`ಗ್ರಾಮಮುಖಿ' ಹಳ್ಳಿಗಾಡಿನ ಬದುಕಿಗೆ

 ಚಿಕಿತ್ಸಾತ್ಮಕ ಬರಹಗಳ ಕಥನ 

# ಗ್ರಾಮೀಣ ಅಭಿವೃದ್ಧಿಗೆ ಮಾದರಿ  # ಮನೆಮಾತಾಯಿತು `ಸಂಸ್ಕೃತಿ ಹಬ್ಬ'

ಭಾರತ ದೇಶದ ಎಲ್ಲಾ ಹಳ್ಳಿಗಳಂತೆ ಅದು ಒಂದು ಸಾಮಾನ್ಯ ಹಳ್ಳಿ. ಅಲ್ಲೊಂದು ಸರಕಾರಿ ಶಾಲೆ ಇದೆ. ಅಲ್ಲಿನ ಮಕ್ಕಳು ನಾಲ್ಕನೇ ವರ್ಷಕ್ಕೆ ಕಂಪ್ಯೂಟರ್ ಮುಟ್ಟುತ್ತಾರೆ. ಇಲ್ಲಿ ಕಲಿತವರು ಕೆಎಎಸ್ ಪರೀಕ್ಷೆ ಪಾಸು ಮಾಡಿದ್ದಾರೆ.ಪಿಎಚ್ ಡಿ ಪಡೆದವರೂ ಇದ್ದಾರೆ.ಶಾಲೆಯಲ್ಲಿ ಕಿರು ರಂಗಮಂದಿರ ಕೂಡ ಇದೆ.ಕವಿಗಳು,ಕಾದಂಬರಿಕಾರ್ತಿಯರು,ಕೃಷಿ ಬರಹಗಾರರು ಹುಟ್ಟಿಕೊಂಡಿದ್ದಾರೆ.ಇದು ಒಂದು ಜೀವಂತ ಗ್ರಂಥಾಲಯಕ್ಕಿರುವ ಶಕ್ತಿ. ನಾನು ನಿಮಗೆ ಕತೆ ಹೇಳುತ್ತಿಲ್ಲ.ಇದೆಲ್ಲಾ ಕಣ್ಣ ಮುಂದೆ ನಡೆಯುತ್ತಿರುವ ಸತ್ಯಸಂಗತಿಗಳು. ಇಷ್ಟೆಲ್ಲಾ ಬದಲಾವಣೆಗೆ ತೆರೆದುಕೊಂಡಿರುವ ಹಳ್ಳಿ ನಾಗತಿಹಳ್ಳಿ.ಇದೆಲ್ಲದ್ದರ ಹಿಂದಿನ ಶಕ್ತಿ ಮತ್ತು ವ್ಯಕ್ತಿ ನಾಗತಿಹಳ್ಳಿ ಚಂದ್ರಶೇಖರ್.
ಸಾಹಿತಿ,ಸಿನಿಮಾ ನಿರ್ದೇಶಕ,ಅಲೆಮಾರಿ ಹೀಗೆ ಬಹುಮುಖಿ ವ್ಯಕ್ತಿತ್ವದ ನಾಗತಿಹಳ್ಳಿ ಚಂದ್ರಶೇಖರ್ ಎಲ್ಲರಿಗೂ ಗೊತ್ತು.ಆದರೆ ಹುಟ್ಟಿದೂರಿನ ಋಣ ತೀರಿಸುತ್ತಾ, ಹಳ್ಳಿಗಾಡಿನ ಜನರಲ್ಲಿ ಆತ್ಮ ವಿಶ್ವಾಸ ಮೂಡಿಸುತ್ತಿರುವ ಚಂದ್ರಶೇಖರ್ ಅನೇಕರಿಗೆ ಗೊತ್ತಿಲ್ಲ.ಅವರ ಇನ್ನೊಂದು ಮುಖದ ಅನಾವರಣ ಇದು.ನನ್ನ ಪ್ರೀತಿಯಾ ಹುಡುಗಿ ಎಂಬ ಕಥಾಸಂಕಲನದ ಮೂಲಕ ಹದಿಹರೆಯದವರ ಮನಸ್ಸು ಕದ್ದ ಚಂದ್ರಶೇಖರ್ ಹಾಲಿನ ಡೈರಿಯಲ್ಲಿ ರಾತ್ರಿಪಾಳಿ ಕೆಲಸಮಾಡಿ ಕನ್ನಡ ಎಂ.ಎ.ನಲ್ಲಿ ಎಂಟು ಪದಕಗಳನ್ನು ಬಾಚಿಕೊಂಡ ಚಿನ್ನದ ಹುಡುಗ ಎಂಬ ಖ್ಯಾತಿಗೆ ಪಾತ್ರವಾಗಿದ್ದವರು. ಬರವಣಿಗೆ,ಸಿನಿಮಾ,ಕಿರುತೆರೆಯಲ್ಲಿ ನಿರಂತರ ಪ್ರಯೋಗದಲ್ಲಿ ತೊಡಗಿರುವ ಇವರು ಕಳೆದ ಹದಿಮೂರು ವರ್ಷಗಳಿಂದ ನಾಗತಿಹಳ್ಳಿಯಲ್ಲಿ `ಸಂಸ್ಕೃತಿ ಹಬ್ಬ' ನಡೆಸಿಕೊಂಡು ಬರುತ್ತಿದ್ದಾರೆ. ಕನ್ನಡ ನಾಡಿನ ಸಾಂಸ್ಕೃತಿಕ ಜಗತ್ತಿನ ಗಮನ ಸೆಳೆದಿದ್ದಾರೆ.
ಅವನು ಹಾಗೆ.ಇವನು ಹೀಗೆ ಎಂದು ಸದಾ ಮಾತನಾಡುವವರು ನಾನು ಹೇಗೆ ? ಎಂದು ಕೇಳಿಕೊಂಡರೆ ಸಾಕು. ಓದಿ ಒಳ್ಳೆಯ ಉದ್ಯೋಗದಲ್ಲಿರುವವರು,ನಗರದಲ್ಲಿ ಒಂದಷ್ಟು ಕಾಸು ಸಂಪಾದಿಸಿ ಶ್ರೀಮಂತರಾದವರು ಹಳ್ಳಿಗಳಿಗೆ ಹೇಗೆ ನೆರವಾಗಬಹುದು ಎನ್ನುವುದಕ್ಕೆ ನಾಗತಿಹಳ್ಳಿಯಲ್ಲಿ ನಡೆಯುತ್ತಿರುವ ಸಾಂಸ್ಕೃತಿಕ ಚಟುವಟಿಕೆಗಳು ಮಾದರಿಯಾಗುತ್ತವೆ.
ನಾಗತಿಹಳ್ಳಿ ಸಂಸ್ಕೃತಿ ಹಬ್ಬದ ಹತ್ತನೇ ವರ್ಷದ ನೆನಪಿಗೆ ಹಳ್ಳಿಗಾಡಿನ ಬದುಕಿಗೆ ಚಿಕಿತ್ಸಾತ್ಮಕ ಚಿಂತನೆಗಳನ್ನು ಒಳಗೊಂಡ `ಗ್ರಾಮಮುಖಿ' ಎಂಬ ಬರಹಗಳ ಪುಸ್ತಕವೊಂದನ್ನು ಪ್ರಕಟಿಸಲಾಗಿದೆ. ಡಾ.ಡಿ.ಕೆ.ಚೌಟ ಅವರ ಗೌರವ ಸಂಪಾದಕತ್ವದಲ್ಲಿ ಶಿವಕುಮಾರ ಕಾರೇಪುರ ಕೃತಿಯನ್ನು ಸಂಪಾದಿಸಿದ್ದಾರೆ. ರೈತಚಳವಳಿ,ಹಳ್ಳಿಗಾಡಿನ ಬದುಕು,ಕೃಷಿಯಲ್ಲಿ ಮಹಿಳೆಯ ಪಾತ್ರ,ಮರೆಯಾಗುತ್ತಿರುವ ಪಾರಂಪರಿಕ ಕಸುಬುಗಳು,ಹಳ್ಳಿಗಳಲ್ಲಿ ವಿದ್ಯಾವಂತರ ಸಾಮಾಜಿಕ ಜವಾಬ್ದಾರಿಗಳು ಹಾಗೂ ಸಂಸ್ಕೃತಿ ಹಬ್ಬ ನಡೆದ ದಾರಿಯ ಬಗ್ಗೆ ನಾಡಿನ ಚಿಂತಕರು,ಸಾಹಿತಿಗಳು,ಕೃಷಿಕರು ಲೇಖನಗಳನ್ನು ಬರೆದಿದ್ದಾರೆ.
ಹಿ.ಶಿ.ರಾಮಚಂದ್ರೇಗೌಡ, ಆಕಾಶವಾಣಿ ಕೃಷಿರಂಗದ ಎನ್.ಕೇಶವಮೂತರ್ಿ,ಶಿವಾನಂದ ಕಳವೆ,ಅನಿತಾ ಪೈಲೂರು ಮತ್ತಿತರರು ಮೌಲಿಕವಾದ ಲೇಖನಗಳನ್ನು ಬರೆದಿದ್ದಾರೆ.
ಪ್ರತಿಯೊಂದು ಲೇಖನವು ಗ್ರಾಮಮುಖಿಯಾಗಿದೆ. ಹಳ್ಳಿಯಲ್ಲಿ ಹುಟ್ಟಿ ನಗರದಲ್ಲಿದ್ದು ಇಲ್ಲಿರಲಾರೆ ಅಲ್ಲಿಗೆ ಹೋಗಲಾರೆ ಎಂಬ ಮನಸ್ಥಿತಿಯಲ್ಲಿರುವ ವಿದ್ಯಾವಂತರನ್ನು ಕೃತಿ ಆಲೋಚಿಸುವಂತೆ ಮಾಡುತ್ತದೆ.
ನಾಗತಿಹಳ್ಳಿ ಚಂದ್ರಶೇಖರ್ ಅವರ ನೇತೃತ್ವದಲ್ಲಿ ಪ್ರತಿವರ್ಷ ಮಾರ್ಚ್/ಏಪ್ರಿಲ್ ತಿಂಗಳಲ್ಲಿ ನಾಗತಿಹಳ್ಳಿಯ ರೈತರು,ರೈತ ಮಹಿಳೆಯರು ದೇಶದ ನಾನಾ ಭಾಗಗಳಿಗೆ ಕೃಷಿ ಪ್ರವಾಸ ಹೋಗುತ್ತಾರೆ. ಕೃಷಿಯ ಎಲ್ಲಾ ಸಾಧ್ಯತೆಗಳನ್ನು ಪರಿಚಯಿಸುವ ಮೂಲಕ ಆತ್ಮವಿಶ್ವಾಸ ಮೂಡಿಸುವುದು ಕೃಷಿ ಪ್ರವಾಸದ ಉದ್ದೇಶ. ಇಂತಹ ಗುಣಾತ್ಮಕ ಬದಲಾವಣೆಗಳು ಪ್ರತಿ ಹಳ್ಳಿಯಲ್ಲೂ ಆಗಬೇಕು ಎನ್ನುವುದು ಚಂದ್ರು ಅವರ ಆಶಯ.
ಹಳ್ಳಿಗಳಿಂದ ಬಂದು ನಗರಗಳಲ್ಲಿ ಬದುಕು ಕಟ್ಟಿಕೊಂಡವರು.ಉನ್ನತ ಹುದ್ದೆಯಲ್ಲಿ ಇರುವವರು ತಮ್ಮ ಊರಿಗೆ ಏನನ್ನಾದರೂ ಮಾಡಬಹುದು ಎಂದು ಬಯಸಿದರೆ ನಾಗತಿಹಳ್ಳಿಯಲ್ಲಿ ನಡೆಯುತ್ತಿರುವ ಪ್ರಯೋಗಗಳು ಮಾದರಿಯಾಗುತ್ತವೆ.
"ಹಳ್ಳಿಗಳು ನಮ್ಮೆಲ್ಲರ ಬಾಲ್ಯದ ಕೋಶ.ಆರ್ಥಿಕವಾಗಿ ಅವು ದೊಡ್ಡದ್ದನ್ನು ಕೊಡದಿದ್ದರೂ ಆತ್ಮಚೈತನ್ಯವನ್ನು ನೀಡಿದ ತಾಯಂದಿರು. ಈ ತಾಯಿ ಈಗ ಅನಾಥಳಾಗಿದ್ದಾಳೆ.ಹಳ್ಳಿಗಳಲಿದ್ದ ಜೀವನ ಪ್ರೀತಿ,ದುಡಿಮೆ,ಕಾಯಕ ನಿಷ್ಠೆ,ತೃಪ್ತಿ.ಹಬ್ಬ ಹರಿದಿನಗಳ ಸಂಭ್ರಮ,ಒಟ್ಟಾರೆ ಸಾಮುದಾಯಿಕ ಬದುಕು ನಾಶವಾಗಿದೆ.ಹಳ್ಳಿಗಾಡಿನಿಂದ ಬಂದ ನಮ್ಮಂತವರು ಏನಾದರೂ ಕಾಯಕಲ್ಪ ಮಾಡಬಹುದೆ ಎಂಬ ಯೋಚನೆ  ಕಾಡುತ್ತಲೇ ಇತ್ತು.ಅದನ್ನು ಕುರಿತು ಪುಸ್ತಕ ಬರೆಯುತ್ತಾ,ಭಾಷಣ ಮಾಡುತ್ತಾ ಕೂತರೆ ಪ್ರಯೋಜನವಿಲ್ಲ.ನಾವೇ ಮೊದಲು ಕಾರ್ಯರೂಪಕ್ಕಿಳಿಸಬೇಕು ಅನಿಸಿತು. ಅದಕ್ಕಾಗಿ `ಸಂಸ್ಕೃತಿ ಹಬ್ಬ' ಪರಿಕಲ್ಪನೆ ರೂಪುಗೊಂಡಿತು" ಎನ್ನುತ್ತಾರೆ ನಾಗತಿಹಳ್ಳಿ ಚಂದ್ರಶೇಖರ್.
ಎಲ್ಲಾ ಹಳ್ಳಿಗಳಿಗಳಿಗೂ ಇರುವ ಗುಣವಾಗುಣಗಳು ನಾಗತಿಹಳ್ಳಿಗೂ ಇವೆ.ಸರಕಾರ ಮತ್ತು ರಾಜಕಾರಣಿಗಳು ಎಂಜಲು ಬಿಸ್ಕತ್ ಎಸೆದು ಅವರನ್ನು ಆಲಸಿಗಳನ್ನಾಗಿ ಮಾಡಿದ್ದಾರೆ.ಪಕ್ಷ ಪದ್ಧತಿಗಳು ಹಳ್ಳಿಗಳನ್ನು ಒಡೆದು ಚೂರುಮಾಡಿವೆ.ಯಾರೇ ಹೋಗಿ ಪ್ರಗತಿಯ ಮಾತಾಡಿದರೆ,ಶಾಲೆಗೆ ಗಿಡ ನೆಟ್ಟರೆ ಅದನ್ನು ಅನುಮಾನದಿಂದ ನೋಡುತ್ತಾರೆ.ಇವನೇಕೆ ಇಲ್ಲಿಗೆ ಬಂದ?ಇವನ ಅಜೆಂಡಾ ಏನಿರಬಹುದು? ಎಂದು ಶೋಧಿಸಿ ಸ್ವಂತ ಗಾಸಿಪ್ಪು ಹರಡುತ್ತಾರೆ.ನಾಗತಿಹಳ್ಳಿ ಚಂದ್ರು ಅವರಿಗೂ ಇದೆಲ್ಲಾ ಆಗಿದೆ. ಆದರೆ ಹಳ್ಳಿಗಳಲ್ಲಿ ಏನು ಕೆಲಸ ಮಾಡಬೇಕಾದರೂ ಅಪಾರ ತಾಳ್ಮೆಬೇಕು ಎನ್ನುವುದು ಅವರಿಗೆ ಗೊತ್ತಾಗಿದೆ. ಹತ್ತು ವರ್ಷಗಳನ್ನು ದಾಟಿದ ಮೆಲೆ ಜನರ ಪ್ರತಿಕ್ರಿಯೆ ಬಗ್ಗೆ ಅವರಿಗೆ ಆಸಕ್ತಿಯೂ ಹೋಗಿದೆ.
ಜನರ ಟೀಕೆ,ಅನುಮಾನಗಳಿಗೆ ತಲೆಕೆಡಿಸಿಕೊಳ್ಳದೆ ತಮ್ಮಪಾಡಿಗೆ ತಾವು ಕೆಲಸ ಮಾಡುತ್ತಾ ಕ್ರಿಯಾಶೀಲವಾಗಿರುವುದೆ ಅದಕ್ಕೆಲ್ಲಾ ಉತ್ತರ ಎನ್ನುವ ಸತ್ಯವನ್ನು ಅವರು ಕಂಡುಕೊಂಡಿದ್ದಾರೆ. ಪ್ರಯೋಗ ಸಫಲವಾದರೆ ಸಂತೋಷ.ವಿಫಲವಾದರೆ ಪ್ರಾಮಾಣಿಕವಾಗಿ ಪ್ರಯತ್ನ ಮಾಡಿದೆನಲ್ಲ ಎಂಬ ನೆಮ್ಮದಿ.ಕೊನೆಗೆ `ನೆಮ್ಮದಿ'ಉಳಿಯುವುದೇನು ಕಡಿಮೆ ಅದೃಷ್ಟವೆ? ಅಷ್ಟಾದರೂ ಸಾಕಲ್ಲವೇ ಎನ್ನುತ್ತಾರೆ ನಾಗತಿಹಳ್ಳಿ ಚಂದ್ರಶೇಖರ್.
ಹಳ್ಳಿಗಳಿಂದ ಬಂದ ಯುವಕರು ವಿಧ್ಯಾಭ್ಯಾಸಮಾಡಿ ದೊಡ್ಡ ದೊಡ್ಡ ಹುದ್ದೆಯಲ್ಲಿದ್ದಾರೆ.ಜಗತ್ತಿನ ನಕಾಶೆಯನ್ನೆ ಬದಲಿಸಿದ್ದಾರೆ.ನೂರಾರು ಅಭಿವೃದ್ಧಿ ಯೋಜನೆಗಳನ್ನು ರೂಪಿಸಿದ್ದಾರೆ.ಕ್ಷಿಪಣಿ ಹಾರಿಸುವಷ್ಟು ವಿಜ್ಞಾನ ಬೆಳೆದರು ನೇಗಿಲು ಮಾತ್ರ ಸುಧಾರಣೆ ಕಾಣಲೇ ಇಲ್ಲ.ರೈತನ ಸಾವಿಗೆ ಕವಡೆ ಕಾಸಿನ ಕಿಮ್ಮತ್ತು ಇಲ್ಲ.ಇದು ನಮ್ಮ ಮಹಾನ್ ಭಾರತ.
ನಮ್ಮಲ್ಲಿ ಹಳ್ಳಿಗಳಿಗೆ ಮರಳಿದವರು ಇದ್ದಾರೆ.ಬೆರಳೆಣಿಕೆಯಷ್ಟು ಮಾತ್ರ.ಒಬ್ಬ ಪೂರ್ಣಚಂದ್ರ ತೇಜಸ್ವಿ,ಒಬ್ಬ ಕುರಿಯನ್,ಒಂದು ಬೈಫ್,ಅಮುಲ್ ಹಳ್ಳಿಗಳಿಗೆ ಹತ್ತಿರವಾಗಿದ್ದು ಗ್ರಾಮ ಭಾರತದ ಬಗ್ಗೆ ಚಿಂತಿಸಿರಬಹುದು.ಆದರೀಗ ನಮ್ಮ ಅನ್ನ,ಹಾಲು,ಆಹಾರ ಕಕೊಡುವ ರೈತಾಪಿ ವರ್ಗದವರ ಬಗ್ಗೆ ಚಿಂತಿಸುವ,ಹಳ್ಳಿಗಳ ಅಭಿವೃದ್ಧಿಯ ಬಗ್ಗೆಯೂ ಯೋಜನೆ ರೂಪಿಸುವ ಇಂತಹ ಮಾದರಿಗಳ ಬಗ್ಗೆ ನಾವು ಹೆಚ್ಚು ಹೆಚ್ಚು ಮಾತನಾಡಬೇಕಿದೆ.
ಗ್ರಾಮಮುಖಿಗೆ ಚೆಂದದ ಮುನ್ನಡಿ ಬರೆದಿರುವ ಪ್ರೊ.ಎಂ.ಕೃಷ್ಣೇಗೌಡರು ಸಧ್ಯದ ಭಾರತದ ಹಳ್ಳಿಗಳ ಚಿತ್ರಣವನ್ನು ಕಣ್ಣಿಗೆ ಕಟ್ಟುವಂತೆ ವಿವರಿಸಿದ್ದು ತನಗೆ ಹಣ,ಕೀತರ್ಿ,ಬಂಗಲೆ ಎಲ್ಲವನ್ನೂ ಕೊಟ್ಟ ಬೆಂಗಳೂರಿನಲ್ಲಿದ್ದುಕೊಂಡು ಅಪಮಾನ,ಸಾಲದಭಾದೆ,ಬಡತನ,ನೋವು ಎಲ್ಲವನ್ನೂ ಕೊಟ್ಟ ನಾಗತಿಹಳ್ಳಿಯ ಬಗ್ಗೆ ವ್ಯಾಮೋಹ ಬೆಳೆಸಿಕೊಂಡಿರುವ ಚಂದ್ರಶೇಖರ್ ಅವರ ವ್ಯಕ್ತಿತ್ವವನ್ನು ತುಂಬಾ ಆಪ್ತವಾಗಿ ಕಟ್ಟಿಕೊಟ್ಟಿದ್ದಾರೆ.
"ನಮ್ಮ ಹಳ್ಳಿಗಳು ಈಗ ಹಿಂದಿನಂತಿಲ್ಲ ! ಇರಬೇಕಾಗಿಲ್ಲ ಕೂಡಾ ! ಆದರೆ ಇರಬೇಕಾದಂತೆ ಇಲ್ಲ ಎನ್ನುವುದೇ ನೋವು.ಹಿಂದೆ ಅನಾಗರಿಕತೆ,ಅನಕ್ಷರತೆ,ಅಂಧಶ್ರದ್ಧೆಗಳಿಂದ ನರಳುತ್ತಿದ್ದ ಹಳ್ಳಿಗಳಿಗೆ ನಿಧಾನವಾಗಿ ನಾಗರಿಕತೆ,ಅಕ್ಷರ,ಅರಿವುಗಳೂ ಬಂದವು.ಆದರೆ ಅವುಗಳ ಜೊತೆ ಜೊತೆಗೇ ಭ್ರಷ್ಟತೆ,ಬೂಟಾಟಿಕೆ,ಅಸೂಯೆ,ಅಹಂಕಾರ ಇತ್ಯಾದಿಗಳು ಕಾಲಿಕ್ಕಿದವು.ಹಬ್ಬ,ಹುಣ್ಣಿಮೆ,ಕೋಲಾಟ.ದೊಣ್ಣೆ ವರಸೆ,ರಂಗದ ಕುಣಿತ,ಭಾಗವಂತಿಕೆ ಇಂಥ ಜಾನಪದೀಯ ಚಟುವಟಿಕೆಗಳೆಲ್ಲಾ ಇಷ್ಟಿಷ್ಟೇ ಮರೆಯಾಗಿ ಇಸ್ಪೀಟು,ಕ್ಲಬ್ಬು,ಬಾರು ಮುಂತಾದವು ಶುರುವಾದವು.ರಾಜಕೀಯ ಪಕ್ಷಗಳು ಊರೂರುಗಳನ್ನು,ಮನೆಮನೆಗಳನ್ನು ಉದ್ದುದ್ದ ಅಡ್ಡಡ ಸೀಳಿಬಿಟ್ಟವು.ಈಗ ಹಳ್ಳಿಗಳಲ್ಲಿ ಬಹಳ ಜಬರ್ಿನಿಂದ,ಜಂಬದಿಂದ ನಡೆಯುವ ಚಟುವಟಿಕೆ ಒಂದೇ- ಅದು ಎಲೆಕ್ಷನ್ನು ! ಹಾಗಾಗಿ ಈಗ ಹಳ್ಳಿಗಳಲ್ಲಿ ರೈತಾಪಿ ಜನ,ಕಸುಬುಗಾರರು,ಅನ್ನೋರೆ ಯಾರು ಇಲ್ಲ.ಇರುವವರೆಲ್ಲ ಕಾಂಗ್ರೇಸ್, ಬಿಜೆಪಿ,ಜೆಡಿಎಸ್ ಪಕ್ಷಗಳ ಕಾರ್ಯಕರ್ತರು ! ಹಿಂದೆ ತಾವು ಯಾವ ವಂಶದವರು ಅಂತ ಹೇಳಿಕೊಳ್ಳುತ್ತಿದ್ದ ಹಾಗೆ ಈಗ ಜನ ತಾವು ಯಾವ ಪಾಟರ್ಿಯವರು ಅಂತ ಹೇಳಿಕೊಳ್ಳುತ್ತಾರೆ". ಎನ್ನುವ ಪ್ರೊ.ಎಂ.ಕೃಷ್ಣೇಗೌಡರು ಹತ್ತು ವರ್ಷಗಳ ಹಿಂದೆ ನಾಗತಿಹಳ್ಳಿಯಲ್ಲಿ ಚಂದ್ರು `ಸಂಸ್ಕೃತಿ ಹಬ್ಬ' ಶುರುಮಾಡುವಾಗ ವಸ್ತು ಸ್ಥಿತಿ ಹೀಗೆ ಇತ್ತು ಈಗ ಸ್ವಲ್ಪ ಬದಲಾಗಿದೆ ಎನ್ನುತ್ತಾರೆ.
ನಾಗತಿಹಳ್ಳಿಯ ರೈತರು,ರೈತ ಮಹಿಳೆಯರು ಉತ್ತರ ಕರ್ನಾಟಕ,ಕೇರಳ,ಮಹಾರಾಷ್ಟ್ರ,ಹರಿಯಾಣ,ಪಂಜಾಬ್,ದೆಹಲಿಗಳಿಗೆ ಭೇಟಿನೀಡಿ ಆಯಾಯ ಪ್ರದೇಶಗಳ ಬೆಳೆಗಳು ಹಾಗೂ ಕೃಷಿಯಲ್ಲಿನ ಸುಧಾರಿತ ಕ್ರಮಗಳ ಬಗ್ಗೆ ತಮ್ಮ ಜ್ಞಾನವನ್ನು ಹೆಚ್ಚಿಸಿಕೊಂಡಿದ್ದಾರೆ. ಅವರಲ್ಲಿ ಆತ್ಮವಿಶ್ವಾಸ ಮೂಡಿದೆ. ಹಳ್ಳಿಗಳೆಲ್ಲ ವೃದ್ಧಾಶ್ರಮಗಳಾಗುತ್ತಿವೆ,ಕೃಷಿಯಿಂದ ಯುವಕರು ವಿಮುಖರಾಗುತ್ತಿದ್ದಾರೆ,ಕೃಷಿ ಲಾಭದಾಯಕ ಉದ್ಯೋಗವಾಗಿಲ್ಲ ಎಂದು ಗೊಣಗುವ ಬದಲು ಇಂತಹ ಸಂಘಟನಾತ್ಮಕ ಕೆಲಸಗಳನ್ನು ಮಾಡುವ ಮೂಲಕ ಹಳ್ಳಿಗಳನ್ನು ಮತ್ತೆ ಹಳಿಗೆ ತರಬೇಕಾದ ಜವಾಬ್ದಾರಿ ನಗರ ಸೇರಿರುವ ವಿದ್ಯಾವಂತ ಯುವಕರ ಮೇಲಿದೆ.
"ಆ ದೃಷ್ಟಿಯಿಂದ ನಾಳೆಗಳ ಬಗ್ಗೆ ಏನಾದರೂ ಭರವಸೆ ಮೂಡಬೇಕಾದರೆ ಹಳ್ಳಿಯಿಂದ ಹೋಗಿ ನಗರ ಸೇರಿ ಬಾಳಿ ಬದುಕುತ್ತಿರುವ ತರುಣರು,ತಿಂಗಳಿಗೊಮ್ಮೆಯಾದರೂ ಹಳ್ಳಿಗಳಿಗೆ ಹೋಗಿಬರಬೇಕು. ಅವರು ಹಳ್ಳಿಗೆ ಹೋಗಿ ನೆಲಸುವುದು ಬೇಡ ಸಂಪರ್ಕ ಇಟ್ಟುಕೊಳ್ಳಬೇಕು.ಅಲ್ಲಿಗೆ ಕಾಯಕಲ್ಪ ಒದಗಿಸಬೇಕು.ಗ್ರಂಥಾಲಯ, ಆಸ್ಪತ್ರೆ,ರಸ್ತೆ,ಕುಡಿಯುವ ನೀರು,ಸಂಘಟನೆ, ಸ್ವುದ್ಯೋಗ ಈ ಬಗೆಯ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಬೇಕು.ಇದಕ್ಕೆ ಹತ್ತು ಜನ ಯುವಕರು ಸಾಕು.ನಮ್ಮ ಹಳ್ಳಿಯಲ್ಲೂ ಮಾಡಬೇಕಾದ ನೂರಾರು ಕೆಲಸಗಳಿವೆ.ನನ್ನ ಹಳ್ಳಿಯಿಂದ ನಗರಕ್ಕೆ ಹೊರಟು ಹೋಗಿರುವ ಅಣ್ಣ ತಮ್ಮಂದಿರಿಗಾಗಿ ನಾನಿನ್ನೂ ಕಾಯುತ್ತಿದ್ದೇನೆ" ಎಂಬ ನಾಗತಿಹಳ್ಳಿ ಚಂದ್ರಶೇಖರ್ ಅವರ ಅವರ ಮಾತಿಗೆ ಕಿವಿಯಾಗೋಣ.
ಹೊಸ ವರ್ಷದಲ್ಲಿ  ತೆಗೆದುಕೊಳ್ಳುವ ಹೊಸ ನಿರ್ಣಯಗಳಲ್ಲಿ ಒಂದಾದರೂ ಗ್ರಾಮಮುಖಿಯಾಗಿರಲಿ.ಹಳ್ಳಿಯ ಮಕ್ಕಳ ಶ್ರಮದ ಋಣ ನಮ್ಮೆಲ್ಲರ ಮೇಲಿದೆ. ದೇಶಕ್ಕೆ ಅನ್ನ ನೀಡುವ ಮೂಲಕ ಆಹಾರ ಭದ್ರತೆ ಒದಗಿಸಿರುವ ನೇಗಿಲಯೋಗಿಯ ಯೋಗಕ್ಷೇಮದ ಬಗ್ಗೆಯೂ ಚಿಂತಿಸೋಣ ಅಲ್ಲವೇ.

