ಎಂಜಿನಿಯರಿಂಗ್ ಹುಡುಗನ ಕೃಷಿ ಪ್ರೀತಿ

"ನಮ್ಮ ಕೃಷಿ ಸುಲಭ ಮತ್ತು ಸರಳ"

ಚಾಮರಾಜನಗರ : ಕೃಷಿ ಪ್ರೀತಿಯಿಂದಾಗಿ ಚಾಮರಾಜನರದಿಂದ ದೂರದ ಥೈಲ್ಯಾಂಡ್ದೇಶದ ಬ್ಯಾಂಕಾಕ್ವರೆಗೂ ಹೋಗಿ ಬಂದಿದ್ದಾರೆ. ಅಲ್ಲಿ ನಡೆದ ವಿಚಾರ ಸಂಕಿರಣದಲ್ಲಿ ಅಮೃತ ಭೂಮಿ ನೆರವಿನೊಂದಿಗೆ ಹೋಗಿ ಭಾಗವಹಿಸಿ ಮಾರುಕಟ್ಟೆ ವ್ಯವಸ್ಥೆಯ ಬಗ್ಗೆ ತಮ್ಮ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
ವಿದೇಶಗಳಿಗೆ ಹೋಲಿಸಿದರೆ ನಮ್ಮ ಕೃಷಿ ಕಡಿಮೆ ಬಂಡವಾಳವನ್ನು ಬೇಡುವಂತಾಗಿದ್ದು ಲಾಭದಾಯಕವಾಗಿದೆ. ಕೃಷಿ ವಿಜ್ಞಾನಿಗಳು, ಕಾಪರ್ೋರೇಟ್ ಕಂಪನಿಗಳು ನಮ್ಮ ಕೃಷಿಯನ್ನು ಗೊಂದಲವಾಗಿಸಿವೆ. ಪಾಳೇಕರ್ ಮಾದರಿಯ ಕೃಷಿ ಸರಳ ಮತ್ತು ನೆಮ್ಮದಿಯ ಬದುಕಿಗೆ ಸಾಕು . ಈ ಒಂದುವರೆ ವರ್ಷದ ನನ್ನ ಕೃಷಿ ಅನುಭವ ಸಾಕಷ್ಟು ಪಾಠ ಕಲಿಸಿದ್ದು ಕೃಷಿಯಲ್ಲೇ ನಾನು ಸಾರ್ಥಕ ಜೀವನ ಕಂಡುಕೊಳ್ಳಲು ನೆರವಾಗಿದೆ ಎನ್ನುತ್ತಾರೆ.
ತಮ್ಮ ಪ್ರೀತಿಯ ಬುಲೆಟ್ ರೈಡ್ನಲ್ಲಿ ಪರಿಚಯಕ್ಕೆ ಬಂದ ವಾಯುದಳದಲ್ಲಿ ನೌಕರಿಯಲ್ಲಿರುವ ರಾಮಸಮುದ್ರದ ಗುರು ಅವರ ಎರಡು ಎಕರೆ ಜಮೀನಿನಲ್ಲಿ ಶ್ರೀನಿಧಿ ಪ್ರಯೋಗಾತ್ಮಕವಾಗಿ ಏಲಕ್ಕಿ ಬಾಳೆಯೊಂದಿಗೆ ಹಾಕಿರುವ ನುಗ್ಗೆ ಎಂಟೇ ತಿಂಗಳಲ್ಲಿ ಗಿಡದ ತುಂಬಾ ಕಾಯಿಗಳನ್ನು ಹೊದ್ದುಕೊಂಡು ನೋಡುವವರು ಬೆರಗಾಗುವಂತೆ ಮಾಡಿದೆ. ಹೆಗ್ಗವಾಡಿಪುರದ ಶಿವಕುಮಾರಸ್ವಾಮಿ ಅವರಿಂದ ತಂದ ನುಗ್ಗೆ ಬೀಜಗಳು ಇವು. ಇದೆಲ್ಲ ಹುಡುಗಾಟಕ್ಕೆ ಕಡಿಮೆ ಖಚರ್ಿನಲ್ಲಿ ಮಾಡಿರುವುದು. ನೋಡಿ ಇದರಲ್ಲಿ ನಷ್ಟ ಹೇಗೆ ಆಗುತ್ತದೆ ಎಂಬ ಶ್ರೀನಿಧಿಯ ಕೃಷಿಪ್ರೀತಿ ಯುವಕರಿಗೆ ಮಾದರಿಯಾಗುವಂತಿದೆ 

===================================
ಚಾಮರಾಜನಗರ: ಏಪ್ರಿಲ್ನ ಕ್ರೂರ ಬೇಸಿಗೆಯಲ್ಲೂ  ಅಚ್ಚ ಹಸಿರಾಗಿರುವ ಬಾಳೆಯತೋಟ. ಮಣ್ಣಿಗೆ ಹೊದಿಕೆಯಾಗಿ ತೇವಾಂಶ ಕಾಪಾಡಿಕೊಳ್ಳಲು ಅಲಸಂದೆ, ಉದ್ದು,ಅವರೆಯಂತಹ ದ್ವಿದಳ ಧಾನ್ಯಗಳ ಜತೆಗೆ ತೋಟದ ತುಂಬೆಲ್ಲ ಹರಡಿಕೊಂಡಿರುವ ಗೆಣಸಿನ ಬಳ್ಳಿ. ಸುತ್ತಲ್ಲೂ ಗಾಳಿ ತಡೆಗೆ ಬೆಳೆಸಿದ ಅಗಸೆ ಗಿಡಗಳು.

ವ್ಯವಸಾಯದ ಬಗ್ಗೆ ಯಾವುದೇ ತಿಳವಳಿಕೆ ಇಲ್ಲದ ಹುಡುಗನೊಬ್ಬ ಸುಭಾಷ್ ಪಾಳೇಕರ್ ಅವರ ಶೂನ್ಯ ಬಂಡವಾಳ ಕೃಷಿ ಪುಸ್ತಕವನ್ನು ಓದಿಕೊಂಡು ತುಂಬು ಆಸಕ್ತಿಯಿಂದ ರೂಪಿಸಿದ ಬಾಳೆಯ ತೋಟ ಇದು. ಚಾಮರಾಜನಗರದ ವೆಂಕಟೇಶ್ಮೂತರ್ಿ ಮತ್ತು ಮೀನಾಕ್ಮಮ್ಮ ನವರ ಮಗ ಎಂಜಿನಿಯರಿಂಗ್ ಪದವಿಧರ ಸಿ.ವಿ.ಶ್ರಿನಿಧಿ ಎದುರು ಕುಳಿತು ಮಾತನಾಡುತ್ತಿದ್ದರೆ ಅವನ ಆಸಕ್ತಿ ಮತ್ತು ಸಾಧನೆ ರೈತರ ಮಕ್ಕಳ್ಳೇ ನಾಚುವಂತೆ ಮಾಡುತ್ತದೆ.
ಚಾಮರಾಜಮಗರದ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಗುತ್ತಿಗೆಆಧಾರದಲ್ಲಿ ಎಂಜಿನಿಯರ್ ಆಗಿ ನೌಕರಿ ಮಾಡುತ್ತಿರುವ ಶ್ರೀನಿಧಿ ತಮ್ಮ ಬಿಡುವಿನ ವೇಳೆಯನ್ನು ದಕ್ಷತೆಯಿಂದ ಬಳಸಿಕೊಂಡು ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಸಂತೆಪೇಟೆಯಲ್ಲಿ ವ್ಯಾಪಾರಮಾಡುತ್ತಾ ಸಂತೋಷವಾಗಿಯೇ ಇದ್ದ ತನ್ನ ತಂದೆ ಕೃಷಿ ಮಾಡಲು ಹೋಗಿ ಕೈಸುಟ್ಟುಕೊಂಡು ಖಿನ್ನತೆಯಿಂದ ಬಳಲಿ ಅಕಾಲಿಕ ಸಾವನ್ನಪ್ಪಿದ್ದು, ಕೃಷಿಯನ್ನು ಒಂದು ಸವಾಲಾಗಿ ಸ್ವೀಕರಿಸಲು ನನಗೆ ಕಾರಣವಾಯಿತು ಎನ್ನುತ್ತಾರೆ.
ನೀರಿನ ನಿರ್ವಹಣೆಯ ಬಗ್ಗೆ ಯೋಜನೆಮಾಡದೆ ಹತ್ತು ಹದಿನೈದು ಎಕರೆ ಪ್ರದೇಶದಲ್ಲಿ ಬಾಳೆ ಹಾಕಿದ ರೈತರು ಕಷ್ಟಪಟ್ಟು ಬೆಳೆದು ಗೊನೆ ಬರುವ ಸಮಯದಲ್ಲಿ ನೀರಿಲ್ಲದೆ ಬಾಳೆಯನ್ನು ಕಡಿದು ಗೋಳಾಡುವುದನ್ನು ನಾವೆಲ್ಲ ಈಗ ನೋಡುತ್ತಿದ್ದೇವೆ. ಆದರೆ ಶ್ರೀನಿಧಿ ಬಾಳೆಯ ತೋಟಕ್ಕೆ ನೀವು ಹೋದರೆ ಅಲ್ಲಿ ನೆಲದ ಮೇಲೆ ಹಣ್ಣಾಗಿ ಅಲ್ಲಲ್ಲಿ ಬಿದ್ದಿರುವ ಬಾಳೆಯ ಗೊನೆಗಳು ಬೇರೆಯದೆ ಆದ ಕತೆ ಹೇಳುತ್ತವೆ.
ಇಷ್ಟೆಲ್ಲ ಬಾಳೆ ಗೊನೆಗಳನ್ನು ಯಾಕೆ ಕಡಿಯದೆ ಬಿಟ್ಟಿದ್ದೀರಿ ಎಂಬ ನಮ್ಮ ಪ್ರಶ್ನೆಗೆ ಹುಡುಗ ಕೊಟ್ಟ ಉತ್ತರವೇ ಆತನ ಕೃಷಿಯ ಪ್ರೀತಿಗೆ ಸಾಕ್ಷಿ...
2013 ರಲ್ಲಿ ಬೆಂಗಳೂರಿನ ಪ್ರತಿಷ್ಠಿತ ಪಿಇಎಸ್ ಸೌತ್ ಕ್ಯಾಂಪಸ್ ಕಾಲೇಜಿನಲ್ಲಿ ಎಂಜಿನಿಯರಿಂಗ್ ಮುಗಿಸಿದ ಶ್ರೀನಿಧಿಗೆ ಕೃಷಿ ಮೇಲೆ ಅತೀವ ಪ್ರೀತಿ. ತಂದೆಯ ಕಡೆಯಿಂದ ಬಂದ ಆರು ಎಕರೆ ಜಮೀನಿನಲ್ಲೇ ವ್ಯವಸಾಯಮಾಡಿ ಬದುಕು ಕಟ್ಟಿಕೊಳ್ಳಬೇಕು ಎಂಬ ಆಸೆ. ಆದರೆ ಭೂಮಿಗೆ ಏನನ್ನು ಯಾವಾಗ ಯಾಕೆ ಭಿತ್ತನೆ ಮಾಡಬೇಕು ಎನ್ನುವ ಬಗ್ಗೆ ಕೃಷಿ ಜ್ಞಾನವಿಲ್ಲ. ಆಗ ಗೆಳೆಯರೊಂದಿಗೆ ತನ್ನ ಆಸಕ್ತಿಯನ್ನು ಹಂಚಿಕೊಳ್ಳುತ್ತಿರುವಾಗ ಸಂತೋಷ್ ಎಂಬ ಗೆಳೆಯ ಆರ್.ಸ್ವಾಮಿ ಆನಂದ್ ಸುಭಾಷ್ ಪಾಳೇಕರ್ ಅವರ ಶೂನ್ಯ ಬಂಡವಾಳದ ಕೃಷಿಯ ಬಗ್ಗೆ ಬರೆದ ಪುಸ್ತಕವನ್ನು ಓದಲು ಕೊಡುತ್ತಾನೆ. ಈ ಪುಸ್ತಕವೇ ಶ್ರೀನಿಧಿಯ ಪಾಲಿಗೆ ಭಗವದ್ಗೀತೆಯಾಗುತ್ತದೆ.
ಈ ಪುಸ್ತಕವನ್ನು ಐದಾರು ಬಾರಿ ಓದಿಕೊಳ್ಳುತ್ತಾನೆ. ಆದರೂ ಕೆಲವೊಂದು ಗೊಂದಲಗಳು ಹಾಗೆಯೇ ಉಳಿದು ಕೊಳ್ಳುತ್ತವೆ. ಸ್ವಾಮಿ ಆನಂದ್ ಅವರಿಗೆ ದೂರವಾಣಿ ಮಾಡಿ ಕೃಷಿ ಮಾರುಕಟ್ಟೆಯ ಬಗ್ಗೆ ಕೇಳಿದಾಗ " ರೀ ನೀವು ನಿಮ್ಮ ಮನೆಗೆ ಬೇಕಾದ ಆಹಾರವನ್ನು ಮೊದಲು ವಿಷಮುಕ್ತವಾಗಿ ಬೆಳೆದುಕೊಳ್ಳಿ" ನಂತರ ಆ ಬಗ್ಗೆ ಮಾತನಾಡೋಣ ಎಂದು ಹೇಳಿದ್ದು ಹುಡುಗನಲ್ಲಿ ಮತ್ತಷ್ಟು ಗೊಂದಲ ಮೂಡಿಸುತ್ತದೆ.
ಅದೇ ಸಮಯದಲ್ಲಿ (ಡಿಸೆಂಬರ್ 2014) ಮೈಸೂರಿನ ಕಲಾಮಂದಿರದಲ್ಲಿ ಶೂನ್ಯ ಬಂಡವಾಳ ಕೃಷಿ ಕುರಿತು ಸುಭಾಷ್ ಪಾಳೇಕರ್ ನೇತೃತ್ವದಲ್ಲಿ ನಡೆದ ಕಾರ್ಯಾಗಾರದಲ್ಲಿ ಭಾಗವಹಿಸಿದ    ಶ್ರೀನಿಧಿಗೆ ಕೃಷಿಯ ಬಗ್ಗೆ ಒಂದು ಸ್ಪಷ್ಟ ತಿಳವಳಿಕೆ ಸಿಗುತ್ತದೆ. ಅಲ್ಲಿಂದ ಬಂದ ನಂತರ ಮೂರು ಎಕರೆ ಪ್ರದೇಶದಲ್ಲಿ ಪಾಳೇಕರ್ ವಿಧಾನದಲ್ಲಿ ಮೂರು ಸಾವಿರ ಏಲಕ್ಕಿ ಬಾಳೆ ನಾಟಿಮಾಡಲು ತೀಮರ್ಾನಿಸುತ್ತಾರೆ.
ಸಗಣಿಗಾಗಿ ಅಲೆದಾಟ: ಪಾಳೇಕರ್ ವಿಧಾನದಲ್ಲಿ 3000 ಏಲಕ್ಕಿ ಬಾಳೆ ನಾಟಿ ಮಾಡುವ ಶ್ರೀನಿಧಿ ಅದರೊಂದಿಗೆ ಮಿಶ್ರ ಬೆಳೆಯಾಗಿ ಚಿತ್ರದುರ್ಗದಿಂದ ತರಿಸಿದ ದಪ್ಪ ಈರುಳ್ಳಿ ಮತ್ತು ದ್ವಿದಳ ಧಾನ್ಯಗಳನ್ನು ಹಾಕುತ್ತಾರೆ. ನಂತರ ಇದಕ್ಕೆಲ್ಲ ಮೂಲ ಬಂಡವಾಳವಾಗಿ ಬೇಕಿದ್ದ ಹಸುವಿನ ಗಂಜಲ ಮತ್ತು ಸಗಣಿಗಾಗಿ ಒಂದು ನಾಟಿ ಹಸುವನ್ನು ಸಾಕುತ್ತಾರೆ. ಸಗಣಿ ಸಾಲದಾದಾಗ ತಮ್ಮ ಪ್ರೀತಿಯ ಬುಲೆಟ್ ಬೈಕ್ ಏರಿ ಸುತ್ತಮುತ್ತ ಸಿಗುವ ಸಗಣಿಯನ್ನು ಹೊತ್ತುತಂದು ಜೀವಾಮೃತವಾಗಿಸಿ ಭೂಮಿಗೆ ಉಣಿಸಿದ್ದಾರೆ.
3000 ಸಾವಿರ ಬಾಳೆಯ ಗಿಡಗಳಲ್ಲಿ ಕರಳು ಭೂಮಿಯಲ್ಲಿ ಹಾಕಿದ್ದ ಒಂದು ಸಾವಿರಗಿಡಗಳು ಸರಿಯಾಗಿ ಬರಲಿಲ್ಲ.ಇದನ್ನು ಬಿಟ್ಟರೆ ಉಳಿದಂತೆ ತಾನು ಲಾಭದಲ್ಲೇ ಇರುವುದಾಗಿ ಶ್ರೀನಿಧಿ ಹೆಮ್ಮೆಯಿಂದ ಹೇಳುತ್ತಾರೆ. ಬಾಳೆ ವ್ಯವಸಾಯಕ್ಕೆ ಎಲ್ಲಾ ಸೇರಿ ಒಟ್ಟು ಎಂಬತ್ತು ಸಾವಿರ ರೂಪಾಯಿ ಖಚರ್ು ಮಾಡಿದ್ದೆ. ಈ ಒಂದುವರೆ ವರ್ಷದಲ್ಲಿ ಖಚರ್ುಕಳೆದು ಮೊದಲ ಕಟಾವಿನಲ್ಲಿ ತ್ತೊಂಬತ್ತುಸಾವಿರ ರೂಪಾಯಿ ಆದಾಯ ಬಂದಿದೆ. ಇಲ್ಲಿ ಹಣ್ಣಾಗಿ ಬಿದ್ದಿರುವ ಗೊನೆಗಳನ್ನು ಕಡಿಮೆ ದರಕ್ಕೆ ಮಾರಾಟಮಾಡುವ ಬದಲು ಇಲ್ಲೇ ಇರುವ ಪ್ರಾಣಿ ಪಕ್ಷಿಗಳು ತಿಂದು ಮಣ್ಣನ್ನು ಫಲವತ್ತಾಗುವಂತೆ ಮಾಡುತ್ತವೆ ಎನ್ನುವಾಗ ಜಪಾನಿನ ಸಹಜ ಕೃಷಿಕ ಮಸನಬ್ಬ ಪುಕೊವಕೊ ನೆನಪಾಗುತ್ತಾರೆ. ಈಗ ತೋಟದಲ್ಲಿ ನೀವು ನೋಡುತ್ತಿರುವುದು ಎರಡನೇಯ ಕೂಳೆ ಬೆಳೆ. ಇದಕ್ಕಾಗಿ ಜೀವಾಮೃತ ಬಿಟ್ಟರೆ ಮತ್ತೇ ತಾನು ಯಾವುದೇ ಖಚರ್ು ಮಾಡಬೇಕಿಲ್ಲ. ಒಂದುವರೆಯಿಂದ ಎರಡು ಲಕ್ಷ ರೂಪಾಯಿ ಆದಾಯ ಗ್ಯಾರಂಟಿ ಎನ್ನುತ್ತಾರೆ. ತೋಟದಲ್ಲಿ ಅವರು ಮಣ್ಣಿನ ತೇವಾಂಶ ಕಾಪಾಡಿಕೊಳ್ಳಲು ಮಾಡಿರುವ ಹೊದಿಕೆಯ ವಿಧಾನ ಹೇಗಿದೆ ಎಂದರೆ ಗಮ್ ಬೂಟ್ ಇಲ್ಲದೆ ಕಾಲಿಡಲು ಎಂತಹವರಿಗೂ ಹೆದರಿಕೆಯಾಗುತ್ತದೆ.
ಮಾರಾಟದ್ದೇ ಸಮಸ್ಯೆ : ನಮ್ಮ ರೈತರಿಗೆ ಬೆಳೆ ಬೆಳೆಯುವುದು ಸುಲಭ ಆದರೆ ಅದನ್ನು ಮಾರಾಟ ಮಾಡುವುದೇ ಸಮಸ್ಯೆ. ಹಾಗಾಗಿ ಕೃಷಿ ಇಂದು ಬಿಕ್ಕಟ್ಟು ಎದುರಿಸುತ್ತಿದೆ ಎನ್ನುವ ಶ್ರೀನಿದಿ, ತಾನು ಬೆಳೆದ ಬಾಳೆಗ ತನ್ನದೇ ರೀತಿಯಲ್ಲಿ ಗ್ರಾಹಕರನ್ನು ಹುಡುಕಿಕೊಳ್ಳುತ್ತಾರೆ. ತಾನು ಕೆಲಸಮಾಡುವ ಕಚೇರಿ, ಹತ್ತು ಜನರಿರುವ ಗುಂಪು, ರೋಟರಿ ಸಭೆಗಳು, ಯೋಗ ತರಗತಿಗಳು ಇಲ್ಲೆಲ್ಲ ಸಾವಯವದಲ್ಲಿ ಬೆಳೆದ ಬಾಳೆ ಎಂದು ಪ್ರತಿ ಕೆಜಿಗೆ 50 ರಿಂದ ಕನಿಷ್ಟ 30 ರೂಪಾಯಿವರೆಗೂ ಮಾರಾಟಮಾಡಿ ಆದಾಯಗಳಿಸಿದ್ದಾರೆ.
ಸಾಮಾಜಿಕ ಜಾಲ ತಾಣ ಬಳಕೆ : ಕಳೆದ ಡಿಸೆಂಬರ್ 24 ರಂದು ಚಾಮರಾಜನಗರದಲ್ಲಿ ನಡೆದ ರೈತದಿನಾಚರಣೆಗೆ ಉಪನ್ಯಾಸ ನೀಡಲು ಬಂದಿದ್ದ ಬೆಂಗಳೂರು ಜಿಕೆವಿಕೆಯ ಕೃಷಿವಿಜ್ಞಾನಿ ವೆಂಕಟರೆಡ್ಡಿ ಅವರ ಮಾತಿನಿಂದ ಸ್ಪೂತರ್ಿ ಪಡೆದು  ಸಿವಿಎಸ್ ಆಗ್ಯರ್ಾನಿಕ್ ಪ್ರಾಡೆಕ್ಟ್ ಎಂಬ ಹೆಸರಿನಲ್ಲಿ 3 ಕೆಜಿಯ ಅಳತೆಯಲ್ಲಿ ಬಾಕ್ಸ್ ಮಾಡಿ ಬಾಳೆಹಣ್ಣನ್ನು 100 ರಿಂದ 120 ರೂವರೆಗೂ ಮಾರಾಟಮಾಡಿದ್ದಾರೆ. ಇದಕ್ಕಾಗಿ ಸಾಮಾಜಿಕ ಜಾಲ ತಾಣವನ್ನು ಬಳಸಿಕೊಂಡ ಶ್ರೀನಿಧಿ ಇದರಿಂದಾಗಿ ತನ್ನ ಕೃಷಿ ಉತ್ಪನ್ನಗಳಿಗೆ ಬೆಂಗಳೂರಿನ ಗ್ರಾಹಕರು ನನಗೆ ಸಿಕ್ಕಂತಾಯಿತು ಎನ್ನುತ್ತಾರೆ.
ಮಣ್ಣಿನಲ್ಲಿ ತೇವಾಂಶ ಕಾಪಾಡಿಕೊಳ್ಳುವುದು ಯಾವುದೇ ಬೆಳೆಗೆ ಮುಖ್ಯ ಎನ್ನುವ ಶ್ರೀನಿಧಿ ಬಾಳೆಗೆ ಎಲ್ಲಕ್ಕಿಂತ ವೇಗವಾಗಿ ಮತ್ತು ಪರಿಣಾಮಕಾರಿಯಾಗಿ ಗೆಣಸು ಮಲ್ಚಿಂಗ್ ನೆರವಾಗುತ್ತದೆ ಎನ್ನುತ್ತಾರೆ. ಆಸಕ್ತರು ಇವರನ್ನು ಮೊ.9738540990 ಸಂಪಕರ್ಿಸಬಹುದು.
 -ಚಿನ್ನಸ್ವಾಮಿವಡ್ಡಗೆರೆ
------------------------

