕೊಡಬಲ್ಲಂತಹ ಬಾಳೆ, ಅರಿಶಿನ, ಶುಂಠಿಯಂತಹ ವಾಣಿಜ್ಯ ಬೆಳೆಗಳನ್ನು ಸಂಯೋಜನೆಮಾಡಿ ಬೆಳೆದಿರುವುದು ಅಚ್ಚರಿ ಮೂಡಿಸುತ್ತದೆ. ಇದೆಲ್ಲದ್ದರಿಂದ ವಾಷರ್ಿಕ ಮೂರು ಲಕ್ಷ ರೂಪಾಯಿ ಆದಾಯ ನಿರೀಕ್ಷಿಸಿರುವ ನವೀನ್, ಕಡಿಮೆ ನೀರು ಮತ್ತು ಅತಿ ಕಡಿಮೆ ಹಣ ವೆಚ್ಚಮಾಡಿ ಒಂದು ಸಣ್ಣ ಕುಟುಂಬ ನೆಮ್ಮದಿಯಾಗಿ ಬದುಕು ಕಟ್ಟಿಕೊಳ್ಳಬಹುದಾದ ಮಾದರಿಯೊಂದನ್ನು ನಮ್ಮ ಕಣ್ಣಮುಂದೆ ತೋರಿಸುತ್ತಾರೆ.
ಹಿರಿಯರ ವಿರೋಧ : ಹಾಸನ ಜಿಲ್ಲೆ ಅರಕಲಗೂಡು ತಾಲೂಕಿನ ಬೆಳವಾಡಿ ಗ್ರಾಮದ ನವೀನ್ಕುಮಾರ್ ಕೃಷಿ ಕುಟುಂಬದಿಂದಲೇ ಬಂದ ಯುವಕ. ಮನೆಯಲ್ಲಿ ಈತನೇ ಮೊದಲ ತಲೆಮಾರಿನ ವಿದ್ಯಾವಂತನಾದ ಕಾರಣ ಮನೆಯವರಿಗೆ ಮಗ ನಗರದಲ್ಲಿ ನೌಕರಿಮಾಡಬೇಕೆಂಬ ಆಸೆ. ಬೇಸಾಯ ನಮ್ಮ ತಲೆಗೆ ಕೊನೆಯಾಗಬೇಕು ಮಗ, ನೀನು ನಗರದಲ್ಲಿ ಯಾವುದಾದದರೂ ನೌಕರಿ ಸೇರಿ ನೆಮ್ಮದಿಯಾಗಿ ಬದುಕಪ್ಪಾ ಎಂಬುದು ತಂದೆ ತಾಯಿಯ ಒತ್ತಾಯ.
ಅಜ್ಜ ಅಜ್ಜಿಯರ ಕಾಲಕ್ಕೆ ನೆಮ್ಮದಿ ತಂದುಕೊಡುತ್ತಿದ್ದ ಬೇಸಾಯ, ತನ್ನ ಅಪ್ಪನ ಕಾಲಕ್ಕೆ ದಿನದಲ್ಲಿ 12 ಗಂಟೆ ದುಡಿದರೂ ಯಾಕೆ ನೆಮ್ಮದಿ ತಂದುಕೊಡುತ್ತಿಲ್ಲ. ಸಾಲದ ಸುಳಿಯಲ್ಲಿ ಸಿಲುಕಿ ಯಾಕೆ ನಲುಗುವಂತೆ ಮಾಡಿದೆ. ಎಂಬೆಲ್ಲ ಪ್ರಶ್ನೆಗಳನ್ನು ತಲೆಯ ತುಂಬಾ ತುಂಬಿಕೊಂಡ ನವೀನ್  ಇದಕ್ಕೆಲ್ಲಾ ಪರಿಹಾರ ಕಂಡುಕೊಳ್ಳಲ್ಲೇ ಬೇಕು ಎಂಬ ಛಲದಿಂದ ಪದವಿ ಮುಗಿಸಿ ಬೇಸಾಯಮಾಡಲು ಮರಳಿ ಊರಿಗೆ ಬರುತ್ತಾರೆ. ಆದರೆ ಮನೆಯವರು ಇವರ ಆಸೆಗೆ ಅಡ್ಡಿಯಾಗುತ್ತಾರೆ. ಕೃಷಿಯಲ್ಲಿ ತೊಡಗಿಸಿಕೊಳ್ಳಲು ತೀವ್ರ ವಿರೋಧ ವ್ಯಕ್ತಪಡಿಸುತ್ತಾರೆ. ಇದರಿಂದ ವಿಚಲಿತರಾದ ನವೀನ್ಗೆ ನೆನಪಾದದ್ದೇ "ಅಮೃತ ಭೂಮಿ".
ವನರಂಗದಿಂದ ಅಮೃತ ಭೂಮಿಗೆ: ಕಳೆದ ವರ್ಷ ಮೈಸೂರಿನ ರಂಗಾಯಣದಲ್ಲಿ ನಡೆದ ವಿಶ್ವ ಮಣ್ಣಿನ ದಿನಾಚರಣೆ ನನ್ನ ಕನಸಿಗೆ ಬಣ್ಣ ತುಂಬಿತು ಎನ್ನುವ ನವೀನ್ ಅಲ್ಲಿ ತಜ್ಙರು ಮಾಡಿದ ಉಪನ್ಯಾಸ ನನಗರಿಯದ ಮಣ್ಣಿನ ಲೋಕವೊಂದನ್ನು ತಿಳಿಸಿಕೊಟ್ಟಿತು. ಅಲ್ಲಿ ಚುಕ್ಕಿ ಅಕ್ಕ ಅವರ ಪರಿಚಯವಾಯಿತು. ವ್ಯವಸಾಯ ಮಾಡಲು ಊರಿಗೆ ಹೋದೆ. ಅಲ್ಲಿ ಮನೆಯವರು ವಿರೋಧ ವ್ಯಕ್ತಪಡಿಸಿದಾಗ ನನಗೆ ನೆನಪಿಗೆ ಬಂದದ್ದು ಚುಕ್ಕಿ ಅಕ್ಕ. ತಕ್ಷಣ ನನ್ನ ಕನಸುಗಳನ್ನು ಅಕ್ಕನೊಂದಿಗೆ ದೂರವಾಣಿಯ ಮೂಲಕ ಹೇಳಿದೆ. ಅಮೃತ ಭೂಮಿಗೆ ಬಂದುಬಿಡು ಎಂದರು. 200 ಕಿ.ಮೀ ದೂರದಿಂದ ಬಂದೆ. ಯಾವತ್ತೂ ನಾನಿಲ್ಲಿ ಏಕಾಂಗಿ ಅನಿಸಿಲ್ಲ. ಆರು ತಿಂಗಳ ಮಟ್ಟಿಗೆ ಇರಲು ಬಂದವನಿಗೆ ಈಗ ಊರಿಗೆ ಹೋಗಲು ಮನಸ್ಸೇ ಬರುತ್ತಿಲ್ಲ. ನನ್ನಂತೆ ಕೃಷಿಯತ್ತ ಆಕಷರ್ಿತವಾದ ಒಂದು ಯುವ ಪಡೆಯೆ ಇಲ್ಲಿ ನನಗೆ ಸಿಕ್ಕಿತು ಎಂದು ಹೂ ನಗೆ ಬೀರುತ್ತಾರೆ.
ಯೋಜಿತ, ವ್ಯವಸ್ಥಿತ :ಬಿಳಿಗಿರಿ ರಂಗನ ಬೆಟ್ಟದ ತಳದಲ್ಲಿ ನೂರಾರು ಎಕರೆ ಪ್ರದೇಶದಲ್ಲಿರುವ ಅಮೃತ ಭೂಮಿ ದೇಸಿ ಜವಾರಿ ತಳಿಯ ಬೀಜ ಸಂರಕ್ಷಣೆಗಾಗಿಯೇ ಬೀಜ ಬ್ಯಾಂಕ್ ಘೋಷಣೆಯೊಂದಿಗೆ ಜನ್ಮ ತಾಳಿದ ಪುಣ್ಯಭೂಮಿ. ಅಲ್ಲಿರುವ ಪ್ರತಿಯೊಬ್ಬರಿಗೂ ಒಂದು, ಎರಡು ಎಕರೆ ಪ್ರದೇಶವನ್ನು ಹಂಚಿಕೆ ಮಾಡಿ ನಿಧರ್ಿಷ್ಟ ಬೆಳೆ ಪದ್ಧತಿಯಲ್ಲಿ ಪ್ರಯೋಗ ಮಾಡಲು ಹೇಳಲಾಗುತ್ತದೆ. ಅದಕ್ಕೆ ಬೇಕಾದ ತರಬೇತಿ ಮತ್ತು ಮಾಹಿತಿಯನ್ನು ಕೊಡಿಸಲಾಗುತ್ತದೆ.