ನೆಲಮೂಲದ ಕಡೆಗೆ , ಪಣ್ಯದಹುಂಡಿ ಪುಟ್ಟೀರಮ್ಮಪುರಾಣ !

# ಮಿಶ್ರಬೆಳೆ-ಬೆರಕೆ ಸೊಪ್ಪಿನ ವಿಸ್ಮಯ ಲೋಕ # ದೇಸಿ ಕೃಷಿಜ್ಞಾನ ಪರಂಪರೆ 

ಪುಟ್ಟೀರಮ್ಮನವರ ಅನುಭವದ ಮಾತುಗಳು ನಮ್ಮ ಹಳೆ ಕೃಷಿ ಪದ್ಧತಿ ಎಷ್ಟು ಸಂಪದ್ಭರಿತವಾಗಿದೆ,ರೈತರನ್ನು ಹೇಗೆ ಸ್ವಾವಲಂಭಿಗಳಾಗಿಸುವ ವಿಧಾವವಾಗಿದೆಯೆಂದು ಪ್ರತ್ಯಕ್ಷಿಸಿ ತೋರಿಸುತ್ತದೆ.ಈ ನೆಲದ ಅಮೂಲ್ಯ ಕೃಷಿ ಜ್ಞಾನವನ್ನು ಶತಮಾನಗಳಿಂದ ಸಂರಕ್ಷಿಸಿ ಜಾನಪದ ಹಾಡುಗಳಲ್ಲಿ,ಗಾದೆ ಮಾತುಗಳಲ್ಲಿ,ಸಾಂಸ್ಕೃತಿಕ ಪದ್ಧತಿಗಳಲ್ಲಿ ಅಳವಡಿಸಿ,ಯಾವ ಅಕ್ಷರ ಜ್ಞಾನದ ಹಂಗು ಇಲ್ಲದೆ ಮಹಾನ್ ಜ್ಞಾನ ಪರಂಪರೆಯನ್ನು ಮುಂದಿನ ಜನಾಂಗಗಳಿಗೆ ದಾಟಿಸುತ್ತಾ ಬವಂದಿರುವುದು ಅದ್ಭುತ.- ರಮೇಶ್ ಎನ್.ಗಂಗಾವತಿ.

===============================================

ಆಹಾರ ಮತ್ತು ಆರೋಗ್ಯ ಇವೆರಡು ಒಂದೇ ನಾಣ್ಯದ ಎರಡು ಮುಖಗಳು.ತಿನ್ನುವ ಆಹಾರ ಮನುಷ್ಯನ ಆರೋಗ್ಯವನ್ನು ನಿರ್ಧರಿಸುತ್ತದೆ ಎನ್ನುವುದು ಈಗ ಎಲ್ಲರಿಗೂ ಗೊತ್ತಾಗಿದೆ. ಆಹಾರದಲ್ಲಿನ ಪೌಷ್ಠಿಕತೆ, ಆಪೌಷ್ಠಿಕತೆಯ ಬಗ್ಗೆ ಎಲ್ಲರಲ್ಲೂ ತಿಳಿವಳಿಕೆ ಮೂಡಿದೆ.ಯಾವ ಯಾವ ಹಣ್ಣಿನಲ್ಲಿ ಯಾವ ವಿಟಮಿನ್ಗಳಿವೆ,ಯಾವ ಸೊಪ್ಪಿನಲ್ಲಿ ಎಷ್ಟು ಶಕ್ತಿ ಇದೆ ಎಂಬ ಅರಿವು ಮೂಡಿದೆ.ಜನರು ವಿಷಮುಕ್ತ ಆಹಾರವನ್ನೆ ಬಯಸುತ್ತಿದ್ದಾರೆ. ಗ್ರಾಮೀಣ ಪ್ರದೇಶದ ಜನ ಇದ್ಯಾವುದನ್ನು ಚಿಂತಿಸದೆ ಆರೋಗ್ಯವಾಗಿದ್ದರು.ಕಾರಣ ಅವರ ಆಹಾರ ಪದ್ಧತಿ.ಕಾಳುಕಡ್ಡಿ ಜೊತೆಗೆ ಬೆರಕೆ ಸೊಪ್ಪಿನ ಬಳಕೆ ಗ್ರಾಮೀಣ ಜನರನ್ನು ಆಸ್ಪತ್ರೆಯಿಂದ ದೂರವಿರಿಸಿತ್ತು. ಆದರೆ ಕಳೆದ ಎರಡು ದಶಕದಿಂದ ನಮ್ಮ ಹೊಲದ ಉತ್ಪಾದಕತೆ ಕುಗ್ಗಿ ಹೋಗಿದೆ.ನಮ್ಮಲ್ಲಿದ್ದ ವೈವಿಧ್ಯಮಯ ಬೆಳೆ ಪದ್ಧತಿ ನಾಶವಾಗಿ ಏಕ ಬೆಳೆ ಪದ್ಧತಿ ತಲೆ ಎತ್ತಿದ ಪರಿಣಾಮ ಶ್ರೀಮಂತರ ಕಾಯಿಲೆಕಸಾಲೆಗಳು ನಮ್ಮ ಹಳ್ಳಿಗೂ ಬಂದಿವೆ.

ಶುಗರ್ರು,ಬಿಪಿ, ಹೃದಯ ಸಮಸ್ಯೆ ಇವೆಲ್ಲಾ ಈಗ ಗ್ರಾಮೀಣ ಪ್ರದೇಶಗಳಲ್ಲೂ ಸಾಮಾನ್ಯ ಕಾಯಿಲೆಯಂತಾಗಿಬಿಟ್ಟಿವೆ.ಇಂತಹ ಆತಂಕದ ಸಮಯದಲ್ಲಿ ರೈತಾಪಿ ವರ್ಗ ಮತ್ತೆ ಮಿಶ್ರಬೆಳೆ ಪದ್ಧತಿಗೆ ಮರಳಬೇಕಿದೆ. ಹಿಂತಿರುಗಿ ನೋಡಿದರೆ ಸಾಲುಬೆಳೆ,ಪಟ್ಟೆಬೆಳೆ,ಅಂಚಿನ ಬೆಳೆಗಳಲ್ಲದೆ ಬೆಳೆ ಆವರ್ತನೆ ಮುಂತಾದ ವೈವಿಧ್ಯಮಯ ಬೆಳೆ ಪದ್ಧತಿಗಳು ನಮ್ಮ ವ್ಯವಸಾಯದ ಭಾಗವೇ ಆಗಿದ್ದವು.ಒಂದು ನಾಡಿನ ನಿದರ್ಿಷ್ಟ ಸಂಸ್ಕೃತಿ,ಪರಂಪರೆಯೊಂದಿಗೆ ನಿದರ್ಿಷ್ಟ ಕೃಷಿ ಪರಿಸರ ವ್ಯವಸ್ಥೆಗಳಲ್ಲಿ ತಮ್ಮದೇ ವಿವೇಕ ತಂತ್ರಜ್ಞಾನ ಹೊಂದಿ ಅಭಿವೃದ್ಧಿಹೊಂದಿದ ಬೆಳೆ ಪದ್ಧತಿಗಳು ಇವು.

ರಾಜ್ಯದ ಉದ್ದಗಲಕ್ಕೆ ತಿರುಗಾಡಿದರೆ ಇಂತಹ ಜ್ಞಾನದ ಗಣಿಗಳು ಸದ್ದುಗದ್ದಲವಿಲ್ಲದೆ ಕಾಯಕ ನಿರತವಾಗಿರುವುದನ್ನು ಕಾಣಬಹುದು.ಮಣ್ಣಿನ ಫಲವತ್ತತೆಯನ್ನು ಸುಸ್ಥಿರವಾಗಿ ಕಾಪಾಡಿಕೊಂಡು ಹೋಗುವ ಕಾಯಕದಲ್ಲಿ ಇವರು ನಿರತರಾಗಿದ್ದಾರೆ. ಇವರೆಲ್ಲರ ಪ್ರತಿನಿಧಿಯಂತಿರುವ ಚಾಮರಾಜನಗರ ಜಿಲ್ಲೆಯ ಚಾ.ನಗರದ ಸನಿಹದಲ್ಲೆ ಇರುವ ಪಣ್ಯದಹುಂಡಿ ಪುಟ್ಟೀರಮ್ಮ ಅವರ ಬಗ್ಗೆ ನಿಮಗೆ ಹೇಳಬೇಕು.

60 ವರ್ಷ ದಾಟಿರುವ ಪುಟ್ಟೀರಮ್ಮ ಈಗಲೂ ಹೊಲದಲ್ಲಿ ದುಡಿಯುತ್ತಾರೆ.ಹುರುಳಿ ಕೀಳಲು ಹೋಗುತ್ತಾರೆ. ಪುಟ್ಟೀರಮ್ಮ ಅವರ ಅನುಭವದ ಮಾತುಗಳನ್ನು ಕೇಳುತ್ತಿದ್ದರೆ ನಮ್ಮ ಕೃಷಿ ಪದ್ಧತಿ ಎಷ್ಟೊಂದು ಶ್ರೀಮಂತವಾಗಿತ್ತು, ಕೃಷಿ ಎಷ್ಟು ಸ್ವಾಲಂಭಿಯಾಗಿತ್ತು, ಈ ನೆಲದ ಅಮೂಲ್ಯ ಕೃಷಿಜ್ಞಾನ ಎಷ್ಟೊಂದು ಸಂಪತ್ತ್ಭರಿತವಾಗಿತ್ತು ಎನ್ನುವುದು ಗೊತ್ತಾಗುತ್ತದೆ.ಅಕ್ಷರದ ಹಂಗು ಇಲ್ಲದೆ ಗಾದೆ,ಜಾನಪದ ಹಾಡುಗಳ ಮೂಲಕ ದೇಸಿಕೃಷಿ ಜ್ಞಾನವನ್ನು ದಾಟಿಸುವ ಪುಟ್ಟೀರಮ್ಮನಂತಹವರೇ ನಮ್ಮ ನೆಲಮೂಲದ ಪರಂಪರೆಯ ನಿಜವಾದ ವಾರಸುದಾರರು. ಬೆರೆಕೆ ಸೊಪ್ಪಿನ ಬಗ್ಗೆ ಪುಟ್ಟೀರಮ್ಮನವರಿಗೆ ಇರುವ ತಿಳಿವಳಿಕೆ ಜ್ಞಾನ ನಮ್ಮನ್ನು ನೇರವಾಗಿ ಬೇರಿಗೆ ಕರೆದುಕೊಂಡು ಹೋಗುತ್ತದೆ.

ಈ ಬಾರಿ ಉತ್ತಮ ಮಳೆಯಾದ ಪರಿಣಾಮ ಚಾಮರಾಜನಗರ ಜಿಲ್ಲೆಯ ಒಣಭೂಮಿ ಪ್ರದೇಶದಲ್ಲಿ ಐದಾರುವರ್ಷದ ನಂತರ ರೈತರು ರಾಗಿ,ಹುರುಳಿ,ಜೋಳ,ಮುಸುಕಿನ ಜೋಳ,ಸೂರ್ಯಕಾಂತಿ, ಎಳ್ಳು, ಅವರೆ ಯಂತಹ ಮಳೆಯಾಶ್ರಿತ ಬೆಳೆಗಳನ್ನು ಬೆಳೆದುಕೊಂಡರು.ಬಹುತೇಕ ಈ ಎಲ್ಲಾ ಬೆಳೆಗಳನ್ನು ಏಕಬೆಳೆಯಾಗಿಯೇ ಬೆಳೆದುಕೊಂಡದ್ದನ್ನು ನೀವು ಗಮನಿಸಿರಬಹುದು. ಇವೆಲ್ಲಾ ಹಿಂದೆ ಮಿಶ್ರ ಬೆಳೆಯಾಗಿ ರೈತರಿಗೆ ಆದಾಯ ಮತ್ತು ಮನೆಗೆ ಬೇಕಾದ ಕಾಳು,ಸೊಪ್ಪು,ಜಾನುವಾರುಗಳಿಗೆ ಬೇಕಾದ ಮೇವು ಎಲ್ಲವನ್ನು ತಂದುಕೊಡಬಲ್ಲ ಆಹಾರ ಬೆಳೆಗಳಾಗಿದ್ದವು. ದೇಸಿಕೃಷಿ ಜ್ಞಾನ ಪರಂಪರೆಯನ್ನು ಮರೆತು ಏಕಬೆಳೆ ಪದ್ಧತಿಗೆ ಅಂಟಿಕೊಂಡ ಪರಿಣಾಮ ಹಳ್ಳಿಗಳಲ್ಲೂ ಪೌಷ್ಠಿಕ ಆಹಾರದ ಕೊರತೆ ಉಂಟಾಯಿತು.ಇಂತಹ ಆತಂಕಕಾರಿ ಸನ್ನಿವೇಶದಲ್ಲಿ ಪುಟ್ಟೀರಮ್ಮನಂತಹವರ ನೆಲಮೂಲದ ಕೃಷಿಜ್ಞಾನವನ್ನು ಹೊಸ ತಲೆಮಾರಿನ ರೈತರು ಈಗ ಹೊಸದಾಗಿ ಕಲಿಯಬೇಕಾದ ಅನಿವಾರ್ಯತೆ ಇದೆ.

"ಹಿಂದೆಯೆಲ್ಲ ನಾವು ಸಾಮಕ್ಕಿ(ಸಾಮೆ ಅಕ್ಕಿ) ಅನ್ನಾನೇ ತಿಂತಾ ಇದ್ದಿದ್ದು.ಈಗಿನ ಥರ ನೆಲ್ಲಕ್ಕಿ ಅನ್ನ ಅಲ್ಲ.ಕರಿ ಹಿಂಡಗನ ಸಾಮ ಅಂತ ತುಂಬಾ ಗಟ್ಟಿ.ಅದನ್ನ ಬೇಯಿಸ್ಬುಟ್ಟು ಒಣ ಹಾಕುತಿದ್ದೋ.ಅದನ್ನೇ ಊಟ ಮಾಡವು.ಒಂದೊತ್ತು ಮಾತ್ರ ಈ ನೆಲ್ಲಕ್ಕಿ ಅನ್ನ ಮಾಡುತಿದ್ದೋ.ಹಂಗೆ ಮಾಡಿ ಒಂದು ಪಲ್ಲ ಅಕ್ಕಿ ಒಂದು ವರ್ಸ ಬರಸ್ತಿದ್ದೋ.ರಾಗಿ ಹೊಲದಲ್ಲಿ8,10 ಸಾಲಿಗೆ ಎರಡು ಸಾಲು ನವಣೆ ಬಿಟ್ಟು ಅದರ ಮಧ್ಯ ಎರಡು ಸಾಲು ಸಾಮೆ ಬಿಡಾಂವು. ನಡುವೆ ಅವರೆ ಸಾಲು. ಕಾಳು ಬಂದರೆ ಮಗಳಿಗೆ,ಸೊಸೆಗೆ,ಅಪ್ಪನ ಮನೆಗೆ ಅಂತ ಕೊಡ್ತಾ ಇದ್ದೊ.ದಿನ ಮನೆಗೆ ಚಟ್ನಿಗೆ ಹುಚ್ಚೆಳ್ಳಿಲ್ದೆ ಆದ್ದಾ? ತಲೆಗೆ ತಂಪಿಗೆ ಹರಳೆಣ್ಣೆ ಇಲ್ದೆ ಆದ್ದಾ? ಇದೆಲ್ಲ ಕಾರಣಕ್ಕೆ ಈ ಪದ್ಧತಿ ಮಾಡ್ತೀವಿ" ಎಂದು ಹೇಳುವಾಗ ಪುಟ್ಟೀರಮ್ಮನವರ ಸಂಸಾರದ ಆರೋಗ್ಯದ ಗುಟ್ಟು ತೆರೆದುಕೊಳ್ಳುತ್ತಾ ಹೋಗುತ್ತದೆ.

ಮುಖ್ಯವಾಗಿ ಆಹಾರಕ್ಕೆ/ಊಟಕ್ಕೆ.ಅಷ್ಟೇ ಮುಖ್ಯವಾಗಿ ಮಣ್ಣಿಗೆ ಶಕ್ತಿಕೊಡಕ್ಕೆ,ದನಕರುಗಳ ಮೇವಿಗೆ.ಹೆಚ್ಚಿಗೆ ಬೆಳೆದರೆ ಆಪತ್ಕಾಲದಲ್ಲಿ ಸ್ವಲ್ಪ ಮಾರಿಕೊಂಡರೆ ಅಷ್ಟು ಇಷ್ಟು ಆದಾಯ ಸಿಕ್ಕುತ್ತೆ ಎನ್ನುತ್ತಾರೆ.

ಜೋಳದ ಜೊತೆ ತೊಗರಿ, ತಡಗುಣಿ.ಜೋಳ ತೆಗೆದುಕೊಂಡ ನಂತರ ಅಲ್ಲಿಗೆ ಹುರುಳಿ.ಜೋಳ ತೆಗೆದುಕೊಂಡ ನಂತರ ಹುರುಳಿ ಚೆನ್ನಾಗಿ ಬೆಳೆಯಲಿ ಅಂತಾನೇ ತೊಗರಿ ಸಾಲು ಹಾಕೋದು. ಹಿಂಗಾರಲ್ಲಿ ತಡಗುಣಿ ತೀರಿಹೋದ ಮೇಲೆ ತೊಗರಿ ಸಾಲಿನ ಮಧ್ಯ ಅಂತರ ಇರುತ್ತಲ್ಲ ಅದರಲ್ಲಿ ಹುರುಳಿ ಬಿತ್ತಲು ಅನುಕೂಲವಾಗುತ್ತೆ.ಜೋಳ ಕಟಾವಾಗಿ ತೊಗರಿ ಇರುವಂಗೆ ಹುರುಳಿ ಬಿತ್ತದು.ತೊಗರಿ ಬ್ಯಾಸಿಗೆ ವರೆಗೂ ಬರುತ್ತೆ.ಜನವರಿಯಲ್ಲಿ ಹುರುಳಿ ಕೀಳದು. ಹುರುಳಿ ಜೊತೆ ಬೇಕಾದರೆ ಎರಡು ಕಡ ಬಿಳಿ ಅಲಸಂದೆ ಬಿತ್ತಬಹುದು. ಹುರುಳಿ ಸೆಪ್ಟಂಬರ್-ಅಕ್ಟೋಬರ್ನಲ್ಲಿ ಇಬ್ಬನಿಗೆ ಬೆಳೆಯುತ್ತೆ.ಬಡಗಲ ಕಾಡಿನವರಿಗೆ ಹುರುಳಿ.ತೆಂಕಲ ಕಾಡಿನವರಿಗೆ ಕಡಲೆ ಎನ್ನುವಲ್ಲಿ ಅವರ ಅಪಾರವಾದ ಕೃಷಿ ಅನುಭವ ಕೆಲಸಮಾಡಿದೆ.

ಇವರ ಬಳಿ ಈಗ ಹಲವಾರು ದೇಸಿತಳಿಯ ಬೀಜಗಳಿವೆ.ಸಣ್ಣ ತಡಗುಣಿ,ಯಮ ತಡಗುಣಿ,ಕೆಂಪು ಮುದುಗ,ಬಿಳಿ ಮುದುಗನ ಜೋಳ (ಊಟದ ಜೋಳ).ತೊಗರಿಯಲ್ಲಿ ಕೆಂಪು ತೊಗರಿ,ಬಿಳಿ ತೊಗರಿ,ಮಚ್ಚೆ ತೊಗರಿ ಅಂತ ಮೂರು ಥರದ ಬೀಜಗಳಿವೆ. ಪೊದೆ ಅವರೆ,ಬಿಳಿ ಅವರೆ,ಕೆಂಪು ಅವರೆ ಅಂತ ಮೂರು ತಳಿಗಳಿವೆ.ಮಚ್ಚೆ ಹರಳು,ಸಣ್ಣ ಹರಳು,ದೊಡ್ಡ ಹರಳು ಇವೆ.ಹಿತ್ತಲಲ್ಲಿ ಒಂದೆರಡು ದೊಡ್ಡ ಹರಳು ಮರಗಳಿದ್ದರೆ ನಾಕು ಗೊನೆ ಬಂದರೆ ಒಂದು ಸೇರು ಹರಳಾಯ್ತದೆ.ಅದು ತಲೆಗೆ/ನೆತ್ತಿಗೆ ಬಹಳ ಶ್ರೇಷ್ಠ.ದೇವರ ದೀಪಕ್ಕೂ ಈ ಎಣ್ಣೆಯನ್ನೆ ಬಳಸ್ತೀವಿ.ನಾನು ಜೇನು ತುಪ್ಪದಂಗೆ ಎಣ್ಣೆ ತೆಗೀತೀನಿ ಎನ್ನುತ್ತಾರೆ.

"ಬಿಳಿ ಎಳ್ಳು ನಮ್ಮಲ್ಲಿ ಇಲ್ಲ.ಅದು ಬೆಜ್ಜಲು ಜಮೀನಿಗೆ ಆಗಲ್ಲ.ಅದಕ್ಕೆ ಕಪ್ಪು ಮಣ್ಣೇ ಬೇಕು.ಅದಕ್ಕೆ ನಮ್ಮಲ್ಲಿ ಕಪ್ಪು ಎಳ್ಳು ಬೆಳೆತ್ತೀವಿ.ಬರೀ ಎಳ್ಳನ್ನೇ ಬಿತ್ತಿದರೆ ಚೆನ್ನಾಗಿ ಬರಲ್ಲ.ಕಡ್ಡಿ ಸಣ್ಣವಾಗಿ ಇಳುವರಿ ಬರಲ್ಲ.ಅದಕ್ಕೆ ಮಿಶ್ರ ಬೆಳೆಯಾಗಿ ಬಿತ್ತಬೇಕು.ಮುತ್ತಪ್ಪನ ಕಾಲದ ಹುಚ್ಚೆಳ್ಳು ನಮ್ಮಲ್ಲಿದೆ. ಕಂಬು ಜಾಂಡೀಸ್ ಕಾಯಿಲೆಗೆ ಔಷಧಿ ಅದು ನಮ್ಮಲ್ಲಿದೆ" ಎಂದು ಹೇಳುತ್ತಾ ಹೋಗುವ ಪುಟ್ಟೀರಮ್ಮನ ಒಣ ಬೇಸಾಯ ಬೆಳೆಗಳ ಅನುಭವವನ್ನು ಕೇಳುತ್ತಿದ್ದರೆ ಖುಷ್ಕಿ ಬೇಸಾಯದ ಜ್ಞಾನ ಭಂಡಾರದ ಬಳಿ ಕುಳಿತಂತಾಗುತ್ತದೆ.

ಸಮುದಾಯಗಳು ನೂರಾರು ವರ್ಷಗಳ ಅನುಭವದಲ್ಲಿ ಕಂಡುಕೊಂಡ ಮಿಶ್ರಬೆಳೆ ಪದ್ಧತಿಯನ್ನು ಕೃಷಿ ವಿವಿಗಳು ಅಭಿವೃದ್ಧಿಪಡಿಸಿದ ಆಧುನಿಕ ಮಿಶ್ರಬೆಳೆ ಪದ್ಧತಿಯನ್ನೂ ಪ್ರತ್ಯೇಕವಾಗಿಯೇ ನೋಡಬೇಕಾಗುತ್ತದೆ ಎನ್ನುವ ಮಾತು ಸತ್ಯ.

ಬೆರಕೆ ಸೊಪ್ಪಿನ ವಿಸ್ಮಯ ಲೋಕ : ಪುಟ್ಟೀರಮ್ಮನವರಿಗೆ ಇರುವ ಬೆರಕೆ ಸೊಪ್ಪಿನ ಜ್ಞಾನ ನಮ್ಮನ್ನು ನೆಲಮೂಲಕ್ಕೆ ಕರೆದುಕೊಂಡು ಹೋಗಿಬಿಡುತ್ತದೆ.ಬೆರಕೆ ಸೊಪ್ಪಿಗೆ ವಾಣಿಜ್ಯ ಮೌಲ್ಯ ಇಲ್ಲದಿದ್ದರು ಸಾಂಸ್ಕೃತಿಕ ಮೌಲ್ಯ ಅಪಾರವಾಗಿದೆ.ಬೇರೆ ಬೇರೆ ಜಾತಿಯ ಸೊಪ್ಪುಗಳನ್ನು ಒಟ್ಟಿಗೆ ಸೇರಿಸಿದರೆ ಬೆರಕೆ ಸೊಪ್ಪು ಎನ್ನುತ್ತಾರೆ.ಈ ರೀತಿಯ ನಲವತ್ತಕ್ಕೂ ಹೆಚ್ಚು ಜಾತಿಯ ಸೊಪ್ಪುಗಳನ್ನು ಪುಟ್ಟೀರಮ್ಮ ಗುರುತಿಸುತ್ತಾರೆ ಎನ್ನುವುದೆ ವಿಸ್ಮಯ ಸಂಗತಿ.ಈ ರೀತಿ ಬೇರೆ ಬೇರೆ ಸೊಪ್ಪುಗಳನ್ನು ಸೇರಿಸಿ ಅಡುಗೆ ಮಾಡುವುದರಿಂದ ಎಲ್ಲಾ ಬೆರೆಸಿದಾಗ ಯಾವುದೋ ಒಂದು ಸೊಪ್ಪಲ್ಲಿ ರೋಗ ಒಡೆಯೋ ಗುಣ ಇರುತ್ತದೆ.

"ನಾವು ವಾರಕ್ಕೆ ಮೂರು ದಿನವಾದ್ರೂ ಬೆರಕೆ ಸೊಪ್ಪು ಮಾಡ್ತೀವಿ.ಗಭರ್ಿಣಿಯರಿಗೆ ಮಾತ್ರೆಯ ಬದಲು ವಾರಕ್ಕೆ ಎರಡುಮೂರು ಸಲ ಬೆರಕೆ ಸೊಪ್ಪು ಉಪಯೋಗಿಸಿದರೆ ತಾಯಿ ಮಗು ಆರೋಗ್ಯದಿಂದಿರುತ್ತಾರೆ" ಎನ್ನುತ್ತಾರೆ ಪುಟ್ಟೀರಮ್ಮ. ಅವರ ಸೊಸೆ ಪುಷ್ಪ ಅವರಿಗೂ ಸೊಪ್ಪಿನ ಜ್ಞಾನ ಬಳುವಳಿಯಾಗಿ ಬಂದಿದೆ.

ಬೇಸಿಗೆಕಾಲದಲ್ಲಿ ನೀರಾವರಿ ಮಾಡಿದವರ ಜಮೀನಿನಲ್ಲಿ ಬದಗಿರ ಸೊಪ್ಪು,ಕಿಲಕೀರೆ ಸೊಪ್ಪ ಇದೆಲ್ಲ ಸಿಕುತ್ತೆ.ಜನವರಿಯಿಂದ ಮಾಚರ್್ವರೆಗೆ ಯಾವ ಸೊಪ್ಪು ಸಿಕ್ಕಲ್ಲ. ಆಷಾಢ (ಜೂನ್,ಜುಲೈ)ದಲ್ಲಿ ಆಹಾರದ ಕೊರತೆ. ಎಲ್ಲ ಬೆಳೆ ಬಿತ್ತಿ ಯಾವುದು ಬೆಳೆದಿರೋದಿಲ್ಲ.ಈ ಟೈಮಲ್ಲಿ ಯಾವ ದವಸಧಾನ್ಯಗಳು ಇರೋದಿಲ್ಲ.ಇಂಥ ಟೈಮಲ್ಲಿ ಭೂಮಿ ತಾಯಿ ನಮಗೆ ಬೆರಕೆ ಸೊಪ್ಪು ಕೊಟ್ಟು ಸಹಾಯ ಮಾಡ್ತಾಳೆ.ಹಿತ್ತಲಲ್ಲಿ ಕುಂಬಳ,ಪಡುವಲ,ಸೋರೆ,ಹೀರೆ ಗಿಡ ಸಾಮಾನ್ಯವಾಗಿ ಇದ್ದೇ ಇರುತ್ತವೆ ಎನ್ನುತ್ತಾರೆ ಪುಟ್ಟೀರಮ್ಮ.