ಬರದ ನಾಡಿಗೆ ಭರವಸೆಯ ಬೆಳಕಾದ ಕುಮಾರ

ಮೂರು ಎಕರೆ ಪ್ರದೇಶದಲ್ಲಿ ಬೇರೆ ಬೇರೆ ತಳಿಯ 130 ಸಪೋಟ, 90 ಮಾವು, 40 ಬೆಣ್ಣೆಹಣ್ಣು ಗಿಡಗಳು, 10 ಗಜನಿಂಬೆ, ಅಕರ್ಾ ಸಹನಾ ತಳಿಯ 30 ಸೀತಾಫಲ, 10 ಮೂಸಂಬಿ, 4 ನೇರಳೆ, ಒಂದು ಅಂಜೂರ ಗಿಡ, 25 ತೆಂಗಿನ ಮರಗಳು ಅರಳಿ ಬರಪೂರ ಫಸಲು ನೀಡುತ್ತಾ  ಗಿಡಗಳ ಕೆಳಗೆ ಇಟ್ಟಿರುವ ಜೇನುಪೆಟ್ಟಿಗೆಗಳೂ ಆದಾಯದ ಮೂಲವಾಗಿ ಸುಸ್ಥಿರ ಸಮಗ್ರ ಕೃಷಿಗೆ ಮಾದರಿಯಾಗಿ ನೋಡುಗರ ಕಣ್ಮನ ಸೆಳೆಯುತ್ತಿವೆ.