ಇದೆಲ್ಲ ನಡೆಯುವ ಮೊದಲು ಹಲವು ಸುತ್ತಿನ ಸಮಲೋಚನಾ ಸಭೆಗಳು ನಿರಂತರವಾಗಿ ನಡೆದಿರುತ್ತವೆ. ಚುಕ್ಕಿಯವರ ನೇತೃತ್ವದಲ್ಲಿ ಪ್ರತಿ ತಿಂಗಳು ಅಲ್ಲಿ ಕೃಷಿ ಪ್ರಯೋಗದಲ್ಲಿ ತೊಡಗಿಕೊಂಡಿರುವವರ ಜತೆಗೆ ಚಚರ್ೆ, ಸಮಲೋಚನಾ ಸಭೆಗಳನ್ನು ನಡೆಸಲಾಗುತ್ತದೆ. ನಂತರ ಅಮೃತ ಭೂಮಿಯ ಕೋರ್ ಕಮಿಟಿಯಲ್ಲಿ ಸ್ಥಳೀಯ ರೈತ ಮುಖಂಡರು, ಟ್ರಸ್ಟ್ನ ಪದಾಧಿಕಾರಿಗಳು ಎಲ್ಲಾ ಸೇರಿ ಈ ವರ್ಷ ಬೆಳೆಯಬಹುದಾದ ಬೆಳೆ ಮತ್ತು ಬೇಸಾಯ ಕ್ರಮಗಳ ಬಗ್ಗೆ ವಾಷರ್ಿಕ ಯೋಜನೆಯೊಂದು  ಸಿದ್ಧಪಡಿಸುತ್ತಾರೆ. ನಂತರವೇ ವ್ಯವಸಾಯದ ಕೆಲಸ ಕಾರ್ಯಗಳ ಆರಂಭ.
ಎಕರೆ ಒಂದು, ಬೆಳೆ ಹಲವು : ನವೀನ್ ಪಾಲಿಗೆ ಒಂದು ಎಕರೆ ಹತ್ತು ಗುಂಟೆ ಪ್ರದೇಶವನ್ನು ನೀಡಲಾಗಿದೆ. ಅಲ್ಲಿ ಶೂನ್ಯ ಬಂಡವಾಳ ಕೃಷಿ ಸಾಧಕ ಸುಭಾಷ್ ಪಾಳೇಕರ್ ಪದ್ಧತಿಯಲ್ಲಿ ಬಾಳೆ ಕೃಷಿ ಮಾಡಲು ಹೇಳಲಾಗಿದೆ. ಜನವರಿ ಮೊದಲವಾರದಲ್ಲಿ ಆರುವರೆ * ಆರುವರೆ ಅಡಿ ಅಂತರದಲ್ಲಿ ಏಲಕ್ಕಿ ಬಾಳೆಯನ್ನು ನಾಟಿಮಾಡಲಾಗಿದೆ. ಭೂಮಿಗೆ ನೈಟ್ರೋಜನ್ ಸೇರಿಸಲು ಬಾಳೆ ಕಂದಿನ ಬುಡದ ಸುತ್ತಲ್ಲೂ ಅಲಸಂದೆ ಗಿಡ ಬೆಳೆಯಲಾಗಿದೆ. ಪಾಳೇಕರ್ ಪದ್ಧತಿಯಲ್ಲಿ ಜೀವಾಮೃತ ನೀಡುವ ನವೀನ್ ನೀರಿಗಾಗಿ ಸ್ಪಿಂಕ್ಲರ್ ವಿಧಾನವನ್ನು ಅಳವಡಿಸಿಕೊಂಡಿದ್ದಾರೆ. ಬಾಳೆಯ ನಡುವೆ ಮುಸುಕಿ ಜೋಳ, ಬೀನ್ಸ್, ಬೆಂಡೆ, ಬೂದು ಗುಂಬಳ, ಸಹಿ ಗುಂಬಳ, ಹರಳು, ಚೆಂಡು ಹೂ, ಕಲ್ಲಂಗಡಿ ಹಾಕುವ ಮೂಲಕ  ಆದಾಯದ ಜತೆಗೆ ಮಣ್ಣಿಗೆ ಜೀವಂತ ಮಲ್ಚಿಂಗ್ ವಿಧಾನವನ್ನು ಮಾಡಿ ಬಹು ಬೆಳೆಯ ಮಿಶ್ರ ಪದ್ಧತಿಗೆ ಆದ್ಯತೆ ನೀಡಿದ್ದಾರೆ. ಇದರಿಂದ ಆಯಾಯ ಕಾಲದಲ್ಲಿ ಬೆಳೆಯುವ ಅಲ್ಪಾವಧಿ ಬೆಳೆಗಳನ್ನು ಹಾಕಿರುವುದರಿಂದ ವರ್ಷಪೂತರ್ಿ ಆದಾಯ ನಿರೀಕ್ಷಿಸಬಹುದು.
ಬೀಜ ಹಾಕುವಾಗಲೂ ನಾಟಿ ತಳಿಯ ಏಕದಳ,ದ್ವಿದಳ ಜವಾರಿ ಬೀಜಗಳನ್ನೇ ಭಿತ್ತನೆ ಮಾಡಲಾಗಿದೆ. ವಾರಕ್ಕೊಮ್ಮೆ ಸಂಜೆ ಸಮಯದಲ್ಲಿ ಜೀವಾಮೃತ, ಹುಳಿ ಮಜ್ಜಿಗೆ, ಅಗ್ನಿ ಅಸ್ತ್ರವನ್ನು ಅಲ್ಟರ್ನೇಟಿವ್ ವಿಧಾನದಲ್ಲಿ ಗಿಡಗಳಿಗೆ ಸಿಂಪರಣೆ ಮಾಡುತ್ತಾರೆ. ಚೆಂಡು ಹೂ ಮತ್ತು ಹರಳು ಹಾಕಿರುವುದರಿಂದ ಸಾಕಷ್ಟು ರೋಗಗಳನ್ನು ತಡೆಯಬಹುದು.ಹೊರಗಿನಿಂದ ಬರುವ ಕೀಟಗಳು ಮೊದಲು ಚೆಂಡು ಹೂ ಮತ್ತು ಹರಳು ಗಿಡದ ಅಗಲವಾದ ಎಲೆಗಳಿಗೆ ಆಕಷರ್ಿತವಾಗುವುದರಿಂದ ಉಳಿದ ಗಿಡಗಳು ಬದುಕಿ ಉಳಿಯುತ್ತವೆ ಎನ್ನುವುದು ಇಲ್ಲಿ ನೋಡಿದರೆ ಗೊತ್ತಾಗುತ್ತದೆ ಎಂದು ಅರಳಿನಿಂತ ತೋಟವನ್ನು ತೋರಿಸುತ್ತಾರೆ.ಅಮೃತ ಭೂಮಿಗೆ ಬಂದ ಮೇಲೆ ಕೃಷಿಯ ಹತ್ತು ಹಲವು ಸಾಧ್ಯತೆಗಳು, ಮಾದರಿಗಳು ಸಿಕ್ಕವು. ಮರಳಿ ಊರಿಗೆ ಹೋಗಿ ಕೃಷಿಮಾಡಲು ಈಗ ದೃಢವಾದ ವಿಶ್ವಾಸಮೂಡಿದೆ ಎಂದು ಹೆಮ್ಮೆಯಿಂದ ಹೇಳುತ್ತಾರೆ. ನಾಡಿನ ಉದ್ದಗಲ್ಲಕ್ಕೂ ಇರುವ ನೂರಾರು ನೈಸಗರ್ಿಕ ಕೃಷಿಕರ ಸಂಪರ್ಕದಲ್ಲಿರು ನವೀನ್ ಅವರಿಂದ ಅಮೂಲ್ಯವಾದ ಚುರುಕು ಮೆಣಸಿನಕಾಯಿ, ಕಸ್ತೂರಿ ಅರಿಶಿನ, ಕೆಂಪು ಬೆಂಡೆ, ನಾಮದ ಬಣ್ಣದ ಮುಸುಕಿನ ಜೋಳ, ನೆಂಬೆ ಹೀಗೆ ನಾನಾ ತಳಿಗಳನ್ನು ತರಿಸಿಕೊಂಡು ನಾಟಿ ಮಾಡಿದ್ದಾರೆ. ಇಂತಹ ಯುವಕರಿಂದ ಮಾತ್ರ ನಾಟಿ ತಳಿಯ ಬೀಜಗಳು ಉಳಿದು ನಮ್ಮ ರೈತರನ್ನು ಬದುಕಿಸಬಲ್ಲವು. ಹೆಚ್ಚಿನ ಮಾಹಿತಿಗೆ ಆಸಕ್ತರು ಮೊ.9591066583 ಸಂಪಕರ್ಿಸಬಹುದು. 