ಆಲೆ,ಅಗಸೆ,ಒನಗನೆ,ಗಣಿಕೆ,ಒಂದಲಗ,ಕುಂಬಳ,ಜವಣ,ಮುಳ್ಳುಗೀರೆ ಮುಂತಾದ ಈ ಇಲ್ಲ ಸೊಪ್ಪಿನ ಔಷದೀಯ ಗುಣಗಳ ಬಗ್ಗೆ ಪಟಪಟನೇ ಮಾತನಾಡುವ ಪುಟ್ಟೀರಮ್ಮ ಪಾಥರ್ೇನಿಯಂ ಗಿಡ ಬಂದಮೇಲೆ ಸೊಪ್ಪುಗಳು ಕಣ್ಮರೆಯಾಗುತ್ತಿವೆ ಎಂದು ವಿಷಾದ ವ್ಯಕ್ತಪಡಿಸುತ್ತಾರೆ.

ಮಿಶ್ರ ಬೆಳೆಯ ಉಳಿವು ಮಹಿಳೆಯರ ಮೇಲೆಯೆ ನಿಂತಿದೆ.ವಾಣಿಜ್ಯ ಬೆಳೆಗಳ ಬೆನ್ನುಹತ್ತಿದ ಪರುಷರು ಏಕ ಬೆಳೆ ಪದ್ಧತಿಗೆ ಒಲಿದ ಪರಿಣಾಮ ಕೃಷಿಯಲ್ಲಿ ಸಂಕಟಗಳು ಹೆಚ್ಚಾದವು.ಹೀಗಾಗಿ ಪುಟ್ಟೀರಮ್ಮನವರಂತಹವರು ನಮ್ಮಲ್ಲಿ ಅಪರೂಪವಾಗುತ್ತಿದ್ದಾರೆ. ಇಂತಹವರ ಅನುಭವದ ದಾಖಲಾತಿ ನಡೆಯಬೇಕು. ಈ ನಿಟ್ಟಿನಲ್ಲಿ ಬೆಂಗಳೂರಿನ ಇನ್ಸಿಟ್ಯೂಟ್ ಫಾರ್ ಕಲ್ಚರಲ್ ರಿಸಚರ್್ ಅಂಡ್ ಆ್ಯಕ್ಷನ್ (ಇಕ್ರಾ) "ಪುಟ್ಟೀರಮ್ಮನ ಪುರಾಣ" ಮಿಶ್ರಬೆಳೆ-ಬೆರಕೆ ಸೊಪ್ಪಿನ ವಿಸ್ಮಯ ಲೋಕ ಎಂಬ ಪುಸ್ತಕವನ್ನು ಪ್ರಕಟಿಸುವ ಮೂಲಕ ಹೊಸ ತಲೆಮಾರಿಗೆ ದೇಸಿಕೃಷಿ ಜ್ಞಾನ ಪರಂಪರೆಯನ್ನು ತಿಳಿದುಕೊಳ್ಳಲು ನೆರವಾಗಿದೆ.

ಕ್ರೀಯಾಶೀಲ ಅಜ್ಜಿ,ಸೃಜನಶೀಲ ಅಜ್ಜ ಮನೆಯಲ್ಲಿದ್ದರೆ ಎರಡು ತಲೆಮಾರಿನ ದೇಸಿಜ್ಞಾನ ಪರಂಪರೆ ಜೊತೆಯಲ್ಲಿದ್ದಂತೆ.ಮಳೆ,ಬೆಳೆಗಳ ಮಹತ್ವ ಗೊತ್ತಾಗುತ್ತದೆ.

ನಮ್ಮ ಅಜ್ಜನೊಬ್ಬನಿದ್ದ, ಅವನಿಗೆ ತೋಟದಲ್ಲಿರುವ ಪ್ರತಿಯೊಂದು ತೆಂಗಿನ ಮರದಲ್ಲಿರುವ ಕಾಯಿಗಳ ಸಂಖ್ಯೆಯೂ ಗೊತ್ತಿರುತ್ತಿತ್ತು.ನಾವು ಕದ್ದು ಎಳನೀರು ಕುಡಿದರೆ,ಮಾರನೆ ದಿನ ಮನೆಗೆ ಬಂದು ಆ ಮರದಲ್ಲಿ ಯಾರೊ ಎಳನೀರು ಕಿತ್ತಿದ್ದಾರೆ ಎಂದು ಕೇಳುತ್ತಿದ್ದ.ತೋಟದಲ್ಲಿರುವ ಪ್ರತಿಯೊಂದು ಗಿಡಮರಗಳ ಬಗ್ಗೆ ವಿವರವಾದ ಜ್ಞಾನ ಅವರಿಗಿತ್ತು. ಹೊಸ ತಲೆಮಾರಿಗೆ ತಮ್ಮ ಜಮೀನು ಯಾವ ದಿಕ್ಕಿಗೆ ಇದೆ ಎನ್ನುವುದೆ ಮರೆತುಹೋಗುತ್ತಿರುವ ಕಾಲಘಟ್ಟದಲ್ಲಿ ಪುಟ್ಟೀರಮ್ಮನ ಪುರಾಣ ಚಿಂತಿಸುವಂತೆ ಮಾಡುತ್ತದೆ. ಅಷ್ಟೇ ಅಲ್ಲ ನಮ್ಮ ಊಟದಲ್ಲಿ ವೈವಿಧ್ಯತೆಯನ್ನು ತಂದುಕೊಳ್ಳುವ ಮೂಲಕ ಆರೋಗ್ಯ ಕಾಪಾಡಿಕೊಳ್ಳುವ ಗುಟ್ಟುಗಳನ್ನು ಹೇಳಿಕೊಡುತ್ತದೆ. ಪಣ್ಯದಹುಂಡಿ ಪುಟ್ಟೀರಮ್ಮನಂತಹ ದೇಸಿಜ್ಞಾನ ದೀವಿಗೆಯನ್ನು ನಾಡಿಗೆ ಪರಿಚಯಿಸಿದ ಇಕ್ರಾ ಸಂಸ್ಥೆ ಅಭಿನಂದನೀಯ ಕೆಲಸಮಾಡಿದೆ.

ಮಿಶ್ರಬೆಳೆಯ ಕಲೆ,ವಿಜ್ಞಾನ,ತಂತ್ರಜ್ಞಾನ,ಅರ್ಥಶಾಸ್ತ್ರ,ಶ್ರಮಶಾಸ್ತ್ರ,ಸಂಸ್ಕೃತಿ ಎಲ್ಲವನ್ನೂ ಪುಟ್ಟೀರಮ್ಮ ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ. ಸಹಜ ಸಾಗುವಳಿ ಕೃಷಿ ಪತ್ರಿಕೆಯ ಸಂಪಾದಕಿ ವಿ.ಗಾಯತ್ರಿ, ಎನ್.ಶಿವಲಿಂಗೇಗೌಡ ಪುಟ್ಟೀರಮ್ಮನವರ ಅನುಭವದ ನುಡಿಗಳನ್ನು ಅಕ್ಷರ ರೂಪದಲ್ಲಿ ದಾಖಲಿಸಿ ನಾಡಿನ ರೈತರಿಗೆ ಒಳಿತುಮಾಡಿದ್ದಾರೆ. ಹೆಚ್ಚಿನ ಮಾಹಿತಿಗೆ ಅವರ ಮಗ ಶಿವಲಿಂಗೇಗೌಡ 9663142186 ಅವರನ್ನು ಸಂಪಕರ್ಿಸಿ.

====================

ಸುಸ್ಥಿರ ಬದುಕಿಗೆಬೇಕು ಸಮಗ್ರ ಕೃಷಿ ಪದ್ಧತಿಯ ಅನುಷ್ಠಾನ

.ಬೆಂಗಳೂರಿನ ಹೆಬ್ಬಾಳದಲ್ಲಿರುವ ಜಿಕೆವಿಕೆ (ಗಾಂಧಿ ಕೃಷಿ ವಿಜ್ಞಾನ ಕೇಂದ್ರ) ಯಲ್ಲಿನವೆಂಬರ್ 16 ರಿಂದ 19 ರವರೆಗೆ ನಾಲ್ಕು ದಿನಗಳಕಾಲ ನಡೆದ ಕೃಷಿ ಮೇಳ ನಡೆಯಿತು. ಕೃಷಿ ಮೇಳದಲ್ಲಿ ನಮ್ಮ ಗಮನ ಸೆಳೆದಿದ್ದು ಸಮಗ್ರ ಕೃಷಿ ಪದ್ಧತಿ ಪ್ರಾತ್ಯಕ್ಷಿಕೆಯ ತಾಕುಗಳು. ಸಣ್ಣ ಹಿಡುವಳಿದಾರರು ಒಂದೆರಡು ಎಕರೆ ಜಮೀನು ಇರುವ ಕೃಷಿಕರು ಹೇಗೆ ಸಮಗ್ರ ಕೃಷಿಯನ್ನು ಅನುಷ್ಠಾನ ಮಾಡಿಕೊಳ್ಳಬೇಕು ಎನ್ನುವುದನ್ನು ಪ್ರಾತ್ಯಕ್ಷಿಕೆಯ ಮೂಲಕ ತೋರಿಸಿಕೊಟ್ಟಿದ್ದು ನೋಡಿ ಕಲಿಯುವ ರೈತನಿಗೆ ಸಾಕಷ್ಟು ಮಾಹಿತಿಗಳನ್ನು ನಿಂತಲೆ ಒದಗಿಸುವಂತಿತ್ತು. ಜಮೀನಿನ ಒಂದು ಮೂಲೆಯಲ್ಲಿ ಕೃಷಿ ಹೊಂಡ, ಅದರ ಮೇಲೆಯೇ ಕೋಳಿ ಸಾಕಾಣಿಕೆ ಕೇಜ್ ನಿಮರ್ಾಣ, ಪ್ರತಿ ಹತ್ತು ಇಪ್ಪತ್ತು ಗುಂಟೆಯಲ್ಲಿ ದನಕರುಗಳಿಗೆ ಮೇವು ಒಂದು ಕಡೆ, ಆಹಾರ ಧಾನ್ಯಗಳು,ಕಾಳುಗಳು,ಬತ್ತ,ತರಕಾರಿ,ಅರಣ್ಯಧಾರಿತ ಕೃಷಿ,ಪಶುಸಂಗೋಪನೆ, ಮಳೆಯಾಶ್ರಿತ ಬೆಳೆಗಳು, ಹನಿ ನೀರಾವರಿಯ ಬಗ್ಗೆ ಪ್ರಾತ್ಯಕ್ಷಿಕೆ ಮಾಡುವ ಮೂಲಕ ಕೃಷಿಯನ್ನು ಹೇಗೆ ಲಾಭದಾಯಕ ಮಾಡಿಕೊಳ್ಳ ಬುದು ಎನ್ನುವ ಬಗ್ಗೆ ವಿವರಣೆಯನ್ನು ನೀಡಲಾಗಿತ್ತು. ಜಿಕೆವಿಕೆ ಕೇಂದ್ರಗಳಿಗೆ ರೈತರು ಭೇಟಿ ನೀಡುವ ಮೂಲಕ ತಾಂತ್ರಿಕ ನೆರವು ಮತ್ತು ಮಾರ್ಗದರ್ಶನ ಪಡೆಯುವ ಮೂಲಕ ಸುಸ್ಥಿರ ಬದುಕು ಕಟ್ಟಿಕೊಳ್ಳಬೇಕು.

=========================================

# ಜಿಕೆವಿಕೆ ಕೃಷಿಮೇಳದಲ್ಲಿ ಪ್ರಾತ್ಯಕ್ಷಿಕೆ # ತಾಂತ್ರಿಕತೆ,ಸಂಶೋಧನೆಗಳ ಮಾಹಿತಿ

ರೈತನ ಆದಾಯ ದ್ವಿಗುಣಗೊಳ್ಳಬೇಕು. ರೈತ ಸ್ವಾವಲಂಭಿಯಾಗುವ ಮೂಲಕ ಸುಸ್ಥಿರ ಬದುಕು ಕಟ್ಟಿಕೊಳ್ಳಬೇಕು.ಅದಕ್ಕಾಗಿ ಸಮಗ್ರ ಕೃಷಿ ಪದ್ಧತಿಯನ್ನು ತನ್ನ ಜಮೀನಿನಲ್ಲಿ ಅನುಷ್ಠಾನ ಮಾಡಿಕೊಳ್ಳಬೇಕು. ಹಾಗಂತ ಎಲ್ಲರೂ ಹೇಳುತ್ತಾ ಬಂದಿದ್ದಾರೆ.ಆದರೆ ಅದು ಎಷ್ಟರ ಮಟ್ಟಿಗೆ ಗ್ರಾಮಗಳಲ್ಲಿ ಅನುಷ್ಠಾನವಾಗಿದೆ ಎಂದು ನೋಡಿದರೆ ನಿರಾಸೆಯಾಗುವುದು ನಿಶ್ಚಿತ. ಇಂತಹ ನಿರಾಶವಾದದ ನಡುವೆಯೂ ಅಲ್ಲಲ್ಲಿ ಬೆರಳೆಣಿಕೆಯಷ್ಟು ರೈತರು ಸಮಗ್ರ ಕೃಷಿ ಪದ್ಧತಿಯನ್ನು ಅನುಷ್ಠಾನ ಮಾಡಿಕೊಳ್ಳುವ ಮೂಲಕ ತಮ್ಮ ಆದಾಯವನ್ನು ಹೆಚ್ಚಿಸಿಕೊಂಡಿರುವ ಉದಾಹರಣೆಗಳು ಇವೆ. ಅಂತಹ ಒಂದೆರಡು ಮಾದರಿಗಳನ್ನು ನಿಮಗೆ ಹೇಳಬೇಕು.

ಚಾಮರಾಜನಗರ ತಾಲೂಕಿನ ಹರದನಹಳ್ಳಿಯ ಎನ್.ಮಂಜುನಾಥ್ ಮತ್ತು ಮೈಸೂರು ತಾಲೂಕು ಲಕ್ಷ್ಮೀಪುರದ ಕೆಂಚೇಗೌಡ ಅವರು ಬೆಂಗಳೂರು ಕೃಷಿ ವಿಶ್ವ ವಿದ್ಯಾನಿಲಯದ ಆಡಳಿತ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕೃಷಿ ವಿಜ್ಞಾನ ಕೇಂದ್ರ (ಜಿಕೆವಿಕೆ) ಸಂಸ್ಥೆಯ ಸಲಹೆ ಮತ್ತು ಮಾರ್ಗದರ್ಶನದ ಮೂಲಕ ತಮ್ಮ ಆದಾಯವನ್ನು ದ್ವಿಗುಣ ಗೊಳಿಸಿಕೊಳ್ಳುವ ಮೂಲಕ ಇತರೆ ರೈತರಿಗೆ ಮಾದರಿಯಾಗಿದ್ದಾರೆ.

ಬೆಂಗಳೂರು ಕೃಷಿ ವಿಶ್ವ ವಿದ್ಯಾನಿಲಯವು ತನ್ನ ಆಡಳಿತ ವ್ಯಾಪ್ತಿಗೆ ಬರುವ 13 ಜಿಲ್ಲೆಗಳಲ್ಲಿ ಸಮಗ್ರ ಕೃಷಿ ಪದ್ಧತಿ ಯೋಜನೆಯಡಿ (2011 ರಿಂದ 2014) 25 ಸಾವಿರ ರೈತರ ತಾಕುಗಳಲ್ಲಿ ಪ್ರಾತ್ಯಕ್ಷಿಕೆ ಗಳನ್ನು ಮಾಡಿ, ಕೃಷಿ ಉತ್ಪಾದನೆ ಮತ್ತು ವರಮಾನವನ್ನು ಹೆಚ್ಚಿಸಲು ನೆರವಾಗಿದೆ.

ಯೋಜನೆಯ ಮೂಲಕ ಅವಶ್ಯಕ ಪರಿಕರಗಳಿಗಾಗಿ ಆಥರ್ಿಕ ನೆರವು ಮತ್ತು ಸೂಕ್ತ ತಾಂತ್ರಿಕ ಮಾರ್ಗದರ್ಶನ ನೀಡಿ ರೈತರನ್ನು ಸ್ವಾವಲಂಭಿಯನ್ನಾಗಿ ಮಾಡಲು ಕೃಷಿ ವಿಜ್ಞಾನ ಕೇಂದ್ರಗಳು ಮುಂದಾಗಿರುವುದು ಸರಿ. ಆದರೆ ಇಂತಹ ಕೃಷಿ ವಿಜ್ಞಾನ ಕೇಂದ್ರಗಳ ನೆರವು, ಸಲಹೆ ಮತ್ತು ಮಾರ್ಗದರ್ಶನವನ್ನು ಎಷ್ಟು ರೈತರು ಪಡೆದುಕೊಳ್ಳುತ್ತಿದ್ದಾರೆ ಎಂದು ನೋಡಲು ಹೋದರೆ ನಿರಾಸೆಯಾಗುತ್ತದೆ. ಜಿಕೆವಿಕೆ ಕೇಂದ್ರಗಳು ರೈತರನ್ನು ತಲುಪಲು ವಿಫಲವಾಗಿವೆಯೊ ಅಥವಾ ರೈತರಿಗೆ ಜಿಕೆವಿಕೆಯಿಂದ ದೊರೆಯುವ ಸೌಲಭ್ಯ, ಮಾಹಿತಿಗಳ ಬಗ್ಗೆ ಅರಿವಿಲ್ಲವೊ ಎನ್ನುವುದು ಗೊತ್ತಾಗುತ್ತಿಲ್ಲ. ರೈತರು ಮತ್ತು ಜಿಕೆವಿಕೆ ನಡುವೆ ಉತ್ತಮ ಸಂಪರ್ಕವನ್ನು ಬೆಸೆದರೆ ಕೃಷಿಕ್ಷೇತ್ರಕ್ಕೆ, ರೈತರಿಗೆ ಲಾಭವಾಗುವುದಂತೂ ನಿಶ್ಚಿತ.ಇಂತಹ ಕೆಲಸಗಳನ್ನು ಹಳ್ಳಿಯಲ್ಲಿ ಕೃಷಿ ಮಾಡುತ್ತಿರುವ ವಿದ್ಯಾವಂತ ಯುವಕರು ಮಾಡಿದರೆ ಕೃಷಿ ವಲಯದ ಪುನಶ್ಚೇತನಕ್ಕೆ ನೆರವಾದಂತಾಗುತ್ತದೆ.

ಮೈಸೂರು ಜಿಲ್ಲೆಯವರು ಸುತ್ತೂರಿನಲ್ಲಿರುವ ಜಿಕೆವಿಕೆ ಕೇಂದ್ರಕ್ಕೂ ,ಚಾಮರಾಜನಗರ ಜಿಲ್ಲೆಯವರು ಹರದನಹಳ್ಳಿಯಲ್ಲಿರುವ ಜಿಕೆವಿಕೆ ಕೇಂದ್ರಕ್ಕೂ ಹೆಚ್ಚು ಹೆಚ್ಚು ಭೇಟಿ ನೀಡುವ ಮೂಲಕ ಪರಸ್ಪರರೂ ಹೆಚ್ಚು ಕ್ರೀಯಾಶೀಲರಾಗಿ ಇರುವಂತೆ ಮಾಡಿದರೆ ಸಮಗ್ರ ಕೃಷಿ ಪ್ರಾತ್ಯಕ್ಷಿಕೆಯ ತಾಕುಗಳು ಹೆಚ್ಚಾಗುವುದರಲ್ಲಿ ಸಂಶಯವಿಲ್ಲ.ಬೆಂಗಳೂರಿನ ಹೆಬ್ಬಾಳದಲ್ಲಿರುವ ಜಿಕೆವಿಕೆ (ಗಾಂಧಿ ಕೃಷಿ ವಿಜ್ಞಾನ ಕೇಂದ್ರ) ಯಲ್ಲಿನವೆಂಬರ್ 16 ರಿಂದ 19 ರವರೆಗೆ ನಾಲ್ಕು ದಿನಗಳಕಾಲ ನಡೆದ ಕೃಷಿ ಮೇಳಕ್ಕೆ ಹೋಗಿ ಬಂದ ಮೇಲೆ ನನ್ನಲ್ಲಿ ಮೂಡಿದ ಸುಸ್ಥಿರ ಕೃಷಿ ಚಿಂತನೆಗಳನ್ನು ಈ ಬಾರಿ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ.

ಕಳೆದ ನಾಲ್ಕಾರು ವರ್ಷಗಳಿಂದ ನಿರೀಕ್ಷಿತ ಮಳೆ ಇಲ್ಲದೆ ಕಂಗೆಟ್ಟಿದ್ದ ರೈತ ಈ ಬಾರಿಯ ಮುಂಗಾರಿನಲ್ಲಿ ಸುರಿದ ಮಳೆಯಿಂದಾಗಿ ಸ್ವಲ್ಪ ಚೇತರಿಸಿಕೊಳ್ಳುತ್ತಿದ್ದಾನೆ. ಭರ್ಜರಿ ಮಳೆಗೆ ಹರ್ಷಗೊಂಡಿರುವ ರೈತನ ಮೊಗದಲ್ಲಿ ಮತ್ತಷ್ಟು ಮಂದಹಾಸ ಮೂಡಿಸುನ ನಿಟ್ಟಿನಲ್ಲಿ ಈ ಬಾರಿ ಬೆಂಗಳೂರಿನ ಜಿಕೆವಿಕೆಯಲ್ಲಿ ನಡೆದ ಕೃಷಿ ಮೇಳ ರೈತರಲ್ಲಿ ಭರವಸೆ ಮೂಡಿಸುವಲ್ಲಿ ಸಫಲವಾಗಿದೆ.

ನೂತನ ತಂತ್ರಜ್ಞಾನ, ಸುಧಾರಿತ ತಳಿಗಳ ಕೃಷಿ ಪ್ರಾತ್ಯಕ್ಷಿಕೆ, ನೀರಿನ ಬಗ್ಗೆ ಅರಿವು, ಜಲಾನಯನ ನಿರ್ವಹಣೆ, ಹೊಸ ತಳಿಗಳ ಬಿಡುಗಡೆ ಜೊತೆಗೆ ಉತ್ತಮ ಸಾಧನೆಮಾಡಿದ ರೈತರಿಗೆ ರಾಜ್ಯ ಮಟ್ಟದ ಪ್ರಶಸ್ತಿಯೂ ಸೇರಿದಂತೆ 144 ಸಾಧಕ ರೈತರನ್ನು ಸನ್ಮಾನ. ಲ್ಲಾ ಪ್ರಶಸ್ತಿ ಹಾಗೂ 69 ತಾಲೂಕುಗಳ ಯುವ ರೈತರು ಮತ್ತು ರೈತ ಮಹಿಳೆಯರಿಗೆ ಪ್ರಶಸ್ತಿ ನೀಡುವ ಮೂಲಕ ರೈತರಲ್ಲಿ ಆತ್ಮ ವಿಶ್ವಾಸ ಮೂಡಿಸಿದೆ.

ನೂತನ ತಾಂತ್ರಿಕತೆಗಳನ್ನು ಹುಡುಕಿ ಬಂದವರು, ಹನಿ ನೀರಾವರಿ ಬಗ್ಗೆ ಮಾಹಿತಿ ಪಡೆಯಲು ಬಂದವರು, ಸಣ್ಣ ಸಣ್ಣ ಕೃಷಿ ಯಂತ್ರೋಪಕರಣಗಳ ಬಗ್ಗೆ ತಿಳಿದುಕೊಳ್ಳಲು ಬಂದವರು ಜೊತೆಗೆ ಕೃಷಿ ಸಾಹಿತ್ಯ ಪುಸ್ತಕಗಳನ್ನು ಹರಸಿ ಬಂದವರು ಹೀಗೆ ಎಲ್ಲ ಅಭಿರುಚಿಯ ಜನರು ಮೇಳದ ಲಾಭ ಪಡೆದು ಹೋಗಿದ್ದಾರೆ. ಹತ್ತು ಲಕ್ಷಕ್ಕೂ ಹೆಚ್ಚು ರೈತರು ಸಮ್ಮೇಳನದಲ್ಲಿ ಭಾಗವಹಿಸಿ ಮಾಹಿತಿ ಪಡೆದುಕೊಂಡಿದ್ದಾರೆ.

ಕೃಷಿ ಮೇಳದಲ್ಲಿ ನಮ್ಮ ಗಮನ ಸೆಳೆದಿದ್ದು, ರೈತರಿಗೆ ಅತ್ಯುಪಯುಕ್ತವಾದ ವಿಭಾಗ ಸಮಗ್ರ ಕೃಷಿ ಪದ್ಧತಿ ಪ್ರಾತ್ಯಕ್ಷಿಕೆಯ ತಾಕುಗಳು. ಸಣ್ಣ ಹಿಡುವಳಿದಾರರು ಒಂದೆರಡು ಎಕರೆ ಜಮೀನು ಇರುವ ಕೃಷಿಕರು ಹೇಗೆ ಸಮಗ್ರ ಕೃಷಿಯನ್ನು ಅನುಷ್ಠಾನ ಮಾಡಿಕೊಳ್ಳಬೇಕು ಎನ್ನುವುದನ್ನು ಪ್ರಾತ್ಯಕ್ಷಿಕೆಯ ಮೂಲಕ ತೋರಿಸಿಕೊಟ್ಟಿದ್ದು ನೋಡಿ ಕಲಿಯುವ ರೈತನಿಗೆ ಸಾಕಷ್ಟು ಮಾಹಿತಿಗಳನ್ನು ನಿಂತಲೆ ಒದಗಿಸುವಂತಿತ್ತು.

ಜಮೀನಿನ ಒಂದು ಮೂಲೆಯಲ್ಲಿ ಕೃಷಿ ಹೊಂಡ, ಅದರ ಮೇಲೆಯೇ ಕೋಳಿ ಸಾಕಾಣಿಕೆ ಕೇಜ್ ನಿಮರ್ಾಣ, ಪ್ರತಿ ಹತ್ತು ಇಪ್ಪತ್ತು ಗುಂಟೆಯಲ್ಲಿ ದನಕರುಗಳಿಗೆ ಮೇವು ಒಂದು ಕಡೆ, ಆಹಾರ ಧಾನ್ಯಗಳು,ಕಾಳುಗಳು,ಬತ್ತ,ತರಕಾರಿ,ಅರಣ್ಯಧಾರಿತ ಕೃಷಿ,ಪಶುಸಂಗೋಪನೆ, ಮಳೆಯಾಶ್ರಿತ ಬೆಳೆಗಳು, ಹನಿ ನೀರಾವರಿಯ ಬಗ್ಗೆ ಪ್ರಾತ್ಯಕ್ಷಿಕೆ ಮಾಡುವ ಮೂಲಕ ಕೃಷಿಯನ್ನು ಹೇಗೆ ಲಾಭದಾಯಕ ಮಾಡಿಕೊಳ್ಳ ಬುದು ಎನ್ನುವ ಬಗ್ಗೆ ವಿವರಣೆಯನ್ನು ನೀಡಲಾಗಿತ್ತು.

ಇಂತಹ ಸಮಗ್ರ ಕೃಷಿ ಪದ್ಧತಿಯ ಲಾಭ ಪಡೆದ ಚಾಮರಾಜನಗರ ತಾಲೂಕಿನ ಹರದನಹಳ್ಳಿಯ ಮಂಜುನಾಥ್ ಅವರ ಬಗ್ಗೆ ಅಲ್ಲೇ ಕುಳಿತು ನಾವು ಸಾಕ್ಷ್ಯಚಿತ್ರವೊಂದನ್ನು ನೋಡಿದೆವು. ಈ ಸಮಗ್ರ ಕೃಷಿಯ ಯೋಜನೆಯ ಪ್ರಾತ್ಯಕ್ಷಿಕೆದಾರರಾಗುವ ಮೊದಲು ತಮಗಿರುವ 3 ಎಕರೆ 12 ಗುಂಟೆ ಜಮೀನಿನಲ್ಲಿ ಅವರು ವಾಷರ್ಿಕ 3.57 ಲಕ್ಷ ರೂಪಾಯಿ ನಿವ್ವಳ ವರಮಾನ ಪಡೆಯುತ್ತಿದ್ದರು.ಪ್ರಾತ್ಯಕ್ಷಿಕೆ ಅಳವಡಿಸಿಕೊಂಡ ಮೂರು ವರ್ಷದ ಅವಧಿಯಲ್ಲಿ ಅವರ ವಾಷರ್ಿಕ ವರಮಾನ 5.22 ಲಕ್ಷ ರೂ. ಹೆಚ್ಚಳವಾಗಿದೆ. ಅಂದರೆ 46.2 ರಷ್ಟು ಆದಾಯ ಹೆಚ್ಚಳವಾಗಿದೆ.