ಚಾಮರಾಜನಗರ :ಗಣಿದಣಿಯ ದೌರ್ಜನ್ಯ, ಕೃಷಿ ಇಲಾಖೆಯ ಭ್ರಷ್ಟಚಾರದ ವಿರುದ್ಧ ಹೋರಾಟ. ಗೆಲುವು ಮತ್ತೆ ಸೋಲು. ವ್ಯವಸ್ಥೆಯ ಬಗ್ಗೆ ಬೇಸರ. ಆದರೂ ಭೂಮಿ ತಾಯಿ ಕೈಬಿಡಲಾರಳು ಎಂಬ ನಂಬಿಕೆ. ಇದು ಬರವನ್ನು ಮಣಿಸಿ ಹಸಿರು ಕ್ರಾಂತಿಮಾಡಿ ಕೃಷಿಯಲ್ಲಿ ಗೆದ್ದು ಮಾದರಿಯಾದ ಸ್ವಾಭಿಮಾನಿ ಯುವಕನ ಸಹಾಸಗಾಥೆ.
ಚಾಮರಾಜನಗರ ಜಿಲ್ಲೆ ಸಂತೇಮರಹಳ್ಳಿಯಿಂದ ಕೂಗಳತೆ ದೂರದಲ್ಲಿರುವ ಹೆಗ್ಗವಾಡಿಪುರದ ಶಿವಕುಮಾರಸ್ವಾಮಿ ಓದಿದ್ದು ಟಿಸಿಎಚ್.ಮಾಡುತ್ತಿರುವುದು ಕೃಷಿ. ಬೋರ್ವೆಲ್ನಲ್ಲಿ ಬರುವ ಅರ್ಧ ಇಂಚು ನೀರನ್ನು ಬಳಸಿಕೊಂಡು ಮಳೆಯ ಆಶ್ರಯದಲ್ಲಿ ಇವರು ಕಟ್ಟಿದ ತೋಟ ಬಿರು ಬೇಸಿಗೆಯಲ್ಲೂ ಹಸಿರಿನಿಂದ ಕಂಗೊಳಿಸುತ್ತಿದೆ.
ಮೂರು ಎಕರೆ ಪ್ರದೇಶದಲ್ಲಿ ಬೇರೆ ಬೇರೆ ತಳಿಯ 130 ಸಪೋಟ, 90 ಮಾವು, 40 ಬೆಣ್ಣೆಹಣ್ಣು ಗಿಡಗಳು, 10 ಗಜನಿಂಬೆ, ಅಕರ್ಾ ಸಹನಾ ತಳಿಯ 30 ಸೀತಾಫಲ, 10 ಮೂಸಂಬಿ, 4 ನೇರಳೆ, ಒಂದು ಅಂಜೂರ ಗಿಡ, 25 ತೆಂಗಿನ ಮರಗಳು ಅರಳಿ ಬರಪೂರ ಫಸಲು ನೀಡುತ್ತಾ  ಗಿಡಗಳ ಕೆಳಗೆ ಇಟ್ಟಿರುವ ಜೇನುಪೆಟ್ಟಿಗೆಗಳೂ ಆದಾಯದ ಮೂಲವಾಗಿ ಸುಸ್ಥಿರ ಸಮಗ್ರ ಕೃಷಿಗೆ ಮಾದರಿಯಾಗಿ ನೋಡುಗರ ಕಣ್ಮನ ಸೆಳೆಯುತ್ತಿವೆ.
ಇದೆಲ್ಲದ್ದರ ಹಿಂದೆ ಶಿವಕುಮಾರಸ್ವಾಮಿಯ ಎಂಟು ವರ್ಷದ ಶ್ರಮ ಇದೆ.ಕೃಷಿ ಭೂಮಿ ಉಳಿಸಿಕೊಳ್ಳಲು ಗಣಿಗಾರಿಕೆ ವಿರುದ್ಧ ಹೋರಾಡಿದ ಹೆಜ್ಜೆ ಗುರುತುಗಳಿವೆ. ಬದುಕು ಕಲಿಸಿದ ಪಾಠ ಇಂದು ಇವರನ್ನು ಖುಷ್ಕಿ ಭೂಮಿಯ ಕೃಷಿ ವಿಜ್ಞಾನಿಯನ್ನಾಗಿ ರೂಪಿಸಿದೆ. ತಮ್ಮ ತೋಟದ ಜತೆಗೆ ಕೆಸ್ತೂರಿನ ಡಾ.ಹರಿಪ್ರಸಾದ್, ಲೋಕೇಶ್, ಮದ್ದೂರು, ಮುಡಿಗೊಂಡ ಸೇರಿದಂತೆ ಹಲವಾರು ತೋಟವನ್ನು ಕಟ್ಟಿದ್ದಾರೆ. ವಂಡರಬಾಳಿನ ಅಮೃತಭೂಮಿಯ 15 ಎಕರೆ ಪ್ರದೇಶದಲ್ಲಿ 64 ಬಗೆಯ ಹಣ್ಣುಗಳಿರುವ ತಳಿ ಸಂರಕ್ಷಣಾ ಕೇಂದ್ರ ಇವರ ಹಸಿರು ಪ್ರೀತಿಗೆ ಸಾಕ್ಷಿಯಾಗಿದೆ.ಇಲ್ಲಿರುವ ಜಮರ್್ ಪ್ಲಾಸನ್ ಹಾಗೂ ಸಯನ್ ಬ್ಯಾಂಕ್ ( ತಳಿ ಸಂರಕ್ಷಣಾ ಕೇಂದ್ರ ಮತ್ತು ಕಸಿ ಕಟ್ಟಿ ಬೆಳಸಿದ ತೋಟ) ಅನ್ನು ನೋಡಿ ಇಟಲಿಯ ರೈತ ವಿಜ್ಙಾನಿಗಳೇ ನೋಡಿ ಬೆರಗಾಗಿ ಮೆಚ್ಚಿಕೊಂಡಿದ್ದಾರೆ.
ತಮ್ಮ ತೋಟದಲ್ಲಿ ವಿವಿಧ ಹಣ್ಣುಗಳ ಬೆಳೆಯೊಂದಿಗೆ ಮಿಶ್ರ ಬೆಳೆಯಾಗಿ ದ್ವಿದಳ ಧಾನ್ಯಗಳನ್ನು ಬೆಳೆಯುತ್ತಾರೆ. ತಾವು ಕಂಡಿದ್ದು, ಕೇಳಿದ್ದು. ದೇಶದ ವಿವಿಧ ಕೃಷಿ ವಿಶ್ವ ವಿದ್ಯಾನಿಲಯಗಳಿಗೆ ಭೇಟಿ ನೀಡಿದ್ದು. ಮಳೆ ಆಶ್ರಯದ ಅರೆ ಮಲೆನಾಡು ಮತ್ತು ನದಿ, ನಾಲೆಗಳ ನೀರು ಬಳಸಿಕೊಂಡು ಬೇಸಾಯ ಮಾಡುವ ಪ್ರದೇಶಗಳಿಗೆ ಅಧ್ಯಯನ ಪ್ರವಾಸಮಾಡಿ ಕಲಿತ ಜ್ಙಾನದಿಂದ ತಮ್ಮದೇ ಆದ ಒಂದು ಕೃಷಿ ಮಾದರಿಯೊಂದನ್ನು ಶಿವಕುಮಾರ್ ರೂಪಿಸಿಕೊಂಡಿದ್ದಾರೆ.
ಸಂಪೂರ್ಣ ಸಾವಯವ: ಯಾವುದೇ ಬೆಳೆ ಬೆಳೆದರೂ ಅದರ ಕಾಳುಗಳನ್ನಷ್ಟೇ ಪಡೆದುಕೊಂಡು ಉಳಿದ ಭಾಗಗಳನ್ನು ಮುಚ್ಚಿಗೆಯಾಗಿ ಮರಳಿ ಮಣ್ಣಿಗೆ ಸೇರಿಸಲಾಗುತ್ತದೆ. ಅಲ್ಲದೆ ಕೊಟ್ಟಿಗೆ ಗೊಬ್ಬರ, ಗಂಜಲವನ್ನು ಬಳಸಿಕೊಂಡು ಭೂಮಿಯ ತೇವಾಂಶವನ್ನು ಕಾಪಾಡಿಕೊಳ್ಳಲಾಗಿದೆ. ಸುಭಾಷ್ ಪಾಳೇಕರ್ ಅವರ ವಿಧಾನವನ್ನು ಬಳಸಿಕೊಳ್ಳಲಾಗಿದೆ ಎನ್ನುವ ಕುಮಾರ್ ಹೊರಗಿನಿಂದ ಜಮೀನಿಗೆ ಏನನ್ನು ಹಣಕೊಟ್ಟು ತರುವುದಿಲ್ಲ. ರಾಸಾಯನಿಕದಿಂದ ತುಂಬಾ ದೂರ. ತೋಟದಲ್ಲಿ ಹಾಕುವ ಗಿಡಗಳಿಗಷ್ಟೆ ಹಣ ಕೊಟ್ಟು ತರುತ್ತೇನೆ. ಉಳಿದಂತೆ ದ್ವಿದಳ, ಏಕದಳ ಸಸ್ಯಗಳ ನಾಟಿ ಬೀಜವನ್ನು ನಾನೇ ಸಂರಕ್ಷಣೆಮಾಡಿ ಬಳಸುತ್ತೇನೆ ಎಂದು ಹೆಮ್ಮೆಯಿಂದ ಹೇಳುತ್ತಾರೆ.
ಪೃಕೃತಿಯಲ್ಲಿ ಪ್ರತಿ ಗಿಡದಲ್ಲೂ ಹಣ ಇದೆ. ಕಾಣುವ ಕಣ್ಣುಗಳಿರಬೇಕು. ಮಾರುಕಟ್ಟೆಯ ಬಗ್ಗೆ ಸಾಮಾನ್ಯ ಅರಿವು ಬೆಳೆಸಿಕೊಂಡ ರೈತ ಮಾತ್ರ ನೆಮ್ಮದಿಯ ಸುಸ್ಥಿರ ಬದುಕು ಕಟ್ಟಿಕೊಳ್ಳಬಲ್ಲ ಎನ್ನುವ ಶಿವಕುಮಾರಸ್ವಾಮಿಯ ಜಾಣ್ಮೆ ಕೇಳುಗರನ್ನು ಚಿಂತಿಸುವಂತೆ ಮಾಡುತ್ತದೆ. ಇವರ ತೋಟದಲ್ಲಿರು ಎಂಟು ವರ್ಷದ ಒಂದು ಅಂಜೂರ ಗಿಡ ವಾಷರ್ಿಕ ಹದಿನೇಳು ಸಾವಿರ ಆದಾಯ ತಂದುಕೊಡುತ್ತದೆ.ಒಂದು ಗಿಡ ತನ್ನ ಜೀವಮಾನದಲ್ಲಿ ತನ್ನ ಬೆಳವಣಿಗೆಯ ಶೇಕಡಾ 60 ರಷ್ಟನ್ನು ಉಪಯೋಗಿಸಿಕೊಂಡು ಉಳಿದ ಶೇ.40 ರಷ್ಷನ್ನು ನಮಗೆ ನೀಡುತ್ತದೆ. ಇದನ್ನು ಅರ್ಥಮಾಡಿಕೊಂಡರೆ ಕೃಷಿಯಲ್ಲಿ ಮುಂದಿನದ್ದೆಲ್ಲ ಸುಲಭ. ಯಾವುದೇ ರಾಸಯನಿಕಗಳಿಲ್ಲದೆ, ಕ್ರಿಮಿನಾಶಕ ಔಷಧಗಳ ಹಂಗಿಲ್ಲದೆ ಸಹಜ ಕೃಷಿಮಾಡಿ ಆದಾಯಗಳಿಸಬಹುದು. ಇದನ್ನು ನಮ್ಮ ರೈತರಿಗೆ ಯಾವುದೇ ವಿಶ್ವ ವಿದ್ಯಾನಿಲಯಗಳು ಕಲಿಸಿಕೊಡುತ್ತಿಲ್ಲ. ಮಕ್ಕಳು ಆರೋಗ್ಯವಾಗಿರಲು ಪೌಷ್ಠಿಕ ಆಹಾರ ತಿನ್ನಬೇಕು ಎಂದು ಪಾಠಮಾಡುವ ನಾವು ಅವು ಸಿಗುವ ಅಂಗಡಿಗಳ ಬಗ್ಗೆ ಹೇಳಿಕೊಡುತ್ತೇವೆಯೇ ಹೊರತು ಅದನ್ನು ಬೆಳೆದುಕೊಳ್ಳುವ ವಿಧಾನವನ್ನು ಕಲಿಸಿಕೊಡದೆ ಮಕ್ಕಳನ್ನು ಮಾರುಕಟ್ಟೆ ಸಂಸ್ಕೃತಿಗೆ ತಯಾರುಮಾಡುತ್ತೇವೆ ಎನ್ನುವ ಕುಮಾರ್ ವಿಷಮುಕ್ತ ಆಹಾರ ಬೆಳೆದುಕೊಳ್ಳುವ ಬಗ್ಗೆ ಸಂಪನ್ಮಾಲ ವ್ಯಕ್ತಿಯಾಗಿಯೂ ರಾಜ್ಯದ ಹಲವೆಡೆ ಉಪನ್ಯಾಸ ನೀಡಿದ್ದಾರೆ.
ವಿರೋಧದ ನಡುವೆಯೂ ಕೃಷಿ ಪ್ರೀತಿ : ಇವರ ತಂದೆ ಪುಟ್ಟಪ್ಪ. ಕೊಳ್ಳೆಗಾಲದ ರೇಷ್ಮೆ ಫಿಲಿಚೇರ್ನಲ್ಲಿ   ಮೆನೇಜರ್ ಆಗಿದ್ದವರು. ತಾಯಿ ಪುಟ್ಟಲಿಂಗಮ್ಮ. ಮಗ ಓದಿ ಶಿಕ್ಷಕನಾಗಬೇಕು ಎನ್ನುವುದು ಮನೆಯವರ ಆಸೆ.ಆದರೆ ಹುಡುಗನಿಗೆ ಬಾಲ್ಯದಿಂದಲೇ ಧ್ಯಾನ,ಯೋಗ ಮತ್ತು ಕೃಷಿಯಲ್ಲಿ ಆಸಕ್ತಿ. ಮನೆಯವರ ಒತ್ತಾಸೆಗಾಗಿ 2003 ರಲ್ಲಿ ಪ್ರಶಿಕ್ಷಣ ಪದವಿ ಪಡೆದು ಸ್ವಂತ ಊರಿನ ಶಾಲೆಯಲ್ಲಿ ಮಕ್ಕಳಿಗೆ ಪಾಠ ಹೇಳಿಕೊಡುತ್ತಾ ಕೃಷಿ ಮಾಡಲು ಮುಂದಾಗುತ್ತಾರೆ.