ಎಂಜಿನಿಯರಿಂಗ್ ಹುಡುಗನ ಕೃಷಿ ಪ್ರೀತಿ

"ನಮ್ಮ ಕೃಷಿ ಸುಲಭ ಮತ್ತು ಸರಳ"

ಚಾಮರಾಜನಗರ : ಕೃಷಿ ಪ್ರೀತಿಯಿಂದಾಗಿ ಚಾಮರಾಜನರದಿಂದ ದೂರದ ಥೈಲ್ಯಾಂಡ್ದೇಶದ ಬ್ಯಾಂಕಾಕ್ವರೆಗೂ ಹೋಗಿ ಬಂದಿದ್ದಾರೆ. ಅಲ್ಲಿ ನಡೆದ ವಿಚಾರ ಸಂಕಿರಣದಲ್ಲಿ ಅಮೃತ ಭೂಮಿ ನೆರವಿನೊಂದಿಗೆ ಹೋಗಿ ಭಾಗವಹಿಸಿ ಮಾರುಕಟ್ಟೆ ವ್ಯವಸ್ಥೆಯ ಬಗ್ಗೆ ತಮ್ಮ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
ವಿದೇಶಗಳಿಗೆ ಹೋಲಿಸಿದರೆ ನಮ್ಮ ಕೃಷಿ ಕಡಿಮೆ ಬಂಡವಾಳವನ್ನು ಬೇಡುವಂತಾಗಿದ್ದು ಲಾಭದಾಯಕವಾಗಿದೆ. ಕೃಷಿ ವಿಜ್ಞಾನಿಗಳು, ಕಾಪರ್ೋರೇಟ್ ಕಂಪನಿಗಳು ನಮ್ಮ ಕೃಷಿಯನ್ನು ಗೊಂದಲವಾಗಿಸಿವೆ. ಪಾಳೇಕರ್ ಮಾದರಿಯ ಕೃಷಿ ಸರಳ ಮತ್ತು ನೆಮ್ಮದಿಯ ಬದುಕಿಗೆ ಸಾಕು . ಈ ಒಂದುವರೆ ವರ್ಷದ ನನ್ನ ಕೃಷಿ ಅನುಭವ ಸಾಕಷ್ಟು ಪಾಠ ಕಲಿಸಿದ್ದು ಕೃಷಿಯಲ್ಲೇ ನಾನು ಸಾರ್ಥಕ ಜೀವನ ಕಂಡುಕೊಳ್ಳಲು ನೆರವಾಗಿದೆ ಎನ್ನುತ್ತಾರೆ.
ತಮ್ಮ ಪ್ರೀತಿಯ ಬುಲೆಟ್ ರೈಡ್ನಲ್ಲಿ ಪರಿಚಯಕ್ಕೆ ಬಂದ ವಾಯುದಳದಲ್ಲಿ ನೌಕರಿಯಲ್ಲಿರುವ ರಾಮಸಮುದ್ರದ ಗುರು ಅವರ ಎರಡು ಎಕರೆ ಜಮೀನಿನಲ್ಲಿ ಶ್ರೀನಿಧಿ ಪ್ರಯೋಗಾತ್ಮಕವಾಗಿ ಏಲಕ್ಕಿ ಬಾಳೆಯೊಂದಿಗೆ ಹಾಕಿರುವ ನುಗ್ಗೆ ಎಂಟೇ ತಿಂಗಳಲ್ಲಿ ಗಿಡದ ತುಂಬಾ ಕಾಯಿಗಳನ್ನು ಹೊದ್ದುಕೊಂಡು ನೋಡುವವರು ಬೆರಗಾಗುವಂತೆ ಮಾಡಿದೆ. ಹೆಗ್ಗವಾಡಿಪುರದ ಶಿವಕುಮಾರಸ್ವಾಮಿ ಅವರಿಂದ ತಂದ ನುಗ್ಗೆ ಬೀಜಗಳು ಇವು. ಇದೆಲ್ಲ ಹುಡುಗಾಟಕ್ಕೆ ಕಡಿಮೆ ಖಚರ್ಿನಲ್ಲಿ ಮಾಡಿರುವುದು. ನೋಡಿ ಇದರಲ್ಲಿ ನಷ್ಟ ಹೇಗೆ ಆಗುತ್ತದೆ ಎಂಬ ಶ್ರೀನಿಧಿಯ ಕೃಷಿಪ್ರೀತಿ ಯುವಕರಿಗೆ ಮಾದರಿಯಾಗುವಂತಿದೆ 

===================================
ಚಾಮರಾಜನಗರ: ಏಪ್ರಿಲ್ನ ಕ್ರೂರ ಬೇಸಿಗೆಯಲ್ಲೂ  ಅಚ್ಚ ಹಸಿರಾಗಿರುವ ಬಾಳೆಯತೋಟ. ಮಣ್ಣಿಗೆ ಹೊದಿಕೆಯಾಗಿ ತೇವಾಂಶ ಕಾಪಾಡಿಕೊಳ್ಳಲು ಅಲಸಂದೆ, ಉದ್ದು,ಅವರೆಯಂತಹ ದ್ವಿದಳ ಧಾನ್ಯಗಳ ಜತೆಗೆ ತೋಟದ ತುಂಬೆಲ್ಲ ಹರಡಿಕೊಂಡಿರುವ ಗೆಣಸಿನ ಬಳ್ಳಿ. ಸುತ್ತಲ್ಲೂ ಗಾಳಿ ತಡೆಗೆ ಬೆಳೆಸಿದ ಅಗಸೆ ಗಿಡಗಳು.

ವ್ಯವಸಾಯದ ಬಗ್ಗೆ ಯಾವುದೇ ತಿಳವಳಿಕೆ ಇಲ್ಲದ ಹುಡುಗನೊಬ್ಬ ಸುಭಾಷ್ ಪಾಳೇಕರ್ ಅವರ ಶೂನ್ಯ ಬಂಡವಾಳ ಕೃಷಿ ಪುಸ್ತಕವನ್ನು ಓದಿಕೊಂಡು ತುಂಬು ಆಸಕ್ತಿಯಿಂದ ರೂಪಿಸಿದ ಬಾಳೆಯ ತೋಟ ಇದು. ಚಾಮರಾಜನಗರದ ವೆಂಕಟೇಶ್ಮೂತರ್ಿ ಮತ್ತು ಮೀನಾಕ್ಮಮ್ಮ ನವರ ಮಗ ಎಂಜಿನಿಯರಿಂಗ್ ಪದವಿಧರ ಸಿ.ವಿ.ಶ್ರಿನಿಧಿ ಎದುರು ಕುಳಿತು ಮಾತನಾಡುತ್ತಿದ್ದರೆ ಅವನ ಆಸಕ್ತಿ ಮತ್ತು ಸಾಧನೆ ರೈತರ ಮಕ್ಕಳ್ಳೇ ನಾಚುವಂತೆ ಮಾಡುತ್ತದೆ.
ಚಾಮರಾಜಮಗರದ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಗುತ್ತಿಗೆಆಧಾರದಲ್ಲಿ ಎಂಜಿನಿಯರ್ ಆಗಿ ನೌಕರಿ ಮಾಡುತ್ತಿರುವ ಶ್ರೀನಿಧಿ ತಮ್ಮ ಬಿಡುವಿನ ವೇಳೆಯನ್ನು ದಕ್ಷತೆಯಿಂದ ಬಳಸಿಕೊಂಡು ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಸಂತೆಪೇಟೆಯಲ್ಲಿ ವ್ಯಾಪಾರಮಾಡುತ್ತಾ ಸಂತೋಷವಾಗಿಯೇ ಇದ್ದ ತನ್ನ ತಂದೆ ಕೃಷಿ ಮಾಡಲು ಹೋಗಿ ಕೈಸುಟ್ಟುಕೊಂಡು ಖಿನ್ನತೆಯಿಂದ ಬಳಲಿ ಅಕಾಲಿಕ ಸಾವನ್ನಪ್ಪಿದ್ದು, ಕೃಷಿಯನ್ನು ಒಂದು ಸವಾಲಾಗಿ ಸ್ವೀಕರಿಸಲು ನನಗೆ ಕಾರಣವಾಯಿತು ಎನ್ನುತ್ತಾರೆ.
ನೀರಿನ ನಿರ್ವಹಣೆಯ ಬಗ್ಗೆ ಯೋಜನೆಮಾಡದೆ ಹತ್ತು ಹದಿನೈದು ಎಕರೆ ಪ್ರದೇಶದಲ್ಲಿ ಬಾಳೆ ಹಾಕಿದ ರೈತರು ಕಷ್ಟಪಟ್ಟು ಬೆಳೆದು ಗೊನೆ ಬರುವ ಸಮಯದಲ್ಲಿ ನೀರಿಲ್ಲದೆ ಬಾಳೆಯನ್ನು ಕಡಿದು ಗೋಳಾಡುವುದನ್ನು ನಾವೆಲ್ಲ ಈಗ ನೋಡುತ್ತಿದ್ದೇವೆ. ಆದರೆ ಶ್ರೀನಿಧಿ ಬಾಳೆಯ ತೋಟಕ್ಕೆ ನೀವು ಹೋದರೆ ಅಲ್ಲಿ ನೆಲದ ಮೇಲೆ ಹಣ್ಣಾಗಿ ಅಲ್ಲಲ್ಲಿ ಬಿದ್ದಿರುವ ಬಾಳೆಯ ಗೊನೆಗಳು ಬೇರೆಯದೆ ಆದ ಕತೆ ಹೇಳುತ್ತವೆ.
ಇಷ್ಟೆಲ್ಲ ಬಾಳೆ ಗೊನೆಗಳನ್ನು ಯಾಕೆ ಕಡಿಯದೆ ಬಿಟ್ಟಿದ್ದೀರಿ ಎಂಬ ನಮ್ಮ ಪ್ರಶ್ನೆಗೆ ಹುಡುಗ ಕೊಟ್ಟ ಉತ್ತರವೇ ಆತನ ಕೃಷಿಯ ಪ್ರೀತಿಗೆ ಸಾಕ್ಷಿ...