ಇದೆಲ್ಲಾ ಹೇಗೆ ಸಾಧ್ಯವಾಯಿತು ಎಂದು ನೀವು ಕೇಳಬಹುದು. ಮೂರು ವರ್ಷಗಳಿಗೂ ಮೊದಲು ಮಂಜುನಾಥ್ ಸಾಂಪ್ರದಾಯಿಕ ರೀತಿಯಲ್ಲಿ ರಾಗಿ,ಬಾಳೆ,ಅರಿಶಿನ ಮತ್ತು ವೀಳ್ಯದೆಲೆ ಬೆಳೆಯುತ್ತಿದ್ದರು. ಎರಡು ಮಿಶ್ರತಳಿಯ ಹಸುಗಳನ್ನು ಸಾಕಿಕೊಂಡಿದ್ದರು. ಸಮಗ್ರ ಕೃಷಿ ಪ್ರಾತ್ಯಕ್ಷಿಕೆ ಆಯ್ಕೆಯಾದ ಮೇಲೆ ಬೆಳೆ ಪದ್ಧತಿಯಲ್ಲಿ ಸುಧಾರಣೆ ಮಾಡಲಾಯಿತು. ಅಧಿಕ ವರಮಾನ ತರುವ ಟೊಮಟೊ,ತಿಂಗಳ ಹುರುಳಿ,ಬದನೆ,ಕೊತ್ತುಂಬರಿ,ಮೆಣಸಿನಕಾಯಿ,ಚೆಂಡು ಹೂವಿನ ಗಿಡಗಳನ್ನು ಬೆಳೆಯಲು ಪ್ರೋತ್ಸಾಹ ನೀಡಲಾಯಿತು. ಏಕ ಬೆಳೆ ಬೆಳೆಯುವ ಬದಲು ಮಿಶ್ರ ಬೆಳೆ ಬೆಳೆಯಲು ಮಾರ್ಗದರ್ಶನ ಮಾಡಲಾಯಿತು. ಒಟ್ಟಾರೆ ಆಹಾರ ಬೆಳೆ,ತೋಟಗಾರಿಕಾ ಬೆಳೆ,ಮೇವಿನ ಬೆಳೆ,ಜಾನುವಾರು ಘಟಕ,ಎರೆಹುಳು ಗೊಬ್ಬರ ಘಟಕಗಳನ್ನು ಪ್ರತ್ಯೇಕ ವಿಭಾಗಗಳಾಗಿ ಸಮಗ್ರವಾಗಿ ಮಾಡಿಸಲಾಯಿತು.

ರಸಗೊಬ್ಬರಕ್ಕಾಗಿ ವಾಷರ್ಿಕ 30 ಸಾವಿರ ವೆಚ್ಚಮಾಡುತ್ತಿದ್ದ ಮಂಜುನಾಥ್ ಎರೆಹುಳು ಗೊಬ್ಬರ ಘಟಕ ನಿಮರ್ಾಣದಿಂದ ವಾಷರ್ಿಕ 18 ಟನ್ ಎರೆಗೊಬ್ಬರ ತೆಗೆದು ಹಣ ಉಳಿಸಿದರು. 2013 ರಲ್ಲಿ ಜಿಲ್ಲಾ ಮಟ್ಟದ ರೈತ ಪ್ರಶಸ್ತಿ ಪಡೆದ ಮಂಜುನಾಥ್ ತಜ್ಞರ ಮಾರ್ಗದರ್ಶನದಲ್ಲಿ ಸಾಧನೆಮಾಡಿ ಸುತ್ತಮುತ್ತಲಿನ ಗ್ರಾಮಗಳ ರೈತರಿಗೆ ಮಾದರಿಯಾಗಿದ್ದಾರೆ.

ಅದೇ ರೀತಿ ಲಕ್ಷ್ಮೀಪುರದ ಕೆಂಚೇಗೌಡರು ನಾಲ್ಕು ಎಕರೆ ಜಮೀನಿನಲ್ಲಿ ಸಮಗ್ರ ಕೃಷಿ ಪದ್ಧತಿ ಅಳವಡಿಸಿಕೊಂಡು ಬತ್ತ,ತೆಂಗು,ಅಜೋಲಾ ಮತ್ತು ಬಹು ವಾಷರ್ಿಕ ಮೇವಿನ ಬೆಳೆ,ಕುರಿ,ಕೋಳಿ ಸಾಕಾಣಿಕೆ ಜೊತೆಗೆ ರೇಷ್ಮೆ ಕೃಷಿಯನ್ನು ಕೈಗೊಳ್ಳುವ ಮೂಲಕ ವಾಷರ್ಿಕ 2.81 ಲಕ್ಷ ರೂ. ಆದಾಯಗಳಿಸುತ್ತಿದ್ದವರು ಪ್ರಾತ್ಯಕ್ಷಿಕೆದಾರರಾದ ನಂತರ ವಾಷರ್ಿಕ 3.54 ಲಕ್ಷ ರೂ. ಆದಾಯಗಳಿಸಿದ್ದಾರೆ.

ನಿಜಕ್ಕೂ ಇಂತಹ ಪ್ರತ್ಯಾಕ್ಷಿಕೆಗಳು ಮಾತ್ರ ರೈತರಿಗೆ ಸರಿಯಾದ ತಿಳಿವಳಿಕೆ ಮತ್ತು ಅರಿವು ಮೂಡಿಸಬಲ್ಲವು. ಜಿಕೆವಿಕೆ ಕೇಂದ್ರಗಳು ರೈತರಿಗೆ ಇನ್ನೂ ಹೆಚ್ಚಿನ ಅರಿವು ಮೂಡಿಸುವ ಮೂಲಕ ಕೃಷಿ ವಲಸೆಯನ್ನು ತಡೆಯುವ ನಿಟ್ಟಿನಲ್ಲಿ ಮತ್ತಷ್ಟು ಕ್ರೀಯಾಶೀಲವಾಗಿ ಕೆಲಸಮಾಡಬೇಕು.

ಈ ಬಾರಿ ಕೃಷಿ ಮೇಳದಲ್ಲಿ ಎಂಟು ಹೊಸತಳಿಯ ಬೀಜಗಳನ್ನು ಬಿಡುಗಡೆಮಾಡಲಾಗಿದೆ. ಬರಗಾಲದ ಸಂದಭ್ದಲ್ಲು ಕಡಿಮೆ ನೀರು ಬಳಸಿಕೊಂಡು ಅಧಿಕ ಇಳುವರಿಕೊಡುವ ಹಾಗೂ ರೋಗನಿರೋಧಕ ಶಕ್ತಿ ಹೊಂದಿರುವ ಕಬ್ಬು,ಅಲಸಂದೆ,ಜಂಬೂ ನೇರಳೆ,ಮುಸುಕಿನ ಜೋಳ,ತೊಗರಿ ಸೇರಿದಂತೆ ಹೊಸತಳಿಗಳು ಬಿಡುಗಡೆಯಾಗಿವೆ. ಬರುವ ಮುಂಗಾರಿನ ಹಂಗಾಮಿನಲ್ಲಿ ಈ ಭಾಗದ ರೈತರಿಗೆ ಜಿಉಕೆವಿಕೆ ಕೇಂದ್ರಗಳು ತಲುಪುವಂತೆಮಾಡದಿರೆ ಇಂತಹ ಮೇಳಗಳಿಗೆ ಅರ್ಥಬರುತ್ತದೆ.

ದಕ್ಷಿಣ ಭಾರತದಲ್ಲೆ ಅಗ್ರ ಕೃಷಿ ವಿವಿ ಎಂಬ ಹೆಗ್ಗಳಿಕೆ ಪಡೆದಿರುವ ಇದು ದೇಶದ ಪ್ರತಿಷ್ಠಿತ ಕೃಷಿ ವಿವಿಗಳಲ್ಲಿ ಮೂರನೇ ಸ್ಥಾನ ಪಡೆದಿದೆ. ಅಲ್ಲೇ ಸನಿಹದಲ್ಲಿ ಬಾಗಲ ಕೋಟ ತೋಟಗಾರಿಕ ಕೃಷಿ ವಿಶ್ವ ವಿದ್ಯಾನಿಲಯವೂ ಇದೆ. ಅಲ್ಲಿ ಹುಣಸೆ,ಮಾವು,ಸೀಬೆ,ಸೀತಾಫಲ,ಗೇರು,ಹಲಸು,ಜಂಬೂ ನೇರಳೆ ಸೇರಿದಂತೆ ಹತ್ತಾರು ಮಾದರಿ ತಾಕುಗಳನ್ನು ನಿಮರ್ಾಣ ಮಾಡಲಾಗಿದೆ. ಇದರ ಹಿಂದೆ ಡಾ.ಗುರುಪ್ರಸಾದ್ ಅವರ ಶ್ರಮ ಕೆಲಸಮಾಡಿದೆ. ಭಾರತೀಯ ತೋಟಗಾರಿಕ ಸಂಶೋಧನಾ ಸಂಸ್ಥೆ(ಐಐಹೆಚ್ಆರ್ )  ಮತ್ತು ಕೃಷಿ ವಿಶ್ವ ವಿದ್ಯಾನಿಲಯಗಳಿಗೆ ನಮ್ಮ ರೈತರು ಭೇಟಿ ನೀಡುವ ಮೂಲಕ ಪ್ರಯೋಜನ ಪಡೆದುಕೊಳ್ಳಬಹುದು.

ಪ್ರತಿ ವರ್ಷ ನಡೆಯುವ ಕೃಷಿ ಮೇಳಗಳಿಗೆ ಜಾತ್ರೆಗಳ ರೀತಿಯಲ್ಲಿ ಹೋಗಿಬಂದರೆ ಪ್ರಯೋಜನವಿಲ್ಲ. ಬೆಂಗಳೂರಿನಲ್ಲಿರುವ ಈ ಕೃಷಿ ಸಂಸ್ಥೆಗಳ ಜೊತೆ ನಿರಂತರ ಸಂಪರ್ಕದಲ್ಲಿಟ್ಟು ಕೊಂಡು ನೂತನ ತಾಂತ್ರಿಕತೆ ಮತ್ತು ಸಮಗ್ರ ಕೃಷಿಯ ಜೊತೆಗೆ ಹೊಸದಾಗಿ ಸಂಶೋಧನೆಯಾದ ಮಾವು,ಹಲಸು,ಸೀತಾಫಲ,ಸೀಬೆ ಈ ಎಲ್ಲಾ ಗಿಡಗಳನ್ನು ರಿಯಾಯಿತಿ ದರದಲ್ಲಿ ತಂದು ಜಮೀನುಗಳಲ್ಲಿ ಹಾಕಿ ಬೆಳೆಸಿಕೊಂಡಾಗ ಮಾತ್ರ ರೈತ ಸುಸ್ಥಿರತೆಯ ಕಡೆಗೆ ಹೆಜ್ಜೆ ಹಾಕಬಲ್ಲ. ಕೃಷಿ ಮಾಡುವ ಮುನ್ನಾ ಪೂರ್ವತಯಾರಿ ಮಾಡಿಕೊಂಡು ವಾಷರ್ಿಕ ಬೆಳೆಯೋಜನೆಯೊಂದನ್ನು ಸಿದ್ಧ ಪಡಿಸಿಕೊಂಡು ಕೃಷಿ,ತೋಟಗಾರಿಕೆ ಮತ್ತು ಜಿಕೆವಿಕೆಯ  ವಿಸ್ತರಣಾ ಮುಂದಾಳುಗಳು ಮತ್ತು ತಜ್ಞರೊಡನೆ ಚಚರ್ಿಸಿ ಕೃಷಿ ಮಾಡಿದರೆ ಕೃಷಿ ಸುಸ್ಥಿರವೂ,ಲಾಭದಾಯಕವೂ ಆಗುತ್ತದೆ ಎನ್ನುವುದು ಈ ಬಾರಿಯ ಕೃಷಿ ಮೇಳ ನೋಡಿ ಬಂದಾಗ ಅನಿಸಿತು. ಮತ್ಯಾಕೆ ತಡ ನಿಮ್ಮ ಸಮೀಪದ ಸುತ್ತೂರು, ಹರದನಹಳ್ಳಿಯಲ್ಲಿರುವ ಜಿಕೆವಿಕೆ ಕೇಂದ್ರಗಳಿಗೆ ಭೇಟಿ ನೀಡುವ ಮೂಲಕ ಸದುಪಯೋಗಪಡಿಸಿಕೊಳ್ಳಿ.ಗ್ರಾಮಗಳ ಅಭಿವೃದ್ಧಿಗೆ ಒಂದಾಗಿ ಮುಂದಾಗಿ.