ಆದರೆ ತಂದೆಗೆ ಇದು ಸುತರಾಂ ಇಷ್ಟ ಇಲ್ಲ. ತಾಯಿಯ ಒತ್ತಡಕ್ಕೆ ಮಣಿದು ಒಂದುವರೆ ಎಕರೆ ಸ್ವಂತ ಜಮೀನಿನ ಜತೆಗೆ ಮತ್ತೆ ಎಂದುವರೆ ಎಕರೆ ಜಮೀನನ್ನು ಖರೀದಿಸಿ ಬೇಸಾಯಮಾಡಲು ಬಿಡುತ್ತಾರೆ. ಮೂರು ಎಕರೆ ಜಮೀನಿನಲ್ಲಿ ಬೋರ್ವೆಲ್ ತೆಗಿಸಿದಾಗ ಅಲ್ಲಿ ಎರಡುವರೆ ಇಂಚು ನೀರು ಬರುತ್ತದೆ. ಅದೇ ವರ್ಷ ಕಬ್ಬು ಬೆಳೆದು ಮೂರುವರೆ ಲಕ್ಷ ರೂಪಾಯಿ ಆದಾಯಗಳಿಸುತ್ತಾರೆ.ಇದರಿಂದಾಗಿ ಜಮೀನು ಖರೀದಿ ಮಾಡಿದ್ದ ಹಣ ಮತ್ತು ಬೋರ್ವೆಲ್ಗೆ ಖಚರ್ುಮಾಡಿದ್ದ ಹಣ ಬಂದಂತಾಯಿತು. ಆಸ್ತಿ ಉಳಿದುಕೊಂಡಿತು ಎಂದು ಲೆಕ್ಕ ಕೊಡುವಾಗ ಇವರ ಅರ್ಥಶಾಸ್ತ್ರದ ಜ್ಞಾನ ಅಚ್ಚರಿ ಮೂಡಿಸುತ್ತದೆ.
ನುಗ್ಗೆ ಬೀಜ ಸಂರಕ್ಷಕ:  ನುಗ್ಗೆ ಬೇಸಾಯದಲ್ಲೂ ಹೆಸರು ಮಾಡಿರುವ ಶಿವಕುಮಾರ್, ನಾಟಿ ಬೀಜ ತಯಾರುಮಾಡಿಕೊಳ್ಳಲು ಮಾತ್ರ ನುಗ್ಗೆ ಕೃಷಿ ಮಾಡುತ್ತಾರೆ. ತಮಿಳುನಾಡು ಪೆರಿಯಾಕುಳಂ ಕೃಷಿ ವಿಶ್ವ ವಿದ್ಯಾನಿಲಯ ಸಂಶೋಧಿಸಿರುವ ಪಿಕೆಎಂ 1 ತಳಿ, ಬಾಗಲಕೋಟೆ ಕೃಷಿ ವಿವಿ ಸಂಶೋಧಿಸಿರುವ ಭಾಗ್ಯ ತಳಿ ಹಾಗೂ ಸ್ಥಳೀಯವಾಗಿ ಸಿಗುವ ತಳಿ ಈ ಮೂರನ್ನು ಮಿಶ್ರಮಾಡಿ ಉತ್ಪಾದಿಸುವ ಇವರ ನುಗ್ಗೆ ಬೀಜಗಳು ಈ ಭಾಗದಲ್ಲಿ ಜನಪ್ರೀಯವಾಗಿವೆ.
ಗಣಿ ಕಿರಿಕಿರಿ : ಮೊದಲ ಕಬ್ಬಿನ ಬೆಳೆಯ ಇಳುವರಿಯಿಂದ ಹೆಚ್ಚಿನ ಆದಾಯ ಬಂತು. ಎರಡನೇ ವರ್ಷದಿಂದ ನಷ್ಟ ಆರಂಭವಾಯಿತು. ಕಾರಣ ಗಣಿಗಾರಿಕೆ. ಜಮೀನಿನ ಪಕ್ಕದಲ್ಲೇ ಕರಿಕಲ್ಲು ಗಣಿಗಾರಿಕೆ ಆರಂಭವಾಗುತ್ತದೆ. ಅಲ್ಲಿ 80 ಅಡಿಗೆ ನೀರು ಬರುತ್ತದೆ. ಇಲ್ಲಿ ಎರಡುವರೆ ಇಂಚು ಬರುತ್ತಿದ್ದ ನೀರು ಬರಿ ಒಂದು ಇಂಚಿಗೆ ಬಂದು ನಿಲ್ಲುತ್ತದೆ. ಇದರಿಂದ ಕಬ್ಬು ಬೆಳೆಯಲು ಆಗುವುದಿಲ್ಲ ಎಂಬ ತೀಮರ್ಾನಕ್ಕೆ ಬರುವ ಶಿವಕುಮಾರ್ ರೇಷ್ಮೆ ಕೃಷಿ ಕೈಗೊಳ್ಳುತ್ತಾರೆ. ಆದರೆ ಗಣಿಯಿಂದ ಎದ್ದ ಧೂಳು ಸೊಪ್ಪಿನ ಮೇಲೆಲ್ಲ ಕುಳಿತು ರೇಷ್ಮೆಯಲ್ಲೂ ಅಪಾರ ನಷ್ಟ ಅನುಭವಿಸುವಂತಾಗುತ್ತದೆ.
ಸುತ್ತಮತ್ತ ರೈತರು ಮತ್ತು ಜಿಲ್ಲಾ ರೈತ ಸಂಘದವರ ಸಹಕಾರದೊಂದಿಗೆ ಗಣಿ ವಿರುದ್ಧ ಹೋರಾಟಕ್ಕಿಳಿಯುವ ಶಿವಕುಮಾರ್ ಒಂದು ಹಂತದಲ್ಲಿ ಗಣಿ ನಿಲ್ಲಿಸುವಲ್ಲಿ ಯಶಸ್ವಿಯೂ ಆಗುತ್ತಾರೆ. ಆದರೆ ಜಿಲ್ಲಾಡಳಿತದ ತೀಪರ್ಿನ ವಿರುದ್ಧ ಹೈಕೋಟರ್್ ಮೆಟ್ಟಿಲೇರುವ ಗಣಿದಣಿ ಮತ್ತೆ ಗಣಿ ನಡೆಸಲು ಅನುಮತಿಯೊಂದಿಗೆ ಬರುತ್ತಾನೆ. ಮತ್ತೆ ಹೋರಾಟ. ಕೊಲೆ ಬೆದರಿಕೆ ಬರುತ್ತದೆ. ಗಣಿ ರಾಜ್ಯದ ಪ್ರತಿಷ್ಠಿತ ರಾಜಕಾರಣಿಗೆ ಸೇರಿದ್ದು ಇದರ ವಿರುದ್ಧ ನಮ್ಮ ಹೋರಾಟಕ್ಕೆ ಜಯ ಸಿಗುವುದು ಕಷ್ಟ ಎಂಬ ಸತ್ಯ ಅರಿವಾಗಿರುತ್ತದೆ. ಇದನ್ನೆಲ್ಲ ಕಂಡ ಮನೆಯವರು ಇರುವ ಒಬ್ಬನೇ ಮಗನ ಜೀವಕ್ಕೆ ಅಪಾಯ ಬಂದಿರುವುದನ್ನು ಮನಗಂಡು ಊರು ಬಿಡಿಸಿ ಬಿಳಿಗಿರಿರಂಗನಬೆಟ್ಟದಲ್ಲಿದ್ದ ಸುದರ್ಶನ್ ಅವರ ಶಾಲೆಗೆ ಶಿಕ್ಷಕನನ್ನಾಗಿ ಕಳಿಸಿಬಿಡುತ್ತಾರೆ.
ಕಾಡು ಕಲಿಸಿದ ಕೃಷಿ ಪಾಠ: ಬೆಟ್ಟದಲ್ಲಿ ಪಾಠ ಮಾಡುತ್ತ,ಸೋಲಿಗರೊಂದಿಗೆ ಒಡನಾಡುತ್ತಾ ಕಲಿತದ್ದು ತನ್ನ ಕೃಷಿಜ್ಞಾನವನ್ನು ಹೆಚ್ಚಿಸಿತು. ಕಾಡಿನ ಜನರ ಬದುಕು ಮತ್ತು ಮೌಲ್ಯಗಳು ನನ್ನನ್ನು ಪ್ರಭಾವಿಸಿದವು. ನಾಗರಿಕ ಸಮಾಜದಲ್ಲಿರುವ ವಿಕಾರಗಳು, ಭ್ರಷ್ಟಚಾರ, ವಂಚನೆ ಯಾವುದು ಅಲ್ಲಿ ಇರಲಿಲ್ಲ. ಕಾಡಿನಲ್ಲಿ ಜನಗಣತಿಗೆ ಹೋದಾಗ ಅಲ್ಲಿನ ಜನರನ್ನು ನಿಮಗೆ ನಾಗರಿಕತೆಯಿಂದ ಒಳ್ಳೆಯದಾಗಿದೆಯೇ ಎಂದು ಪ್ರಶ್ನೆಮಾಡಿದಾಗ ಅವರು,ನಾಡಿನ ಜನರ ಬಂದು ನಮಗೆ ಕುಡಿಯುವುದನ್ನು ಕಲಿಸಿದರು, ಸುಳ್ಳು ಹೇಳುವುದನ್ನು, ವಂಚನೆ ಮಾಡುವುದನ್ನು ಕಲಿಸಿದರು ಅಷ್ಟೇ ನಿಮ್ಮಿಂದ ನಮಗಾದದ್ದು ಎಂದು ಹೇಳಿದ್ದು ನಾನು ಬೆಚ್ಚಿ ಬೀಳುವಂತೆ ಮಾಡಿತು ಎನ್ನುವ ಶಿವಕುಮಾರ್. ತಾನು ಕಷ್ಟದಲ್ಲಿರುವ ಬರದ ನಾಡಿನ ರೈತರಿಗೆ ಮಾದರಿಯಾಗುವ ಕೆಲಸ ಮಾಡುವ ನಿಧರ್ಾರಕ್ಕೆ ಬರುತ್ತಾರೆ. ಇಷ್ಟೆಲ್ಲ ನಡೆಯುವಾಗ ಮೂರ್ನಾಲ್ಕು ವರ್ಷ ಕಳೆದು ಗಣಿಯು ಸ್ಥಗಿತಗೊಂಡಿರುತ್ತದೆ.
ಮರಳಿ ಕೃಷಿಗೆ : 2008 ರಲ್ಲಿ ಮನೆಯವರ ವಿರೋಧದ ನಡುವೆಯೂ ಮತ್ತೆ ಕೃಷಿಗೆ ಮರಳುವ ಶಿವಕುಮಾರ್ ಬರಿಗೈಯಲ್ಲಿ, ಕಷ್ಟದ ನಡುವೆ ಕಟ್ಟಿದ ತೋಟ ಇಂದು ಅವರಿಗೆ ಒಂದು ಗೌರವವನ್ನು ತಂದು ಕೊಟ್ಟಿದೆ. ಇವರ ಕೃಷಿ ಬದುಕನ್ನು ವಿರೋದಮಾಡುತ್ತಿದ್ದ ಮನೆಯವರೇ ಇಂದು ಸಾಧನೆಯನ್ನು ಕಂಡು ಸಂತಸ ಪಡುತ್ತಿದ್ದಾರೆ. ಈಗ ಮತ್ತೆ ಎರಡು ಎಕರೆ ಪ್ರದೇಶದಲ್ಲಿ ಅಲಸು ಮತ್ತು ಮೂಸಂಬಿ ಬೆಳೆದು ಪ್ರಯೋಗಮಾಡಲು ಹೊರಟಿರುವ ಕುಮಾರ್ ತಮ್ಮಲ್ಲಿರುವ ಗದ್ದೆಯನ್ನು ಅಪ್ಪನಿಗೆ ವಹಿಸಿ ತಾವು ಮಾತ್ರ ಖುಷ್ಕಿ ಜಮೀನನ್ನು ಪಡೆದು ಹೊಸ ಹೊಸ ಪ್ರಯೋಗದಲ್ಲಿ ತೊಡಗಿದ್ದಾರೆ, ನೂರಾರು ಆಸಕ್ತರು ಅವರ ಮಾರ್ಗದರ್ಶನ ಪಡೆಯುತ್ತಾರೆ.
ಜಿಲ್ಲೆಯ ಕೃಷಿ ಇಲಾಖೆಗೆ ಇಂತಹ ತೋಟಗಳ ಮಾದರಿ ಕಣ್ಣಿಗೆ ಕಾಣಿಸುವುದೇ ಇರುವುದು ಮಾತ್ರ ದುದರ್ೈವದ ಸಂಗತಿ. ಜಿಲ್ಲೆಯಲ್ಲಿ ಬರವನ್ನು ಮಣಿಸಿದ ಯುವಕನ ಇಂತಹ ಕೃಷಿ ಮಾದರಿ,ಸುಸ್ಥಿರ ಸಮಗ್ರ ಸಾವಯವ ಕೃಷಿ ಅನುಕರಣೀಯ.
ಆರಂಭದಲ್ಲಿ ತೋಟಗಾರಿಕೆ ಇಲಾಖೆಯವರು ಪುಕ್ಕಟೆಯಾಗಿ ಕೊಡುತ್ತಿದ್ದ 80 ಸಪೋಟ ಗಿಡಗಳನ್ನು ತಾವೇ ಸ್ವತಃ ಸೈಕಲ್ ಮೇಲೆ ಏರಿಕೊಂಡು ತಂದು ನಾಟಿಮಾಡಿದ ಕುಮಾರ್ ಇದರೊಂದಿಗೆ      ಮಿಶ್ರ  ಬೆಳೆಯಾಗಿ ಬೆಳದ ದ್ವಿದಳ ಧಾನ್ಯಗಳ ಆದಾಯದಲ್ಲಿ ಮಾವು,ಅಲಸು, ನುಗ್ಗೆ ಮತ್ತಿತರರ ಹಣ್ಣಿನ ಗಿಡಗಳನ್ನು ತಂದು ಹಾಕಿಕೊಂಡು ಅರ್ದ ಇಂಚು ನೀರಿನೊಂದಿಗೆ ಮಳೆಯ ನೀರನ್ನು ಬಳಕೆ ಮಾಡಿಕೊಂಡು ಕಟ್ಟಿರುವ ತೋಟ ಯುವಕರಿಗೆ ಸ್ಫೂತರ್ಿಯ ಕೇಂದ್ರವಾಗಿದೆ. ಆಸಕ್ತರು ಮೊ.9164878302 ಸಂಪಕರ್ಿಸಬಹುದು.