2013 ರಲ್ಲಿ ಬೆಂಗಳೂರಿನ ಪ್ರತಿಷ್ಠಿತ ಪಿಇಎಸ್ ಸೌತ್ ಕ್ಯಾಂಪಸ್ ಕಾಲೇಜಿನಲ್ಲಿ ಎಂಜಿನಿಯರಿಂಗ್ ಮುಗಿಸಿದ ಶ್ರೀನಿಧಿಗೆ ಕೃಷಿ ಮೇಲೆ ಅತೀವ ಪ್ರೀತಿ. ತಂದೆಯ ಕಡೆಯಿಂದ ಬಂದ ಆರು ಎಕರೆ ಜಮೀನಿನಲ್ಲೇ ವ್ಯವಸಾಯಮಾಡಿ ಬದುಕು ಕಟ್ಟಿಕೊಳ್ಳಬೇಕು ಎಂಬ ಆಸೆ. ಆದರೆ ಭೂಮಿಗೆ ಏನನ್ನು ಯಾವಾಗ ಯಾಕೆ ಭಿತ್ತನೆ ಮಾಡಬೇಕು ಎನ್ನುವ ಬಗ್ಗೆ ಕೃಷಿ ಜ್ಞಾನವಿಲ್ಲ. ಆಗ ಗೆಳೆಯರೊಂದಿಗೆ ತನ್ನ ಆಸಕ್ತಿಯನ್ನು ಹಂಚಿಕೊಳ್ಳುತ್ತಿರುವಾಗ ಸಂತೋಷ್ ಎಂಬ ಗೆಳೆಯ ಆರ್.ಸ್ವಾಮಿ ಆನಂದ್ ಸುಭಾಷ್ ಪಾಳೇಕರ್ ಅವರ ಶೂನ್ಯ ಬಂಡವಾಳದ ಕೃಷಿಯ ಬಗ್ಗೆ ಬರೆದ ಪುಸ್ತಕವನ್ನು ಓದಲು ಕೊಡುತ್ತಾನೆ. ಈ ಪುಸ್ತಕವೇ ಶ್ರೀನಿಧಿಯ ಪಾಲಿಗೆ ಭಗವದ್ಗೀತೆಯಾಗುತ್ತದೆ.
ಈ ಪುಸ್ತಕವನ್ನು ಐದಾರು ಬಾರಿ ಓದಿಕೊಳ್ಳುತ್ತಾನೆ. ಆದರೂ ಕೆಲವೊಂದು ಗೊಂದಲಗಳು ಹಾಗೆಯೇ ಉಳಿದು ಕೊಳ್ಳುತ್ತವೆ. ಸ್ವಾಮಿ ಆನಂದ್ ಅವರಿಗೆ ದೂರವಾಣಿ ಮಾಡಿ ಕೃಷಿ ಮಾರುಕಟ್ಟೆಯ ಬಗ್ಗೆ ಕೇಳಿದಾಗ " ರೀ ನೀವು ನಿಮ್ಮ ಮನೆಗೆ ಬೇಕಾದ ಆಹಾರವನ್ನು ಮೊದಲು ವಿಷಮುಕ್ತವಾಗಿ ಬೆಳೆದುಕೊಳ್ಳಿ" ನಂತರ ಆ ಬಗ್ಗೆ ಮಾತನಾಡೋಣ ಎಂದು ಹೇಳಿದ್ದು ಹುಡುಗನಲ್ಲಿ ಮತ್ತಷ್ಟು ಗೊಂದಲ ಮೂಡಿಸುತ್ತದೆ.
ಅದೇ ಸಮಯದಲ್ಲಿ (ಡಿಸೆಂಬರ್ 2014) ಮೈಸೂರಿನ ಕಲಾಮಂದಿರದಲ್ಲಿ ಶೂನ್ಯ ಬಂಡವಾಳ ಕೃಷಿ ಕುರಿತು ಸುಭಾಷ್ ಪಾಳೇಕರ್ ನೇತೃತ್ವದಲ್ಲಿ ನಡೆದ ಕಾರ್ಯಾಗಾರದಲ್ಲಿ ಭಾಗವಹಿಸಿದ    ಶ್ರೀನಿಧಿಗೆ ಕೃಷಿಯ ಬಗ್ಗೆ ಒಂದು ಸ್ಪಷ್ಟ ತಿಳವಳಿಕೆ ಸಿಗುತ್ತದೆ. ಅಲ್ಲಿಂದ ಬಂದ ನಂತರ ಮೂರು ಎಕರೆ ಪ್ರದೇಶದಲ್ಲಿ ಪಾಳೇಕರ್ ವಿಧಾನದಲ್ಲಿ ಮೂರು ಸಾವಿರ ಏಲಕ್ಕಿ ಬಾಳೆ ನಾಟಿಮಾಡಲು ತೀಮರ್ಾನಿಸುತ್ತಾರೆ.
ಸಗಣಿಗಾಗಿ ಅಲೆದಾಟ: ಪಾಳೇಕರ್ ವಿಧಾನದಲ್ಲಿ 3000 ಏಲಕ್ಕಿ ಬಾಳೆ ನಾಟಿ ಮಾಡುವ ಶ್ರೀನಿಧಿ ಅದರೊಂದಿಗೆ ಮಿಶ್ರ ಬೆಳೆಯಾಗಿ ಚಿತ್ರದುರ್ಗದಿಂದ ತರಿಸಿದ ದಪ್ಪ ಈರುಳ್ಳಿ ಮತ್ತು ದ್ವಿದಳ ಧಾನ್ಯಗಳನ್ನು ಹಾಕುತ್ತಾರೆ. ನಂತರ ಇದಕ್ಕೆಲ್ಲ ಮೂಲ ಬಂಡವಾಳವಾಗಿ ಬೇಕಿದ್ದ ಹಸುವಿನ ಗಂಜಲ ಮತ್ತು ಸಗಣಿಗಾಗಿ ಒಂದು ನಾಟಿ ಹಸುವನ್ನು ಸಾಕುತ್ತಾರೆ. ಸಗಣಿ ಸಾಲದಾದಾಗ ತಮ್ಮ ಪ್ರೀತಿಯ ಬುಲೆಟ್ ಬೈಕ್ ಏರಿ ಸುತ್ತಮುತ್ತ ಸಿಗುವ ಸಗಣಿಯನ್ನು ಹೊತ್ತುತಂದು ಜೀವಾಮೃತವಾಗಿಸಿ ಭೂಮಿಗೆ ಉಣಿಸಿದ್ದಾರೆ.
3000 ಸಾವಿರ ಬಾಳೆಯ ಗಿಡಗಳಲ್ಲಿ ಕರಳು ಭೂಮಿಯಲ್ಲಿ ಹಾಕಿದ್ದ ಒಂದು ಸಾವಿರಗಿಡಗಳು ಸರಿಯಾಗಿ ಬರಲಿಲ್ಲ.ಇದನ್ನು ಬಿಟ್ಟರೆ ಉಳಿದಂತೆ ತಾನು ಲಾಭದಲ್ಲೇ ಇರುವುದಾಗಿ ಶ್ರೀನಿಧಿ ಹೆಮ್ಮೆಯಿಂದ ಹೇಳುತ್ತಾರೆ. ಬಾಳೆ ವ್ಯವಸಾಯಕ್ಕೆ ಎಲ್ಲಾ ಸೇರಿ ಒಟ್ಟು ಎಂಬತ್ತು ಸಾವಿರ ರೂಪಾಯಿ ಖಚರ್ು ಮಾಡಿದ್ದೆ. ಈ ಒಂದುವರೆ ವರ್ಷದಲ್ಲಿ ಖಚರ್ುಕಳೆದು ಮೊದಲ ಕಟಾವಿನಲ್ಲಿ ತ್ತೊಂಬತ್ತುಸಾವಿರ ರೂಪಾಯಿ ಆದಾಯ ಬಂದಿದೆ. ಇಲ್ಲಿ ಹಣ್ಣಾಗಿ ಬಿದ್ದಿರುವ ಗೊನೆಗಳನ್ನು ಕಡಿಮೆ ದರಕ್ಕೆ ಮಾರಾಟಮಾಡುವ ಬದಲು ಇಲ್ಲೇ ಇರುವ ಪ್ರಾಣಿ ಪಕ್ಷಿಗಳು ತಿಂದು ಮಣ್ಣನ್ನು ಫಲವತ್ತಾಗುವಂತೆ ಮಾಡುತ್ತವೆ ಎನ್ನುವಾಗ ಜಪಾನಿನ ಸಹಜ ಕೃಷಿಕ ಮಸನಬ್ಬ ಪುಕೊವಕೊ ನೆನಪಾಗುತ್ತಾರೆ. ಈಗ ತೋಟದಲ್ಲಿ ನೀವು ನೋಡುತ್ತಿರುವುದು ಎರಡನೇಯ ಕೂಳೆ ಬೆಳೆ. ಇದಕ್ಕಾಗಿ ಜೀವಾಮೃತ ಬಿಟ್ಟರೆ ಮತ್ತೇ ತಾನು ಯಾವುದೇ ಖಚರ್ು ಮಾಡಬೇಕಿಲ್ಲ. ಒಂದುವರೆಯಿಂದ ಎರಡು ಲಕ್ಷ ರೂಪಾಯಿ ಆದಾಯ ಗ್ಯಾರಂಟಿ ಎನ್ನುತ್ತಾರೆ. ತೋಟದಲ್ಲಿ ಅವರು ಮಣ್ಣಿನ ತೇವಾಂಶ ಕಾಪಾಡಿಕೊಳ್ಳಲು ಮಾಡಿರುವ ಹೊದಿಕೆಯ ವಿಧಾನ ಹೇಗಿದೆ ಎಂದರೆ ಗಮ್ ಬೂಟ್ ಇಲ್ಲದೆ ಕಾಲಿಡಲು ಎಂತಹವರಿಗೂ ಹೆದರಿಕೆಯಾಗುತ್ತದೆ.