 ಸ್ವಾವಲಂಭಿ"ನೂರ್ಶತ ಸಾವಯವ ಕೃಷಿಕ"ನ ಯಶೋಗಾಥೆ
ಸಾಲಶೂಲಕ್ಕೆ ಸಿಲುಕಿದರೂ ಧೃತಿಗೆಡದ ಸಾಹಸಿ,ಮಳೆಯಾಶ್ರಯದ ಭರಪೂರ ಬೆಳೆ
ಪರಿಸ್ಥಿತಿಯ ಅನಿವಾರ್ಯತೆಯಿಂದ ಬಹುಬಗೆಯ ಸಂಕಷ್ಟಗಳಿಗೆ ಸಿಲುಕಿದರೂ ಎದೆಗುಂದದೆ ಕೃಷಿಯನ್ನೇ ಅಪ್ಪಿಕೊಂಡ ಸ್ವಾಭಿಮಾನಿ, ಸ್ವಾವಲಂಭಿ ರೈತ ಮಹಾದೇವಸ್ವಾಮಿ. ಚಾಮರಾಜನಗರದಿಂದ ನಾಲ್ಕು ಕಿ.ಮೀ. ಅಂತರದಲ್ಲಿರುವ ದೊಡ್ಡರಾಯಪೇಟೆಯ ಹೆಮ್ಮಯ ಸಾವಯವ ಕೃಷಿಕ. "ನೂರ್ಶತ ಸಾವಯವ ಕೃಷಿಕ" (ನೂರಕ್ಕೆ ನೂರು) ಎಂದು ತಮ್ಮನ್ನು ತಾವೇ ಕರೆದುಕೊಳ್ಳುವ ಮಹಾದೇವಸ್ವಾಮಿ ಹಾಗಂತ ವಿಸಿಟಿಂಗ್ ಕಾರ್ಡ್ ಕೂಡ ಮಾಡಿಸಿಕೊಂಡಿದ್ದಾರೆ.ಈಗ ಅವರಿಗೆ 53 ವರ್ಷ.ಕೃಷಿ ಮತ್ತು ಅವಿಭಕ್ತಕುಟುಂಬ ನಿರ್ವಹಣೆಯಲ್ಲಿ ಮುಳುಗಿಹೋಗಿರುವ ಅವಿವಾಹಿತ ಪದವಿಧರ ರೈತ.
ಇವರು ಸಾವಯವ ಪದ್ಧತಿಯಲ್ಲಿ ಬೆಳೆದ ಬೆಲ್ಲ, ಅರಿಶಿನ ಪುಡಿ,ದನಿಯಾ ಪುಡಿ,ತರಕಾರಿ,ಬೇಳೆಕಾಳುಗಳಿಗೆ ಸದಾ ಬೇಡಿಕೆ.ಕಳೆದ ನಾಲ್ಕು ವರ್ಷಗಳಿಂದ ಸಾವಯವ ಕೃಷಿಕರಾಗಿರುವ ಮಹಾದೇವಸ್ವಾಮಿ ಅದಕ್ಕೂ ಮುಂಚೆ ರಾಸಾಯನಿಕ ಪದ್ಧತಿಯಲ್ಲೆ ಕೃಷಿ ಮಾಡುತ್ತಿದರು. ರಾಸಾಯನಿಕ ಗೊಬ್ಬರ ಮತ್ತು ಕ್ರಿಮಿನಾಶಕ ಖರೀದಿಯಿಂದ ಅತಿಯಾದ ಉತ್ಪಾದನಾ ವೆಚ್ಚ,ನೀರಿನ ಕೊರತೆ, ದರ ಕುಸಿತ,ಕೊಳವೆ ಬಾವಿಯ ವಿಫಲತೆ,ಪ್ರಕೃತಿಯ ವೈಪರಿತ್ಯ ಎಲ್ಲಾ ಸೇರಿ ಇವರನ್ನು ಸಾಲದ ಸುಳಿಗೆ ನೂಕಿದವು.ಸಾಲದ ಕುಣಿಕೆ ಉರುಳಾಗಿ ಬಿಗಿದರೂ ಮಹಾದೇವಸ್ವಾಮಿ ಧೈರ್ಯಗೆಡಲಿಲ್ಲ. ತಮಗಿರುವ ಹನ್ನೆರಡು ಎಕರೆ ಜಮೀನಿನಲ್ಲಿ ಅರ್ಧ ಎಕರೆ ಜಮೀನು ಮಾರಾಟ ಮಾಡಿ ಸಾಲದ ಸುಳಿಯಿಂದ ಹೊರಬಂದು ಈಗ ಸುಸ್ಥಿರ,ಸ್ವಾವಲಂಭಿ ಕೃಷಿಯ ಬಗ್ಗೆ ಪಾಠ ಹೇಳುತ್ತಾರೆ.
ತಮ್ಮ ಮೂರು ದಶಕದ ಕೃಷಿ ಅನುಭವದಿಂದ ಕಲಿತ ತಪ್ಪುಗಳನ್ನು ಸರಿಮಾಡಿಕೊಂಡು ಸಾವಯವ ಹಾದಿಯಲ್ಲಿ ದೃಢವಾದ ಹೆಜ್ಜೆಹಿಡುತ್ತಿದ್ದಾರೆ.ಮಳೆಯಾಶ್ರಯದ ಪಾರಂಪರಿಕ ಬೇಸಾಯ ಪದ್ಧತಿಗೆ ಮರಳಿರುವ ಮಹಾದೇವಸ್ವಾಮಿ ಅವರ ಜಮೀನಿನಲ್ಲಿ ಈಗ ಸಿರಿ ಧಾನನ್ಯಗಳು,ರಾಗಿ,ಹುಚ್ಚೆಳ್ಳು,ತೊಗರಿ,ಉದ್ದು,ಹೆಸರು ಸಮೃದ್ಧವಾಗಿ ಬೆಳೆದು ಕೊಯ್ಲಿಗೆ ಬಂದಿವೆ. ಒಂದೂವರೆ ಎಕರೆಯಲ್ಲಿ ರಾಸಾಯನಿಕ ಮುಕ್ತ ಕಬ್ಬು ಬೆಳೆದಿದ್ದು ಡಿಸೆಂಬರ್ ವೇಳೆಗೆ ಅವರದೆ ಆಲೆಮನೆಯಲ್ಲಿ ಸಾವಯವ ಬೆಲ್ಲ ಕೂಡ ದೊರೆಯುತ್ತದೆ.
ಖಾಸಗಿ ಸುದ್ದಿವಾಹಿನಿಯೊಂದು ಚಾಮರಾಜನಗರದಲ್ಲಿ ರೈತರನ್ನು ಸ್ಥಳದಲ್ಲೇ ಸಾಲಮುಕ್ತರಾಗಿಸುವ ಕಾರ್ಯಕ್ರಮಮಾಡಿದಾಗ ತಾವೇ ಸ್ವತಃ ಸಾಲಗಾರರಾಗಿದ್ದರೂ ಸಂಕಷ್ಟದಲ್ಲಿರುವ ಮತ್ತೊಬ್ಬ ರೈತನಿಗೆ ನೆರವಾಗಲು ಹತ್ತು ಸಾವಿರ ರೂಪಾಯಿ ಸಾಲಮಾಡಿ ಸುದ್ದಿವಾಹಿನಿಯ ಮೂಲಕ ನೀಡಿದ ಕರುಣಾಮಯಿ.ನೀವ್ಯಾಕೆ ಹೀಗೆ ಮಾಡಿದಿರಿ ಎಂದು ಕೇಳಿದರೆ ನನ್ನಂತಹ ಬಡ ರೈತ ಸಂಕಷ್ಟದಲ್ಲಿರುವ ಇನ್ನೊಬ್ಬ ರೈತನಿಗೆ ನೆರವಾಗುತ್ತಿರುವುದನ್ನು ನೋಡಿಯಾದರೂ ಹಣವುಳ್ಳವರು ಮತ್ತಷ್ಟು ನೆರವು ನೀಡಬಹುದು ಎಂದುಕೊಂಡೆ.ಆದರೆ ಹಾಗಾಗಲಿಲ್ಲ.ಇದು ನಮ್ಮ ಸಮಾಜ ಸಾಗುತ್ತಿರುವ ಹಾದಿ ಎಂದು ವಿಷಾದ ವ್ಯಕ್ತಪಡಿಸುತ್ತಾರೆ.
ಅವಿಭಕ್ತಕುಟುಂಬಗಳೆಲ್ಲಾ ಒಡೆದು ಚೂರಾಗಿ ದ್ವೀಪಗಳಂತಾಗುತ್ತಿರುವ ಕಾಲದಲ್ಲಿ ಈಗಲೂ ಅಣ್ಣಂದಿರ ಜೊತೆಯಲ್ಲಿ ಸಹಜೀವನ ನಡೆಸುತ್ತಿರುವ ಮಹಾದೇವಸ್ವಾಮಿ ಕೃಷಿಯ ಜೊತೆಗೆ ಭಜನೆ, ಕೃಷಿ ಪತ್ರಿಕೆಗಳ ಓದು,ಆಧ್ಯಾತ್ಮದಲ್ಲೂ ಆಸಕ್ತಿಹೊಂದಿದ್ದಾರೆ, ರೈತಸಂಘದ ಸಕ್ರೀಯ ಕಾರ್ಯಕರ್ತರಾಗಿಯೂ ಹೋರಾಟ,ಸಂಘಟನೆಯಲ್ಲಿ ಪಾಲ್ಗೊಳ್ಳುತ್ತಾರೆ.ತಮ್ಮ ಎಲ್ಲಾ ಚಟುವಟಿಕೆಗಳಿಗೂ ಬೆನ್ನೆಲುಬಾಗಿ ನಿಂತ ತಮ್ಮ ಕುಟುಂಬ ಮತ್ತು ಅಣ್ಣ ಎಂ.ಲಿಂಗಪ್ಪ ತಮ್ಮ ಸಾವಯವ ಕೃಷಿಯ ಯಶಸ್ಸಿಗೆ ಕಾರಣ ಎಂದು ಪದೇ ಪದೇ ನೆನಪಿಸಿಕೊಳ್ಳುತ್ತಾರೆ. ತೆರೆದ ಪುಸ್ತಕದಂತಿರುವ ಅವರ ಸುದೀರ್ಘ ಜೀವನ ಪಯಣವನ್ನು ಅವರು ಬಿಚ್ಚಿಟ್ಟಿದ್ದು ಹೀಗೆ...
" ನಮ್ಮದು ಈಗಲೂ ಅವಿಭಕ್ತ ಕುಟುಂಬ.ತಂದೆ ದಿ.ಮಲ್ಲಪ್ಪ.ತಾಯಿ ಸುಬ್ಬಮ್ಮ.ಮೂವರು ಅಕ್ಕಂದಿರು. ಮೂವರು ಅಣ್ಣಂದಿರು ಮತ್ತು ಅತ್ತಿಗೆಯರು ಮತ್ತವರ ಮಕ್ಕಳು ಜೊತೆಯಲ್ಲಿ ಇದ್ದಾರೆ. ಮನೆಯಲ್ಲಿ ನಾಲ್ಕನೇಯವನಾದ ನಾನೆ ಕಿರಿಯನಾದ ಕಾರಣ ಮನೆ ಮತ್ತು ಕೃಷಿಯ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದ್ದೇನೆ. 96 ವರ್ಷದ ನಮ್ಮ ತಾಯಿ ಈಗಲೂ ತಮ್ಮ ಕೆಲಸವನ್ನು ತಾವೇ ಮಾಡಿಕೊಳ್ಳುವ ಸ್ವಾಭಿಮಾನಿ ಹೆಣ್ಣುಮಗಳು.ಪರರ ಸೊತ್ತಿಗೆ ಆಸೆ ಪಡದೆ ಶ್ರಮವಹಿಸಿ ದುಡಿಯುವುದು ಮತ್ತು ಕಂಡದ್ದನ್ನು ಕಂಡಂತೆ ನುಡಿಯುವುದು ಹಾಗೂ ಸ್ವಾಭಿಮಾನದಿಂದ ಸ್ವಾವಲಂಭಿಯಾಗಿ ಬದುಕುವುದನ್ನು ತಂದೆ ನಮಗೆ ಕಲಿಸಿಕೊಟ್ಟರು" ಎನ್ನುವ ಮಹಾದೇವಸ್ವಾಮಿ ತಾವು ಕೃಷಿಕಾಯಕ ಮಾಡುತ್ತಿರುವುದರಿಂದ ಎಳ್ಳಷ್ಟು ಬೇಸರವಿಲ್ಲ ಎನ್ನುತ್ತಾರೆ.
1986 ರಲ್ಲಿ ಬಿಎ ಪದವಿ ಮುಗಿಸಿರುವ ಇವರು ಕಾಲೇಜು ದಿನಗಳಲ್ಲೂ ಬಿಡುವಿನ ವೇಳೆಯಲ್ಲಿ ಜಮೀನಿನಲ್ಲಿ ಕೃಷಿಕಾಯಕ ಮಾಡಿ ನಂತರ ಕಾಲೇಜಿಗೆ ಮಳೆಗಾಲದಲ್ಲಿ ಛತ್ರಿ ಹಿಡಿದುಕೊಂಡು ನಡೆದೇ ಹೋಗುತ್ತಿದ್ದ ದಿನಗಳನ್ನು ನೆನಪಿಸಿಕೊಂಡು ಬಾವುಕರಾಗುತ್ತಾರೆ.
"ತಂದೆಕಾಲದಲ್ಲಿ ಕೃಷಿಯಲ್ಲಿ ನಡೆಯುತ್ತಿದ್ದ ಸ್ವಯಂಕೃತ ಅಪರಾಧಗಳನ್ನು ತಪ್ಪಿಸಬೇಕು. ದೋಷಗಳನ್ನು ಸರಿಪಡಿಸಬೇಕು.ತಂದೆ ಮತ್ತು ಅಣ್ಣಂದಿರು ಮಾಡುತ್ತಿದ್ದ ಅವೈಜ್ಞಾನಿಕ ಬೇಸಾಯ ಪದ್ಧತಿಯನ್ನು ತಪ್ಪಿಸಿ ಕೃಷಿಯನ್ನು ಲಾಭದಾಯಕ ಉದ್ಯೋಗ ಅಂತ ತೋರಿಸಿಕೊಡುವ ಉದ್ದೇಶದಿಂದ ನಿರಂತರವಾಗಿ ಕೃಷಿಮಾಡಿಕೊಂಡು ಬಂದಿದ್ದೇನೆ.ರೈತಸಂಘದ ಕಾರ್ಯಕರ್ತನಾಗಿ ಕಲಿತದ್ದು,ತರಬೇತಿ ಶಿಬಿರಗಳಲ್ಲಿ ಕಲಿತ ಜ್ಞಾನ ಎಲ್ಲವನ್ನೂ ಸ್ವತಃ ನಮ್ಮ ಜಮೀನಿನಲ್ಲಿ ಅನುಷ್ಠಾನಮಾಡುತ್ತಾ ಬಂದಿದ್ದೇನೆ" ಎನ್ನುತ್ತಾರೆ.
ಎಂಟು ಎಕರೆ ಜಮೀನಿನಲ್ಲಿ ಪ್ರತಿಯೊಬ್ಬರಿಗೂ ತಲಾ ಎರಡು ಎಕರೆ ಜಮೀನನ್ನು ಖಾತೆ ಮಾಡಿಸಿಕೊಂಡು ಜೊತೆಯಲ್ಲೇ ಸಾವಯವ ಕೃಷಿಮಾಡುತ್ತಿದ್ದಾರೆ. ಇದಲ್ಲದೆ ಪಕ್ಕದಲ್ಲಿ ಬೀಳು ಬಿಟ್ಟಿರುವ ಆರು ಎಕರೆ ಜಮೀನನ್ನು ಗುತ್ತಿಗೆಗೆ ಪಡೆದು ಒಟ್ಟು ಹದಿನಾಲ್ಕು ಎಕರೆಯಲ್ಲಿ ಕೃಷಿಮಾಡುತ್ತಿದ್ದಾರೆ.
ಕಡಿಮೆ ಖಚರ್ಿನಲ್ಲಿ ಆದಾಯ ತಂದುಕೊಡುವ ಸಿರಿಧಾನ್ಯ,ರಾಗಿ,ನೆಲಗಡಲೆ,ಅವರೆ,ಉಚ್ಚೆಳ್ಳು,ಮುಸುಕಿನ ಜೋಳ ಬೆಳೆದಿದ್ದಾರೆ. ನಾಲ್ಕು ಎಕರೆ ಪ್ರದೇಶದಲ್ಲಿ ತ್ತೊಂಬತ್ತಾರು ಹಿಂಗು ಗುಂಡಿಗಳನ್ನು ಮಾಡಿಕೊಂಡು ಬಿದ್ದ ಮಳೆಯ ನೀರು ಹೊರಹೋಗದಂತೆ ಬದುಗಳನ್ನು ನಿಮರ್ಾಣಮಾಡಿದ್ದಾರೆ. ಆ ಬದುವಿನ ಮೇಲೆ ಮಧ್ಯ ಹರಳು ಎರಡು ಬದಿಯಲ್ಲಿ ಹಾಗಲಕಾಯಿ,ಹೀರೆಕಾಯಿ ಮತ್ತು ತೊಗರಿಯನ್ನು ಹಾಕಿ ಆದಾಯದ ಮೂಲವನ್ನಾಗಿ ಪರಿವತರ್ಿಸಿದ್ದಾರೆ. ಇವೆಲ್ಲಾ ಸಂಪೂರ್ಣವಾಗಿ ಮಳೆಯಾಶ್ರಯದಲ್ಲೇ ಬೆಳೆದುನಿಂತಿದ್ದು ಕಟಾವಿನ ಹಂತದಲ್ಲಿವೆ. ಮತ್ತೆ ಒಂದೂವರೆ ಎಕರೆಯಲ್ಲಿ ಹನಿ ನೀರಾವರಿ ಬಳಸಿಕೊಂಡು 1800 ಕೆಜಿ ಕಬ್ಬುಹಾಕಿ ಬೆಳೆದಿದ್ದು ಡಿಸೆಂಬರ್ ವೇಳೆಗೆ 40 ಕ್ವಿಂಟಾಲ್ ಸಾವಯವ ಬೆಲ್ಲ ಮತ್ತು ಕಾಕಂಬಿ ತಯಾರಿಸಲು ಸಿದ್ಧತೆ ನಡೆಸಿದ್ದಾರೆ.
ಕಳೆದ ಐದು ವರ್ಷದಿಂದ ಗೊಬ್ಬರದ ಅಂಗಡಿ ಕಡೆಗೆ ಮುಖಮಾಡಿಲ್ಲ ಎನ್ನುವ ಮಹಾದೇವಸ್ವಾಮಿ ಏಕದಳ,ದ್ವಿದಳ ಧಾನ್ಯ ಬೆಳೆದು ಮಣ್ಣಿನ ಫಲವತ್ತನ್ನು ಕಾಪಾಡಿಕೊಂಡಿದ್ದಾರೆ. ಉಳುಮೆಗೆ ಎತ್ತುಗಳನ್ನು ಬಳಸಿ, ನಾಟಿ ಬೀಜವನ್ನು ಬಿತ್ತುತ್ತಾರೆ. ಎಲ್ಲಾ ಬೆಳೆಗಳನ್ನು ಸಾಲಿನಲ್ಲಿ ಬಿತ್ತನೆಮಾಡುವುದರಿಂದ ಕಳೆ ತೆಗೆಯಲು ಕುಂಟೆ,ಹೆಗ್ಗುಂಟೆ,ಕಿರುಗುಂಟೆ ಬಳಸಿಕೊಳ್ಳುವ ಮೂಲಕ ಕೃಷಿಯ ವೆಚ್ಚವನ್ನು ಕಡಿಮೆ ಮಾಡಿಕೊಂಡಿದ್ದಾರೆ.ಅಗತ್ಯಬಿದ್ದಾಗ ಮಾತ್ರ ಟ್ರ್ಯಾಕ್ಟರ್ ಬಳಸಿ ಉಳುಮೆಮಾಡುತ್ತೇನೆ.ಹೆಚ್ಚಾಗಿ ಸಾಂಪ್ರದಾಯಿಕ ಪದ್ಧತಿಯನ್ನೆ ಅನುಸರಿಸುತ್ತಿರುವುದರಿಂದ ಕೃಷಿಗಾಗಿ ಈಗ  ಕೈಸಾಲ ಮಾಡಬೇಕಾದ ಪರಿಸ್ಥಿತಿ ಇಲ್ಲ ಎನ್ನುತ್ತಾರೆ.
ರಾಸಾಯನಿಕ ಕೃಷಿ ಮಾಡುತ್ತಿದ್ದಾಗ ಮಳೆಯಾಶ್ರಿತದಿಂದ ನೀರಾವರಿಗೆ ಹೋಗಲು ನಿರ್ಧರಿಸಿ ತೆರೆದ ಬಾವಿಮಾಡಲು ಹೋಗಿ ಸಾಕಷ್ಟು ಹಣ ಕಳೆದುಕೊಂಡು ಸಾಲಗಾರರಾದರು. ಅಲ್ಲಿ ನೀರು ಸಿಕ್ಕದ ಕಾರಣ ಮತ್ತೆ ಕೊಳವೆ ಬಾವಿಕೊರೆಸಿ ವಿಫಲರಾದರು. ಈ ಎಲ್ಲದರ ಪರಿಣಾಮ ಸಾಲದ ಸುಳಿಗೆ ಸಿಲುಕಿದ ಮಹಾದೇವಸ್ವಾಮಿ ಕೊನೆಗೆ ಸಾಲಶೂಲದಿಂದ ಹೊರಬರಲು ಬೇರೆ ದಾರಿಕಾಣದೆ ಅರ್ಧ ಎಕರೆ ಜಮೀನು ಮಾರಾಟ ಮಾಡಬೇಕಾಯಿತು.ಈಗ ಕೃಷಿಯಲ್ಲಿ ಹಣವನ್ನು ಎಲ್ಲಿ ಕಳೆದುಕೊಳ್ಳುತ್ತೇವೆ ಎನ್ನುವುದು ಅವರಿಗೆ ಗೊತ್ತಾಗಿದೆ.ಅದಕ್ಕಾಗಿ ಅವರು ಮತ್ತೆ ಕೊಳವೆ ಬಾವಿ ತಂಟೆಗೆ ಹೋಗದೆ ಮಳೆಯಾಶ್ರಯದಲ್ಲಿ ಬೆಳೆ ಬೆಳೆಯುತ್ತಿದ್ದಾರೆ.ಜೊತೆಗೆ ಮಳೆನೀರು ಕೊಯ್ಲು ಅಳವಡಿಸಿಕೊಂಡು ಹೊಂಡದಲ್ಲಿ ನಿಂತ ನೀರು ಬಳಸಿಕೊಂಡು ತರಕಾರಿಗಳನ್ನು ಬೆಳೆದುಕೊಳ್ಳುತ್ತಾರೆ.
ಜೂನ್ 2014 ರಲ್ಲಿ ಜಿಲ್ಲಾ ಕೃಷಿ ಇಲಾಖೆ ಮತ್ತು ಮೈಸೂರಿನ ಮಹಾತ್ಮಗಾಂಧಿ ಟ್ರಸ್ಟ್ ವತಿಯಿಂದ ದೊಡ್ಡರಾಯಪೇಟೆ ಗ್ರಾಮವನ್ನು ಸಾವಯವ ಗ್ರಾಮಮಾಡಲು ಆಯ್ಕೆಮಾಡಿದರು. 78 ರೈತರು 200 ಎಕರೆಯಲ್ಲಿ ಸಾವಯವ ಕೃಷಿಮಾಡಲು ಆಯ್ಕೆಯಾಗಿದ್ದರು. ಸಂಘದ ಅಧ್ಯಕ್ಷರಾಗಿ ನೇಮಕವಾದ ಮಹಾದೇವಸ್ವಾಮಿ ಅಂದಿನಿಂದ ಇಂದಿನವರೆಗೂ ಪ್ರಮಾಣಿಕವಾಗಿ ಸಾವಯವ ಕೃಷಿ ಮಾಡುತ್ತಾಬಂದಿದ್ದಾರೆ. ಎಷ್ಟೇ ಸಂಕಷ್ಟ ಬಂದರೂ ಆತ್ಮಸಾಕ್ಷಿಗೆ ಎಂದೂ ವಿರುದ್ಧವಾಗಿ ನಡೆದುಕೊಳ್ಳದ ಇವರು ನುಡಿದಂತೆ ನಡೆಯುವ ನೇಗಿಲಯೋಗಿ.ಅದಕ್ಕಾಗಿ ಅವರು ತಮ್ಮನ್ನು ತಾವೆ ನೂರಕ್ಕೆ ನೂರು ಅಂದರೆ "ನೂರರ್ಶತ ಸಾವಯವ ಕೃಷಿಕ" ಎಂದು ಹೆಮ್ಮಯಿಂದ ಕರೆದುಕೊಳ್ಳುತ್ತಾರೆ.ಸಾವಯವದ ಬಗ್ಗೆ ಅನುಮಾನವಿದ್ದವರು ತಮ್ಮ ಜಮೀನಿಗೆ ಬಂದು ನೋಡಿ ಪರೀಕ್ಷಿಸಿಕೊಳ್ಳಬಹುದು ಎಂದು ಸವಾಲು ಎಸೆಯುತ್ತಾರೆ.
ಸೌತೆಕಾಯಿ ಬೆಳೆದು ಒಮ್ಮೆ ತೆರಕಣಾಂಬಿ ಸಂತೆಗೆ ಹೋಗಿ ಮಾರಾಟ ಮಾಡಿದಾಗ ಬೆಳೆಬೆಳೆದ ಖಚರ್ಿರಲಿ ಅದನ್ನು ತೆಗೆದುಕೊಂಡು ಹೋದ ಸಾಗಾಟದ ಖಚರ್ುಬರಲಿಲ್ಲ.ನನ್ನಿಂದ ಒಂದು ಸೌತೆಕಾಯಿಯನ್ನು ಒಂದು ರೂಪಾಯಿಗೆ ತೆಗೆದುಕೊಂಡು ಅವರು ಗ್ರಾಹಕರಿಗೆ ಏಳು ರೂಪಾಯಿಗೆ ಮಾರಾಟಮಾಡುತ್ತಿರುವುದು ನನ್ನ ಗಮನಕ್ಕೆ ಬಂತು. ಇದರಿಂದ ಎಚ್ಚೆತ್ತುಕೊಂಡು ನಾನೇ ಚಾಮರಾಜನಗರದಲ್ಲಿ ಜನನಿಬಿಡ ಪ್ರದೇಶಕ್ಕೆ ಹೋಗಿ ಒಂದು ಸೌತೆಕಾಯಿಯನ್ನು ಐದು ರೂಪಾಯಿಗೆ ಮಾರಾಟಮಾಡಿದೆ. ಇದರಿಂದ ನನಗೆ ಹೆಚ್ಚುವರಿಯಾಗಿ ಒಂದು ಸೌತೆಕಾಯಿಗೆ ನಾಲ್ಕು ರೂಪಾಯಿ ಹೆಚ್ಚಿಗೆ ಸಿಕ್ಕಂತಾಯಿತು ಅಲ್ಲದ ಗ್ರಾಹಕರಿಗೂ ಎರಡು ರೂಪಾಯಿ ಕಡಿಮೆಗೆ ಸೌತೆಕಾಯಿ ಸಿಕ್ಕಂತಾಯಿತು.ದಲ್ಲಾಳಿಗೆ ಹೋಗುತ್ತಿದ್ದ ಲಾಭವೂ ನಮ್ಮಲ್ಲೆ ಹಂಚಿಕೆಯಾಯಿತು.ಅದಕ್ಕಾಗಿ "ನಾನು ರೈತರಿಂದ ನೇರ ಗ್ರಾಹಕರಿಗೆ" ಎಂಬ ಬ್ಯಾನರ್ ಮಾಡಿಸಿಕೊಂಡು ಮಾರಾಟ ಮಾಡುತ್ತಿದ್ದೇನೆ ಎನ್ನುತ್ತಾರೆ.
ಆರಂಭದಲ್ಲಿ ಗ್ರಾಹಕರಿಗೆ ಅರಿವು ಮೂಡಿಸುವುದು ಕಷ್ಟವಾಯಿತು.ಮೊದಲ ವರ್ಷ ಚಾಮರಾಜನಗರಕ್ಕೆ ತೆಗೆದುಕೊಂಡು ಹೋಗಿ ಮಾರಾಟ ಮಾಡುತ್ತಿದ್ದೆ. ಈಗ ಬೆಳೆದ ತರಕಾರಿ,ಬೇಳೆಕಾಳುಗಳು ಜಮೀನಲ್ಲೇ ಮಾರಾಟವಾಗುತ್ತವೆ. ಸಾವಯವದಲ್ಲಿ ಬೆಳೆದ ಉತ್ಪನ್ನಗಳ ರುಚಿ ಮತ್ತು ಸ್ವಾದಕ್ಕೆ ಮನಸೋತಿರುವ ಗ್ರಾಹಕರು ತೋಟಕ್ಕೆ ಬಂದು ವಿಷಮುಕ್ತ ಆಹಾರವನ್ನು ಖರೀದಿಸುತ್ತಿದ್ದಾರೆ.ಮಾರುಕಟ್ಟೆ ನನಗೆ ದೊಡ್ಡ ಸಮಸ್ಯೆಯಾಗಿಲ್ಲ.ನಾವು ವಿಷಮುಕ್ತವಾಗಿ ಬೆಳೆದರೆ ಮಾರುಕಟ್ಟೆಯನ್ನು ಇರುವಲ್ಲೇ ಸೃಷ್ಠಿಮಾಡಿಕೊಳ್ಳಬಹುದು ಎನ್ನುವುದು ತಮ್ಮ ನಾಲ್ಕು ವರ್ಷದ ಅನುಭವ ಎನ್ನುತ್ತಾರೆ.
ಸಾವಯವ ಕೃಷಿಗೆ ಬಂದ ಆರಂಭದ ಮೊದಲ ವರ್ಷದಲ್ಲಿ ಇಳುವರಿ ಕಡಿಮೆಯಾಗಿತ್ತು.ನಂತರ ವರ್ಷದಿಂದ ವರ್ಷಕ್ಕೆ ಇಳುವರಿ ಹೆಚ್ಚಾಗಿದೆ.ಅದಕ್ಕಿಂತ ಮುಖ್ಯವಾಗಿ ನನ್ನ ಭೂಮಿಯ ಆರೋಗ್ಯ ವೃದ್ಧಿಯಾಗಿದೆ ಎನ್ನುತ್ತಾರೆ. ಕೊಳವೆ ಬಾವಿಯಲ್ಲಿ ಸಿಗುವ ಕಡಿಮೆ ನೀರನ್ನು ಬಳಸಿಕೊಂಡು ಒಂದೂವರೆ ಎಕರೆಯಲ್ಲಿ ಬಾಳೆ,ಪಪ್ಪಾಯಿ,ತರಕಾರಿಯನ್ನು ಸುಭಾಷ್ ಪಾಳೇಕರ್ ಪದ್ಧತಿಯಲ್ಲಿ ಜೀವಾಮೃತ ಬಳಸಿ ಬೆಳೆದುಕೊಳ್ಳಲು ಸಿದ್ಧತೆಯಲ್ಲಿ ನಿರತರಾಗಿರುವ ಮಹಾದೇವಸ್ವಾಮಿ ಕೃಷಿಯಲ್ಲಿ ಸದಾ ಪ್ರಯೋಗಶೀಲರಾಗಿದ್ದಾರೆ. ಕಿರಿದಾಗಿ ಮಾಡಿದರು ಹಿರಿದಾಗಿ ಮಾಡು ಎನ್ನುವಂತೆ ಮಾಡುವ ಕೆಲಸವನ್ನು ಶ್ರದ್ಧೆ ಮತ್ತು ಪ್ರೀತಿಯಿಂದ ಮಾಡಿ ಆದಾಯಗಳಿಸುತ್ತಿದ್ದಾರೆ.
" ಗ್ರಾಮದ ನಾಗೇಗೌಡ ಎಂಬ ಹಿರಿಯರು ನನ್ನನ್ನು ನೋಡಿ ತಮ್ಮ ಜಮೀನಿನಲ್ಲಿ ಬೆಳೆದ ಟೊಮಟೊವನ್ನು ತಾವೇ ಸೈಕಲ್ಗಾಡಿ ಮೇಲೆ ಏರಿಕೊಂಡು ಗ್ರಾಮದಲ್ಲೆ ಮಾರಾಟಮಾಡಿದರು. ಮಾರುಕಟ್ಟೆಯಲ್ಲಿ 10 ರೂಪಾಯಿಗೆ ಸಿಗುತ್ತಿದ್ದ ಟೊಮಟೊವನ್ನು ಎಂಟು ರೂಪಾಯಿಗೆ ಗ್ರಾಹಕರಿಗೆ ಕೊಟ್ಟರು.ಅದನ್ನೆ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗಿದ್ದರೆ ಅವರಿಗೆ ಪ್ರತಿ ಕೆಜಿಗೆ ಐದು ರೂಪಾಯಿ ಸಿಗುತ್ತಿತ್ತು. ಮತ್ತು ಅದೇ ಟೊಮಟೊ ಹಳ್ಳಿಗೆ ಬಂದು ಹತ್ತು ರೂಪಾಯಿಗೆ ಕೈಸೇರುತ್ತಿತ್ತು. ಅದನ್ನು ತಪ್ಪಿಸಿ ರೈತರೆ ನೇರ ಮಾರಾಟಮಾಡುವುದರಿಂದ ಗ್ರಾಹಕರಿಗೂ ಲಾಭವಾಯಿತು.ರೈತನಿಗೂ ಲಾಭವಾಯಿತು.ಹೀಗೆ ಸಣ್ಣ ಸಣ್ಣ ರೈತರು ಸಾವಯವದಲ್ಲಿ ಬೆಳೆದು ಆದಾಯಗಳಿಸುವುದರ ಜೊತೆಗೆ ಗ್ರಾಮದ ಜನರ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.ಇದನ್ನೇ ಗಾಂಧಿ ಪ್ರಣೀತ ಅರ್ಥಶಾಸ್ತ್ರ ಎನ್ನುವುದು ಎಂದು ವಿಶ್ಲೇಷಣೆಗೆ ಒಳಪಡಿಸುವ ಮೂಲಕ ಗ್ರಾಮದ ಹಣ ಗ್ರಾಮದಲ್ಲೆ ಉಳಿದುಕೊಳ್ಳುವ ಮಾರ್ಗವನ್ನು ಸಾಧಿಸಿತೋರಿಸಿದ್ದಾರೆ.
ರೈತರು ತಮ್ಮಲ್ಲಿರುವ ಭೂಮಿ ಎಷ್ಟು,ನೀರಿನ ಲಭ್ಯತೆ ಹೇಗಿದೆ,ಯಾವ ರೀತಿಯ ಬೆಳೆ ಬೆಳೆಯಬೇಕು ಎನ್ನುವ ಯೋಜನೆ ಇರಬೇಕು.ಇಲ್ಲದಿದ್ದರೆ ಸಾಲದ ಸುಳಿಗೆ ಸಿಲುಕುವುದು ನಿಶ್ಚಿತ.ನಾವೆ ಹಿಂದೆ ಹನ್ನೆರಡು ಎಕರೆಯಲ್ಲಿ ಕಬ್ಬು ಬೆಳೆದು ಎಂಟು ತಿಂಗಳ ನಂತರ ಕೊಳವೆ ಬಾವಿಯಲ್ಲಿ ನೀರು ಬತ್ತಿಹೋಗಿ ಹನ್ನೆರಡು ಎಕರೆ ಕಬ್ಬಿಗೆ ಬೆಂಕಿಹಾಕಿ ಸುಟ್ಟುಬಿಟ್ಟೆವು.ಈ ಕಹಿ ಘಟನೆ ಈಗಲೂ ಸದಾ ಕಾಡುತ್ತಿರುತ್ತದೆ. ಆದ್ದರಿಂದ ರೈತರು ತುಂಬಾ ಯೋಜಿಸಿ,ಯೋಚಿಸಿ ಬೆಳೆ ಬೆಳೆಯಬೇಕು ಎಂದು ಸಲಹೆ ನೀಡುತ್ತಾರೆ.ಹೆಚ್ಚಿನ ಮಾಹಿತಿಗೆ 89716 70774 ಸಂಪರ್ಕಿಸಿ

ಅರಿಶಿನ,ಬಾಳೆಯಲ್ಲಿ ಮಾದರಿಯಾದ ಕೃಷಿಕ ರಮೇಶ್ 

 # ಹೆಜ್ಜೆ ಇಟ್ಟಲೆಲ್ಲಾ ಯಶಸ್ಸು ಪಡೆದ ಬುದ್ದಿವಂತ  # ಕೃಷಿ ಲಾಭದಾಯಕ ಉದ್ಯೋಗವೆಂದ ಉದ್ಯಮಿ ! 

ಎರಡು ಎಕರೆಯಲ್ಲಿ ಆಳೆತ್ತರಕ್ಕೆ ಬೆಳೆದು ನಿಂತ ಅರಿಶಿನ. ಏಳು ಎಕರೆಯಲ್ಲಿ ಸಮೃದ್ಧವಾಗಿ ಬೆಳೆದು ಬಾಗಿದ ಬಾಳೆ. ನೂರು ತೆಂಗು.ಒಂದು ಎಕರೆಯಲ್ಲಿ ಕಲ್ಲಂಗಡಿ.ಮತ್ತೆ ಮೂರು ಎಕರೆಯಲ್ಲಿ ಡಿಸೆಂಬರ್ ವೇಳೆಗೆ ಕಲ್ಲಂಗಡಿ ನಾಟಿ ಮಾಡಲು ಸಿದ್ಧತೆ.ಹೀಗೆ ಒಟ್ಟು ಹನ್ನೆರಡು ಎಕರೆಯಲ್ಲೂ ಸಮೃದ್ಧ ಫಸಲು. ಮಾಡುವ ಪ್ರತಿಯೊಂದು ಕೆಲಸದಲ್ಲೂ ಅಚ್ಚುಕಟ್ಟು. ಹಾಕಿದ ಬಂಡವಾಳಕ್ಕೆ ಯಾವುದೇ ಕಾರಣಕ್ಕೂ ನಷ್ಟವಾಗಬಾರದು ಎಂಬ ಮನೋಭಾವ.

ವೃತ್ತಿಯಲ್ಲಿ ರಾಜಕಾರಣಿ, ಪ್ರವೃತ್ತಿಯಲ್ಲಿ ರೈತ, ಇದಲ್ಲೆಕ್ಕಿಂತ ಮೊದಲು ಅಬಕಾರಿ ಉದ್ಯಮಿ. ಹೀಗೆ ಕೈಹಿಡಿದ ಪ್ರತಿಯೊಂದು ಕೆಲಸದಲ್ಲೂ ಯಶಸ್ಸು ಕಂಡ ಗುಂಡ್ಲುಪೇಟೆ ಪುರಸಭೆಯ ಮಾಜಿ ಅಧ್ಯಕ್ಷ ರಮೇಶ್ ಈಗ ತಾಲೂಕಿನ ಪ್ರಯೋಗಶೀಲ ರೈತ. ಕಳೆದ ಎರಡು ದಶಕಗಳಿಂದಲ್ಲೂ ಪ್ರತಿವರ್ಷ ಬರಪೂರ ಫಸಲು ತೆಗೆಯುತ್ತಾ ಕೃಷಿಯಲ್ಲೂ ಸಾಕಷ್ಟು ಆದಾಯಗಳಿಸುತ್ತಿದ್ದಾರೆ.

ಕೃಷಿ ನಷ್ಟ ಎನ್ನುವವರು ರಮೇಶ್ ಅವರನ್ನು ಒಮ್ಮೆ ಭೇಟಿಯಾಗಬೇಕು. ಕೃಷಿಯನ್ನು ಲಾಭದಾಯಕ ಮಾಡಿಕೊಳ್ಳುವುದು ಹೇಗೆ ಎನ್ನುವ ಬಗ್ಗೆ ಪಕ್ಕ ಪ್ರಾಕ್ಟಿಕಲ್ ಆಗಿ ಪಾಠ ಹೇಳಿಕೊಡುತ್ತಾರೆ. ಬಿ.ಕಾಂ.ಪದವಿ ವ್ಯಾಸಂಗ ಮಾಡಿರುವ ರಮೇಶ್ "ಇಂದಿಗೂ ತನಗೆ ಅತ್ಯಂತ ಖುಷಿಕೊಟ್ಟಿದ್ದು ಕೃಷಿಕ್ಷೇತ್ರ. ರಾಜಕಾರಣದಲ್ಲಿ ತೊಡಗಿಸಿಕೊಳ್ಳುವುದನ್ನು ಕ್ರಮೇಣ ಕಡಿಮೆಮಾಡಿ ಕೃಷಿ,ವ್ಯಾಪಾರದ ಕಡೆಗೆ ಹೆಚ್ಚು ಗಮನ ಕೊಡುವುದು ಒಳ್ಳೆಯದು ಎನ್ನುವುದು ಈಗ ಅರ್ಥವಾಗಿದೆ." ಎನ್ನುತ್ತಾರೆ.

ಗುಂಡ್ಲುಪೇಟೆ ಪಟ್ಟಣಕ್ಕೆ ಹೊಂದಿಕೊಂಡಂತಿರುವ ತೋಟದ ಸುತ್ತಮತ್ತಲಿನ ತೆಂಗಿನ ತೋಟಗಳೆಲ್ಲವೂ ಒಣಗಿ ಗೂಟಗಳಾಗಿದ್ದರೆ ರಮೇಶ್ ಅವರ ತೆಂಗಿನ ಮರಗಳು ಮಾತ್ರ ಮರದ ತುಂಬಾ ಕಾಯಿಬಿಟ್ಟು ಹಸಿರಾಗಿವೆ.ಇದಕ್ಕೆ ಇವರು ಅನುಸರಿಸುತ್ತಿರುವ ಕೃಷಿ ಪದ್ಧತಿ ಮತ್ತು ಜಾಣ್ಮೆಯೆ ಕಾರಣವಾಗಿದೆ.

ಮೂಲತಹ ಕೃಷಿ ಕುಟುಂಬದಿಂದಲೇ ಬಂದರೂ ತಂದೆಯ ಕಾಲಕ್ಕೆ ಕೃಷಿನಿಂತು ಹೋಗಿತ್ತು.ಸಮಾಜದಲ್ಲಿ ಗೌರವವಾಗಿ ಗುರುತಿಸಿಕೊಳ್ಳಬೇಕು,ನಾಲ್ಕಾರು ಜನರ ನಡುವೆ ನಾನೂ ಒಬ್ಬ ರೈತ ಎಂದು ಹೆಮ್ಮೆಯಿಂದ ಗುರುತಿಸಿಕೊಳ್ಳಬೇಕು ಎನ್ನುವ ಭಾವನೆಯಿಂದ 1994 ರಲ್ಲಿ ಒಂಬತ್ತು ಎಕರೆ ಜಮೀನು ಖರೀದಿಸಿ 1996 ರಿಂದ ಕೃಷಿ ಆರಂಭಿಸಿದ ರಮೇಶ್ ಕೃಷಿಯಲ್ಲಿ ಅಲ್ಲಿಂದ ಇಲ್ಲಿಯವರೆಗೆ ಹಿಂತಿರುಗಿನೋಡಿಲ್ಲ. ಅರಿಶಿನ ಮತ್ತು ಬಾಳೆ ಬೆಳೆಯುವುದರಲ್ಲಿ ಇಂದಿಗೂ ಇವರು ಎಲ್ಲರಿಗಿಂತ ಒಂದು ಹೆಜ್ಜೆ ಮುಂದೆಯೇ ಇದ್ದಾರೆ.

ಬೆಳೆ ಮೊದಲು ದರ ನಂತರ : ಕೃಷಿಕರು ಮೊದಲು ಗುನಮಟ್ಟದ ಬೆಳೆಗಳನ್ನು ಬೆಳೆಯಲು ಆದ್ಯತೆ ನೀಡಬೇಕು. ಮಾರುಕಟ್ಟೆಯ ಬಗ್ಗೆ ಮೊದಲೇ ಯೋಚಿಸುವುದಕ್ಕಿಂತ ಒಳ್ಳೆಯ ಬೆಳೆ ಬೆಳೆಯಬೇಕು ಎನ್ನುವುದು ರೈತರ ಗುರಿ ಮತ್ತು ಉದ್ದೇಶವಾಗಿರಬೇಕು. ನಮ್ಮಲ್ಲಿ ತಮಿಳುನಾಡಿನ ರೈತರನ್ನು ಶ್ರಮಜೀವಿಗಳು,ಒಳ್ಳೆಯ ಕೃಷಿಕರು ಅಂತ ಎಲ್ಲರೂ ಹೊಗಳುತ್ತಾರೆ. ಅವರಿಗಿಂತ ನಮಗೇನು ಕಡಿಮೆಯಾಗಿದೆ. ನಾವೂ ಕೂಡ ಒಳ್ಳೆಯ ಕೃಷಿಕರು. ನಾವೂ ಕೃಷಿ ಮಾಡಬಹುದು ಎನ್ನುವುದನ್ನು ನಮ್ಮ ರೈತರಿಗೆ ತೋರಿಸಿಕೊಡಬೇಕು ಎನ್ನುವುದೇ ನನ್ನ ಉದ್ದೇಶವಾಗಿತ್ತು.ಅದರಲ್ಲಿ ಯಶಸ್ವಿಯೂ ಆದೆ. ತುಂಬಾ ಜನ ರೈತರು ನಮ್ಮ ತೋಟಕ್ಕೆ ಬಂದು ಕೃಷಿ ಪದ್ಧತಿಯನ್ನು ನೋಡಿಕೊಂಡು ಹೋಗುತ್ತಾರೆ.ಅವರೊಂದಿಗೆ ನನಗೆ ಗೊತ್ತಿರುವ ಮಾಹಿತಿಯನ್ನು ಪ್ರಮಾಣಿಕವಾಗಿ ಹಂಚಿಕೊಳ್ಳುತ್ತೇನೆ ಎನ್ನುತ್ತಾರೆ ರಮೇಶ್.

ಗುಂಡ್ಲುಪೇಟೆಯಲ್ಲಿ ಬಾಲು ಮತ್ತು ಕುಟುಂಬದವರು ಒಳ್ಳೆಯ ಕೃಷಿಕರು.ಆದರೆ ಒಂದುಸಲ ಅವರು ಬೆಳೆದ ಈರುಳ್ಳಿಗೆ ಯಾವುದೊ ರೋಗಬಂದು ಸೊರಗಿತ್ತು.ಆಗ ನನ್ನ ಬಳಿ ಬಂದರು.ನಾನು ಅವರಿಗೆ ಸೊರಗು ರೋಗಕ್ಕೆ ಸರಿಯಾದ ಔಷದಿ ಸಿಗುವ ಅಂಗಡಿಯ ಮಾಹಿತಿಕೊಟ್ಟೆ. ಅವರು ಈರುಳ್ಳಿಯನ್ನು ಉಳಿಸಿಕೊಂಡು ನಷ್ಟದಿಂದ ಪಾರಾದರು ಎನ್ನುತ್ತಾರೆ.