 ಸಕ್ಕರೆ ನಾಡಿನಲ್ಲಿ ಹರಿಯಿತು ಕ್ಷೀರಧಾರೆ

ಶ್ರೀಹರಿ ಗೋಕುಲ್ ಫಾರಂನಲ್ಲಿ ಕೇಳಿದ ಮೋಹನ ರಾಗ

ಹೈನುಗಾರಿಕೆ ತಕ್ಷಣ ಆದಾಯ ತರಬಲ್ಲಂತಹ ಕೃಷಿಯ ಉಪಕಸುಬು. ಇತ್ತೀಚಿಗೆ ಹೈನುಗಾರಿಕೆ ಪ್ರಧಾನ ಕಸುಬಾಗಿದೆ. ಇದರಲ್ಲಿ ಯಶಸ್ಸು ಕಂಡವರು ಇದ್ದಾರೆ ಹಾಗೆಯೆ ನಷ್ಟ ಅನುಭವಿಸಿದವರು ಇದ್ದಾರೆ. ಹೈನುಗಾರಿಗೆ ಮುಂದಾಗುವವರು ಶೆಡ್ ನಿಮರ್ಾಣ ಸೇರಿದಂತೆ, ಮಿಲ್ಕ್ ಮೆಷಿನ್, ಚಾಪರ್ ಕಟಿಂಗ್ ಮತ್ತಿತರ ಯಂತ್ರೋಪಕರಣಗಳಿಗೆ ಹೆಚ್ಚು ಹಣ ವ್ಯಹಿಸಿ ಹಸುಗಳನ್ನು ತರಲು ಹಣವಿಲ್ಲದೆ ಪರದಾಡುತ್ತಾರೆ. ಆದರೆ ಮಂಡ್ಯ ಜಿಲ್ಲೆಯ ಕೊಡಿಯಾಲ ಗ್ರಾಮದ ಪದವಿಧರ ಮೋಹನ್ ಹಂತ ಹಂತವಾಗಿ ಹೈನುಗಾರಿಕೆಯಲ್ಲಿ ಹೇಗೆ ಮೇಲೆ ಬಂದರು ಎಂಬ ಯಶೋಗಾಥೆಯನ್ನು ಕೇಳಿದರೆ ಕಡಿಮೆ ಖಚರ್ು ಬಳಸಿ ಹೇಗೆ ಹೈನುಗಾರಿಕೆ ಮಾಡಬಹುದು ಎಂಬ ಬಗ್ಗೆ ಗೊತ್ತಾಗುತ್ತದೆ.