ಮಾರಾಟದ್ದೇ ಸಮಸ್ಯೆ : ನಮ್ಮ ರೈತರಿಗೆ ಬೆಳೆ ಬೆಳೆಯುವುದು ಸುಲಭ ಆದರೆ ಅದನ್ನು ಮಾರಾಟ ಮಾಡುವುದೇ ಸಮಸ್ಯೆ. ಹಾಗಾಗಿ ಕೃಷಿ ಇಂದು ಬಿಕ್ಕಟ್ಟು ಎದುರಿಸುತ್ತಿದೆ ಎನ್ನುವ ಶ್ರೀನಿದಿ, ತಾನು ಬೆಳೆದ ಬಾಳೆಗ ತನ್ನದೇ ರೀತಿಯಲ್ಲಿ ಗ್ರಾಹಕರನ್ನು ಹುಡುಕಿಕೊಳ್ಳುತ್ತಾರೆ. ತಾನು ಕೆಲಸಮಾಡುವ ಕಚೇರಿ, ಹತ್ತು ಜನರಿರುವ ಗುಂಪು, ರೋಟರಿ ಸಭೆಗಳು, ಯೋಗ ತರಗತಿಗಳು ಇಲ್ಲೆಲ್ಲ ಸಾವಯವದಲ್ಲಿ ಬೆಳೆದ ಬಾಳೆ ಎಂದು ಪ್ರತಿ ಕೆಜಿಗೆ 50 ರಿಂದ ಕನಿಷ್ಟ 30 ರೂಪಾಯಿವರೆಗೂ ಮಾರಾಟಮಾಡಿ ಆದಾಯಗಳಿಸಿದ್ದಾರೆ.
ಸಾಮಾಜಿಕ ಜಾಲ ತಾಣ ಬಳಕೆ : ಕಳೆದ ಡಿಸೆಂಬರ್ 24 ರಂದು ಚಾಮರಾಜನಗರದಲ್ಲಿ ನಡೆದ ರೈತದಿನಾಚರಣೆಗೆ ಉಪನ್ಯಾಸ ನೀಡಲು ಬಂದಿದ್ದ ಬೆಂಗಳೂರು ಜಿಕೆವಿಕೆಯ ಕೃಷಿವಿಜ್ಞಾನಿ ವೆಂಕಟರೆಡ್ಡಿ ಅವರ ಮಾತಿನಿಂದ ಸ್ಪೂತರ್ಿ ಪಡೆದು  ಸಿವಿಎಸ್ ಆಗ್ಯರ್ಾನಿಕ್ ಪ್ರಾಡೆಕ್ಟ್ ಎಂಬ ಹೆಸರಿನಲ್ಲಿ 3 ಕೆಜಿಯ ಅಳತೆಯಲ್ಲಿ ಬಾಕ್ಸ್ ಮಾಡಿ ಬಾಳೆಹಣ್ಣನ್ನು 100 ರಿಂದ 120 ರೂವರೆಗೂ ಮಾರಾಟಮಾಡಿದ್ದಾರೆ. ಇದಕ್ಕಾಗಿ ಸಾಮಾಜಿಕ ಜಾಲ ತಾಣವನ್ನು ಬಳಸಿಕೊಂಡ ಶ್ರೀನಿಧಿ ಇದರಿಂದಾಗಿ ತನ್ನ ಕೃಷಿ ಉತ್ಪನ್ನಗಳಿಗೆ ಬೆಂಗಳೂರಿನ ಗ್ರಾಹಕರು ನನಗೆ ಸಿಕ್ಕಂತಾಯಿತು ಎನ್ನುತ್ತಾರೆ.
ಮಣ್ಣಿನಲ್ಲಿ ತೇವಾಂಶ ಕಾಪಾಡಿಕೊಳ್ಳುವುದು ಯಾವುದೇ ಬೆಳೆಗೆ ಮುಖ್ಯ ಎನ್ನುವ ಶ್ರೀನಿಧಿ ಬಾಳೆಗೆ ಎಲ್ಲಕ್ಕಿಂತ ವೇಗವಾಗಿ ಮತ್ತು ಪರಿಣಾಮಕಾರಿಯಾಗಿ ಗೆಣಸು ಮಲ್ಚಿಂಗ್ ನೆರವಾಗುತ್ತದೆ ಎನ್ನುತ್ತಾರೆ. ಆಸಕ್ತರು ಇವರನ್ನು ಮೊ.9738540990 ಸಂಪಕರ್ಿಸಬಹುದು.
 -ಚಿನ್ನಸ್ವಾಮಿವಡ್ಡಗೆರೆ
------------------------

ಬರದ ನಾಡಿಗೆ ಭರವಸೆಯ ಬೆಳಕಾದ ಕುಮಾರ

ಮೂರು ಎಕರೆ ಪ್ರದೇಶದಲ್ಲಿ ಬೇರೆ ಬೇರೆ ತಳಿಯ 130 ಸಪೋಟ, 90 ಮಾವು, 40 ಬೆಣ್ಣೆಹಣ್ಣು ಗಿಡಗಳು, 10 ಗಜನಿಂಬೆ, ಅಕರ್ಾ ಸಹನಾ ತಳಿಯ 30 ಸೀತಾಫಲ, 10 ಮೂಸಂಬಿ, 4 ನೇರಳೆ, ಒಂದು ಅಂಜೂರ ಗಿಡ, 25 ತೆಂಗಿನ ಮರಗಳು ಅರಳಿ ಬರಪೂರ ಫಸಲು ನೀಡುತ್ತಾ  ಗಿಡಗಳ ಕೆಳಗೆ ಇಟ್ಟಿರುವ ಜೇನುಪೆಟ್ಟಿಗೆಗಳೂ ಆದಾಯದ ಮೂಲವಾಗಿ ಸುಸ್ಥಿರ ಸಮಗ್ರ ಕೃಷಿಗೆ ಮಾದರಿಯಾಗಿ ನೋಡುಗರ ಕಣ್ಮನ ಸೆಳೆಯುತ್ತಿವೆ.

ಚಾಮರಾಜನಗರ :ಗಣಿದಣಿಯ ದೌರ್ಜನ್ಯ, ಕೃಷಿ ಇಲಾಖೆಯ ಭ್ರಷ್ಟಚಾರದ ವಿರುದ್ಧ ಹೋರಾಟ. ಗೆಲುವು ಮತ್ತೆ ಸೋಲು. ವ್ಯವಸ್ಥೆಯ ಬಗ್ಗೆ ಬೇಸರ. ಆದರೂ ಭೂಮಿ ತಾಯಿ ಕೈಬಿಡಲಾರಳು ಎಂಬ ನಂಬಿಕೆ. ಇದು ಬರವನ್ನು ಮಣಿಸಿ ಹಸಿರು ಕ್ರಾಂತಿಮಾಡಿ ಕೃಷಿಯಲ್ಲಿ ಗೆದ್ದು ಮಾದರಿಯಾದ ಸ್ವಾಭಿಮಾನಿ ಯುವಕನ ಸಹಾಸಗಾಥೆ.
ಚಾಮರಾಜನಗರ ಜಿಲ್ಲೆ ಸಂತೇಮರಹಳ್ಳಿಯಿಂದ ಕೂಗಳತೆ ದೂರದಲ್ಲಿರುವ ಹೆಗ್ಗವಾಡಿಪುರದ ಶಿವಕುಮಾರಸ್ವಾಮಿ ಓದಿದ್ದು ಟಿಸಿಎಚ್.ಮಾಡುತ್ತಿರುವುದು ಕೃಷಿ. ಬೋರ್ವೆಲ್ನಲ್ಲಿ ಬರುವ ಅರ್ಧ ಇಂಚು ನೀರನ್ನು ಬಳಸಿಕೊಂಡು ಮಳೆಯ ಆಶ್ರಯದಲ್ಲಿ ಇವರು ಕಟ್ಟಿದ ತೋಟ ಬಿರು ಬೇಸಿಗೆಯಲ್ಲೂ ಹಸಿರಿನಿಂದ ಕಂಗೊಳಿಸುತ್ತಿದೆ.