ಹೆಚ್ಚಾಗಿ ತಮಿಳುನಾಡಿನಿಂದ ರಸಾವರಿ ಗೊಬ್ಬರ ಮತ್ತು ಜೈವಿಕ ಗೊಬ್ಬರಗಳನ್ನು ಇವರು ಖರೀದಿಸಿ ತರುತ್ತಾರೆ.ಇದರಿಂದ ಫಲಿತಾಂಶವೂ ಚೆನ್ನಾಗಿದೆ. ತಮಿಳುನಾಡಿನಲ್ಲಿ ರೈತರು ಅತ್ಯಂತ ಜಾಗೃತರಾಗಿ ರುವುದರಿಂದ ಅಲ್ಲಿ ನಕಲಿ ಗೊಬ್ಬರ, ಔಷದಿಗಳನ್ನು ತಯಾರಿಸುವುದಿಲ್ಲ.ಹಾಗಾಗಿ ಅಲ್ಲಿ ನಮಗೆ ಗುಣಮಟ್ಟದ ಗೊಬ್ಬರ ಔಷದಿ ಸಿಗುತ್ತದೆ ಎನ್ನುತ್ತಾರೆ.

ರೈತರು ಸೋಮಾರಿಗಳಾಗಬಾರದು : ರೈತ ಅಂದಮೇಲೆ ಕನಿಷ್ಠ ದಿನಕ್ಕೆ ನಾಲ್ಕುಗಂಟೆಯಾದರೂ ತನ್ನ ಜಮೀನಿನಲ್ಲಿ ಇರಬೇಕು. ಅಲ್ಲಿನ ಆಗುಹೋಗುಗಳನ್ನು ಗಮನಿಸಿ ಸ್ಪಂದಿಸಬೇಕು. ತನ್ನ ಸುತ್ತಮುತ್ತ ಆಗುತ್ತಿರುವ ಬದಲಾವಣೆಗಳನ್ನು ನೋಡುವ  ಸಣ್ಣ ಕುತೂಹಲವಿರಬೇಕು.ಜೊತೆಗೆ ತಾನೂ ಯಾಕೆ ಅವರಂತೆ ಬೆಳೆ ಬೆಳೆಯಬಾರದು ಎಂಬ ಮನೋಭಾವ ಅವರಲ್ಲಿ ಬರಬೇಕು. ಸಾವಿರ ಅಡಿ ಬೋರ್ವೆಲ್ ಕೊರೆದು ಬೇಸಾಯ ಮಾಡುವವರು ನಮ್ಮಲ್ಲಿದ್ದಾರೆ.ತಮಿಳುನಾಡಿನಿಂದ ಬರಿಗೈಯಲ್ಲಿ ಬಂದು ಕೃಷಿಯಲ್ಲಿ ಕೋಟ್ಯಾಂತರ ರೂಪಾಯಿ ಸಂಪಾದನೆಮಾಡಿದವರೂ ಇದ್ದಾರೆ. ನಮ್ಮ ಸುತ್ತಮತ್ತಲಿನ ರೈತರು ಫಲವತ್ತಾದ ಭೂಮಿಯನ್ನು ಎಕರೆಗೆ ವಾಷರ್ಿಕ 15-20 ಸಾವಿರ ರೂಪಾಯಿಗಳಿಗೆ ಗುತ್ತಿಗೆಗೆ ನೀಡಿ ಅವರ ಬಳಿಯೇ ಕೆಲಸಕ್ಕೆ ಹೋಗುತ್ತಿದ್ದಾರೆ. ಇಂತಹ ಕೆಟ್ಟ ಪ್ರವೃತ್ತಿಯನ್ನು ರೈತರು ಬಿಡಬೇಕು.ಸರಕಾರ ಇವತ್ತೂ ರೈತರಿಗೆ ಸಾಕಷ್ಟು ಸವಲತ್ತುಗಳನ್ನು ನೀಡುತ್ತಿದೆ. ಒಬ್ಬ ರೈತನಿಗೆ ಎರಡು ಎಕರೆ ಇರಲಿ ಹತ್ತು ಎಕರೆ ಜಮೀನು ಇರಲಿ ಶ್ರಮವಹಿಸಿ ದುಡಿಯಬೇಕು. ಆಗ ಸ್ವಾವಲಂಭಿಯಾಗಿ ಬದುಕಬಹುದು.

ರೈತರು ಸಾಧ್ಯವಾದಷ್ಟು ಸಾವಯವ ಕೃಷಿಯನ್ನು ಮಾಡಬೇಕು. ನಾವೂ ಕೂಡ ಈಗ ರಾಸಾಯನಿಕ ಗೊಬ್ಬರ ಬಳಕೆಯನ್ನು ಕ್ರಮೇಣ ಕಡಿಮೆ ಮಾಡುತ್ತಿದ್ದೇವೆ. ಜೈವಿಕ ಗೊಬ್ಬರಗಳನ್ನು ಹೆಚ್ಚಾಗಿ ಬಳಸುತ್ತೇವೆ. ಗಿಡಗಳ ಆರೋಗ್ಯವನ್ನು ನೋಡಿಕೊಂಡು ಅವುಗಳಿಗೆ ಬೇಕಾದ ಲಘುಪೋಷಕಾಂಶಗಳನ್ನು ಒದಗಿಸುವ ಜೈವಿಕ ಗೊಬ್ಬರಗಳನ್ನು ಬಳಸುವುದರಿಂದ ರೋಗಗಳನ್ನು ತಡೆಗಟ್ಟಬಹುದು ಹಾಗೂ ಹೆಚ್ಚಿನ ಇಳುವರಿಯೂ ಬರುತ್ತದೆ ಎನ್ನುವುದು ಗೊತ್ತಾಗಿದೆ ಎಂದು ರಮೇಶ್ ಹೇಳುವಾಗ ಅವರ ಎರಡು ದಶಕದ ಕೃಷಿ ಅನುಭವ ಅವರಿಗೆ ಸಾಕಷ್ಟು ಪಾಠ ಕಲಿಸಿದೆ ಎನ್ನುವುದು ಗೊತ್ತಾಗುತ್ತದೆ.

2000 ಇಸವಿವರೆಗೂ ಕಬ್ಬು ಬೆಳೆಯುತ್ತಿದ್ದರೂ.ಅಂತರ್ಜಲ ಕಡಿಮೆಯಾಗಿ ನೀರಿನ ಕೊರತೆಯಾದ ಕಾರಣ ಬಾಳೆ,ಅರಿಶಿನದ ಕಡೆ ಬೆಳೆಬದಲಿಸಿಕೊಂಡರು. ಆಗಲೂ ಎಕರೆಗೆ 90 ಟನ್ ಕಬ್ಬು ಬೆಳೆದು ದಾಖಲೆ ಮಾಡಿದ್ದರು. ಎರಡು ಬೋರ್ವೆಲ್ ಇದ್ದು ಎರಡೂವರೆ ಇಂಚು ನೀರು ಬರುತ್ತದೆ. ಜಮೀನು ನೋಡಿಕೊಳ್ಳಲು ಒಬ್ಬ ಕೆಲಸಗಾರ ಇದ್ದಾನೆ.ಉಳಿದಂತೆ ದಿನಗೂಲಿ ನೌಕರರು ಬರುತ್ತಾರೆ. ಟ್ರಿಲರ್ ಬಳಸಿ ಬಾಳೆಯಲ್ಲಿ ಕಳೆ ತೆಗೆಯುವುದರಿಂದ ವೆಚ್ಚ ಮತ್ತು ಕೆಲಸಗಾರರ ಅವಲಂಬನೆ ಕಡಿಮೆಯಾಗಿದೆ.

ಬೆಳೆ ಪದ್ಧತಿ : ಅರಿಶಿನ ಮತ್ತು ಬಾಳೆ ಪ್ರಮುಖ ಬೆಳೆಗಳು. ಆರಂಭದ ಮೂರ್ನಾಲ್ಕು ತಿಂಗಳಲ್ಲಿ ಅರಿಶಿನದ ಜೊತೆ ಈರುಳ್ಳಿ ಹಾಗೂ ಬಾಳೆ ಜೊತೆ ಕಲ್ಲಂಗಡಿ ಅಥವಾ ಬೀಟ್ರೋಟ್ ರೀತಿಯ ತರಕಾರಿ ಬೆಳೆಗಳನ್ನು ಅಂತರ ಬೆಳೆಯಾಗಿ ಬೆಳೆದುಕೊಳ್ಳುತ್ತಾರೆ.ಅದರಿಂದ ಪ್ರಧಾನ ಬೆಳೆಗೆ ಮಾಡುವ ವೆಚ್ಚ ಬಂದುಹೋಗುತ್ತದೆ. ಕೆಲವೂ ಬಾರಿ ಅದನ್ನು ಮೀರಿ ಲಾಭವೂ ಆಗಿದೆ.

ಪ್ರಸ್ತುತ ಎರಡು ಎಕರೆಯಲ್ಲಿ ಅರಿಶಿನ ಇದೆ. ಮೊದಲು ಏಳು ಎಕರೆಯಲ್ಲಿ ಅರಿಶಿನ ಬೆಳೆದಿದ್ದರು. ಅರಿಶಿನ ಬೆಳೆಯುವ ಮೊದಲು ಜಮೀನನ್ನು ಹದವಾಗಿ ಟ್ಯ್ರಾಕ್ಟರ್ನಲ್ಲಿ ಉಳುಮೆ ಮಾಡಿಕೊಳ್ಳುತ್ತಾರೆ. ನಂತರ ಒಂದು ಎಕರೆಗೆ ಕನಿಷ್ಠ ನಾಲ್ಕು ಟ್ರ್ಯಾಕ್ಟರ್ ಕೊಟ್ಟಿಗೆ ಗೊಬ್ಬರ ಹಾಕುತ್ತಾರೆ. ಅದರ ಜೊತೆಗೆ ನೂರು ಕೆಜಿ ಡಿಎಪಿ ಮಿಶ್ರಣಮಾಡಿ ಭೂಮಿಗೆ ಸೇರಿಸಲಾಗುತ್ತದೆ. ಅರಿಶಿನದ ಜೊತೆ ಸಾಂಬಾರ ಈರುಳ್ಳಿಯನ್ನು ಅಂತರ ಬೆಳೆಯಾಗಿ ಹಾಕುವುದರಿಂದ ಇದು ಅನಿವಾರ್ಯ ಎನ್ನುತ್ತಾರೆ. ನಂತರ ಸಾಲುಮಾಡಿ ಹನಿ ನೀರಾವರಿಯ ಪೈಪ್ಗಳನ್ನು ಎಳೆದು ಈರುಳ್ಳಿ ಹಾಕಿ ನೀರುಬಿಟ್ಟು ಅದೇ ಸಾಲಿಗೆ ಅರಿಶಿನ ಹಾಕುತ್ತಾರೆ. ಇದಲ್ಲದೆ ಹನಿನೀರಾವರಿಯಲ್ಲಿ ಜೈವಿಕ ಗೊಬ್ಬರಗಳನ್ನು ಕೊಡುತ್ತಾರೆ.

ಲಘುಪೋಷಕಾಂಶಗಳೊಂದಿಗೆ ಸಾವಯವ ಗೊಬ್ಬರ ಮತ್ತು ಕಡಿಮೆ ಪ್ರಮಾಣದಲ್ಲಿ ರಾಸಾಯನಿಕ ಗೊಬ್ಬರವನ್ನು ಬಳಸಿಕೊಂಡು ಕೃಷಿಮಾಡುವುದರಿಂದ ಪ್ರತಿ ಎಕರೆಗೆ ಸರಾಸರಿ 45 ಕ್ವಿಂಟಾಲ್ ಇಳುವರಿ  ಅರಿಶಿನ ಬಂದಿದೆ.

ಅರಿಶಿನ ಅಥವಾ ಬಾಳೆ ಬೆಳೆಯನ್ನು ತೆಗೆದುಕೊಂಡ ನಂತರ ಮೂರು ತಿಂಗಳು ಭೂಮಿಯನ್ನು ಉಳುಮೆ ಮಾಡಲಾಗುತ್ತದೆ.ಭೂಮಿ ಹದಮಾಡಿಕೊಂಡ ನಂತರ ಕೃಷಿ ಆರಂಭ.ಅರಿಶಿನ ಮತ್ತು ಬಾಳೆ ಹೀಗೆ ಜಮೀನಿನಲ್ಲಿ ಬದಲಿ ಬೆಳೆಗಳಾಗಿ ಬೆಳೆಯುತ್ತಾರೆ. ಇಳುವರಿಯಲ್ಲಿ ಯಾವ ವ್ಯತ್ಯಾಸವೂ ಆಗಿಲ್ಲ ಎನ್ನುವುದೆ ವಿಶೇಷ. ಇದಕ್ಕೆ ಇವರು ಭೂಮಿಯನ್ನು ಸಿದ್ಧಪಡಿಸಿಕೊಳ್ಳುವ ಬಗ್ಗೆ ಕೂಡ ಕಾರಣವಾಗಿದೆ.

ಏಳು ಎಕರೆ ಪ್ರದೇಶದಲ್ಲಿ ಬಾಳೆ ಇದೆ. ನಾಲ್ಕು ಎಕರೆಯಲ್ಲಿ 4000 ಜಿ-9 ಪಚ್ಚಬಾಳೆ ಹಾಕಿ ಆರು ತಿಂಗಳಾಗಿದೆ.ಮೂರು ಎಕರೆಯಲ್ಲಿ ಮೂರು ಸಾವಿರ ಏಲಕ್ಕಿ ಬಾಳೆ ಬೆಳೆಯಲಾಗಿದೆ. ಎಲ್ಲವೂ ಅಂಗಾಂಶ ಕೃಷಿಯ ಬಾಳೆಗಳು.

ಬಾಳೆಗೆ ಹೆಚ್ಚು ಕೊಟ್ಟಿಗೆ ಗೊಬ್ಬರ ಬಳಸುವುದಿಲ್ಲ.ನಾಟಿ ಮಾಡಿದ ಎರಡು ತಿಂಗಳು ಹನಿ ನೀರಾವರಿಯಲ್ಲೇ ರಸಾವರಿ ಗೊಬ್ಬರ ಕೊಡುತ್ತಾರೆ.ನಂತರ ಮಾಮೂಲಿಯಂತೆ ಗೊಬ್ಬರ ಕೊಡಲಾಗುತ್ತದೆ.ಸಾಯಿಲ್ ಕಂಡೀಷನರ್ ಬಳಸುವುದರಿಂದ ಗಿಡಗಳು ಹಸಿರಾಗಿ ಬಲಿಷ್ಠವಾಗಿ ಬೆಳೆದು ಒಳ್ಳೆಯ ಇಳುವರಿ ಬಂದಿದೆ. ಪಚ್ಚಬಾಳೆ ಬೆಳೆಯಲು ಪ್ರತಿಗೊನೆಗೆ ಆರಂಭದಿಂದ ಕೊನೆಯವರೆಗೆ ನೂರು ರೂಪಾಯಿ ವೆಚ್ಚವಾಗುತ್ತದೆ.ಏಲಕ್ಕಿ ಬಾಳೆ ಬೆಳೆಯಲು ಪ್ರತಿಗೊನೆ ನೂರಮೂವತ್ತು ರೂಪಾಯಿ ವೆಚ್ಚಮಾಡುತ್ತಾರೆ. ಹೊಸದಾಗಿ ಒಂದು ಎಕರೆಯಲ್ಲಿ ಆರು ಸಾವಿರ ಕಲ್ಲಂಗಡಿ ಪೈರುಗಳನ್ನು ನಾಟಿಮಾಡಿ ತಿಂಗಳಾಗಿದ್ದು ಅವು ಆರೋಗ್ಯಕರವಾಗಿವೆ.ಮತ್ತೆ ಮೂರು ಎಕರೆಯಲ್ಲಿ ಡಿಸೆಂಬರ್ನಲ್ಲಿ ಕಲ್ಲಂಗಡಿ ಹಾಕಲು ಸಿದ್ಧತೆ ನಡೆದಿದೆ.

ಕೃಷಿಯಲ್ಲಿ ಆದಾಯ ಎನ್ನುವುದು ಮಾರುಕಟ್ಟೆಯ ದರದ ಮೇಲೆ ನಿಂತಿರುತ್ತದೆ. ಈ ಬಾರಿ ಗುಂಡ್ಲುಪೇಟೆ ತಾಲೂಕಿನಲ್ಲಿ ಈರುಳ್ಳಿ,ಟೊಮಟೊ ಬೆಳೆದ ರೈತರು ಲಕ್ಷಾಂತರ ರೂಪಾಯಿ ಆದಾಯಗಳಿಸಿದರು. ರೈತರ ಮೂಖದಲ್ಲಿ ನಗುಮೂಡಿತು. ಕೆಲವೊಮ್ಮೆ ಬೆಲೆ ಕುಸಿದು ಬೀದಿಗೆ ಬಿದ್ದಿದ್ದೂ ಇದೆ. ಒಂದು ಕ್ವಿಂಟಾಲ್ ಅರಿಶಿನ ಬಳೆಯಲು ರೈತನಿಗೆ ಐದು ಸಾವಿರ ರೂಪಾಯಿ ವೆಚ್ಚವಾಗುತ್ತದೆ.ಕನಿಷ್ಠ ಪಕ್ಷ ಮಾರುಕಟ್ಟೆಯಲ್ಲಿ ಕ್ವಿಂಟಾಲ್ ಅರಿಶಿನ ಒಂಬತ್ತು ಸಾವಿರ ರೂಪಾಯಿಗೆ ಮಾರಾಟವಾದರೆ ರೈತರಿಗೆ ಲಾಭ.ಹಾಗೆಯೇ ಒಂದು ಕೆಜಿ ಟೊಮಟೊ ಬೆಳೆಯಲು ಕನಿಷ್ಠ ಐದು ರೂಪಾಯಿ ವೆಚ್ಚ ವಾಗುತ್ತದೆ.ಮಾರುಕಟ್ಟೆಯಲ್ಲಿ ಪ್ರತಿಕೆಜಿ ಟೊಮಟೊಗೆ 10 ರೂಪಾಯಿಯಾದರೂ ಸಿಕ್ಕರೆ ರೈತನ ದುಡಿಮೆಗೆ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗುತ್ತದೆ ಎನ್ನುತ್ತಾರೆ ರಮೇಶ್. ಹೆಚ್ಚಿನ ಮಾಹಿತಿಗೆ ಸಂಪಕರ್ಿಸಿ 94483 43479

ತರಕಾರಿ ಬೆಳೆ ಬುದ್ಧಿಮಾತು ಹೇಳುವ `ಬುದ್ಧಿ' ರಾಜಬುದ್ಧಿ !

ಅಂತರ ಬೆಳೆಯಲ್ಲಿ ಆದಾಯಗಳಿಸುವ ರೈತ, ಯುವಕರ ಪಾಲಿನ ಮಾರ್ಗದರ್ಶಕ

"ಕೃಷಿ ಲಾಭದಾಯಕವಲ್ಲ ಎಂದವರು ಯಾರು?. ತಪ್ಪು ತಿಳಿವಳಿಕೆಯಿಂದ ಬಹುತೇಕ ಮಂದಿ ಕೃಷಿ ಲಾಭದಾಯಕವಲ್ಲ ಎಂದು ಹೇಳುತ್ತಾರೆ.ಆದರೆ ಕಳೆದ ಮೂರುವರೆ ದಶಕಗಳಿಂದ ಬೇಸಾಯ ಮಾಡಿಕೊಂಡು ಬರುತ್ತಿದ್ದು ಅದರಿಂದ ಯಾವತ್ತೂ ನಷ್ಟ ಅನುಭವಿಸಿಲ್ಲ. ಹದಿನೈದು ಎಕರೆ ಜಮೀನಿನಿಂದ ವಾರ್ಷಿಕ ಕನಿಷ್ಠ ಹದಿನೈದು ಲಕ್ಷ ರೂಪಾಯಿ ಆದಾಯಗಳಿಸುತ್ತಿದ್ದೇನೆ" ಎಂದು ಆತ್ಮ ವಿಶ್ವಾಸದಿಂದ ಹೇಳುತ್ತಾರೆ.ತರಕಾರಿ ಬೆಳೆಯುವುದರಲ್ಲಿ ಅವರು ಕಿಂಗ್ (ರಾಜ).ಯುವ ಕೃಷಿಕರಪಾಲಿಗೆ ಬುದ್ದಿಮಾತು ಹೇಳುವ ಬುದ್ಧಿ ಅವರ ಹೆಸರು ರಾಜಬುದ್ಧಿ.

ಮೂಲತಃ ಕೊಳ್ಳೇಗಾಲ ತಾಲೂಕು ಮುಳ್ಳೂರಿನ ಚಂದ್ರಪ್ಪ ಮತ್ತು ರತ್ನಮ್ಮ ಅವರ ಮಗನಾದ ರಾಜಬುದ್ಧಿ ಪ್ರಸ್ತುತ ಮೈಸೂರು ತಾಲೂಕಿನ ವರುಣಾ ಹೋಬಳಿ ಪುಟ್ಟೆಗೌಡನ ಹುಂಡಿಯಲ್ಲಿ(ಕುಪ್ಪೆಗಾಲದಿಂದ ಮುಂದೆ)  ತರಕಾರಿ ಮತ್ತು ಬಾಳೆ ಬೆಳೆಯಲ್ಲಿ ಪ್ರಯೋಗ ಮಾಡುತ್ತಾ,ನರ್ಸರಿ ನಡೆಸುತ್ತಾ,ಸುತ್ತಮುತ್ತಲಿನ ರೈತರಿಗೆ ಮಾರ್ಗದರ್ಶನ ಮಾಡುತ್ತಾ ಕೃಷಿಯನ್ನೆ ನಂಬಿ ಸಂತೃಪ್ತ ಜೀವನ ನಡೆಸುತ್ತಿದ್ದಾರೆ.

ತೋಟಗಾರಿಕೆ ವಿಶ್ವ ವಿದ್ಯಾನಿಲಯದ ವಿಜ್ಞಾನಿಗಳೆ ತರಕಾರಿ ಬೆಳೆಯಲ್ಲಿ ರಾಜಬುದ್ಧಿ ಮಾಡುವ ಅಂತರಬೇಸಾಯ ಕಂಡು ಬೆರಗಾಗಿದ್ದಾರೆ.ಒಂದು ಎಕರೆಯಲ್ಲಿ ಕನಿಷ್ಠ ಐದು ಬೆಳೆಗಳನ್ನು ಸಂಯೋಜನೆಮಾಡಿ, ರಸಾವರಿ ಬಳಸಿ ರಾಜಬುದ್ಧಿ ಮಾಡುತ್ತಿರುವ ಕೃಷಿ ಈಗ ಪ್ರಯೋಗಶೀಲ ಕೃಷಿಕರ ಗಮನಸೆಳೆದಿದೆ.

ಒಂದು ಮನೆ ಕಟ್ಟಬೇಕಾದರೆ ಯೋಜಿಸಿ ಮನೆ ಕಟ್ಟುತ್ತಾರೆ.ಬೈಕ್,ಬಟ್ಟೆ ತೆಗೆದುಕೊಳ್ಳಬೇಕಾದರೆ ಹತ್ತಾರು ಕಡೆ ವಿಚಾರಿಸಿ ಖರೀದಿಸುತ್ತಾರೆ.ಆದರೆ ಕೃಷಿ ಮಾಡಬೇಕಾದರೆ ಯಾವದೆ ಪೂರ್ವಸಿದ್ಧತೆಯೂ ಇಲ್ಲದೆ ಮುನ್ನುಗ್ಗುತ್ತಾರೆ.ಇದು ರೈತರು ಮಾಡುವ ಮೊದಲ ತಪ್ಪು. ಎರಡನೇಯದು ಹಣ ಮಾಡುವ ಉದ್ದೇಶದಿಂದ ಬೇಸಾಯಮಾಡಲು ಬರುತ್ತಾರೆ. ದಿಢೀರ್ ಅಂತ ಒಂದು ಬೆಳೆ ಮಾಡುತ್ತಾರೆ.ಅದರಿಂದ ನಷ್ಟ ಅನುಭವಿಸಿ ಕೃಷಿ ಲಾಭದಾಯಕವಲ್ಲ ಅಂತ ಕೃಷಿಯನ್ನೆ ಕೈಬಿಟ್ಟು ಅಪಪ್ರಚಾರ ಮಾಡುತ್ತಾರೆ.ಇದು ತಪ್ಪು ಎನ್ನುವುದು ಅವರ ವಾದ.

ಕೈಗಾರಿಕೆಗಳು ಮತ್ತು ಗಾರ್ಮೆಂಟ್ ಕಾಖರ್ಾನೆಗಳು ಬಂದು ಕೆಲಸಗಾರರು ಸಿಗದೆ ಕೃಷಿಗೆ ಒಡೆತ ಬಿದ್ದಿರುವುದು ನಿಜ. ಸರಿಯಾದ ಸಮಯಕ್ಕೆ ಕೆಲಸಗಾರರು ಸಿಕ್ಕೂವುದಿಲ್ಲ ಎನ್ನುವುದು ಸತ್ಯ.ಇದಲ್ಲದೆ

ನಗರದ ಬಣ್ಣದ ಬದುಕು ಮತ್ತು ಪಾಶ್ಚಿಮಾತ್ಯರ ಜೀವನ ಶೈಲಿಯನ್ನು ಅನುಕರಣೆಮಾಡಿ ಯುವಕರು ಕೃಷಿಯಿಂದ ವಿಮುಖರಾಗುತ್ತಿದ್ದಾರೆ. ನಗರದಲ್ಲಿ ಗಾರೆ ಕೆಲಸಮಾಡುವವನು ಹಳ್ಳಿಗೆ ಬಂದಾಗ ಟಿಪ್ಟಾಪ್ಆಗಿ ಡ್ರೆಸ್ ಮಾಡಿಕೊಂಡು ಬರುತ್ತಾನೆ.ಸರಕಾರಿ ನೌಕರರು ಸ್ಕೂಟರ್ನಲ್ಲಿ ತಿರುಗಾಡುವುದನ್ನು ನೋಡುತ್ತಾರೆ. ರೈತ ಮಕ್ಕಳಿಗೆ ಟಾಕುಟೀಕಿನ ಜನರ ಆಳಅಗಲ ಗೊತ್ತಾಗುವುದಿಲ್ಲ.ಅವರು ನೆಮ್ಮದಿಯಾಗಿದ್ದಾರೆ ಎಂಬ ಭಾವನೆ ಅವರದು. ವಾಸ್ತವವಾಗಿ ನೋಡಿದರೆ ಅವರಿಗೂ ಕಷ್ಟನಷ್ಟಗಳು ಇರುತ್ತವೆ. ಉದ್ಯಮಿಗಳು ನಷ್ಟವಾಗಿ ಕಾಖರ್ಾನೆಯ ಬಾಗಿಲು ಮುಚ್ಚಿದ ಉದಾಹರಣೆಗಳು ಸಾಕಷ್ಟಿವೆ.

ಹಾಗೆಯೆ ಕೃಷಿಯಲ್ಲೂ ಸಮಸ್ಯೆಗಳು,ಸವಾಲುಗಳು ಸಾಕಷ್ಟಿವೆ.ಅದನ್ನು ಅರಿತು ಬುದ್ಧಿವಂತಿಕೆಯಿಂದ ಕೃಷಿಮಾಡಿದರೆ ನೀರು,ಮಣ್ಣು ಚೆನ್ನಾಗಿದ್ದರೆ ಎಕರೆಗೆ ಖಚರ್ುವೆಚ್ಚ ಕಳೆದು ಕನಿಷ್ಠ ವಾಷರ್ಿಕ ಎರಡು ಲಕ್ಷ ರೂಪಾಯಿ ಆದಾಯಗಳಿಸಬಹುದು. ಇದು ಮೂರು ದಶಕದ ತಮ್ಮ ಅನುಭವದ ಮಾತು ಎನ್ನುತ್ತಾರೆ ರಾಜಬುದ್ಧಿ.

ಮುಳ್ಳೂರಿನಿಂದ 1969 ರಲ್ಲಿ ಪುಟ್ಟೇಗೌಡನಹುಂಡಿಗೆ ಬರುವ ರಾಜಬುದ್ಧಿ ಅವರ ತಂದೆ ಚಂದ್ರಪ್ಪ ಎರಡೂವರೆ ಎಕರೆ ಜಮೀನು ಖರೀದಿಸುತ್ತಾರೆ.ಎಂಟನೇಯ ತರಗತಿ ವ್ಯಾಸಂಗ ಮಾಡುವಾಗಲೆ ಶಾಲೆಬಿಟ್ಟ ರಾಜಬುದ್ಧಿ 1983 ರಿಂದ ತಮ್ಮ ಕೃಷಿಜೀವನ ಆರಂಭಿಸುತ್ತಾರೆ.ಅಲ್ಲಿಂದ ಇಲ್ಲಿಯವರೆಗೆ ಅವರು ಹಿಂತಿರುಗಿ ನೋಡಿಲ್ಲ.ಮಕ್ಕಳ ವಿಧ್ಯಾಭ್ಯಾಸಕ್ಕಾಗಿ ಈಗ ಮೈಸೂರಿನ ರಾಮನುಜರಸ್ತೆಯಲ್ಲಿರುವ ಮನೆಯಲ್ಲಿ ಪತ್ನಿ,ಮಕ್ಕಳೊಂದಿಗೆ ವಾಸವಿರುವ ರಾಜಬುದ್ಧಿ ಬೆಳಗ್ಗೆ ಏಳುಗಂಟೆಗೆ ಪುಟ್ಟೆಗೌಡನಹುಂಡಿ ಕರ್ಮಭೂಮಿಗೆ ಹೋದರೆ ಸಂಜೆ ಏಳುಗಂಟೆಗೆ ಮರಳುತ್ತಾರೆ.ಅಷ್ಟರಮಟ್ಟಿಗೆ ಅವರು ಶ್ರಮಜೀವಿ.ಮಗ ಜೆಎಸ್ಎಸ್ ಕಾಲೇಜಿನಲ್ಲಿ ಡಿಫ್ಲಮೊ ಫಮರ್ಾಸಿ ಮಾಡುತ್ತಿದ್ದಾನೆ,ಮಗಳು ಗೋಪಾಲಸ್ವಾಮಿ ಕಾಲೇಜಿನಲ್ಲಿ ಪ್ರಥಮ ಪಿಯುಸಿ ವ್ಯಾಸಂಗ ಮಾಡುತ್ತಿದ್ದಾಳೆ.