------------------------------------

ಮಂಡ್ಯ : ಕೃಷಿ ಕ್ಷೇತ್ರದತ್ತ  ಇತ್ತೀಚಿನ ದಿನಮಾನಗಳಲ್ಲಿ ಸಾಫ್ಟವೇರ್ ಎಂಜಿನಿಯರ್ಗಳು, ವಿದ್ಯಾವಂತ ತರುಣರು ಏನಾದರೂ ಹೊಸತು ಸಾಧಿಸುವ ಆಸೆಯಿಂದ  ಹೆಚ್ಚು ಹೆಚ್ಚು ಆಸಕ್ತಿವಹಿಸಿ ಬರುತ್ತಿದ್ದಾರೆ. ಇಂತಹವರ ಸಾಧನೆಗೆ ಇಲ್ಲಿ ಸವಾಲುಗಳು  ಮತ್ತು ಸಾಧ್ಯತೆಗಳು ಇವೆ. ಸಾಮಾನ್ಯವಾಗಿ ಈ ಕ್ಷೇತ್ರದತ್ತ ಬರುವ ಇಂತಹರು ಮೊದಲ ಆಯ್ಕೆ ಹೈನುಗಾರಿಕೆಯಾಗಿರುತ್ತದೆ. ಆದರೆ ಪಶುಪಾಲನೆಯ ನಿರ್ವಹಣೆಯ ಕೊರತೆ ಮತ್ತು ಸ್ಪಷ್ಟ ಮಾಹಿತಿಯ ಕೊರತೆಯಿಂದ ನಷ್ಟ ಅನುಭವಿಸಿ ಭ್ರಮನಿರಸನ  ಹೊಂದುವವರೆ ಹೆಚ್ಚು.
ಇಲ್ಲೊಬ್ಬ ವಿದ್ಯಾವಂತ ವೈಜ್ಞಾನಿಕವಾದ ರೀತಿಯಲ್ಲಿ ಹೈನುಗಾರಿಕೆ ಮಾಡಿ ಮಾಸಿಕ ಸರಾಸರಿ ಒಂದು ಲಕ್ಷಕ್ಕೂ ಹೆಚ್ಚು ಆದಾಯಗಳಿಸುವ ಮೂಲಕ ಹೈನುಗಾರಿಕೆಯಲ್ಲಿ ಆಸಕ್ತಿಹೊಂದಿರುವವರಿಗೆ ಭರವಸೆಯ ಬೆಳಕಾಗಿದ್ದಾರೆ. ಇವರೇ ಸಕ್ಕರೆನಾಡು  ಮಂಡ್ಯ ಜಿಲ್ಲೆಯ ಕೊಡಿಯಾಲ ಗ್ರಾಮದ ಬಿಎಸ್ಸಿ ಅಗ್ರಿಕಲ್ಚರ್ ಪದವಿಧರ ಮೋಹನ್.
ಶ್ರೀಹರಿ ಗೋಕಲ್ ಫಾಮರ್್ನಲ್ಲಿ ಸಧ್ಯ ಐವತ್ತು ರಾಸು ಹಸುಗಳಿವೆ. ಇದರಲ್ಲಿ ಇಪ್ಪತ್ತಆರು ಹಸುಗಳು ಹಾಲು ಹಿಂಡುತ್ತಿವೆ. ಉಳಿದ ಇಪ್ಪತ್ತಾರು ಹಸುಗಳು ಗರ್ಭ ಧರಿಸಿ ಕರು ಹಾಕುವ ಹಂತದಲ್ಲಿವೆ. ಪ್ರತಿದಿನ ನಾಲ್ಕು ನೂರು ಲೀಟರ್ ಹಾಲು ಕರೆದು  ಮನ್ಮುಲ್ ಡೈರಿಗೆ ಸರಬರಾಜು ಮಾಡಲಾಗುತ್ತದೆ. ಪ್ರತಿ ಲೀಟರ್ ಹಾಲಿಗೆ ಡೈರಿಯಿಂದ ಕೊಡುವ ಇಪ್ಪತ್ತೊಂದು ರೂಪಾಯಿ ಜತೆಗೆ ಸರಕಾರ ನೀಡುವ ಸಹಾಯ ಧನ ನಾಲ್ಕು ರೂಪಾಯಿ ಸೇರಿ ಒಟ್ಟು ಇಪ್ಪತ್ತೈದು ರೂಪಾಯಿ ಇವರಿಗೆ ಸಿಗುತ್ತದೆ.  ಪ್ರತಿವಾರಕ್ಕೊಮ್ಮೆ ಹಣ ಕೈ ಸೇರುತ್ತದೆ. ಒಟ್ಟು ಆದಾಯದಲ್ಲಿ ಶೇಕಡಾ ಅರವತ್ತಷ್ಟು ರಾಸುಗಳ ನಿರ್ವಹಣೆಗೆ ವೆಚ್ಚವಾದರೆ ಉಳಿಕೆ ಶೇಕಡಾ ನಲವತ್ತರಷ್ಟು ಆದಾಯ ನಿಶ್ಚಿತ ಎಂದು ಮೋಹನ್ ನಿಕರವಾಗಿ ಖಚ್ಚರ್ು ಮತ್ತು ಆದಾಯದ ಬ್ಯಾಲೆನ್ಸ್ ಶೀಟ್  ಕೊಡುತ್ತಾರೆ.
ಕಳೆದ ಎರಡು ವರ್ಷಗಳಿಂದಲ್ಲೂ ಮನಮುಲ್ ನೀಡುವ ಅತ್ಯುತ್ತಮ ಹಾಲು ಉತ್ಪಾದಕ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಳ್ಳುತ್ತಿರುವ ಮೋಹನ್ ಮಾದರಿ ಹೈನು ಉದ್ಯಮಿಯಾಗಿ ರೂಪುಗೊಂಡಿದ್ದು ಯುವ ಜನಾಂಗಕ್ಕೆ ಸ್ಫೂತಿಯಾಗಿದ್ದಾರೆ.
2001 ರಲ್ಲಿ ಬಿಎಸ್ಸಿ ಅಗ್ರಿಕಲ್ಚರ್ ಪದವಿ ಮುಗಿಸಿದ ಮೋಹನ್ ಕೆಲ ಕಾಲ ಮಂಡ್ಯದ ಮೈಶುಗರ್ ಕಾಖರ್ಾನೆಯಲ್ಲಿ ಕೇನ್ ಸೂಪರ್ವೈಸರ್ ಆಗಿ ವೃತ್ತಿ ಮಾಡಿದರು. ಬಾಲ್ಯದಿಂದಲೂ ವ್ಯವಸಾಯದ ಬಗ್ಗೆ ಆಸಕ್ತಿ ಹೊಂದಿದ್ದ ಇವರು ಸಕ್ಕರೆ ಕಾಖರ್ಾನೆ  ವೃತ್ತಿಯ ಏಕತಾನತೆಯಿಂದ ಬೇಸರವಾಗಿ ಸ್ವಂತ ಉದ್ಯಮವೊಂದನ್ನು ಆರಂಭಿಸಲು ತೀಮರ್ಾನ ಕೈಗೊಳ್ಳುತ್ತಾರೆ. ಆಗ ಇವರಿಗೆ ಹೊಳೆದದ್ದೆ ಹೈನುಗಾರಿಕೆ.
ನಿಶ್ಚಿತವಾದ ಆದಾಯ.ಮಳೆ ಮತ್ತು ಹವಾಮಾನದಂತಹ ಪ್ರತಿಕೂಲಗಳನ್ನು ತಡೆಯಬಲ್ಲಂತಹ ಉದ್ಯಮ ಎಂದರೆ ಹೈನೋದ್ಯಮ ಎಂಬ ಸತ್ಯವನ್ನು ಕಂಡುಕೊಂಡ ಮೋಹನ್ 2009ರಲ್ಲಿ ಎಂಟು ಹಸುಗಳನ್ನು ಸ್ಥಳೀಯವಾಗಿ ಖರೀದಿಸಿ ಹೈನುಗಾರಿಕೆ  ಆರಂಭಿಸುತ್ತಾರೆ. ಈಗ ಅವರ ಬಳಿ 50 ರಾಸುಗಳಿವೆ. ಕರುಗಳನ್ನು ಆಗಾಗ ಮಾರಾಟ ಮಾಡುವುದರಿಂದಲ್ಲೂ ಒಳ್ಳೆಯ ಆದಾಯ ಗಳಿಸುತ್ತಿದ್ದಾರೆ.
ಸರಳ ತಂತ್ರಜ್ಞಾನ : ಮೋಹನ್ ಅವರ ಅನುಭವದ ಪ್ರಕಾರ ಸಾಮಾನ್ಯವಾಗಿ ಹೈನೋದ್ಯಮಕ್ಕೆ ಬರುವ ವಿದ್ಯಾವಂತರು ಶೆಡ್ ನಿಮರ್ಾಣಕ್ಕೆ ಹೆಚ್ಚು ಹಣ ಖಚರ್ು ಮಾಡಿಬಿಡುತ್ತಾರೆ. ಇದರಿಂದಾಗಿ ಹಸು ತರಲು ಹಣವಿಲ್ಲದೆ ತೊಂದರೆ ಅ ನುಭವಿಸುತ್ತಾರೆ. ಇವರು ಅತಿ ಕಡಿಮೆ ವೆಚ್ಚದಲ್ಲಿ ಸುತ್ತ ಯಾವುದೇ ಗೋಡೆ ನಿಮರ್ಿಸದೆ ಉದ್ದಕ್ಕೂ ಕಲ್ನಾರ್ಶೀಟ್ ಹಾಕಿ ರಾಸುಗಳನ್ನು ಕಟ್ಟಲು ಶೆಡ್ ನಿಮರ್ಾಣ ಮಾಡಿಕೊಂಡಿದ್ದಾರೆ. ಇದರಿಂದಾಗಿ ರಾಸುಗಳಿಗೆ ಗಾಳಿ ಬೆಳಕು ಸಮೃದ್ಧವಾಗಿ ಸಿಗುತ್ತದೆ.  ನೆಲಹಾಸಿಗೆ ಸಿಮೆಂಟ್ ಗಾರೆ ಹಾಕಿದ್ದು ರಾಸುಗಳಿಗೆ ರಬ್ಬರ್ ಬೆಡ್ಗಳನ್ನು ಹಾಕಿದ್ದಾರೆ. (ಪ್ರತಿ ರಾಸಿನ ಹಾಸಿಗೆಯ ಬೆಲೆ 2400 ರೂಪಾಯಿಗಳು). ಇದರಿಂದಾಗಿ ರಾಸುಗಳಿಗೆ ಬರುವ ಕೆಚ್ಚಲು ಬಾವು ಮತ್ತಿತರರ ರೋಗಗಳು ನಿಯಂತ್ರಣವಾಗಿದೆ ಎ ನ್ನುತ್ತಾರೆ.
ಹಾಲು ಕರೆಯಲು ಎರಡು ಕ್ಯಾನಿನ ಮೆಶಿನ್ ಬಳುಸುತ್ತಾರೆ.ಇದರಿಂದ ಕಡಿಮೆ ಅವಧಿಯಲ್ಲಿ ಇಬ್ಬರು ಕೆಲಸಗಾರರು ಒಂದು ಬಾರಿಗೆ 200 ಲೀಟರ್ ಹಾಲು ಹಿಂಡುತ್ತಾರೆ.
ರಾಸುಗಳ ಮೂತ್ರ ಸರಾಗವಾಗಿ ಹರಿದು ಹೋಗಿ ಒಂದು ತೊಟ್ಟಿಯಲ್ಲಿ ಶೇಖರಣೆಯಾಗುತ್ತದೆ.ಇದನ್ನು ರಾಸುಗಳಿಗೆ ಹುಲ್ಲು ಬೆಳೆಯಲು ರಸಾವರಿಯಾಗಿ ಬಳಕೆಮಾಡಿಕೊಳ್ಳಲಾಗುತ್ತದೆ. ನೆಲಕ್ಕೆ ಬಿದ್ದ ಸಗಣಿಯನ್ನು ಸಲಕರಣೆಯ ಮೂಲಕ ಬಾಚಿ  ಒಂದು ಕಡೆ ಸುರಿಯಲಾಗುತ್ತದೆ. ಇತ್ತೀಚಿನವರೆಗೂ ತಮಗೆ ಬೇಕಾದಷ್ಟು ಸಗಣಿ ಬಳಸಿಕೊಂಡು ಉಳಿಕೆ ಮಾರಾಟಮಾಡಿ ಅದರಲ್ಲೂ ಆದಾಯ ಗಳಿಸುತ್ತಿದ್ದ ಮೋಹನ್ ಈಗ ಎರೆಹುಳು ಗೊಬ್ಬರ ಘಟಕ ನಿಮರ್ಾಣಕ್ಕೆ ಯೋಜನೆ ಸಿದ್ಧ ಪಡಿಸಿಕೊಂಡಿದ್ದಾರೆ. ಇದಲ್ಲದೆ ತಮ್ಮದೇ ಆದ ಬ್ರಾಂಡ್ಮಾಡಿ ಹಾಲನ್ನು ಮಾರುಕಟ್ಟೆಗೆ ಬಿಡಲು ಆಲೋಚಿಸುತ್ತಿದ್ದಾರೆ.
ಪಶು ಆಹಾರದ ಪ್ರಾಮುಖ್ಯತೆ : 10 ರಿಂದ 15 ಲೀಟರ್ ಹಾಲು ಕೊಡುವ ರಾಸಿಗೆ ಪ್ರತಿದಿನ 25 ರಿಂದ 30 ಕೆಜಿ ಹಸಿರು ಮೇವು ಜತೆಗೆ 2 ರಿಂದ 3 ಕೆಜಿ ಪಶು ಆಹಾರ ಕೊಡಬೇಕು. ಆರಂಭದಲ್ಲಿ ಬೇರೆ ಬೇರೆ ಕಂಪನಿಯವರು ತಯಾರು  ಮಾಡುತ್ತಿದ್ದ ಪಶು ಆಹಾರವನ್ನು ನೀಡಲಾಗುತ್ತಿತ್ತು.ರವೆಬೂಸ, ಎಲೆಬೂಸ ಇಂತಹವುಗಳಲ್ಲಿ ರಾಸುಗಳಿಗೆ ಬೇಕಾದ ನ್ಯೂಟ್ರೀಶಿಯನ್ ಸಿಗದೆ ಹಾಲಿನ ಇಳುವರಿ ಕಡಿಮೆಯಾಗುತ್ತದೆ.  ಇದರಿಂದ ಹಾಲು ಉತ್ಪಾದನೆಯ ವೆಚ್ಚ ಹೆಚ್ಚಾಗಿ ಲಾಭ ಕಡಿಮೆ  ಬರುತ್ತಿತ್ತು.
ಇದಕ್ಕಾಗಿ ಇವರು ಸರಳ ಉಪಾಯವೊಂದನ್ನು ಕಂಡುಕೊಂಡಿದ್ದಾರೆ.ತಮ್ಮ 10 ಎಕರೆ ಜಮೀನಿನಲ್ಲಿ ಮುಸುಕಿನ ಜೋಳವನ್ನು ಪಶು ಆಹಾರಕ್ಕಾಗಿಯೇ ಬೆಳೆಯಲಾಗುತ್ತಿದ್ದು, ಜೊತೆಗೆ ಎರಡು ಎಕರೆಯಲ್ಲಿ ಕೋ 4  ತಳಿಯ ಹುಲ್ಲನ್ನು ಬೆಳೆಯಲಾಗಿದೆ.  ಮುಸುಕಿನ ಜೋಳದ ಕಡ್ಡಿಯನ್ನು ಕಾಳು ಹಾಲುಗೂಡಿದಾಗ ಅಂದರೆ 60 ರಿಂದ 75 ದಿನಗಳಾದಾಗ ಕಟಾವುಮಾಡಿ ಪ್ರತಿ ರಾಸಿಗೆ ದಿನಕ್ಕೆ 40 ಕೆಜಿ ಪ್ರಮಾಣದಲ್ಲಿ ಕೊಡುತ್ತಾರೆ.ಜತೆಗೆ ಬೆಳಗ್ಗೆ ಮತ್ತು ಸಂಜೆ ತಲಾ 2 ಕೆಜಿ ಪ್ರಮಾಣದಲ್ಲಿ  ಟಿಎಂಆರ್  ಎಂಬ ದ್ವಿದಳ ಧಾನ್ಯಗಳಿಂದ ಮಾಡಿದ ನ್ಯೂಟ್ರಿಶಿಯನ್ ಆಹಾರವನ್ನು ಕೊಡಲಾಗುತ್ತಾದೆ.
ಇದರಿಂದ ರಾಸುಗಳ ಬೆಳವಣಿಗೆಗೆ ಸಹಾಯಕವಾಗುತ್ತದೆ. ಹಾಲಿನ ಇಳುವರಿಯೂ ಹೆಚ್ಚಳವಾಗಿ, ಎಸ್ಎನ್ಎಫ್ ಪ್ರಮಾಣವು ಅಧಿಕವಾಗಿ ರಾಸುಗಳು ಲವಲವಿಕೆಯಿಂದ ಇರುತ್ತವೆ.ಪ್ರತಿದಿನ 20 ಲೀಟರ್ ಹಾಲು ಕೊಡುವ ರಾಸಿಗೆ ದಿನಕ್ಕೆ 180 ರೂ  ಖಚರ್ು ಮಾಡಲಾಗುತ್ತದೆ ಎನ್ನುತ್ತಾರೆ ಮೋಹನ್.
ರಾಸುಗಳಿಗೆ ನೀಡುವ ಟಿಎಂಆರ್ ಪಶು ಆಹಾರವನ್ನು ಇವರು ಹೈದರಬಾದ್ನಿಂದ ತರುತ್ತಾರೆ. ಇವರಿಂದ ಹಾಸನ, ಮೈಸೂರು, ಚಾಮರಾಜನಗರ ಜಿಲ್ಲೆಯಲ್ಲಿ ಹೈನುಗಾರಿಕೆ ಮಾಡುತ್ತಿರುವ ರೈತರು ಪಶು ಆಹಾರವನ್ನು ಖರೀದಿಸಿ ಉತ್ತಮ ಫಲಿತಾಂ ಶವನ್ನು ಪಡೆಯುತ್ತಿದ್ದಾರೆ. ಗುಂಡ್ಲುಪೇಟೆ ತಾಲೂಕು ಹುಂಡಿಪುರ ಗ್ರಾಮದಲ್ಲಿ ಹೈನುಗಾರಿಕೆ ಮಾಡುತ್ತಿರುವ ಯುವ ರೈತ ಈಶ ಇಲ್ಲಿಂದಲ್ಲೇ ಟಿಎಂಆರ್ ಆಹಾರ ಖರೀದಿಸಿ ಬಳಸುತ್ತಿದ್ದು ಉತ್ತಮ ಫಲಿತಾಂಶ ಪಡೆದಿರುವುದಾಗಿ ಹೇಳುತ್ತಾರೆ.
ರಾಸುಗಳ ಖರೀದಿಯಲ್ಲಿ ಎಚ್ಚರ : ಮೊದಲ ಹಂತದಲ್ಲಿ ರಾಸುಗಳ ಖರೀದಿಯಲ್ಲಿ ಮುನ್ನಚ್ಚರಿಕೆವಹಿಸುವುದು ತುಂಬಾ ಮುಖ್ಯ. ನಂತರ ಪಶು ಆಹಾರದ ಆಯ್ಕೆ ಮತ್ತು ರಾಸುಗಳಿಗೆ ಬೇಕಾದ ಹಸಿರು ಮೇವು ಬೆಳೆದುಕೊಳ್ಳುವಲ್ಲಿ ಜಾಣ್ಮೆವಹಿಸಬೇಕು.  ಗಾಳಿ ಮತ್ತು ಬೆಳಕಿನ ವ್ಯವಸ್ಥೆಯನ್ನು ಸೂಕ್ತರೀತಿಯಲ್ಲಿ ಕಲ್ಪಿಸಬೇಕು. ರಾಸುಗಳಿಗೆ ಸಾಕಷ್ಟು ಕುಡಿಯುವ ನೀರು ಇರಬೇಕು. ಕಾಲಕಾಲಕ್ಕೆ ರಾಸುಗಳಿಗೆ ರೋಗ ನಿರೋಧಕ ಚುಚ್ಚುಮದ್ದುಗಳನ್ನು ಕೊಡಿಸಿಕೊಂಡರೆ ಹೈನುಗಾರಿಕೆಯಿಂದ ಉತ್ತಮ  ಆದಾಯಗಳಿಸಿ ನೆಮ್ಮದಿಯಾಗಿರಬಹುದು ಎಂದು ಮೋಹನ್ ಹೆಮ್ಮಯಿಂದ ಹೇಳುತ್ತಾರೆ.
ಆಸಕ್ತರು ಇವರ ಶ್ರೀಹರಿ ಗೋಕಲ ಫಾಮರ್್ಗೆ ಭೇಟಿ ನೀಡಿ ಹೆಚ್ಚಿನ ಮಾಹಿತಿ ಪಡೆದುಕೊಳ್ಳಬಹುದು. ಮೈಸೂರಿನಿಂದ ಎಲಿಯೂರು ಸರ್ಕಲ್ಗೆ ಹೋದರೆ ಅಲ್ಲಿಂದ ಬಲಕ್ಕೆ ತಿರುಗಿದರೆ 4 ಕಿ.ಮೀ.ಅಂತರದಲ್ಲಿ ಹುಣಸಹಳ್ಳಿ ಸಿಗುತ್ತದೆ, ಅಲ್ಲಿ  ಕೊಡಿಯಾಲಕ್ಕೆ ಹೋಗುವ ಮಾರ್ಗದಲ್ಲಿ ಇವರ ಡೈರಿ ಫಾಮರ್್ ಇದೆ. ಇವರ ದೂರವಾಣಿ ಸಂಖ್ಯೆ 9449964181.
-----------------------------------------