ಮೂರು ಎಕರೆ ಪ್ರದೇಶದಲ್ಲಿ ಬೇರೆ ಬೇರೆ ತಳಿಯ 130 ಸಪೋಟ, 90 ಮಾವು, 40 ಬೆಣ್ಣೆಹಣ್ಣು ಗಿಡಗಳು, 10 ಗಜನಿಂಬೆ, ಅಕರ್ಾ ಸಹನಾ ತಳಿಯ 30 ಸೀತಾಫಲ, 10 ಮೂಸಂಬಿ, 4 ನೇರಳೆ, ಒಂದು ಅಂಜೂರ ಗಿಡ, 25 ತೆಂಗಿನ ಮರಗಳು ಅರಳಿ ಬರಪೂರ ಫಸಲು ನೀಡುತ್ತಾ  ಗಿಡಗಳ ಕೆಳಗೆ ಇಟ್ಟಿರುವ ಜೇನುಪೆಟ್ಟಿಗೆಗಳೂ ಆದಾಯದ ಮೂಲವಾಗಿ ಸುಸ್ಥಿರ ಸಮಗ್ರ ಕೃಷಿಗೆ ಮಾದರಿಯಾಗಿ ನೋಡುಗರ ಕಣ್ಮನ ಸೆಳೆಯುತ್ತಿವೆ.
ಇದೆಲ್ಲದ್ದರ ಹಿಂದೆ ಶಿವಕುಮಾರಸ್ವಾಮಿಯ ಎಂಟು ವರ್ಷದ ಶ್ರಮ ಇದೆ.ಕೃಷಿ ಭೂಮಿ ಉಳಿಸಿಕೊಳ್ಳಲು ಗಣಿಗಾರಿಕೆ ವಿರುದ್ಧ ಹೋರಾಡಿದ ಹೆಜ್ಜೆ ಗುರುತುಗಳಿವೆ. ಬದುಕು ಕಲಿಸಿದ ಪಾಠ ಇಂದು ಇವರನ್ನು ಖುಷ್ಕಿ ಭೂಮಿಯ ಕೃಷಿ ವಿಜ್ಞಾನಿಯನ್ನಾಗಿ ರೂಪಿಸಿದೆ. ತಮ್ಮ ತೋಟದ ಜತೆಗೆ ಕೆಸ್ತೂರಿನ ಡಾ.ಹರಿಪ್ರಸಾದ್, ಲೋಕೇಶ್, ಮದ್ದೂರು, ಮುಡಿಗೊಂಡ ಸೇರಿದಂತೆ ಹಲವಾರು ತೋಟವನ್ನು ಕಟ್ಟಿದ್ದಾರೆ. ವಂಡರಬಾಳಿನ ಅಮೃತಭೂಮಿಯ 15 ಎಕರೆ ಪ್ರದೇಶದಲ್ಲಿ 64 ಬಗೆಯ ಹಣ್ಣುಗಳಿರುವ ತಳಿ ಸಂರಕ್ಷಣಾ ಕೇಂದ್ರ ಇವರ ಹಸಿರು ಪ್ರೀತಿಗೆ ಸಾಕ್ಷಿಯಾಗಿದೆ.ಇಲ್ಲಿರುವ ಜಮರ್್ ಪ್ಲಾಸನ್ ಹಾಗೂ ಸಯನ್ ಬ್ಯಾಂಕ್ ( ತಳಿ ಸಂರಕ್ಷಣಾ ಕೇಂದ್ರ ಮತ್ತು ಕಸಿ ಕಟ್ಟಿ ಬೆಳಸಿದ ತೋಟ) ಅನ್ನು ನೋಡಿ ಇಟಲಿಯ ರೈತ ವಿಜ್ಙಾನಿಗಳೇ ನೋಡಿ ಬೆರಗಾಗಿ ಮೆಚ್ಚಿಕೊಂಡಿದ್ದಾರೆ.
ತಮ್ಮ ತೋಟದಲ್ಲಿ ವಿವಿಧ ಹಣ್ಣುಗಳ ಬೆಳೆಯೊಂದಿಗೆ ಮಿಶ್ರ ಬೆಳೆಯಾಗಿ ದ್ವಿದಳ ಧಾನ್ಯಗಳನ್ನು ಬೆಳೆಯುತ್ತಾರೆ. ತಾವು ಕಂಡಿದ್ದು, ಕೇಳಿದ್ದು. ದೇಶದ ವಿವಿಧ ಕೃಷಿ ವಿಶ್ವ ವಿದ್ಯಾನಿಲಯಗಳಿಗೆ ಭೇಟಿ ನೀಡಿದ್ದು. ಮಳೆ ಆಶ್ರಯದ ಅರೆ ಮಲೆನಾಡು ಮತ್ತು ನದಿ, ನಾಲೆಗಳ ನೀರು ಬಳಸಿಕೊಂಡು ಬೇಸಾಯ ಮಾಡುವ ಪ್ರದೇಶಗಳಿಗೆ ಅಧ್ಯಯನ ಪ್ರವಾಸಮಾಡಿ ಕಲಿತ ಜ್ಙಾನದಿಂದ ತಮ್ಮದೇ ಆದ ಒಂದು ಕೃಷಿ ಮಾದರಿಯೊಂದನ್ನು ಶಿವಕುಮಾರ್ ರೂಪಿಸಿಕೊಂಡಿದ್ದಾರೆ.
ಸಂಪೂರ್ಣ ಸಾವಯವ: ಯಾವುದೇ ಬೆಳೆ ಬೆಳೆದರೂ ಅದರ ಕಾಳುಗಳನ್ನಷ್ಟೇ ಪಡೆದುಕೊಂಡು ಉಳಿದ ಭಾಗಗಳನ್ನು ಮುಚ್ಚಿಗೆಯಾಗಿ ಮರಳಿ ಮಣ್ಣಿಗೆ ಸೇರಿಸಲಾಗುತ್ತದೆ. ಅಲ್ಲದೆ ಕೊಟ್ಟಿಗೆ ಗೊಬ್ಬರ, ಗಂಜಲವನ್ನು ಬಳಸಿಕೊಂಡು ಭೂಮಿಯ ತೇವಾಂಶವನ್ನು ಕಾಪಾಡಿಕೊಳ್ಳಲಾಗಿದೆ. ಸುಭಾಷ್ ಪಾಳೇಕರ್ ಅವರ ವಿಧಾನವನ್ನು ಬಳಸಿಕೊಳ್ಳಲಾಗಿದೆ ಎನ್ನುವ ಕುಮಾರ್ ಹೊರಗಿನಿಂದ ಜಮೀನಿಗೆ ಏನನ್ನು ಹಣಕೊಟ್ಟು ತರುವುದಿಲ್ಲ. ರಾಸಾಯನಿಕದಿಂದ ತುಂಬಾ ದೂರ. ತೋಟದಲ್ಲಿ ಹಾಕುವ ಗಿಡಗಳಿಗಷ್ಟೆ ಹಣ ಕೊಟ್ಟು ತರುತ್ತೇನೆ. ಉಳಿದಂತೆ ದ್ವಿದಳ, ಏಕದಳ ಸಸ್ಯಗಳ ನಾಟಿ ಬೀಜವನ್ನು ನಾನೇ ಸಂರಕ್ಷಣೆಮಾಡಿ ಬಳಸುತ್ತೇನೆ ಎಂದು ಹೆಮ್ಮೆಯಿಂದ ಹೇಳುತ್ತಾರೆ.