ಕೈ ಹಿಡಿದ ಟೊಮಟೊ :1987 ರಲ್ಲಿ 20 ಗುಂಟೆ ಟೊಮಟೊ ಹಾಕಿ 50 ಸಾವಿರ ರೂಪಾಯಿ ಆದಾಯಗಳಿಸಿದ ರಾಜಬುದ್ಧಿ ಟೊಮಟೊ ಹೆಸರು ಕೇಳಿದರೆ ರೋಮಾಂಚನಗೊಳ್ಳುತ್ತಾರೆ. ಆಗ

ಮಂಡಿ ದಲ್ಲಾಳಿಯಿಂದ 300 ರೂಪಾಯಿ ಸಾಲಪಡೆದು 5 ಪಾಕೇಟ್ ಟೊಮಟೊ ಬೀಜತಂದು ಹಾಕಿದೆ. 47 ಸಾವಿರ ರೂಪಾಯಿ ಬಂತು. ಅದೇ ನನಗೆ ಮನೆ ಕಟ್ಟಲು ನಾಂದಿಯಾಯಿತು. ತಂಗಿ ಮದುವೆ ಮಾಡಿದ್ದು ಟೊಮಟೊದಿಂದ. ಟೊಮಟೊ ನಮ್ಮ ಜೀವನವನ್ನೆ ಬದಲಿಸಿದ ಬಂಗಾರದಂತಹ ಬೆಳೆ. ನಂಬಿ ದುಡಿದರೆ ಮೋಸವಿಲ್ಲ.2000 ರಲ್ಲಿ ಎರಡು ಬಾರಿ ಟೊಮಾಟೊ ಬೆಳೆದು ನಷ್ಟವಾಯಿತು. ಮೂರನೇ ಬೆಳೆ ಕೈಯಿಡಿಯಿತು.ಸೋಲು ಅಂತ ಕೈ ಬಿಟ್ಟಿದ್ದರೆ ನಷ್ಟ ಆಗುತ್ತಿತ್ತು.ಸತತವಾಗಿ ಹೋರಾಟ ಮಾಡಿದೆ. ಯಶಸ್ಸು ಸಿಕ್ಕಿತು.2010 ರಲ್ಲಿ ಟೊಮಟೊ ಬೆಳೆ ಒಂದರಲ್ಲೆ 8 ಲಕ್ಷ ರೂಪಾಯಿ ಆದಾಯ ಬಂತು ಎಂದು ಹಳೆಯ ನೆನಪುಗಳಿಗೆ ಜಾರುತ್ತಾರೆ.

ಟೊಮಟೊ ಬಿಟ್ಟರೆ ಕಲ್ಲಂಗಡಿ,ಮಂಗಳೂರು ಸೌತೆ,ಯಾಡರ್್ಲಾಂಗ್ ಬಿನೀಸ್,ಚೊಟ್ಟು,ಊಟಿ ಬಿನೀಸ್,ಹೂಕೋಸು,ಎಲೆಕೋಸು,ಬದನೆ ಹೀಗೆ ಎಲ್ಲಾ ರೀತಿಯ ತರಕಾರಿ ಕೃಷಿ ಮಾಡುವ ರಾಜಬುದ್ಧಿ ಇವೆಲ್ಲವನ್ನೂ ಬಾಳೆ ಬೆಳೆಯೊಳಗೆ ಅಂತರ ಬೇಸಾಯವಾಗಿ ಮಾಡಿ ಆದಾಯಗಳಿಸುತ್ತಾರೆ ಎನ್ನುವುದೇ ವಿಶೇಷ.

ರಾಜಬುದ್ಧಿ ಅವರ ಸಲಹೆ ಮಾರ್ಗದರ್ಶನದಲ್ಲಿ ಬೇಸಾಯ ಮಾಡುತ್ತಿರುವ ಸುತ್ತೂರು ಸಮೀಪದ ಆಲತ್ತೂರು ಗ್ರಾಮದ ಗಿರೀಶ್ ಮೂರು ಎಕರೆ ಪ್ರದೇಶದಲ್ಲಿ ಎರಡೆ ವರ್ಷಕ್ಕೆ 25 ಲಕ್ಷ ರೂಪಾಯಿ ಆದಾಯಗಳಿಸಿದ್ದಾಗಿ ಹೇಳುತ್ತಾರೆ. ಆರಂಭದಲ್ಲಿ ಮೊದಲು ಒಂದುಮೂಕ್ಕಾಲು ಎಕರೆಗೆ ಕಲ್ಲಂಗಡಿ ಹಾಕಿದೆ. ಪ್ರತಿ ಕೆಜಿಗೆ ನಾಲ್ಕುವರೆ ರೂಪಾಯಿಯಂತೆ 50 ಟನ್ ಕಲ್ಲಂಗಡಿಯಾಯ್ತು.ನಂತರ ಮತ್ತೆ ಕಲ್ಲಂಗಡಿ ಹಾಕಿದೆ 9 ರೂಪಾಯಿಯಂತೆ 30 ಟನ್ಬಂತು.ನಂತರ ಮಂಗಳೂರು ಸೌತೆ ಹಾಕಿ 30  ಟನ್ ಬೆಳೆದು ಕೆಜಿಗೆ 12 ರೂಪಾಯಿಯಂತೆ ಮಾರಾಟಮಾಡಿದೆ.ನಂತರ ಅದೇ ಭೂಮಿಗೆ ಟೊಮಟೊ ಹಾಕಿದೆ. ಆಗ ಟೊಮಟೊ ಒಂದು ಬಾಕ್ಸ್ 300 ರಿಂದ 700 ರೂಪಾಯಿವರೆಗೂ ಮಾರಾಟವಾಯ್ತು. ಖಚರ್ುಕಳೆದು 10 ಲಕ್ಷ ರೂಪಾಯಿ ಆದಾಯಬಂತು.ಇದಕ್ಕೆಲ್ಲಾ ರಾಜಬುದ್ಧಿಯವರ ಮಾರ್ಗದರ್ಶನ ಕಾರಣ ಎನ್ನುತ್ತಾರೆ ಗಿರೀಶ್.

ದುದ್ದಗೆರೆಯಲ್ಲಿ ಆಟೋ ಒಡಿಸುತ್ತಿದ್ದ ಹುಡುಗನೊಬ್ಬಈಗ ಕೃಷಿ ಮಾಡಿ ಸ್ವತಕ್ಕೆ ಐದು ಎಕರೆ ಜಮೀನು ತೆಗೆದುಕೊಂಡಿದ್ದಾನೆ.ಇಡೀ ಗ್ರಾಮವೇ ಬೇಸಾಯದಿಂದ ಬದಲಾವಣೆಯಾಗಿದೆ. ಅಲ್ಲಿನ ರೈತರು ವಾಷರ್ಿಕ ಕೋಟ್ಯಾಂತರ ರೂಪಾಯಿ ಬಾಳೆ,ತರಕಾರಿ ಬೆಳೆಯುತ್ತಿದ್ದಾರೆ. ರೈತರಲ್ಲಿ ಒಗ್ಗಟ್ಟು,ಸ್ವಾಭಿಮಾನ ಇರಬೇಕು. ನೆಗಿಟಿವ್ ಥಿಕಿಂಗ್ ಇರಬಾರದು.ಹಾಗಾದರೆ ಖಂಡಿತ ಕೃಷಿಯಲ್ಲಿ ಯಶಸ್ಸು ಕಾಣಬಹುದು ಎನ್ನುತ್ತಾರೆ ರಾಜಬುದ್ಧಿ. ಸಾಫ್ಟವೇರ್ ಉದ್ಯೋಗಿಗಳೆಲ್ಲಾ ಕೃಷಿಗೆ ಬರುತ್ತಿದ್ದಾರೆ. ಹಳ್ಳಿ ಹುಡುಗರೆಲ್ಲ ಕೂಲಿ ಕೆಲಸಕ್ಕೆ ಪಟ್ಟಣಕ್ಕೆ ಹೋಗುತ್ತಿದ್ದಾರೆ.ಇದು ನಾಡಿನ ದುರಂತ ಎನ್ನುತ್ತಾರೆ.

ನರ್ಸರಿಯಿಂದ ಆದಾಯ :ಒಮ್ಮೆ ಕೋಲಾರ ಜಿಲ್ಲೆಯಲ್ಲಿ ಕೃಷಿ ಪ್ರವಾಸ ಮಾಡುತ್ತಿದ್ದಾಗ ಅಲ್ಲಿನ ರೈತರಿಂದ ಸ್ಫೂತರ್ಿಪಡೆದು ತಮಗೆ ತರಕಾರಿ ಸಸಿಗಳನ್ನು ಬೆಳೆದುಕೊಳ್ಳುವ ಉದ್ದೇಶದಿಂದ ಸಣ್ಣದಾಗಿ  ಆರಂಭಿಸಿದ ನರ್ಸರಿ ಈಗ ಬೃಹತ್ ಆಗಿ ಬೆಳೆದು ಸುತ್ತಮತ್ತಲಿನ ಮಹಿಳೆಯರಿಗೆ ಉದ್ಯೋಗ ನೀಡಿದೆ.ಲಕ್ಷಾಂತರ ರೂಪಾಯಿ ಆದಾಯವನ್ನು ತರುತ್ತಿದೆ. ಪ್ರತಿದಿನ ನರ್ಸರಿಯಲ್ಲಿ ಕೆಲಸಮಾಡುವವರಿಗೆ ಮೂರು ಸಾವಿರ ರೂಪಾಯಿ ಕೂಲಿ ನೀಡುವ ರಾಜಬುದ್ಧಿ ತಿಂಗಳಿಗೆ ಒಂದು ಲಕ್ಷ ರೂಪಾಯಿಯನ್ನು ಕೆಲಸಗಾರರಿಗೆ ಕೂಲಿ ನೀಡುತ್ತಾರೆ.ಸಾಮಾನ್ಯ ಸಣ್ಣ ರೈತನೊಬ್ಬ ಇಷ್ಟು ಎತ್ತರಕ್ಕೆ ಬೆಳೆಯುವಲ್ಲಿ ಅವನ ಶ್ರದ್ಧೆ,ನಿಷ್ಠೆ ಮತ್ತು ನಂಬಿಕೆ ಕೆಲಸಮಾಡಿದೆ.

"1992 ರಲ್ಲಿ ಕೋಲಾರಕ್ಕೆ ಹೋಗಿದ್ದೆವು. ಅಲ್ಲಿನ ರೈತರು ಸಸಿಗಳನ್ನು ನರ್ಸರಿಯಿಂದ ತಂದು ನಾಟಿಮಾಡುತ್ತೇವೆ ಅಂತ ಹೇಳುತ್ತಿದ್ದರು. ಅವರು ಪೈರನ್ನು ನಾರು ಅಂತಾರೆ. 4000 ನಾರು ಹಾಕ್ದೊ,5000 ನಾರು ಹಾಕ್ದೊ ಅನ್ನುತ್ತಿದ್ದರು. ನಮಗೆಲ್ಲಾ ಆಶ್ಚರ್ಯ. ಏನಿದು ಅಂತ. ಚಾಮರಾಜನಗರ ಜಿಲ್ಲೆ ತೋಟಗಾರಿಕೆ ಇಲಾಖೆ ನಿದರ್ೇಶಕರಾಗಿದ್ದ ಶಿವಶಂಕರ್ ಅವರು ಮುಳಬಾಗಿಲಿನಿಂದ ಟೊಮಟೊ ಸಸಿ ತರಿಸಿ ನಾಟಿಮಾಡಿಸಿದ್ದರು. ನಾನು ನರ್ಸರಿ ಮಾಡಬೇಕಲ್ಲ ಅಂತ ಯೋಚನೆ ಮಾಡಿದೆ. 2005 ರಲ್ಲಿ ಸ್ವಲ್ಪ ಹಣಕಾಸಿನ ತೊಂದರೆಯಾಗಿತ್ತು.ಊರಿನ ಸಮೀಪ ಒಂದು ಎಕರೆ ಜಮೀನು ಕೊಟ್ಟುಬಿಟ್ಟೆ. ಅಲ್ಲಿ ನೂರು ಅಡಿ ಜಾಗ ಉಳಿದಿತ್ತು. ನಾನೇ ತರಕಾರಿ ಪೈರು ತರಲು ಜಕ್ಕನಹಳ್ಳಿವರೆಗೂ ಹೋಗುತ್ತಿದ್ದೆ,ನಾವೇ ಯಾಕೆ ನರ್ಸರಿ ಮಾಡಬಾರದು ಅಂತ ಅಂದುಕೊಂಡು ಶುರುಮಾಡಿದೆ.ನಂತರ ತುಂಬಾ ಜನ ಮಾಡಿದ್ದರಿಂದ ನನಗೆ ಒಳ್ಳೆಯ ರೈತರು ಮಿತ್ರರಾಗಿದ್ದಾರೆ.ಅವರಿಗೆ ಸೂಕ್ತ ಸಲಹೆ ಮಾರ್ಗದರ್ಶನ ಮಾಡುವುದರ ಜೊತೆಗೆ ಅವರಿಂದಲ್ಲೂ ಸಾಕಷ್ಟು ಕಲಿತಿದ್ದೇನೆ" ಎಂದು ವಿನಯ ಮೆರೆಯುತ್ತಾರೆ.

ಕಳೆದ ಬಾರಿ ಚೀನಾ ದೇಶಕ್ಕೆ ಕೃಷಿ ಪ್ರವಾಸ ಹೋಗಿದ್ದ ರಾಜಬುದ್ಧಿ ಅಲ್ಲಿನ ಕೃಷಿ ವಿಧಾನ ಕಂಡು ಬೆರಗಾಗಿದ್ದಾರೆ. ಅಧಿಕಾರಿಗಳು ನಮ್ಮನ್ನು ರೈತರ ಬಳಿ ಕರೆದುಕೊಂಡು ಹೋಗಲಿಲ್ಲ. ಸರಕಾರ ನಡೆಸುವ ತೋಟಗಾರಿಕೆ ಇಲಾಖೆಯ ತೋಟಗಳಿಗೆ ಕರೆದುಕೊಂಡು ಹೋಗಿ ಬಂದರು.ಇದರಿಂದ ಏನು ಪ್ರಯೋಜನವಾಗಲಿಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತಾರೆ.ಅದಕ್ಕಾಗಿಯೇ ಈ ಬಾರಿ ಸರಕಾರ,ಸಂಘಸಂಸ್ಥೆಗಳ ನೆರವಿಗೆ ಕಾಯದೆ ತಾವೇ ಸ್ವತಃ ತಾವೇ ರೈತರ ತಂಡದೊಂದಿಗೆ ಕಳೆದ ವಾರ ಇಸ್ರೇಲ್ ದೇಶದ ಕೃಷಿನೋಡಲು ಹೋಗಿಬಂದರು.

ಮಾರ್ಗದರ್ಶನದ ಕೊರತೆ : ರೈತರಿಗೆ ಸೂಕ್ತ ಮಾರ್ಗದರ್ಶನದ ಕೊರತೆ ಇದೆ.ಬೆಳೆಗಳನ್ನು ಹೇಗೆ,ಯಾವ ಗೊಬ್ಬರವನ್ನು ಎಷ್ಟು ಪ್ರಮಾಣದಲ್ಲಿ ಹಾಕಬೇಕು ಎಂಬ ಜ್ಞಾನ ಇಲ್ಲ. ನಮ್ಮ ವಿಜ್ಞಾನಿಗಳು ಎಲ್ಲ ಬಗೆಯ ಮಣ್ಣುಗಳಿಗೂ ಒಂದೆ ವಿಧದ ಗೊಬ್ಬರಗಳನ್ನು ಶಿಫಾರಸ್ಸು ಮಾಡುತ್ತಾರೆ. ಕೆಂಪು ಮಣ್ಣು,ಕಪ್ಪು ಮಣ್ಣು, ಮರಳು ಮಿಶ್ರಿತ ಮಣ್ಣಿಗೆ ಯಾವ ಗೊಬ್ಬರ ಕೊಡಬೇಕು ಎಂದು ಅರಿತು ಗೊಬ್ಬರ ಶಿಫಾರಸ್ಸು ಮಾಡಬೇಕು.ಎಲ್ಲದ್ದಕ್ಕೂ ಒಂದೆ ಗೊಬ್ಬರ ಅಲ್ಲ.ಮಣ್ಣು ನೋಡಿಕೊಂಡು ಶಿಫಾರಸ್ಸು ಮಾಡುವವರು ಕಡಿಮೆ ಎನ್ನುತ್ತಾರೆ.

ಹನಿನೀರಾವರಿ,ರಸಾವರಿ ಪದ್ಧತಿ,ಮಲ್ಚಿಂಗ್ ಶೀಟ್ ಬಳಸಿಕೊಂಡರೆ ರೈತರು ಈಗ ಎಲ್ಲಾ ಕಾಲದಲ್ಲೂ ಎಲ್ಲ ಬಗೆಯ ತರಕಾರಿಗಳನ್ನು ಬೆಳೆಯಬಹುದು.  ಕಲ್ಲಂಗಡಿ,ಮಂಗಳೂರು ಸೌತೆ ಬೆಳೆಗಳಂತೂ ರೈತರಿಗೆ ವರದಾನವಾಗಿವೆ. ಕೊಟ್ಟಿಗೆ ಗೊಬ್ಬರ,ರಸಾವರಿ,ಬೇವಿನಹಿಂಡಿ ಮತ್ತು ಲಘು ಪೋಷಕಾಂಶಗಳನ್ನು ಯಾವ ಪ್ರಮಾಣದಲ್ಲಿ ಯಾವ ಪದ್ಧತಿಯಲ್ಲಿ ಕೊಡಬೇಕು ಎಂದು ತಿಳಿದುಕೊಂಡರೆ ಕೃಷಿ ಸುಲಭ ಮತ್ತು ಲಾಭದಾಯನ ಎನ್ನುವುದು ಅನುಭವದಿಂದ ಕಂಡಕೊಂಡಿರುವ ಸತ್ಯ.

ಸರಕಾರ ರೈತರಿಗೆ ಸಬ್ಸಿಡಿಕೊಟ್ಟು ಹಾಳು ಮಾಡುತ್ತಿದೆ. ಅದರ ಬದಲು ಸೂಕ್ತ ಬೆಲೆ ಮತ್ತು ಕಡ್ಲೆಕಾಯಿ,ಉಚ್ಚೆಳ್ಳು,ಹರಳು,ಸೂರ್ಯಕಾಂತಿ ಹಿಂಡಿಗಳನ್ನು ಪೂರೈಸಲಿ.ಅದರಿಂದ ಭೂಮಿಗೆ ಬೇಕಾದ ಎಲ್ಲಾ  ಪೋಷಕಾಂಶ ಹೆಚ್ಚಾಗಿದೊರೆತು ರೈತರು ಸಾವಯವ ಹಾದಿಗೆ ಮರಳಲು ನೆರವಾಗುತ್ತದೆ ಎನ್ನುತ್ತಾರೆ ರಾಜಬುದ್ಧಿ.

ಜಮೀನಿಗೆ ನಾನು ಭೇಟಿ ನೀಡಿದಾಗ ಬಾಳೆ ಜೊತೆ ಕಲ್ಲಂಗಡಿ, ಮಂಗಳೂರು ಸೌತೆ,ಯಾಡರ್್ಲಾಂಗ್ ಬೀನಸ್,ಟೊಮಟೊ,ಎಲೆಕೋಸು,ಹೂ ಕೋಸು ಬೆಳೆಗಳನ್ನು ಸಂಯೋಜನೆಮಾಡಿ ಅಂತರ ಬೆಳೆಯಾಗಿ ನಾಟಿ ನಡೆಯುತ್ತಿತ್ತು. ಹೀಗೆ ಅಂತರಬೆಳೆ ಬೆಳೆಯುವುದರಿಂದ ಯಾವುದೆ ತೊಂದರೆ ಇಲ್ಲ.ಒಂದೆ ಬೆಳೆ ಬೆಳೆದುಕೊಂಡು ಕುಳಿತುಕೊಂಡರೆ ಆಥರ್ಿಕ ಹೊಡೆತ ಬೀಳುತ್ತದೆ.ಅಂತರ ಬೆಳೆ ಮಾಡಿದಾಗ ನಷ್ಟ ತಪ್ಪಿಸಬಹುದು.ಭೂಮಿಯನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳಬಹುದು ಎನ್ನುವುದು ಅವರ ಅನುಭವ. ಅವರೊಂದಿಗೆ ಕುಳಿತು ಮಾತನಾಡುತ್ತಿದ್ದರೆ ಪ್ರತಿಯೊಂದು ತರಕಾರಿ ಬೆಳೆಯುವ ವಿಧಾನಗಳನ್ನು ಪಟಪಟನೇ ಹೇಳುತ್ತಾ ಹೋಗುತ್ತಾರೆ.ಕನಿಷ್ಠ ದರ ಸಿಕ್ಕರೆ ಸಿಗುವ ಲಾಭ.ಗರಿಷ್ಠ ದರ ಸಿಕ್ಕರೆ ಬರುವ ಲಾಭ, ನಷ್ಟ ಮತ್ತು ಸರಿದೂಗಿಸಿಕೊಳ್ಳುವ ವಿಧಾನ ಎಲ್ಲವನ್ನೂ ವಿವರ ವಿವರವಾಗಿ ತಿಳಿಸಿಕೊಡುವ ಮೂಲಕ ಆತ್ಮವಿಶ್ವಾಸ ತುಂಬುತ್ತಾರೆ.ಕೃಷಿ ನಷ್ಟ ಕಷ್ಟ ಎನ್ನುವವರು ಒಮ್ಮೆ ರಾಜಬುದ್ಧಿ ಅವರನ್ನು ಭೇಟಿಮಾಡಿದರೆ ಖಂಡಿತವಾಗಿ ತಮ್ಮ ಅಭಿಪ್ರಾಯ ಬದಲಿಸಿಕೊಳ್ಳುವುದರಲ್ಲಿ ಅನುಮಾನವಿಲ್ಲ.ಹೆಚ್ಚಿನ ಮಾಹಿತಿಗೆ ರಾಜಬುದ್ಧಿ 96328 27891 ಸಂಪಕರ್ಿಸಿ 

ಶ್ರೀರಾಮಪುರ ಮನೆಯಂಗಳವಲ್ಲ, `ಸಂತೃಪ್ತಿ'  ಸಸ್ಯಕಾಶಿ !

# ವಿನಾಶದ ಅಂಚಿನಲ್ಲಿರುವ ಸಸ್ಯ ಸಂರಕ್ಷಣೆ # ಕಸಿಬ್ರಹ್ಮ ವೈದ್ಯರ ಹಸಿರು ಪ್ರೀತಿ

ಅವರು ವೃತ್ತಿಯಲ್ಲಿ ವೈದ್ಯ.ಪ್ರವೃತ್ತಿಯಲ್ಲಿ ಕಸಿತಜ್ಞ. ದೇಶವಿದೇಶಗಳ ಅಪರೂಪದ ಹಣ್ಣು ಮತ್ತು ಹೂವಿನ ಗಿಡಗಳನ್ನು ಮನೆಯಂಗಳದಲ್ಲಿ ಬೆಳೆದು ಪೋಷಣೆಮಾಡುತ್ತಿರುವ ಸಸ್ಯಪ್ರೇಮಿ. ಒಂದೇ ಗಿಡಕ್ಕೆ ಹತ್ತಾರು ತಳಿಯ ಸಯಾನ್ಗಳನ್ನು ಕಸಿಕಟ್ಟಿ ಫಲಪಡೆದ ಸಸ್ಯವಿಜ್ಞಾನಿ. ಗಿಡಗಳ ಮೇಲೆ ಹಲವು ಪ್ರಯೋಗಗಳನ್ನು ಮಾಡಿ ಗೆದ್ದ ಅಪರೂಪದ ವೈದ್ಯ ಡಾ.ಸಿ.ಎನ್.ಮೃತ್ಯುಂಜಯಪ್ಪ.

ಹವ್ಯಾಸವಾಗಿ ಆರಂಭವಾದ ಕೆಲಸಕ್ಕೆ ಡಾ.ಮೃತ್ಯುಂಜಯಪ್ಪ ಅವರು ಭಾರತ ಸರಕಾರ ಕೊಡಮಾಡುವ `ಸಸ್ಯ ತಳಿ ಸಂರಕ್ಷಕ' (ಪ್ಲಾಂಟೋಮ್ ಸೇವಿಯರ್ ಕಮ್ಯೂನಿಟಿ ನ್ಯಾಷನಲ್ ಆವಾಡರ್್)ಪ್ರಶಸ್ತಿಗೂ ಭಾಜನರಾಗಿದ್ದಾರೆ. ಈ ಪ್ರಶಸ್ತಿಯಿಂದ ಬಂದ ಒಂದೂವರೆ ಲಕ್ಷ ರೂಪಾಯಿಗಳನ್ನು ಮತ್ತೊಬ್ಬ ತಳಿ ಸಂರಕ್ಷಕ ದಕ್ಷಿಣ ಕನ್ನಡ ಜಿಲ್ಲೆಯ ಮೂಡಬಿದರೆ ಸನಿಹದ ಗಿಡಗೆಳೆತನದಿಂದ ಕೃಷಿಪ್ರೀತಿ ಬೆಳೆಸುವ ಕೃಷಿಕ ಎಡ್ವಡರ್್ ರೆಬೆಲ್ಲೋ ಅವರಿಗೆ ದಾನವಾಗಿ ನೀಡುವಮೂಲಕ ಆದರ್ಶಕ್ಕೆ ಮಾದರಿಯಾಗಿದ್ದಾರೆ.

ಸರಗೂರಿನ `ವನಸಿರಿ'ಯಿಂದ ಆರಂಭವಾದ ಅವರ ಸಸ್ಯಪ್ರೇಮ ಮೈಸೂರಿನ ಶ್ರೀರಾಮಪುರದಲ್ಲಿರುವ `ಸಂತೃಪ್ತಿ'ಯಲ್ಲಿ ಬಳ್ಳಿಯಾಗಿ ಹಬ್ಬಿದೆ.ನಾಲ್ಕು ದಶಕಗಳಿಗೂ ಹೆಚ್ಚುಕಾಲ ವೈದ್ಯವೃತ್ತಿಯನ್ನು ದೀನದಲಿತರ ಸೇವೆಗೆ ಮುಡಿಪಾಗಿಟ್ಟಿದ್ದ ಧನ್ವಂತರಿ ಡಾ.ಮೃತ್ಯುಂಜಯಪ್ಪ ಜನರ ಆರೋಗ್ಯದ ಬಗ್ಗೆ ವಹಿಸಿದಷ್ಟೆ ಕಾಳಜಿಯನ್ನು ಇಳಿಗಾಲದಲ್ಲಿ ಗಿಡಮರಗಳ ಹಾರೈಕೆಗೂ ಮೀಸಲಿಟ್ಟಿದ್ದಾರೆ.

ಮನೆಯಂಗಳದಲ್ಲಿ ಕೈ ತೋಟಮಾಡಲು ಆಸಕ್ತಿಇರುವವರು, ತೋಟಗಳಲ್ಲಿ ಸಸ್ಯ ವೈವಿಧ್ಯತೆಗೆ ಆದ್ಯತೆ ನೀಡುವ ಪ್ರಯೋಗಶೀಲ ಕೃಷಿಕರು,ದೇಶವಿದೇಶಗಳಲ್ಲಿ ಬೆಳೆಯುವ ಅಪರೂಪದ ಹಣ್ಣು ತರಕಾರಿಗಳನ್ನು ನೋಡುವ ಹಂಬಲವಿದ್ದವರೂ ಒಮ್ಮೆ ಶ್ರೀರಾಮಪುರದಲ್ಲಿರುವ `ಸಂತೃಪ್ತಿ' ಎಂಬ ಸಸ್ಯಕಾಶಿಯನ್ನು ನೋಡಬೇಕು.