ಹಸಿರು ಮನೆಯಿಂದ ಹಸನಾದ ಬದುಕು

ಬೇಸಿಗೆ ಕಾಲ ಬರುತ್ತಿದ್ದಂತೆ ತರಕಾರಿ ದರಗಳು ಗಗನಕ್ಕೇರುತ್ತವೆ. ಬಿರು ಬಿಸಿಲಿನ ತಾಪ ಸಹಿಸಿಕೊಂಡು ತರಕಾರಿ ಬೆಳೆಯುವುದು ರೈತರಿಗೆ ಕಷ್ಟದ ಕೆಲಸ. ಸಾಮಾನ್ಯವಾಗಿ ಜೂನ್ನಲ್ಲಿ ಟೊಮಟೋ ಮತ್ತು ಮಣಸಿಕಾಯಿ ಮತ್ತಿತರರ ತರಕಾರಿಗಳ ದರ ಕೆಜಿಗೆ ನೂರು ರೂಪಾಯಿ ತಲುಪಿದ ಉದಾಹರಣೆಗಳು ನಮ್ಮ ಕಣ್ಣಮುಂದಿವೆ. ಇಂತಹ ಸಂದರ್ಭದಲ್ಲಿ ಕೋಲಾರ ಜಿಲ್ಲೆಯ ರೈತರು ಜಾಣ್ಮೆ ಬಳಸಿ ತಮ್ಮದೆ ತಂತ್ರಜ್ಞಾನವನ್ನು ಬಳಸಿಕೊಂಡು ತರಕಾರಿ ಬೆಳೆದು ಕಾಸು ಮಾಡಿಕೊಳ್ಳುತ್ತಾರೆ. ಹೀಗೆ ಕೋಲಾರ ಜಿಲ್ಲೆಯ ನೆನಮನಹಳ್ಳಿಗೆ ಹೋಗಿ ಬರುವ ದಾರಿಯಲ್ಲಿ ಕಂಡ ಕ್ಯಾಪ್ಸಿಕಂ ತೋಟ ನಮ್ಮ ಗಮನಸೆಳೆಯಿತು. ಕೂತಹಲಗೊಂಡ ನಾವು ಅಲ್ಲಿ ಹೋಗಿ ನೋಡಿದಾಗ ಅಲ್ಲಿ ನಮಗೆ ಅಚ್ಚರಿ ಕಾದಿತ್ತು. ಲಕ್ಷಾಂತರ ರೂಪಾಯಿ ಖಚರ್ುಮಾಡಿ ಪಾಲಿಹೌಸ್ ನಿಮರ್ಾಣ ಮಾಡಿಕೊಳ್ಳಲು ಆಗದ ರೈತರು ಕಡಿಮೆ ಖಚರ್ಿನಲ್ಲಿ ಗ್ರೀನ್ಶೇಡ್ ನೆಟ್ಗಳನ್ನು ಬಳಸಿಕೊಂಡು ತರಕಾರಿ ಬೆಳೆಯುತ್ತಿರುವುದು ಅವರ ಬುದ್ಧಿವಂತಿಕೆಗೆ ಸಾಕ್ಷಿಯಾಗಿತ್ತು.

ಕೋಲಾರ : ಬೇಸಿಗೆ ಕಾಲದಲ್ಲಿ ತರಕಾರಿ ಬೆಳೆ ಬೆಳೆಯುವುದು ರೈತರಿಗೆ ದೊಡ್ಡ ಸವಾಲು. ಕುಸಿದ ಅಂತರ್ಜಲ ತಂದ ನೀರಿನ ಸಮಸ್ಯೆ, ಹೆಚ್ಚುತ್ತಿರುವ ತಾಪಮಾನ ರೈತನ ಬದುಕನ್ನು ಹೈರಾಣಗಿಸಿದೆ. 

ಬೇಸಿಲಿನ ತಾಪಕ್ಕೆ ಹೈದರಬಾದ್ ಸೇರಿದಂತೆ ದೇಶದ ಬೇರೆ ಬೇರೆ ಭಾಗಗಳಲ್ಲಿ ನೂರಾರು ಜನ ಸವನ್ನಾಪ್ಪುತ್ತಿರುವುದು ವರದಿಯಾಗಿದೆ. ಇಂತಹ ಸನ್ನಿವೇಶದಲ್ಲಿ ಹೊಲದಲ್ಲಿ ಬೆಳೆದ ತರಕಾರಿ ಗಿಡಗಳಾದರೂ ಬಿಸಿಲಿನ ತಾಪವನ್ನು ತಡೆದುಕೊಂಡು ತಾವು ಬದುಕಿ ರೈತನನ್ನು ಬದಕಿಸುವ ತಂತ್ರಜ್ಞಾನ ಇಂದು ನಮಗೆ ಬೇಕಾಗಿದೆ.
ಆಥರ್ಿಕವಾಗಿ ಸಬಲರಾಗಿರುವ ರೈತರು ಎಂತಹ ಬಿರು ಬೇಸಿಗೆ ಕಾಲದಲ್ಲೂ ತರಕಾರಿ ಬೆಳೆಗಳನ್ನು ಬೆಳೆಯಲು ಪಾಲಿಹೌಸ್ ತಂತ್ರಜ್ಞಾನ ಬಳಸಿಕೊಂಡು ಉತ್ತಮ ಇಳುವರಿ ಪಡೆಯುತ್ತಾರೆ. ಪಾಲಿಹೌಸ್ ನಿಮರ್ಾಣಕ್ಕೆ ಸರಕಾರದಿಂದ ಸಹಾಯಧನ ಸಿಕ್ಕರೂ, ಮಧ್ಯಮವರ್ಗದ ರೈತರಿಗೆ ಈ ತಂತ್ರಜ್ಞಾನದ ಬಳಕೆ ಕಷ್ಟಸಾಧ್ಯ. ಇತ್ತೀಚೆಗೆ ಎಲ್ಲೆಡೆ ಪಾಲಿಹೌಸ್ ನಿಮರ್ಾಣ ಮಾಡಿಕೊಡುವ ಖಾಸಗಿ ಏಜೆನ್ಸಿಗಳು ಎಲ್ಲೆಡೆ ಹುಟ್ಟಿಕೊಂಡು ನೂತನ ತಂತ್ರಜ್ಞಾನವನ್ನು ಕೃಷಿಕನ ಮನೆಯ ಬಾಗಿಲಿಗೆ ತೆಗೆದುಕೊಂಡು ಹೋಗುತ್ತಿವೆ.
ಸಾಮಾನ್ಯವಾಗಿ ಒಂದು ಎಕರೆ ಪ್ರದೇಶದಲ್ಲಿ ಪಾಲಿಹೌಸ್ ನಿಮರ್ಾಣಮಾಡಲು ಇಪ್ಪತ್ತರಿಂದ ಇಪ್ಪತ್ತೈದು ಲಕ್ಷ ರೂಪಾಯಿ ವೆಚ್ಚ ತಗಲುತ್ತದೆ. ಇದರಲ್ಲಿ ರೈತನ ಪಾಲು ಶೇ 50 ರಷ್ಟಾದರೆ ಸಹಾಯಧನ ಶೇ 50 ರಷ್ಟು ಸಿಗುತ್ತದೆ. ಅಂದಾಜು ಒಂದು ಎಕರೆಯಲ್ಲಿ ಈ ತಂತ್ರಜ್ಞಾನ ಅಳವಡಿಸಿಕೊಳ್ಳಲು ರೈತ ಹತ್ತರಿಂದ ಹನ್ನೆರಡು ಲಕ್ಷ ರೂಪಾಯಿಗಳನ್ನು ತನ್ನ ಕೈಯಿಂದ ಭರಿಸಬೇಕಾಗುತ್ತದೆ.
ಬೆಳೆಗಳನ್ನು ಬಿಸಿಲಿನ ತಾಪದಿಂದ ರಕ್ಷಿಸಿಕೊಂಡು, ಕೀಟಬಾಧೆ ತಡೆದು, ಅಲ್ಪ ಪ್ರಮಾಣದಲ್ಲಿ ನೀರು ಬಳಕೆ ಮಾಡಿಕೊಂಡು ಉತ್ತಮ ಇಳುವರಿ ಪಡೆದು ಹೆಚ್ಚಿನ ಲಾಭ ಗಳಿಸಲು ಕೋಲಾರ ಜಿಲ್ಲೆಯ ಸುತ್ತಾಮುತ್ತ ರೈತರು ಹೊಸ ಕಂಡುಕೊಂಡಿದ್ದಾರೆ.ಇದಕ್ಕಾಗಿ ಅವರು ಮಾಡುತ್ತಿರುವ ವೆಚ್ಚ  ಕೇವಲ ಒಂದು ಲಕ್ಷ ರೂಪಾಯಿಗಳು ಮಾತ್ರ.
ಪಾಲಿಹೌಸ್ ಬದಲು ಶೇಡ್ ನೆಟ್ ಬಳಕೆ : ಒಂದು ಎಕರೆ ಪ್ರದೇಶದಲ್ಲಿ ಶೇಕಡಾ 50 ರಷ್ಟು ಸಹಾಯಧನವೂ ಸೇರಿದಂತೆ ಇಪ್ಪತ್ತೈದು ಲಕ್ಷ ರೂಪಾಯಿ ವೆಚ್ಚ ಭರಿಸಲಾಗದ ರೈತರು ಕಂಡು ಕೊಂಡಿರುವ ಈ ನೂತನ ವಿಧಾನ ಮಧ್ಯಮ ವರ್ಗದ ರೈತರಿಗೆ ನೆರವಾಗಬಲ್ಲದು. ಇದಕ್ಕೆ ತಗುಲುವ ವೆಚ್ಚ ಎಂಭತ್ತು ಸಾವಿರದಿಂದ ಒಂದು ಲಕ್ಷ ರೂಪಾಯಿ.ಇದಕ್ಕಾಗಿ ನೀವು ಮಾಡಬೇಕಾದದ್ದು ಇಷ್ಟೇ, ಒಂದು ಎಕರೆಗೆ 800 ಸ್ಕ್ವೈರ್ ಮೀಟರ್ ಆಗುತ್ತದೆ. ಈ ಅಂತರದಲ್ಲಿ ಸುಸಜ್ಜಿತವಾದ ಪಾಲಿಹೌಸ್ ಬದಲು ಗ್ರೀನ್ ಶೇಡ್ನೆಟ್ಗಳನ್ನು ನಿಮರ್ಾಣಮಾಡಿಕೊಳ್ಳಬೇಕು.
ಇದಕ್ಕಾಗಿ ಮೊದಲ ಹಂತವಾಗಿ ಜಮೀನನ್ನು ಹದಮಾಡಿಕೊಳ್ಳಬೇಕು. ನಂತರ ಅಲ್ಲಿ ಬೆಳೆಯುವ ಬೆಳೆಗಳಿಗೆ ಅನುಗುಣವಾಗಿ ಕೊಟ್ಟಿಗೆ ಗೊಬ್ಬರ ಮಿಶ್ರಣ ಮಾಡಿ ಮಲ್ಚಿಂಗ್ ಶೀಟ್ ಹಾಕಿ  ಸಣ್ಣ ಸಣ್ಣ ಬದುಗಳನ್ನು ನಿಮರ್ಿಸಿಕೊಳ್ಳಬೇಕು. ನಂತರ ಈ ಶೇಡ್ನೆಟ್ಗಳನ್ನು ಹಾಕಲು ಅನುಕೂಲವಾಗುವಂತೆ ಒಂದು ಎಕರೆ ಪ್ರದೇಶದ ಒಳಗೆ ಮರದ ಕಡ್ಡಿಗಳನ್ನು ನೆಡಬೇಕು. ಅಲ್ಲದೆ ಜಮೀನಿನ ಸುತ್ತಲೂ ಕೋಟೆಯಂತೆ ಗ್ರೀನ್ಶೇಡ್ ನೆಟ್ಗಳನ್ನು ಕಟ್ಟಬೇಕು. ನಂತರವಷ್ಟೇ ಗಿಡ ನಾಟಿ ಕೆಲಸ ಆರಂಭಿಸಬೇಕಾಗುತ್ತದೆ.
ಹೀಗೆ ಮಾಡುವುದರಿಂದ ತರಕಾರಿ ಗಿಡಗಳು ಶೇ 50 ರಷ್ಟು ಬಿಸಿಲು ಮತ್ತು ಶೇಕಡಾ 50 ರಷ್ಟು ನರೆಳಿನ ಸಂಯೋಜನೆಯಲ್ಲಿ, ಕಡಿಮೆ ನೀರನ್ನು ಬಳಸಿಕೊಂಡು, ಕ್ರೀಮಿಕೀಟಗಳ ನಿಯಂತ್ರಿಸಿ ಸಮೃದ್ಧವಾದ ಫಸಲು ತೆಗೆದು ಉತ್ತಮ ಇಳುವರಿಯನ್ನು ನಿರೀಕ್ಷೆಮಾಡಬಹುದು. ಈ ತಂತ್ರಜ್ಞಾನದಲ್ಲಿ ಟೋಮೊಟೊ, ದೊಣ್ಣೆ ಮೆಣಸಿನಕಾಯಿ, ನವಿಲು ಕೋಸು ಸೇರಿದಂತೆ ವಿವಿಧ ತರಕಾರಿಗಳನ್ನು ಬೆಳೆಯಬಹುದು.
ಬಂಪರ್ ಫಸಲಿನಿಂದ ಹೆಚ್ಚು ಆದಾಯ: ಕೋಲಾರ ಜಿಲ್ಲೆ ಮಣಿಘಟ್ಟ ರಸ್ತೆಯಲ್ಲಿಬರುವ ಕಾಮಧೇನು ಹಳ್ಳಿಯ  ರೈತ ಸಹೋದರರು ಒಂದು ಎಕರೆ ಪ್ರದೇಶದಲ್ಲಿ ಗ್ರೀನ್ಶೇಡ್ನೆಟ್ ಬಳಕೆಮಾಡಿಕೊಂಡು ಬೆಳೆದ ದೊಣ್ಣೆ ಮೆಣಸಿನಕಾಯಿಯಿಂದ ಆರೇ ತಿಂಗಳಲ್ಲಿ ಏಳು ಲಕ್ಷ ರೂಪಾಯಿ ಆದಾಯ ಗಳಿಸಿದ್ದಾರೆ.(ಇದರಲ್ಲಿ ಬೆಳೆ ಬೆಳೆಯಲು ಅವರು ಮಾಡಿದ ಎರಡುವರೆ ಲಕ್ಷ ರೂಪಾಯಿ ವೆಚ್ಚವೂ ಸೇರಿದೆ).
ಕಾಮಧೇನು ಹಳ್ಳಿಯ ರಮೇಶ್ ಮತ್ತು ಶ್ರೀನಿವಾಸ್ ಸಹೋದರರು ಕಂಡುಕೊಂಡ ಕೃಷಿ ಅನುಭವದಲ್ಲಿ ಅಲ್ಪಸ್ವಲ್ಪ ಬುದ್ದಿವಂತಿಕೆ ಬಳಸಿ ವ್ಯವಸಾಯ ಮಾಡಿದ್ದೆ ಆದಲ್ಲಿ ಲಾಭ ನಿಶ್ಚಿತ. ನಷ್ಟವಂತೂ ದೂರದ ಮಾತು. ಇವರು ಇದೇ ತಂತ್ರಜ್ಞಾನವನ್ನು ಬಳಸಿ ಎರಡು ಎಕರೆ ಪ್ರದೇಶದಲ್ಲಿ  ತರಕಾರಿ ಬೇಸಾಯ ಮಾಡುತ್ತಿದ್ದು  ಖಚರ್ುವೆಚ್ಚವನ್ನು ಕಳೆದು ವಾಷರ್ಿಕ ಐದು ಲಕ್ಷ ರೂಪಾಯಿ ಆದಾಯ ಗಳಿಸುತ್ತಾರೆ.ಈ ಹಂಗಾಮಿನಲ್ಲಿ ಅಂದರೆ ಜನವರಿಯಿಂದ ಇಲ್ಲಿಯವರೆಗೆ ಒಂದು ಎಕರೆ ಪ್ರದೇಶದಲ್ಲಿ ದೊಣ್ಣೆ ಮೆಣಸಿನಕಾಯಿ ಬೆಳೆದು ನಾಲ್ಕು ಲಕ್ಷ ರೂಪಾಯಿಗಳಿಸಿದ್ದಾರೆ.
ನಾಟಿ ವಿಧಾನ : ಒಂದು ಎಕರೆಗೆ, ಗಿಡಕ್ಕೆ ಒಂದು ರೂಪಾಯಿಯಂತೆ ಹದಿನೇಳು ಸಾವಿರ ಇಂದ್ರ ತಳಿಯ ಗಿಡಗಳನ್ನು 4 * ಒಂದುವರೆ ಅಡಿ ಅಂತರದಲ್ಲಿ ನಾಟಿ ಮಾಡಿದರು. ವಾರಕ್ಕೆ ಒಂದು ಬಾರಿ ನೀರು ಕೊಡುವ ಇವರು ಕೊಟ್ಟಿಗೆ ಗೊಬ್ಬರದ ಜತೆಗೆ ರಾಸಾಯನಿಕ ಗೊಬ್ಬರವನ್ನು ಕಡಿಮೆ ಪ್ರಮಾಣದಲ್ಲಿ ಬಳಸಿಕೊಳ್ಳುತ್ತಾರೆ. ಹನಿ ನೀರಾವರಿಯಲ್ಲಿ ರಸಾವರಿ ಗೊಬ್ಬರವನ್ನು ಕೊಡುತ್ತಾರೆ. ಒಂದು ಬಾರಿ ಗಿಡಹಾಕಿದರೆ 15 ರಿಂದ 18 ಬಾರಿ ಕಾಯಿ ಕೊಯ್ಲು ಮಾಡಲಾಗುತ್ತದೆ. ಪ್ರತಿ ಬಾರಿಯೂ ಒಂದು ಕೊಯ್ಲಿಗೆ ಸರಾಸರಿ ಆರು ಟನ್ ಇಳುವರಿ ಸಿಗುತ್ತದೆ. ಒಂದು ಕೆಜಿಗೆ ಕನಿಷ್ಟ 20 ರೂನಿಂದ ಗರಿಷ್ಠ 60 ರೂಪಾಯಿಯ ವರೆಗೂ ಕ್ಯಾಪ್ಸಿಕಮ್ ಮಾರಾಟಮಾಡಲಾಗಿದೆ.
ಒಂದು ಬಾರಿ ಹೀಗೆ ಗ್ರೀನ್ಶೇಡ್ನೆಟ್ ಬಳಸಿ, ಮಲ್ಚಿಂಗ್ ಶೀಟ್ ಹಾಕಿ ಕ್ಯಾಪ್ಸಿಕಮ್ ಬೆಳೆದ ನಂತರ ಅದೇ ಜಾಗದಲ್ಲಿ ಟೋಮೊಟೊ ನಾಟಿ ಮಾಡಿಕೊಳ್ಳಲಾಗುತ್ತದೆ. ಆ ಮೂಲಕ ಒಂದೇ ಬಾರಿ ಹಾಕಿದ ಮಲ್ಚಿಂಗ್ ಶೀಟ್ನಲ್ಲಿ ಎರಡು ಬೆಳೆಗಳನ್ನು ತೆಗೆದುಕೊಳ್ಳಬಹುದು .ಈ ಮಾದರಿಯ ನೆಟ್ಹೌಸ್ಗಳನ್ನು ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಸುಲಭವಾಗಿ ಸ್ಥಳಾಂತರಿಸಬಹುದು. ನಾವು ಹೇಗೆ ಬಳಸಿದರೂ ಕನಿಷ್ಟ ಮೂರು ವರ್ಷದವರೆಗೂ ಈ ನೆಟ್ಗಳನ್ನು ಬಳಸಿ ನಂತರ ಬೀಸಾಡಬಹುದು ಎನ್ನುತ್ತಾರೆ ರಮೇಶ್. ಈ ತಂತ್ರಜ್ಞಾನದ ಬಳಕೆಯಿಂದ ಯಾವುದೇ ತರಕಾರಿ ಬಿಸಿಲಿನ ತಾಪಕ್ಕೆ ಸಿಲುಕಿ ಬಿಳಿ ಬಣ್ಣಕ್ಕೆ ಬರುವುದಿಲ್ಲ.ರೋಗದ ನಿಯಂತ್ರಣವಾಗುತ್ತದೆ. ಕಾಯಿ ಹಸಿರಾಗಿ ತಾಜಾ ಆಗಿದ್ದು ದಪ್ಪವಾಗಿರುತ್ತವೆ. ಇದರಿಂದಾಗಿ ಇವರ ತರಕಾರಿಗೆ ಮಾರುಕಟ್ಟೆಯಲ್ಲಿ ಬಹಳ ಬೇಡಿಕೆಯೂ ಇರುತ್ತದೆ. ಆಸಕ್ತರು ಹೆಚ್ಚಿನ ಮಾಹಿತಿಗಾಗಿ ರಮೇಶ್ 9591674296 ಅವರನ್ನು ಸಂಪಕರ್ಿಸಬಹುದು.
=============================