ಪೃಕೃತಿಯಲ್ಲಿ ಪ್ರತಿ ಗಿಡದಲ್ಲೂ ಹಣ ಇದೆ. ಕಾಣುವ ಕಣ್ಣುಗಳಿರಬೇಕು. ಮಾರುಕಟ್ಟೆಯ ಬಗ್ಗೆ ಸಾಮಾನ್ಯ ಅರಿವು ಬೆಳೆಸಿಕೊಂಡ ರೈತ ಮಾತ್ರ ನೆಮ್ಮದಿಯ ಸುಸ್ಥಿರ ಬದುಕು ಕಟ್ಟಿಕೊಳ್ಳಬಲ್ಲ ಎನ್ನುವ ಶಿವಕುಮಾರಸ್ವಾಮಿಯ ಜಾಣ್ಮೆ ಕೇಳುಗರನ್ನು ಚಿಂತಿಸುವಂತೆ ಮಾಡುತ್ತದೆ. ಇವರ ತೋಟದಲ್ಲಿರು ಎಂಟು ವರ್ಷದ ಒಂದು ಅಂಜೂರ ಗಿಡ ವಾಷರ್ಿಕ ಹದಿನೇಳು ಸಾವಿರ ಆದಾಯ ತಂದುಕೊಡುತ್ತದೆ.ಒಂದು ಗಿಡ ತನ್ನ ಜೀವಮಾನದಲ್ಲಿ ತನ್ನ ಬೆಳವಣಿಗೆಯ ಶೇಕಡಾ 60 ರಷ್ಟನ್ನು ಉಪಯೋಗಿಸಿಕೊಂಡು ಉಳಿದ ಶೇ.40 ರಷ್ಷನ್ನು ನಮಗೆ ನೀಡುತ್ತದೆ. ಇದನ್ನು ಅರ್ಥಮಾಡಿಕೊಂಡರೆ ಕೃಷಿಯಲ್ಲಿ ಮುಂದಿನದ್ದೆಲ್ಲ ಸುಲಭ. ಯಾವುದೇ ರಾಸಯನಿಕಗಳಿಲ್ಲದೆ, ಕ್ರಿಮಿನಾಶಕ ಔಷಧಗಳ ಹಂಗಿಲ್ಲದೆ ಸಹಜ ಕೃಷಿಮಾಡಿ ಆದಾಯಗಳಿಸಬಹುದು. ಇದನ್ನು ನಮ್ಮ ರೈತರಿಗೆ ಯಾವುದೇ ವಿಶ್ವ ವಿದ್ಯಾನಿಲಯಗಳು ಕಲಿಸಿಕೊಡುತ್ತಿಲ್ಲ. ಮಕ್ಕಳು ಆರೋಗ್ಯವಾಗಿರಲು ಪೌಷ್ಠಿಕ ಆಹಾರ ತಿನ್ನಬೇಕು ಎಂದು ಪಾಠಮಾಡುವ ನಾವು ಅವು ಸಿಗುವ ಅಂಗಡಿಗಳ ಬಗ್ಗೆ ಹೇಳಿಕೊಡುತ್ತೇವೆಯೇ ಹೊರತು ಅದನ್ನು ಬೆಳೆದುಕೊಳ್ಳುವ ವಿಧಾನವನ್ನು ಕಲಿಸಿಕೊಡದೆ ಮಕ್ಕಳನ್ನು ಮಾರುಕಟ್ಟೆ ಸಂಸ್ಕೃತಿಗೆ ತಯಾರುಮಾಡುತ್ತೇವೆ ಎನ್ನುವ ಕುಮಾರ್ ವಿಷಮುಕ್ತ ಆಹಾರ ಬೆಳೆದುಕೊಳ್ಳುವ ಬಗ್ಗೆ ಸಂಪನ್ಮಾಲ ವ್ಯಕ್ತಿಯಾಗಿಯೂ ರಾಜ್ಯದ ಹಲವೆಡೆ ಉಪನ್ಯಾಸ ನೀಡಿದ್ದಾರೆ.
ವಿರೋಧದ ನಡುವೆಯೂ ಕೃಷಿ ಪ್ರೀತಿ : ಇವರ ತಂದೆ ಪುಟ್ಟಪ್ಪ. ಕೊಳ್ಳೆಗಾಲದ ರೇಷ್ಮೆ ಫಿಲಿಚೇರ್ನಲ್ಲಿ   ಮೆನೇಜರ್ ಆಗಿದ್ದವರು. ತಾಯಿ ಪುಟ್ಟಲಿಂಗಮ್ಮ. ಮಗ ಓದಿ ಶಿಕ್ಷಕನಾಗಬೇಕು ಎನ್ನುವುದು ಮನೆಯವರ ಆಸೆ.ಆದರೆ ಹುಡುಗನಿಗೆ ಬಾಲ್ಯದಿಂದಲೇ ಧ್ಯಾನ,ಯೋಗ ಮತ್ತು ಕೃಷಿಯಲ್ಲಿ ಆಸಕ್ತಿ. ಮನೆಯವರ ಒತ್ತಾಸೆಗಾಗಿ 2003 ರಲ್ಲಿ ಪ್ರಶಿಕ್ಷಣ ಪದವಿ ಪಡೆದು ಸ್ವಂತ ಊರಿನ ಶಾಲೆಯಲ್ಲಿ ಮಕ್ಕಳಿಗೆ ಪಾಠ ಹೇಳಿಕೊಡುತ್ತಾ ಕೃಷಿ ಮಾಡಲು ಮುಂದಾಗುತ್ತಾರೆ.
ಆದರೆ ತಂದೆಗೆ ಇದು ಸುತರಾಂ ಇಷ್ಟ ಇಲ್ಲ. ತಾಯಿಯ ಒತ್ತಡಕ್ಕೆ ಮಣಿದು ಒಂದುವರೆ ಎಕರೆ ಸ್ವಂತ ಜಮೀನಿನ ಜತೆಗೆ ಮತ್ತೆ ಎಂದುವರೆ ಎಕರೆ ಜಮೀನನ್ನು ಖರೀದಿಸಿ ಬೇಸಾಯಮಾಡಲು ಬಿಡುತ್ತಾರೆ. ಮೂರು ಎಕರೆ ಜಮೀನಿನಲ್ಲಿ ಬೋರ್ವೆಲ್ ತೆಗಿಸಿದಾಗ ಅಲ್ಲಿ ಎರಡುವರೆ ಇಂಚು ನೀರು ಬರುತ್ತದೆ. ಅದೇ ವರ್ಷ ಕಬ್ಬು ಬೆಳೆದು ಮೂರುವರೆ ಲಕ್ಷ ರೂಪಾಯಿ ಆದಾಯಗಳಿಸುತ್ತಾರೆ.ಇದರಿಂದಾಗಿ ಜಮೀನು ಖರೀದಿ ಮಾಡಿದ್ದ ಹಣ ಮತ್ತು ಬೋರ್ವೆಲ್ಗೆ ಖಚರ್ುಮಾಡಿದ್ದ ಹಣ ಬಂದಂತಾಯಿತು. ಆಸ್ತಿ ಉಳಿದುಕೊಂಡಿತು ಎಂದು ಲೆಕ್ಕ ಕೊಡುವಾಗ ಇವರ ಅರ್ಥಶಾಸ್ತ್ರದ ಜ್ಞಾನ ಅಚ್ಚರಿ ಮೂಡಿಸುತ್ತದೆ.
ನುಗ್ಗೆ ಬೀಜ ಸಂರಕ್ಷಕ:  ನುಗ್ಗೆ ಬೇಸಾಯದಲ್ಲೂ ಹೆಸರು ಮಾಡಿರುವ ಶಿವಕುಮಾರ್, ನಾಟಿ ಬೀಜ ತಯಾರುಮಾಡಿಕೊಳ್ಳಲು ಮಾತ್ರ ನುಗ್ಗೆ ಕೃಷಿ ಮಾಡುತ್ತಾರೆ. ತಮಿಳುನಾಡು ಪೆರಿಯಾಕುಳಂ ಕೃಷಿ ವಿಶ್ವ ವಿದ್ಯಾನಿಲಯ ಸಂಶೋಧಿಸಿರುವ ಪಿಕೆಎಂ 1 ತಳಿ, ಬಾಗಲಕೋಟೆ ಕೃಷಿ ವಿವಿ ಸಂಶೋಧಿಸಿರುವ ಭಾಗ್ಯ ತಳಿ ಹಾಗೂ ಸ್ಥಳೀಯವಾಗಿ ಸಿಗುವ ತಳಿ ಈ ಮೂರನ್ನು ಮಿಶ್ರಮಾಡಿ ಉತ್ಪಾದಿಸುವ ಇವರ ನುಗ್ಗೆ ಬೀಜಗಳು ಈ ಭಾಗದಲ್ಲಿ ಜನಪ್ರೀಯವಾಗಿವೆ.
ಗಣಿ ಕಿರಿಕಿರಿ : ಮೊದಲ ಕಬ್ಬಿನ ಬೆಳೆಯ ಇಳುವರಿಯಿಂದ ಹೆಚ್ಚಿನ ಆದಾಯ ಬಂತು. ಎರಡನೇ ವರ್ಷದಿಂದ ನಷ್ಟ ಆರಂಭವಾಯಿತು. ಕಾರಣ ಗಣಿಗಾರಿಕೆ. ಜಮೀನಿನ ಪಕ್ಕದಲ್ಲೇ ಕರಿಕಲ್ಲು ಗಣಿಗಾರಿಕೆ ಆರಂಭವಾಗುತ್ತದೆ. ಅಲ್ಲಿ 80 ಅಡಿಗೆ ನೀರು ಬರುತ್ತದೆ. ಇಲ್ಲಿ ಎರಡುವರೆ ಇಂಚು ಬರುತ್ತಿದ್ದ ನೀರು ಬರಿ ಒಂದು ಇಂಚಿಗೆ ಬಂದು ನಿಲ್ಲುತ್ತದೆ. ಇದರಿಂದ ಕಬ್ಬು ಬೆಳೆಯಲು ಆಗುವುದಿಲ್ಲ ಎಂಬ ತೀಮರ್ಾನಕ್ಕೆ ಬರುವ ಶಿವಕುಮಾರ್ ರೇಷ್ಮೆ ಕೃಷಿ ಕೈಗೊಳ್ಳುತ್ತಾರೆ. ಆದರೆ ಗಣಿಯಿಂದ ಎದ್ದ ಧೂಳು ಸೊಪ್ಪಿನ ಮೇಲೆಲ್ಲ ಕುಳಿತು ರೇಷ್ಮೆಯಲ್ಲೂ ಅಪಾರ ನಷ್ಟ ಅನುಭವಿಸುವಂತಾಗುತ್ತದೆ.