ಬರದ ನಾಡಿನ ಬಂಗಾರದ ಮನುಷ್ಯ  ಚಂದ್ರಶೇಖರ್ 

ಬರದ ನಾಡಿನಲ್ಲಿ ಬಂಗಾರದ ಬೆಳೆ ತೆಗೆಯುವ ಮೂಲಕ ಸಾವಿರಾರು ಕೃಷಿಕರ ಬಾಳಿಗೆ ಬೆಳಕಾದ ಯಶಸ್ವಿ ಸಾವಯವ ರೈತನ ಸಾಹಸಗಾಥೆ ಇದು. ಕೇವಲ 30 ಗುಂಟೆ ಜಮೀನಿನಲ್ಲಿ ಮಳೆಯಾಶ್ರಯದಲ್ಲಿ 500 ಪಪ್ಪಾಯ ಜತೆಗೆ ಮಿಶ್ರ ಬೆಳೆಯಾಗಿ 300 ಮಾವು, 300 ನುಗ್ಗೆ, ರೇಷ್ಮೆ ಕೃಷಿಯನ್ನು ಮಾಡುವ ಮೂಲಕ ಕೋಲಾರ ಜಿಲ್ಲೆಯ ನೆನಮನೆ ಗ್ರಾಮದ ಚಂದ್ರಶೇಖರ್ ಮಾದರಿಯಾಗಿದ್ದಾರೆ. ಒಣ ಬೇಸಾಯದಲ್ಲಿ ಇವರು ಮಾಡಿರುವ ಸಾಧನೆ ಅನುಕರಣೀಯ.
ರಾಜ್ಯ ಸಕರ್ಾರ ನೀಡುವ ಕೃಷಿ ಪಂಡಿತ ,ಮಂಡ್ಯದ ಮಾದೇಗೌಡ ಪ್ರತಿಷ್ಠಾನ ನೀಡುವ ಕೃಷಿತಜ್ಞ ಸೇರಿದಂತೆ ಹಲವು ಪ್ರಶಸ್ತಿಗಳು ಇವರನ್ನು ಹರಸಿ ಬಂದಿವೆ.
ಕೋಲಾರ ಜಿಲ್ಲೆ ವಾಷರ್ಿಕ ಸರಾಸರಿ 250 ರಿಂದ 300 ಮಿಲಿ ಲೀಟರ್ ಮಳೆ ಬೀಳುವ ಒಣ ಭೂಮಿ ಹೊಂದಿರುವ ಪ್ರದೇಶ. ಅಲ್ಲಿ ಸಾವಿರಾರು ಅಡಿ ಭೂಮಿ ಕೊರೆದರು ನೀರು ಸಿಗದ ಪರಿಸ್ಥಿತಿ. ಇಂತಹ ಬಿರು ಬಿಸಿಲಿನ ನಾಡಿನಲ್ಲಿ ಬೇಸಿಗೆಯಲ್ಲೂ ಚಂದ್ರಶೇಖರ್ ಅವರ ತೋಟ ಹಸಿರಿನಿಂದ ಕಂಗೊಳಿಸುತ್ತಿದೆ. ಅಲ್ಲಿ ಯಾವುದೇ ನೀರಾವರಿಯ ಸೌಲಭ್ಯವಿಲ್ಲ. ಬೋರ್ವೆಲ್ನ ಹಂಗೂ ಇಲ್ಲ ಆದರೂ ತೋಟ ಹಸಿರಾಗಿದೆ.ಕೇವಲ ಮಳೆ ಆಶ್ರಯದಲ್ಲಿ ಹೊಸ ತಂತ್ರಜ್ಞಾನವನ್ನು ಕಂಡುಕೊಂಡ ನಿಷ್ಠಾವಂತ ರೈತನೊಬ್ಬ ತನಗೆ ತಿಳಿದ ನೆಲಮೂಲದ ಜ್ಙಾನವನ್ನು ಆಧರಿಸಿ ಕಟ್ಟಿದ ತೋಟ ಅದು.
ದಕ್ಷ ಜಿಲ್ಲಾದಿಕಾರಿಯೆಂದೇ ಹೆಸರು ಮಾಡಿ ಅಕಾಲಿಕ ಮರಣಕ್ಕೆ ತುತ್ತಾದ ಡಿ.ಕೆ.ರವಿ ತಮ್ಮ ಬಿಡುವಿನ ವೇಳೆಯಲ್ಲಿ ಈ ತೋಟಕ್ಕೆ ಆಗಾಗ ಭೇಟಿ ನೀಡಿ ಹಲವು ರೈತ ತಂಡಗಳಿಗೆ ಈ ಮಾದರಿಯ ಕೃಷಿಯ ಬಗ್ಗೆ ಜಾಗೃತಿ ಮೂಡಿಸಿದ್ದಾರೆ.ದೇಶ, ವಿದೇಶದ ನೂರಾರು ಗಣ್ಯರು ರೈತರು ಬೇಟಿನೀಡಿ ಚಂದ್ರಶೇಖರ್ ಮಾಡಿದ ಸಾಧನೆಯನ್ನು ಕಂಡು ಬೆರಗಾಗಿದ್ದಾರೆ.
ಬರದ ನಾಡು ಕೋಲಾರ ಜಿಲ್ಲೆಯಲ್ಲಿ ಇಂತಹ ಸಾಧನೆ ಮಾಡಿರುವ ನೂರಾರು ರೈತರನ್ನು ನಾವು ಭೇಟಿಯಾದೆವು.ಪ್ರತಿಯೊಬ್ಬ ರೈತನ್ನು ನಮ್ಮ ಕಣ್ಣಿಗೆ ಒಬ್ಬೊಬ್ಬ ಕೃಷಿ ವಿಜ್ಙಾನಿಯಂತೆ ಕಂಡ.ತಾವೇ ಸ್ವತಃ ಕಂಡುಕೊಂಡ ಕಡಿಮೆ ಖಚರ್ಿನ ತಂತ್ರಜ್ಞಾನವನ್ನು ಬಳಸಿಕೊಂಡು ನೆಮ್ಮದಿಯ ಜೀವನ ಸಾಗಿಸುತ್ತಿರುವ ರೈತರು ಅಲ್ಲಲ್ಲಿ ನಮಗೆ ಕಂಡರು. ಸಮಗ್ರ ಸಾವಯವ ಒಣ ಬೇಸಾಯ ಮಾಡುವ ಮೂಲಕ ಸ್ವಾವಲಂಬನೆ ಸಾಧಿಸಿ ಬಂಜರು ಭೂಮಿಯಲ್ಲೂ ಉತ್ತಮ ಫಸಲು ತೆಗೆದು ಬರದ ಛಾಯೆಗೆ ಸವಾಲೊಡ್ಡಿ ಯಶಸ್ವಿಯಾದವರು ಅಲ್ಲಿದ್ದಾರೆ.
ವಾಷರ್ಿಕ ಸರಾಸರಿ 650 ರಿಂದ 700 ಮಿಲಿ ಲೀಟರ್ ಮಳೆ ಬೀಳುವ ಮೈಸೂರು ಮತ್ತು ಚಾಮರಾಜನಗರ ಜಿಲ್ಲೆಯ ರೈತರು ಮಾತ್ರ ಯಾಕೆ ಸಂಕಷ್ಟದ ಸುಳಿಯಲ್ಲಿ ಸಿಲುಕಿ ನಲುಗುತ್ತಿದ್ದಾರೆ ಎಂಬ ಪ್ರಶ್ನೆಯನ್ನು ಮುಂದಿಟ್ಟುಕೊಂಡು ಹುಣಸೂರಿನ ಕೇಂದ್ರ ತಂಬಾಕು ಮಂಡಳಿಯಲ್ಲಿ ಹಿರಿಯ ಕೃಷಿ ವಿಜ್ಞಾನಿಯಾಗಿರುವ ಮಹಾದೇವಸ್ವಾಮಿ ಮತ್ತು ಮೈಸೂರು ತಾಲೂಕು ಸಾವಯವ ಕೃಷಿಕ ಎಂ.ಕೆ.ಜಗದೀಶ್ ಕುಮಾರ್ಗೌಡ ಅವರೊಂದಿಗೆ ನಮ್ಮ ತಂಡ ಬರದ ನಾಡಿನ ಯಶಸ್ವಿ ಸಾವಯವ ಕೃಷಿಕ ಎನ್.ಆರ್.ಚಂದ್ರಶೇಖರ್ ಅವರನ್ನು ಹುಡುಕಿಕೊಂಡು ಕೋಲಾರ ಜಿಲ್ಲೆಯ ನೆನಮನೆಯತ್ತ ಹೊರಟಿತು. ನಿಜಕ್ಕೂ ಅಲ್ಲಿ ಅವರು ತಮ್ಮ 30 ಗುಂಟೆ ಜಮೀನಿನಲ್ಲಿ ಮಾಡಿರುವ ಸಾಧನೆ ನಮಗೆ ಅಚ್ಚರಿ ಉಂಟುಮಾಡಿತು.
ಕುಸಿಯುತ್ತಿರುವ ಅಂತರ್ಜಲ ಮಟ್ಟ. ಅಕಾಲಿಕ ಮಳೆ. ಭೂಮಿಯನ್ನು ಬಂಜರು ಮಾಡುತ್ತಿರುವ ರಾಸಾಯನಿಕ ಗೊಬ್ಬರ, ಕ್ರಿಮಿವಾಶಕಗಳಂತಹ ನಿಧಾನಗತಿಯ ವಿಷಕಾರಕಗಳು ರೈತರನ್ನು ಸಾಲದ ಶೂಲಕ್ಕೆ ನೂಕುತ್ತಿರುವ ಸಂಕಷ್ಟ ಕಾಲದಲ್ಲಿ ಚಂದ್ರಶೇಖರ್ ನಮ್ಮ ಕಣ್ಣಿಗೆ ಭರವಸೆಯ ಬೆಳಕಾಗಿ ಕಂಡರು. ಅವರು ಅನುಸರಿಸುತ್ತಿರುವ ಮಾದರಿ ತುಂಡು ಭೂಮಿ ಹೊಂದಿರುವ ಸಣ್ಣ ಹಿಡುವಳಿದಾರ ರೈತರ ಬದುಕಿಗೆ ದಾರಿ ದೀಪವಾಗಿ ಕಂಡಿತು.
.ಚಂದ್ರಶೇಖರ್ ತಮ್ಮ ಬೇಸಾಯ ಕ್ರಮದಲ್ಲಿ ಕೇವಲ ಮಳೆಯನ್ನೇ ನಂಬಿ ಹೊರಸುಳಿಗಳ ಹಂಗಿಲ್ಲದೆ. ಕೃಷಿ ತ್ಯಾಜ್ಯ, ಎರೆ ಗೊಬ್ಬರ, ಬಯೋಡೈಜೆಸ್ಟರ್ ನಂತಹ ಕಡಿಮೆ ವೆಚ್ಚದ ತಂತ್ರಜ್ಞಾವನ್ನು ಬಳಸಿಕೊಂಡು ಅಪೂರ್ವ ಸಾಧನೆ ಮಾಡಿದ್ದಾರೆ.ಏಳನೇ ತರಗತಿವರೆಗೆ ಓದಿರುವ ಇವರು ವೈಜ್ಞಾನಿಕ ರೀತಿಯಲ್ಲಿ ಒಣ ಬೇಸಾಯ ಮಾಡುತ್ತಿದ್ದಾರೆ.ಮಾವು, ನುಗ್ಗೆ,ಪಪ್ಪಾಯ, ರೇಷ್ಮೆ,ರಾಗಿ, ನೆಲಗಡಲೆ,ಅವರೆ, ತೊಗರಿ ಇತ್ಯಾದಿ ಬೆಳೆ ಬೆಳೆಯುವ ಮೂಲಕ ಮಿಶ್ರ ಬೇಸಾಯ ಪದ್ಧತಿಯನ್ನು ಅಳವಡಿಸಿಕೊಂಡಿದ್ದಾರೆ.
ಆರಂಭದಲ್ಲಿ ಚಂದ್ರಶೇಖರ್ ಕೂಡ  ಸಾವಿರಾರು ಅಡಿಗಳವರೆಗೆ ಎಂಟು ಹತ್ತು ಬೋರ್ವೆಲ್ ಕೊರೆಸಿ ಹನಿ ನೀರು ಸಿಗದೆ ಸಂಕಷ್ಟದಲ್ಲಿ ಸಿಲುಕಿಕೊಂಡಿದ್ದರು.ನಂತರ ತಮಗೆ ತಿಳಿದ ನೆಲಮೂಲದ ದೇಸಿ ಜ್ಞಾನವನ್ನೇ ಆಧರಿಸಿ ಹೊಸ ಕೃಷಿ ವಿಧಾನವನ್ನು ಕಂಡುಕೊಂಡರು. ತಮ್ಮ ಈ ಸಾಧನೆಗೂ ಮುನ್ನಾ ಇವರು ಯಾವುದೇ ಕೃಷಿ ವಿಶ್ವ ವಿದ್ಯಾನಿಲಯವನ್ನಾಗಲಿ, ಕೃಷಿ ವಿಜ್ಞಾನಿಯನ್ನಾಗಲಿ,ಯಶಸ್ವಿ ರೈತರನ್ನಾಗಲಿ ಹುಡುಕಿಕೊಂಡು ಹೋದವರಲ್ಲ.ಇವರ ಸಾಧನೆಯನ್ನು ಕಂಡು ಕೃಷಿ ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳು ಸೇರಿದಂತೆ ದೇಶ ವಿದೇಶದ ನೂರಾರು ರೈತರು ಒಣ ಬೇಸಾಯದಲ್ಲಿ ಮಾಡಿರುವ ಸಾಧನೆಯನ್ನು ನೋಡಲು ಇವರ ತೋಟಕ್ಕೆ ಬಂದಿದ್ದಾರೆ. ಹೊಟ್ಟೆ ಪಾಡಿಗೆ ಮಾಡಿದ್ದು ಇಂದು ನನಗೆ ಇಷ್ಟೊಂದು ಖ್ಯಾತಿಯನ್ನು ತಂದು ಕೊಟ್ಟಿದೆ. ನನ್ನನ್ನು ವಿದೇಶಗಳವರೆಗೂ ಕರೆದುಕೊಂಡು ಹೋಗಿದೆ ಎನ್ನುವ ಚಂದ್ರಶೇಖರ್ ಅತ್ಯಂತ ಸರಳ ಮತ್ತು ವಿನಯಶೀಲರಂತೆ ಕಾಣುತ್ತಾರೆ.
ಇವರ ಕೃಷಿ ಪದ್ಧತಿ ನಿಜಕ್ಕೂ ನಮ್ಮ ಭಾಗದ ರೈತರಿಗೆ ವರದಾನ. 2010 ರಲ್ಲಿ ರಾಸಾಯನಿಕ ಕೃಷಿಗೆ ವಿದಾಯ ಹೇಳಿದ ಚಂದ್ರಶೇಖರ್ ಆರು ವರ್ಷಗಳಲ್ಲಿ ತಮ್ಮ 3.16 ಎಕರೆ ಪ್ರದೇಶವನ್ನು ಸಂಪೂರ್ಣ ಸಾವಯವ ಭೂಮಿಯಾಗಿ ಬದಲಿಸಿದ್ದಾರೆ. ಬರದ ನಾಡಿನಲ್ಲಿ ನೀರು ಬತ್ತಿದರೂ ಧೃತಿಗೆಡದೆ ಯಶಸ್ವಿ ಸಾವಯವ ಕೃಷಿಕನಾಗಿ ರೂಪುಗೊಂಡಿದ್ದಾರೆ.
ಗ್ರಾಮದ ಅಂಚಿನಲ್ಲೇ ಇರುವ 30 ಗುಂಟೆ ಜಮೀನಿನಲ್ಲಿ ಇವರು ಮಾಡಿರುವ ಸಾಧನೆ ಅಪೂರ್ವ. ಇವರ ತೋಟ ಕೃಷಿ ತಂತ್ರಜ್ಞರಿಗೆ ಒಂದು ಪ್ರಯೋಗಾಲಯದಂತಿದೆ. ಸಾವಯವ ಕೃಷಿ ಕೈಗೊಳ್ಳುವ ಮೊದಲ ಹಂತದಲ್ಲಿ ತಮ್ಮ ಜಮೀನಿಗೆ ಮಣ್ಣಿನ ಆರೋಗ್ಯ ರಕ್ಷಕ ಸೆಣಬು ಸೇರಿದಂತೆ ಉರುಳಿ, ಅಲಸಂದೆಯನ್ನು ಮುಂಗಾರು ಮೊದಲ ಮಳೆ (ಮೇ ಜೂನ್ ತಿಂಗಳು) ಬಿದ್ದ ಸಮಯದಲ್ಲಿ ಭಿತ್ತಿದ್ದರು. ಇದರೊಂದಿಗೆ 500 ಪಪ್ಪಾಯ ಗಿಡಗಳನ್ನು ಅದೇ ಜಮೀನಿನಲ್ಲಿ ನಾಟಿ ಮಾಡಲಾಯಿತು. ಎರಡನೇ ಹಂತವಾಗಿ 45 ರಿಂದ 60 ದಿನಗಳು ಕಳೆದ ನಂತರ ಪಪ್ಪಾಯ ಗಿಡಗಳನ್ನು ಉಳಿಸಿಕೊಂಡು ಸೆಣಬು,ಉರುಳಿ, ಅಲಸಂದೆ ಗಿಡಗಳನ್ನು ಭೂಮಿಗೆ ಸೇರಿಸುವ ಮೂಲಕ ತೇವಾಂಶ ಆರದಂತೆ ಮಣ್ಣಿಗೆ ಹೊದಿಕೆಯಾಗಿ ಮಾಡಿದರು. ಯಾವುದೇ ರಾಸಾಯನಿಕ ಬಳಸದೆ ಜೀವಾಮೃತ, ಕೊಟ್ಟಿಗೆ ಗೊಬ್ಬರ ಮಾತ್ರ ನೀಡಿ 12 ಟನ್ ಪಪ್ಪಾಯ ಇಳುವರಿ ಪಡೆದುಕೊಂಡರು.
ನಂತರ ಪಪ್ಪಾಯ ಜೊತೆಗೆ ಮಿಶ್ರ ಬೆಳೆಯಾಗಿ 12 ಅಡಿಗೆ ಒಂದರಂತೆ ತ್ರಿಕೋನಕಾರದಲ್ಲಿ 300 ಬೆನಿಶನ್ ಮಾವು ಹಾಗೂ ಪಿಕೆಎಂ ಒನ್ ತಳಿಯ 300 ನುಗ್ಗೆ ಗಿಡಗಳನ್ನು ನಾಟಿ ಮಾಡಿದರು. ಪಪ್ಪಾಯ ಮುಗಿಯುವದರೊಳಗೆ ನುಗ್ಗೆಯಿಂದ ಒಳ್ಳೆಯ ಆದಾಯ ಬರಲು ಆರಂಭವಾಗಿತ್ತು. ಪಪ್ಪಾಯ ಗಿಡದಿಂದ ಸಾಕಷ್ಟು ಆದಾಯ ಗಳಿಸಿಕೊಂಡ ನಂತರ ಅದನ್ನು ತೆಗೆದು ಮತ್ತೆ ಮಾವು,ನುಗ್ಗೆ ನಡುವೆ ಮಿಶ್ರ ಬೆಳೆಯಾಗಿ ನೂರು ಮೊಟ್ಟೆ ಸಾಕುವಷ್ಟು ರೇಷ್ಮೆ ಗಿಡಗಳನ್ನು ನಾಟಿಮಾಡಿದ್ದಾರೆ. ಈ ಹಂತಕ್ಕೆ ತೋಟ ಬರುವ ವೇಳೆಗಾಗಲೇ ಸಾವಯವ ಪದ್ಧತಿಯಲ್ಲಿ ಆರಂಭವಾದ ತೋಟ ಪುಕೋವಕೊ ಅವರ ನೈಸಗರ್ಿಕ ಕೃಷಿ ಪದ್ಧತಿಯ ತೋಟವಾಗಿ ರೂಪಾಂತರಗೊಂಡಿದೆ.
ಇದೆಲ್ಲವನ್ನು ಕೇವಲ ಮಳೆಯ ಆಶ್ರಯದಲ್ಲಿ ಬೆಳೆಯಲು ಸಾಧ್ಯವೇ ಎನ್ನುವ ಅನುಮಾನ ನಿಮಗೆ ಇಷ್ಟರಲ್ಲಾಗಲೇ ಬಂದಿರುವುದು ಸಹಜ. ಅಲ್ಲೇ ಚಂದ್ರಶೇಖರ್ ಅವರ ಜಾಣ್ಮೆ ಕೆಲಸಮಾಡಿರುವುದು.
ಪಪ್ಪಾಯ ಹಾಕುವ ಸಂದರ್ಭದಲ್ಲಿ ಅವರು ತಮ್ಮ 30 ಗುಂಟೆ ಜಮೀನಿನಲ್ಲಿ 50 ಸಣ್ಣ ಸಣ್ಣ ಮಳೆ ನೀರು ಸಂಗ್ರಹಕ್ಕೆ ಹಿಂಗು ಗುಂಡಿಗಳನ್ನು ಮಾಡಿಕೊಳ್ಳುತ್ತಾರೆ.ಇದರಿಂದಾಗಿ ಭೂಮಿಗೆ ಬಿದ್ದ ಮಳೆಯ ನೀರು ಅಲ್ಲೆ ಹಿಂಗಿ ತಂಪಾದ ವಾತಾವರಣವನ್ನು ನಿಮರ್ಾಣ ಮಾಡಿರುತ್ತದೆ. ಇದಲ್ಲದೆ ಜಮೀನಿನ ಮೂಲೆಯಲ್ಲಿ 7 * 50 * 12 ಅಡಿ ಅಗಲದ ಕೃಷಿ ಹೊಂಡವನ್ನು ನಿಮರ್ಾಣ ಮಾಡಿಕೊಂಡು ನೀರನ್ನು ಸಂಗ್ರಹಣೆ ಮಾಡಿಕೊಳ್ಳುತ್ತಾರೆ.ಇದನ್ನು ಮಳೆಗಾಲ ಮುಗಿದು ಬೇಸಿಗೆ ಆರಂಭವಾಗುತ್ತಿದಂತೆ ಗಿಡಗಳಿಗೆ ಬಳಸಿಕೊಳ್ಳುತ್ತಾರೆ.
ಈ ನೀರನ್ನು ಬಳಸಿಕೊಳ್ಳುವಾಗ ಇವರು ಮಾಡಿಕೊಂಡಿರುವ ತಂತ್ರಜ್ಞಾನವೇ ಅವರ ಇಡೀ ತೋಟವನ್ನು ಬೇಸಿಗೆಯ ಬೇಗೆಯಲ್ಲೂ ಹಸಿರಾಗಿರುವಂತೆ ಮಾಡಿರುವುದು. ಪಪ್ಪಾಯ, ಮಾವು ಮತ್ತು ನುಗ್ಗೆ ಗಿಡಗಳಿಗೆ ಬೇಸಗೆಯಲ್ಲಿ ಇವರು ನೀರುಣಿಸಲು ಕಂಡುಕೊಂಡ ಸರಳ ಉಪಾಯ ಇಂದು ಎಲ್ಲರ ಗಮನ ಸೆಳೆಯುತ್ತಿದೆ.
ಪ್ರತಿ ಗಿಡದ ಬೇರಿನ ಸಮೀಪದಲ್ಲಿ ಅರ್ಧ ಅಡಿಯಷ್ಟು ಗುಂಡಿ ತೆಗೆಯಲಾಗಿದೆ.ಅಲ್ಲಿಗೆ ಅರ್ಧ ಲೀಟರ್ ನೀರಿನ ಬಾಟಲಿಯ ಹಿಂಭಾಗವನ್ನು ಓಪನ್ ಮಾಡಿ ಮುಚ್ಚಳದಲ್ಲಿ ಒಂದು ಸಣ್ಣ ರಂಧ್ರ್ರಮಾಡಿ ಊಳಬೇಕು. ನಾಲ್ಕು ಐದು ದಿನಗಳಿಗೊಮ್ಮ ಆ ಬಾಟಲ್ ಮೂಲಕ ಪ್ರತಿ ಒಂದು ಗಿಡದ ಬೇರಿಗೆ ಅರ್ಧ ಲೀಟರ್ ನೀರು ಕೊಡಲಾಗುತ್ತದೆ. ಒಂದುವಾರ ನೀರು ಕೊಟ್ಟರೆ ಮತ್ತೊಂದು ವಾರ ಜೀವಾಮೃತ ಹೀಗೆ ಬದಲಿಸಿಕೊಳ್ಳಲಾಗುತ್ತದೆ. ಸಾಮಾನ್ಯವಾಗಿ ರೈತರು ಒಂದು ಗಿಡಕ್ಕೆ ಎರಡರಿಂದ ಮೂರು ಕೊಡ ನೀರನ್ನು ಕೊಡುತ್ತಾರೆ. ಆದರೆ ಚಂದ್ರಶೇಖರ್ 13 ಲೀಟರ್ ನೀರು ಹಿಡಿಯುವ ಒಂದು ಕೊಡದ ನೀರನ್ನು 26 ಗಿಡಗಳಿಗೆ ಕೊಡುತ್ತಾರೆ. ಇಲ್ಲೂ ಇವರು ನೀರಿನ ಮಿತ ಬಳಕೆಯನ್ನು ಮಾಡುವ ಮೂಲಕ ಬರದ ನಾಡಿನಲ್ಲಿ ಪ್ರತಿ ಹನಿ ನೀರಿನ ಮೌಲ್ಯ ಎಷ್ಟೊಂದು ಮಹತ್ವ ಎನ್ನುವುದನ್ನು ಸಾಧಿಸಿ ತೋರಿಸಿಕೊಟ್ಟಿದ್ದಾರೆ. ಇದಲ್ಲದೆ ಮಣ್ಣಿಗೆ ಮುಚ್ಚುಗೆ ಮಾಡುವ ಮೂಲಕ ತೇವಾಂಶ ಕಾಪಾಡಿಕೊಳ್ಳಲು ತೋಟದ ಸುತ್ತಲೂ ಗ್ಲಿರಿಸಿಡಿಯಾ, ಅಗಸೆ ಮತ್ತಿತರ ಗೊಬ್ಬರದ ಗಿಡಗಳನ್ನು ಬೆಳೆಯುವ ಮೂಲಕ ಅರಣ್ಯಧಾರಿತ ಕೃಷಿಗೂ ಆದ್ಯತೆ ನೀಡಿದ್ದಾರೆ. ನಿಜಕ್ಕೂ 30 ಗುಂಟೆ ಪ್ರದೇಶದಲ್ಲಿ ಏಳು ಮಿಶ್ರ ಬೆಳೆ ಬೆಳೆಯುವ ಮೂಲಕ ಚಂದ್ರಶೇಖರ್ ಅಪೂರ್ವವಾದ ಸಾಧನೆಯನ್ನೆ ಮಾಡಿ ಬರದ ನಾಡಿನ ರೈತರ ಬೇಸಾಯಕ್ಕೆ ಬೆಳಕಾಗಿದ್ದಾರೆ. ಆಸಕ್ತರು ಅವರನ್ನು ದೂರವಾಣಿ 9448342803 ಸಂಪಕರ್ಿಸಿ ಮಾತನಾಡಬಹುದು.