ಸುತ್ತಮತ್ತ ರೈತರು ಮತ್ತು ಜಿಲ್ಲಾ ರೈತ ಸಂಘದವರ ಸಹಕಾರದೊಂದಿಗೆ ಗಣಿ ವಿರುದ್ಧ ಹೋರಾಟಕ್ಕಿಳಿಯುವ ಶಿವಕುಮಾರ್ ಒಂದು ಹಂತದಲ್ಲಿ ಗಣಿ ನಿಲ್ಲಿಸುವಲ್ಲಿ ಯಶಸ್ವಿಯೂ ಆಗುತ್ತಾರೆ. ಆದರೆ ಜಿಲ್ಲಾಡಳಿತದ ತೀಪರ್ಿನ ವಿರುದ್ಧ ಹೈಕೋಟರ್್ ಮೆಟ್ಟಿಲೇರುವ ಗಣಿದಣಿ ಮತ್ತೆ ಗಣಿ ನಡೆಸಲು ಅನುಮತಿಯೊಂದಿಗೆ ಬರುತ್ತಾನೆ. ಮತ್ತೆ ಹೋರಾಟ. ಕೊಲೆ ಬೆದರಿಕೆ ಬರುತ್ತದೆ. ಗಣಿ ರಾಜ್ಯದ ಪ್ರತಿಷ್ಠಿತ ರಾಜಕಾರಣಿಗೆ ಸೇರಿದ್ದು ಇದರ ವಿರುದ್ಧ ನಮ್ಮ ಹೋರಾಟಕ್ಕೆ ಜಯ ಸಿಗುವುದು ಕಷ್ಟ ಎಂಬ ಸತ್ಯ ಅರಿವಾಗಿರುತ್ತದೆ. ಇದನ್ನೆಲ್ಲ ಕಂಡ ಮನೆಯವರು ಇರುವ ಒಬ್ಬನೇ ಮಗನ ಜೀವಕ್ಕೆ ಅಪಾಯ ಬಂದಿರುವುದನ್ನು ಮನಗಂಡು ಊರು ಬಿಡಿಸಿ ಬಿಳಿಗಿರಿರಂಗನಬೆಟ್ಟದಲ್ಲಿದ್ದ ಸುದರ್ಶನ್ ಅವರ ಶಾಲೆಗೆ ಶಿಕ್ಷಕನನ್ನಾಗಿ ಕಳಿಸಿಬಿಡುತ್ತಾರೆ.
ಕಾಡು ಕಲಿಸಿದ ಕೃಷಿ ಪಾಠ: ಬೆಟ್ಟದಲ್ಲಿ ಪಾಠ ಮಾಡುತ್ತ,ಸೋಲಿಗರೊಂದಿಗೆ ಒಡನಾಡುತ್ತಾ ಕಲಿತದ್ದು ತನ್ನ ಕೃಷಿಜ್ಞಾನವನ್ನು ಹೆಚ್ಚಿಸಿತು. ಕಾಡಿನ ಜನರ ಬದುಕು ಮತ್ತು ಮೌಲ್ಯಗಳು ನನ್ನನ್ನು ಪ್ರಭಾವಿಸಿದವು. ನಾಗರಿಕ ಸಮಾಜದಲ್ಲಿರುವ ವಿಕಾರಗಳು, ಭ್ರಷ್ಟಚಾರ, ವಂಚನೆ ಯಾವುದು ಅಲ್ಲಿ ಇರಲಿಲ್ಲ. ಕಾಡಿನಲ್ಲಿ ಜನಗಣತಿಗೆ ಹೋದಾಗ ಅಲ್ಲಿನ ಜನರನ್ನು ನಿಮಗೆ ನಾಗರಿಕತೆಯಿಂದ ಒಳ್ಳೆಯದಾಗಿದೆಯೇ ಎಂದು ಪ್ರಶ್ನೆಮಾಡಿದಾಗ ಅವರು,ನಾಡಿನ ಜನರ ಬಂದು ನಮಗೆ ಕುಡಿಯುವುದನ್ನು ಕಲಿಸಿದರು, ಸುಳ್ಳು ಹೇಳುವುದನ್ನು, ವಂಚನೆ ಮಾಡುವುದನ್ನು ಕಲಿಸಿದರು ಅಷ್ಟೇ ನಿಮ್ಮಿಂದ ನಮಗಾದದ್ದು ಎಂದು ಹೇಳಿದ್ದು ನಾನು ಬೆಚ್ಚಿ ಬೀಳುವಂತೆ ಮಾಡಿತು ಎನ್ನುವ ಶಿವಕುಮಾರ್. ತಾನು ಕಷ್ಟದಲ್ಲಿರುವ ಬರದ ನಾಡಿನ ರೈತರಿಗೆ ಮಾದರಿಯಾಗುವ ಕೆಲಸ ಮಾಡುವ ನಿಧರ್ಾರಕ್ಕೆ ಬರುತ್ತಾರೆ. ಇಷ್ಟೆಲ್ಲ ನಡೆಯುವಾಗ ಮೂರ್ನಾಲ್ಕು ವರ್ಷ ಕಳೆದು ಗಣಿಯು ಸ್ಥಗಿತಗೊಂಡಿರುತ್ತದೆ.
ಮರಳಿ ಕೃಷಿಗೆ : 2008 ರಲ್ಲಿ ಮನೆಯವರ ವಿರೋಧದ ನಡುವೆಯೂ ಮತ್ತೆ ಕೃಷಿಗೆ ಮರಳುವ ಶಿವಕುಮಾರ್ ಬರಿಗೈಯಲ್ಲಿ, ಕಷ್ಟದ ನಡುವೆ ಕಟ್ಟಿದ ತೋಟ ಇಂದು ಅವರಿಗೆ ಒಂದು ಗೌರವವನ್ನು ತಂದು ಕೊಟ್ಟಿದೆ. ಇವರ ಕೃಷಿ ಬದುಕನ್ನು ವಿರೋದಮಾಡುತ್ತಿದ್ದ ಮನೆಯವರೇ ಇಂದು ಸಾಧನೆಯನ್ನು ಕಂಡು ಸಂತಸ ಪಡುತ್ತಿದ್ದಾರೆ. ಈಗ ಮತ್ತೆ ಎರಡು ಎಕರೆ ಪ್ರದೇಶದಲ್ಲಿ ಅಲಸು ಮತ್ತು ಮೂಸಂಬಿ ಬೆಳೆದು ಪ್ರಯೋಗಮಾಡಲು ಹೊರಟಿರುವ ಕುಮಾರ್ ತಮ್ಮಲ್ಲಿರುವ ಗದ್ದೆಯನ್ನು ಅಪ್ಪನಿಗೆ ವಹಿಸಿ ತಾವು ಮಾತ್ರ ಖುಷ್ಕಿ ಜಮೀನನ್ನು ಪಡೆದು ಹೊಸ ಹೊಸ ಪ್ರಯೋಗದಲ್ಲಿ ತೊಡಗಿದ್ದಾರೆ, ನೂರಾರು ಆಸಕ್ತರು ಅವರ ಮಾರ್ಗದರ್ಶನ ಪಡೆಯುತ್ತಾರೆ.
ಜಿಲ್ಲೆಯ ಕೃಷಿ ಇಲಾಖೆಗೆ ಇಂತಹ ತೋಟಗಳ ಮಾದರಿ ಕಣ್ಣಿಗೆ ಕಾಣಿಸುವುದೇ ಇರುವುದು ಮಾತ್ರ ದುದರ್ೈವದ ಸಂಗತಿ. ಜಿಲ್ಲೆಯಲ್ಲಿ ಬರವನ್ನು ಮಣಿಸಿದ ಯುವಕನ ಇಂತಹ ಕೃಷಿ ಮಾದರಿ,ಸುಸ್ಥಿರ ಸಮಗ್ರ ಸಾವಯವ ಕೃಷಿ ಅನುಕರಣೀಯ.
ಆರಂಭದಲ್ಲಿ ತೋಟಗಾರಿಕೆ ಇಲಾಖೆಯವರು ಪುಕ್ಕಟೆಯಾಗಿ ಕೊಡುತ್ತಿದ್ದ 80 ಸಪೋಟ ಗಿಡಗಳನ್ನು ತಾವೇ ಸ್ವತಃ ಸೈಕಲ್ ಮೇಲೆ ಏರಿಕೊಂಡು ತಂದು ನಾಟಿಮಾಡಿದ ಕುಮಾರ್ ಇದರೊಂದಿಗೆ      ಮಿಶ್ರ  ಬೆಳೆಯಾಗಿ ಬೆಳದ ದ್ವಿದಳ ಧಾನ್ಯಗಳ ಆದಾಯದಲ್ಲಿ ಮಾವು,ಅಲಸು, ನುಗ್ಗೆ ಮತ್ತಿತರರ ಹಣ್ಣಿನ ಗಿಡಗಳನ್ನು ತಂದು ಹಾಕಿಕೊಂಡು ಅರ್ದ ಇಂಚು ನೀರಿನೊಂದಿಗೆ ಮಳೆಯ ನೀರನ್ನು ಬಳಕೆ ಮಾಡಿಕೊಂಡು ಕಟ್ಟಿರುವ ತೋಟ ಯುವಕರಿಗೆ ಸ್ಫೂತರ್ಿಯ ಕೇಂದ್ರವಾಗಿದೆ. ಆಸಕ್ತರು ಮೊ.9164878302 ಸಂಪಕರ್ಿಸಬಹುದು.