ಒಂದೇ ಮಾವಿನ ಮರದಲ್ಲಿ ನೂರು ವಿವಿಧ ತಳಿಯ ಸಯಾನ್ಗಳನ್ನು ಕಸಿಮಾಡಿ ಫಲಪಡೆದು ಯಶಸ್ವಿಯಾಗಿದ್ದಾರೆ. ಅಷ್ಟೇ ಬಿಳಿಯ ಬಣ್ಣದ ಒಂದು ದೇವಕಣಗಿಲೆಗೆ ಹತ್ತಾರು ಬಣ್ಣದ ದೇವಕಣಗಿಲೆಗಳನ್ನು ಕಸಿಕಟ್ಟಿದ್ದಾರೆ. ಈರಳೆ ಗಿಡಕ್ಕೆ ನಿಂಬೆ,ಚಕ್ಕೋತ,ಮೂಸಿಂಬೆ ರೆಂಬೆಗಳನ್ನು ಕಸಿಕಟ್ಟಿದ್ದಾರೆ. ಒಂದೇ ಸಪೋಟ ಗಿಡದಲ್ಲಿ ಐದಾರು ತಳಿಯ ಹಣ್ಣುಗಳು ಬಿಡುತ್ತವೆ. ಒಂದೇ ದಾಸವಾಳದ ಗಿಡದಲ್ಲಿ ಇಪ್ಪತ್ತು ಬಗೆಯ ಬಣ್ಣಬಣ್ಣದ ಹೂಗಳಿವೆ.ಇದೆಲ್ಲಾ ಕಸಿಬ್ರಹ್ಮ ಡಾ.ಮೃತ್ಯುಂಜಯಪ್ಪ ಅವರ ಕೈಚಳಕದಿಂದ ಆದ ವಿಸ್ಮಯಗಳು. 

ಮನೆಯ ಆವರಣವನ್ನು ಪ್ರವೇಶಿಸುತ್ತಿದ್ದಂತೆ ಮಣ್ಣಿನ ಆಸರೆಯೇ ಇಲ್ಲದೆ ಮರದ ಮೇಲೆ ಬೇರುಬಿಟ್ಟು ಹಬ್ಬಿರುವ ಪರಾವಲಂಭಿ (ಪ್ಯಾರಸೈಟ್)ಆಕರ್ಿಡ್ ಚಪ್ಪರದ ತುಂಬಾ ಹೂಬಿಟ್ಟು ಸ್ವಾಗತ ಕೋರುತ್ತದೆ. ಗಿಡದ ತುಂಬಾ ತಿಳಿನೀಲಿ ಹೂಬಿಟ್ಟ ಆರ್ನಮೆಂಟಲ್ ಡ್ಯುರಂಟ್(ದುರಂತ ಗಿಡ) ಎಂಬ ಸುಂದರಿ ಮನಸೆಳೆಯುತ್ತಾಳೆ. ಮನೆಯ ಒಡೆಯ,ಗಿಡಗಳ ಪ್ರೀತಿಯ ಯಜಮಾನ ಡಾ.ಮೃತ್ಯುಂಜಯಪ್ಪ ಒಂದೊಂದೆ ಹೆಜ್ಜೆಹಾಕುತ್ತಾ ಮನೆಯಂಗಳದ ಕೈತೋಟಕ್ಕೆ ಕರೆದುಕೊಂಡುಹೋಗುತ್ತಾರೆ. 120 ಅಡಿ ಉದ್ದ ಹಾಗೂ 90 ಅಡಿ ಅಗಲದಲ್ಲಿ ಮನೆಯೂ ಸೇರಿದಂತೆ 200ಕ್ಕೂ ಹೆಚ್ಚು ವಿಶೇಷ ಅಪರೂಪದ ಹಣ್ಣಿನ ಗಿಡಗಳು,200ಕ್ಕೂ ಹೆಚ್ಚು ಹೂವಿನ ಗಿಡಗಳು ಜಾಗಪಡೆದಿರುವ ಸಸ್ಯಕಾಶಿಯ ಇತಿಹಾಸ ಬಿಚ್ಚಿಕೊಳ್ಳುತ್ತದೆ. ಪ್ರತಿಗಿಡದ ಹಿಂದೆಯೂ ಒಂದೊಂದು ಸ್ವಾರಸ್ಯಕರವಾದ ಕತೆ ಇದೆ. ಹವಾಯಿ ದ್ವೀಪದಿಂದ ಚೀನಾ ದೇಶಕ್ಕೆ ಬಂದು ಅಲ್ಲಿಂದ ಬಾಂಗ್ಲದೇಶ ತಲುಪಿ ಕಲ್ಕತ್ತಾ ಮೂಲಕ ಕೇರಳ ತಲುಪಿ ಅಲ್ಲಿಂದ `ಸಂತೃಪ್ತಿ' ಎಂಬ ಸಸ್ಯಕಾಶಿಗೆ ಬಂದ `ಕೆಫೆಲ್' ಎಂಬ ಸುವಾಸನಾಭರಿತ ಹಣ್ಣಿನ ಗಿಡದಿಂದ ಹಿಡಿದು ಸಿಂಗಪುರದ ಸುಂದರಿ ಮೆಡಿಲಿಯಾ ಫ್ಲವರ್, ಅಮೇರಿಕಾದ ಹಾಗ್ ಫ್ಲಮ್,ಆಸ್ಟೇಲಿಯಾದ ಅಂಜೂರ,ಥೈಲ್ಯಾಂಡ್ ದೇಶದ ಮಾವು ಮತ್ತು ಸೀಬೆ,ಈಜಿಫ್ಟ್ನ ಕಜರ್ೂರ,ಫ್ರಾನ್ಸ್ನಿಂದ ಬಂದ ಗ್ರೀನ್ ಆಫಲ್,ಆಫಘಾನಿಸ್ತಾನ್ನಿಂದ ಬಂದ ಕಾಬೂಲ್ ದಾಳಿಂಬೆ,ಹಿಮಾಚಲಪ್ರದೇಶದಿಂದ ಬಂದ ಸಕ್ಕರೆ ಬಾದಾಮಿ ಗಿಡ,ಲಾಲ್ಬಾಗ್ನಿಂದ ಬಂದ ಮಧುರ ಹಲಸು ಹೀಗೆ ನೂರಾರು ವಿನಾಶದ ಅಂಚಿನಲ್ಲಿರುವ ಹಣ್ಣಿನ ಮರಗಿಡಗಳು ಇಲ್ಲಿ ವೈದ್ಯರ ಹಾರೈಕೆಯಲ್ಲಿ ಬೆಳೆಯುತ್ತಿವೆ.

ಅಷ್ಟೇ ಅಲ್ಲಾ ಈ ಅಪರೂಪದ ಗಿಡಗಳು ಇಲ್ಲಿ ಬೆಳೆದು ಮರವಾದ ಮೇಲೆ ಮತ್ತೆ ಕಸಿಯಾಗಿ ಗೆಳೆಯರ ತೋಟ,ಮನೆಯಂಗಳವನ್ನು ಸೇರಿವೆ.ಅದಕ್ಕಾಗಿಯೇ ಡಾ.ಮೃತ್ಯುಂಜಯಪ್ಪ ಅವರಿಗೆ ಭಾರತ ಸರಕಾರ 2015ರ ಸಾಲಿನ ಸಸ್ಯತಳಿ ಸಂರಕ್ಷಕ ಪ್ರಶಸ್ತಿ ನೀಡಿ ಗೌರವಿಸಿದ್ದು ಎನ್ನುವುದು ವಿಶೇಷ. ವೈದ್ಯವೃತಿಯ ಜೊತೆಗೆ ಫೋಟೊಗ್ರಫಿ,ನಾಣ್ಯಗಳ ಸಂಗ್ರಹ,ವಿದೇಶ ಪ್ರವಾಸ ಮತ್ತು ತೋಟಗಾರಿಕೆಯನ್ನು ಹವ್ಯಾಸವಾಗಿ ತೆಗೆದುಕೊಂಡ ವೈದ್ಯರು ಇಷ್ಟಪಟ್ಟು ಮಾಡಿದ ಪ್ರತಿಯೊಂದು ಕೆಲಸದಲ್ಲೂ ನೈಪುಣ್ಯವನ್ನು ಸಾಧಿಸಿದ್ದಾರೆ. ಯಶಸ್ವಿ ಪುರುಷನ ಹಿಂದೆ ಸ್ತ್ರೀಯೊಬ್ಬಳು ಇರುತ್ತಾಳೆ ಎಂಬ ನಾಣ್ಣುಡಿಯಂತೆ ಇದಕ್ಕೆ ಪೂರಕವಾಗಿ ಅವರ ಪತ್ನಿ ಸುಧಾ ಮೃತ್ಯುಂಜಯಪ್ಪ ಸದಾ ಹೆಗಲಾಗಿನಿಂತು ದುಡಿದಿದ್ದಾರೆ.

ಅಪರೂಪದ ಗಿಡಗಳು : ಕಲ್ಕತ್ತಾದ ವೆರಿಗೇಟೆಡ್ ಮೂಸಂಬಿ,ಹಾಲೆಂಡ್ ದೇಶದ ನಿಂಬೆ, ಲಕ್ವಾಟ್ ಜಪಾನ್ ಫ್ಲಮ್, ಸಿಹಿ ಈರಳೆ, ಕ್ಯಾಕ್ಟಸ್ ಗಾರ್ಡನ್, ಹೂವಿನ ರುದ್ರಾಕ್ಷಿ, ವಿಂಕರೋಜಿಕಾ, ಅಮೇರಿಕನ್ ಚಸ್ಟ್ನಟ್, ಪಾನ್ಕಾಪತ್ತಾ ,ಥೈಲ್ಯಾಂಡ್ ಸಪೋಟ, ಫೆಪಿನೋ, ಆಲ್ ಸೀಜನ್ ಮ್ಯಾಂಗೋ. ಹಳದಿ ಸೇಬು,ಸಿಟ್ರಸ್ನ ಮೂಲ ತಳಿಯಾದ ಮಾದಳ ಫಲ,ಮೆಕಡೋಮಿಯಾ ನೆಟ್,ರೆಡ್ ಆಫಲ್, ಚೆರ್ರಿ ಟೊಮಾಟೊ, ಡ್ರ್ಯಾಗನ್ ಫ್ಲಾವರ್,ಬ್ಲೂ ಬೆರ್ರಿ, ಹನುಮನ ಫಲ (ಸವಾರ್ಸೋಪ್). ಫ್ರಾನ್ಸ್ನಿಂದ ಬಂದ ಗ್ರೀನ್ ಆಫಲ್,ಅವಕಾಡೊ (ಬೆಣ್ಣೆ ಹಣ್ಣು),ಏಪ್ರಿಕಾಟ್,ಪೀಚು, ಸರ್ವಸಾಂಬಾರ್, ಸುಹಾಸಿನಿ ಕರಿಬೇವು.ಮಂಡ್ಯಜಿಲ್ಲೆಯ ಶೆಟ್ಟಹಳ್ಳಿ ಮತ್ತು ತೆಲಂಗಾಣದ ಅರಣ್ಯದಲ್ಲಿ ಮಾತ್ರ ಕಂಡು ಬರುವ ಬ್ಲ್ಯಾಕ್ ಸ್ಯಾಂಡಲ್,ಥೈಲ್ಯಾಂಡ್ ಸೀಬೆ. ಅಬ್ಲಾಂಗ್ ಸಫೋಟ,ಬ್ಲ್ಯಾಕ್ ಮ್ಯಾಂಗೊ, ಆಫ್ರಿಕನ್ ಫ್ಲವರ್,ಅಮೇರಿಕಾದ ನಂದ ಬಟ್ಟಲು, ಸಿಹಿಯಾದ ಕರಂಬೋಲಾ (ನಕ್ಷತ್ರ ಹಣ್ಣು),ಸುರಗಿ,ಬೀಜರಹಿತ ಹಲಸು, ವಾಟರ್ ಆಫಲ್,ರಾತ್ರಿರಾಣಿ,ಮಲೆಯನ್ ಆಫಲ್, ಡ್ರ್ಯಾಗನ್ ಫ್ರೂಟ್, ಏಕಮುಖ ರುದ್ರಾಕ್ಷಿ, ಪಂಚಮುಖಿ, ಥೈಲ್ಯಾಂಡ್ ದೇಶದ ಬೀಜರಹಿತ ಸಿಹಿ ಬಿಳಿ ಚಕೋತ,ಮೈಸೂರು ಚಿಗುರೆಲೆ, ಜಿಂಜರ್ ಲಿಲ್ಲಿ,ಬ್ಲ್ಯಾಕ್ ಸೀಬೆ, ಆರ್ನಮೆಂಟಲ್ ಮೆಣಸಿಹಣ್ಣು, ಸೀತಾಫಲ,ರಾಮಫಲ,ಹನುಮಫಲ ಎಲ್ಲವೂ ಒಂದೇ ಗಿಡದಲ್ಲಿ ಕಸಿಕಟ್ಟಿ ಬೆಳೆಸಲಾಗಿದೆ. ಸಾಗುವಾನಿ (ಟೀಕ್) ಮರಕ್ಕೆ ಡ್ರ್ಯಾಗನ್ ಫ್ರೂಟ್ ಗಿಡ ಹಬ್ಬಿಸಲಾಗಿದೆ. ಬೇಲ, ಲೂಸ್ ಜಾಕೆಟ್ ಕಿತ್ತಳೆ. ಅಮೇರಿಕಾದ ಹೂವಿನ ಗಿಡ. ವಿಮಾನ ನಿಲ್ದಾಣದಲ್ಲಿ ನೋಡಿ ಮನಸೋತು ಮೂಲಹುಡುಕಿ ಹೋಗಿ ತಿರುವಣ್ಣ ಮಲೈ ರಮಣ ಮಹಷರ್ಿಗಳ ಆಶ್ರಮದದಿಂದ ತಂದ ವಿಶೇಷವಾದ ಹೂವಿನ ಗಿಡ.ಕೊಡಗಿನ ಕರಿಮುಂಜಿ (ಕ್ಯಾರಿಸಾ ಕರಂಡಾ ಲಿನ್), ಆಫಲ್ ಜಾಮ್, ಫೀನೆಟ್ ಬಟರ್ ,ವೈಟ್ ಜಾಮ್, ಸೀಡ್ ಲೆಸ್ ಸೀತಾಫಲ,ಯುರೋಪ್ ದೇಶದ ಎಲ್ಲಾ ಬಗೆಯ ಬೇರಿ ಕಾಯಿಗಳ ಗಿಡಗಳನ್ನು ಒಂದೇ ಗಿಡಕ್ಕೆ ಕಸಿ ಮಾಡಲಾಗಿದೆ.ರುದ್ರಾಕ್ಷಿ ಹಲಸು, ಗಮ್ಲೆಸ್ ಹಲಸು. ಸ್ವಿಟ್ಜರ್ಲ್ಯಾಂಡ್ ಲೈಮ್ ಮೇಲೆ ಹಳದಿ ಒಳಗೆ ಕೆಂಪು,ಬುದ್ಧಸ್ ಹ್ಯಾಂಡ್ನಂತೆ ಹಣ್ಣು ಬಿಡುವ ಗಿಡ ಡಾ.ಮೃತ್ಯುಂಜಯಪ್ಪನವರ ಸಸ್ಯಕಾಶಿ ಎಂದರೆ ಹೀಗೆ ಇಲ್ಲಿ ಎಲ್ಲಾವೂ ವಿಶೇಷ.

ಹಿಂತಿರುಗಿ ನೋಡಿದಾಗ : ಮಂಡ್ಯ ಜಿಲ್ಲೆಯ ದೊಡ್ಡೇಬಾಗಿಲು ಮೂಲದ ಡಾ.ಮೃತ್ಯುಂಜಯಪ್ಪ ಸರಗೂರನ್ನು ತಮ್ಮ ಕರ್ಮಭೂಮಿಯಾಗಿಸಿಕೊಂಡರು. 70-90 ರ ದಶಕದಲ್ಲಿ ಸರಗೂರಿನಲ್ಲಿ ಜನಪ್ರೀಯ ವೈದ್ಯರಾಗಿದ್ದ ಡಾ.ಮೃತ್ಯುಂಜಯಪ್ಪ ತಮ್ಮ ಕ್ರಾಂತಿಕಾರಿ ಮತ್ತು ಜಾತ್ಯಾತೀತ ನಿಲುವಿನಿಂದಲೆ ಪರಿಚಿತರಾಗಿದ್ದರು. `ವನಸಿರಿ'ಯಲ್ಲಿ ಬೆಳೆಸಿದ ಸಂಪಿಗೆಮರವೊಂದು ವಿಶ್ವದಾಖಲೆಯ ಪಟ್ಟಿ ಸೇರಿತ್ತು. ಸರಗೂರಿನ ರಸ್ತೆಬದಿಗಳಲ್ಲಿ ಗಿಡನೆಟ್ಟು ಮರಬೆಳೆಸಿ,ಶಾಲಾ ಆವರಣದಲ್ಲಿ ನೆಡುತೋಪು ನಿರ್ಮಾಣ ಮಾಡಿದ ದಂಪತಿಯ ಸಮಾಜಸೇವೆಯನ್ನು ಅಲ್ಲಿನ ಜನ ಇಂದಿಗೂ ಸ್ಮರಿಸುತ್ತಾರೆ.

ಮೈಸೂರಿನ ಯುವರಾಜ ಕಾಲೇಜಿನಲ್ಲಿ  ಬಿಎಸ್ಸಿ ಬಾಟನಿ (ಸಸ್ಯಶಾಸ್ತ್ರ) ,ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಒಂದು ವರ್ಷ ಎಂಎಸ್ಸಿ ಅಭ್ಯಾಸ. ಅದೇ ಸಮಯದಲ್ಲಿ ಮೈಸೂರು ವೈದ್ಯಕೀಯ ಕಾಲೇಜಿನಲ್ಲಿ ವೈದ್ಯಕೀಯ ಶಿಕ್ಷಣಪಡೆದು 1973 ರಲ್ಲಿ ಅತ್ಯಂತ ಹಿಂದುಳಿದ ಹೆಗ್ಗಡದೇವನಕೋಟೆ ತಾಲೂಕಿನ ಸರಗೂರಿನಲ್ಲಿ ವೃತ್ತಿ ಆರಂಭಿಸಿದ ಡಾ.ಮೃತ್ಯುಂಜಯಪ್ಪ ಹಿಂತಿರುಗಿನೋಡಲಿಲ್ಲ.ನಾಲ್ಕು ದಶಕಗಳಕಾಲ ಶ್ರೀಸಾಮಾನ್ಯನ ಧನ್ವಂತರಿಯಾಗಿ ದುಡಿದರು.  `ನನಗೆ ನಾನೇ ಶಿಲ್ಪಿ'ಎಂಬ ಆತ್ಮಕತೆ ಬರೆಯುವ ಮೂಲಕ ಆ ಎಲ್ಲ ಸುಖದುಃಖಗಳನ್ನು ದಾಖಲಿಸಿದ್ದಾರೆ.`ನಮ್ಮ ಬದುಕು'ಎಂಬ ಸಿನಿಮಾದಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದರು. ಚಿಕ್ಕಪ್ಪ ಮಾದಳ್ಳಿ ಮಠದ ಜಡೆ ಮಹಂತಸ್ವಾಮಿ ಮತ್ತು ಸುತ್ತೂರು ಮಠದ ಶ್ರೀ ರಾಜೇಂದ್ರ ಸ್ವಾಮಿಗಳ ಸಲಹೆ,ಸಹಕಾರವನ್ನು ನೆನೆದು ಭಾವುಕರಾಗುತ್ತಾರೆ.

1971 ರಲ್ಲಿ ಇಂಡೋ ಪಾಕಿಸ್ತಾನ ಯುದ್ಧ ನಡೆದಾಗ ಹದಿನಾಲ್ಕು ಜನರ ತಂಡದೊಂದಿಗೆ ಪೂರ್ವ ಪಾಕಿಸ್ತಾನದಲ್ಲಿ ಗಡಿಯಲ್ಲಿ ಗಾಯಾಳುಗಳಿಗೆ ಚಿಕಿತ್ಸೆನೀಡಿ ದೇಶಸೇವೆ ಮಾಡಿದರು. ಯುದ್ಧ ಮುಗಿದು ಬಾಂಗ್ಲ ವಿಭಜನೆ ನಂತರ ಗುಲ್ಬರ್ಗದಲ್ಲಿ ಮೊದಲ ವೃತ್ತಿ ಆರಂಭಿಸಿದ ಡಾ.ಮೃತ್ಯುಂಜಯಪ್ಪ  ಆಗ ಅಲ್ಲಿ ಕಂಡ 72-73 ರ ತೀವ್ರ ಬರಗಾಲ ನೋಡಿ ಮರುಕಪಡುತ್ತಾರೆ. "ದೇಶದ ಗಡಿಯಲ್ಲಿ ನೋಡಿದ್ದ ಯುದ್ಧದ ಸಾವು ನೋವು ಮತ್ತು ಗುಲ್ಬರ್ಗದಲ್ಲಿ ಕಂಡ ತೀವ್ರ ಬರಗಾಲದ ಛಾಯೆ ನನ್ನಲ್ಲಿ ತೀವ್ರ ನೋವು ಮೂಡಿಸಿದವು.ಇದರಿಂದ ಮನಪರಿವರ್ತನೆಯಾಗಿ ಎಲ್ಲದರೂ ಹೋಗಿ ಸಮಾಜಸೇವೆ ಮಾಡಬೇಕೆಂದು ತೀರ್ಮಾನಿಸಿದೆ.. ಸರಕಾರಿ ಕೆಲಸ ಬೇಡ ಅಂತ ನಿರ್ಧರಿಸಿ ಸಮಾಜದ ಸೇವೆಮಾಡಲು ಸರಗೂರಿಗೆ ಬಂದು ನೆಲೆನಿಂತೆ" ಎಂದು ತಮ್ಮ ಹಳೆಯ ದಿನಗಳನ್ನು ನೆನಪಿಸಿಕೊಳ್ಳುತ್ತಾರೆ.

ತಮ್ಮ ಪತ್ನಿ ಸುಧಾ ಅವರು ಬೆಂಗಳೂರಿನ ಪೋಲೀಸ್ ಆಫೀಸರ್ ಮಗಳು.1973 ಮೇ 7 ರಂದು ಮದುವೆಯಾಯಿತು.ನಗರದ ಸಕಲಸವಲತ್ತುಗಳನ್ನು ಬಿಟ್ಟು ಅದೇ ತಿಂಗಳು 30 ನೇ ತಾರೀಖು ನಮಗೆ ಬಂದಿದ್ದ ಉಡುಗೊರೆಗಳನ್ನು ಗೋಣಿಚೀಲದಲ್ಲಿ ತುಂಬಿಕೊಂಡು ನೇರ ಸರಗೂರಿಗೆ ನಡೆದುಬಿಟ್ಟೆವು. ಜನರ ಪರಿಚಯ ಇರಲಿಲ್ಲ. 50 ರೂಪಾಯಿ ಬಾಡಿಗೆಯ ಸಣ್ಣಮನೆಯಲ್ಲಿ ವೃತ್ತಿ ಆರಂಭವಾಯಿತು.

ಕಡುಬಡತನದ ಹಳ್ಳಿ ಸರಗೂರು. ಗಂಡಸರು ಶೇಕಡ 17 ಹೆಂಗಸರು ಶೇಕಡ 7 ರಷ್ಟು ಸಾಕ್ಷರರಾಗಿದ್ದರು. 1973 ರಲ್ಲಿ ಶಾಲೆಗಳಿಗೆ ಸರಿಯಾಗಿ ಕೊಠಡಿಗಳೆ ಇರಲಿಲ್ಲ. ಅದನ್ನೆಲ್ಲ ನೋಡಿ 74 ರಲ್ಲಿ ಆರು ಶಾಲಾ ಕೊಠಡಿಗಳನ್ನು ಕಟ್ಟಿಸಿದೆ,ಸತೀಶ್ ಕುಮಾರ್ ಮತ್ತು ಆಗ ಜಿಲ್ಲಾಧಿಕಾರಿಯಾಗಿದ್ದ ಆರ್ಯಮಿತ್ರ ಸಂಪೂರ್ಣ ಸಹಕಾರ ನೀಡಿದರು. ಆರೋಗ್ಯ ಸಚಿವರಾಗಿದ್ದ ಸಿದ್ದವೀರಪ್ಪ,ಸುತ್ತೂರು ಶ್ರೀ ರಾಜೇಂದ್ರ ಸ್ವಾಮೀಜಿಯವರು ಶಾಲಾ ಕೊಠಡಿ ಉದ್ಘಾಟಿಸಿದರು. ಅವರೇ ನನ್ನ ಸಮಾಜಸೇವೆಗೆ ಪ್ರೇರಣೆ ಎನ್ನುತ್ತಾರೆ.

ದಲಿತರು,ಆದಿವಾಸಿಗಳು,ಕಾಡಿನ ಜನರು ಎಲ್ಲರಿಗೂ ನೆರವಾಗಿ,ಸಂಪ್ರದಾಯ,ಜಾತಿಪದ್ಧತಿ ಎಲ್ಲವನ್ನೂ ಮೀರಿ ವೈದ್ಯವೃತ್ತಿಯ ಜೊತೆಗೆ ಸಮಾಜಸೇವೆಯನ್ನೂ ಮಾಡಿದ ಡಾ.ಮೃತ್ಯುಂಜಯಪ್ಪ 25 ವರ್ಷ ಮೈಸೂರಿಗೆ ಬರಲೇ ಇಲ್ಲ. ಬಂಧುಬಳಗ ಮರೆತು ಸೇವೆಮಾಡಿದ್ದಾರೆ. ನಮ್ಮ ಮೂವರು ಪುತ್ರರೇ ನಮಗೆ ಆಸ್ತಿ.ಅವರನ್ನು ಸಂಸ್ಕೃತಿವಂತರಾಗಿ ಬೆಳೆಸಿದೆವು.ಬೆಂಗಳೂರಿನಲ್ಲಿ  ಎಲ್ಲರೂ ಸಾಫ್ಟ್ವೇರ್ ಉದ್ಯೋಗಿಗಳಾಗಿದ್ದಾರೆ ಎಂದು ಕುಟುಂಬದ ವಿವರ ನೀಡಿದರು.

"ಇಥಿಯೋಪಿಯಾ,ಸೋಮಾಲಿಯ,ಕಿನ್ಯಾದಂತಹ ಕಡುಬಡ ದೇಶಗಳಿಂದ ಹಿಡಿದು ಅಮೇರಿಕಾ,ಇಂಗ್ಲೇಂಡ್,ಜರ್ಮನಿ ಸೇರಿದಂತೆ 25ಕ್ಕೂ ಹೆಚ್ಚು ದೇಶ ಸುತ್ತಿಬಂದರೂ ಕೊನೆಗೆ ಅನಿಸಿದ್ದು ಭಾರತದಂತಹ ಸುಂದರ,ಸುರಕ್ಷಿತವಾದ ದೇಶ ಇನ್ನೊಂದಿಲ್ಲ. ಅದರಲ್ಲೂ ನಿವೃತ್ತರ ಸ್ವರ್ಗ ಮೈಸೂರು.ಇದರಂತಹ ಸುರಕ್ಷಿತ ನಗರ ಮತ್ತೊಂದಿಲ್ಲ" ಎನ್ನುತ್ತಾರೆ.

ವಿದೇಶಗಳಿಗೆ ಹೋದಾಗ ದೇಶ ವಿದೇಶದ ಒಳ್ಳೊಳ್ಳೆ ಹಣ್ಣಿನ ಗಿಡಗಳು ನೋಡಲು ನಮ್ಮವರಿಗೂ ನೋಡಲು ಸಿಗಲಿ ಎನ್ನುವ ಕಾರಣದಿಂದ ಕಷ್ಟಪಟ್ಟು ಸಾಯನ್ಗಳನ್ನು ತಂದು ಕಸಿಕಟ್ಟಿ ಬೆಳೆಸಿದ್ದೇವೆ.ನಾಳಿನ ಜನಾಂಗ ಇಂತಹ ಗಿಡಮರಗಳನ್ನು ನೋಡಲು ಸಾಧ್ಯವಿಲ್ಲ.ಅಂತಹ ಹಣ್ಣಿನ ಗಿಡಮರಗಳು ಇಲ್ಲಿವೆ.ವಿನಾಶದ ಅಂಚಿನಲ್ಲಿರುವ ಅಪರೂಪದ ಗಿಡಗಳು ಇಲ್ಲಿವೆ. ರೈತರ ಈ ಸಸ್ಯಕಾಶಿಗೆ ಕಲಿಯಲು,ನೋಡಲು ಬರುತ್ತಾರೆ. ಶ್ರೀರಾಮಪುರದ ಸಸ್ಯಕಾಶಿಯಲ್ಲಿ ಪತ್ನಿ ಸುಧಾ ಮೃತ್ಯುಂಜಯಪ್ಪ ಅವರೊಂದಿಗೆ ಗಿಡಮರಗಳೊಂದಿಗೆ `ಸಂತೃಪ್ತಿ' ಜೀವನ ನಡೆಸುತ್ತಿದ್ದಾರೆ.ಹೆಚ್ಚಿನ ಮಾಹಿತಿಗೆ 94489 58809 ಸಂಪರ್ಕಿಸಿ.

ಅನ್ನದಾತನ ಋಣ ತೀರಿಸುತ್ತಿರುವ ಕೃಷಿವಿಜ್ಞಾನ ಪದವಿಧರರು

# ಮಂಡ್ಯ ಜಿಲ್ಲೆಯಲ್ಲಿ ವಿನೂತನ ಪ್ರಯೋಗ # ಪರ್ಯಾಯ ಬೆಳೆಗಳಿಗೆ ಪ್ರೋತ್ಸಾಹ

ಬತ್ತದ ನಾಡು, ಸಕ್ಕರೆ ಜಿಲ್ಲೆ ಮಂಡ್ಯ ಬೇಸಾಯವನ್ನೆ ಹೆಚ್ಚು ಅವಂಭಿಸಿರುವ ಪ್ರದೇಶ.ಇಂತಹ ಜಿಲ್ಲೆಯಲ್ಲಿ 700 ಕ್ಕೂ ಹೆಚ್ಚುಮಂದಿ ಪದವಿಧರರು ಕೃಷಿಗೆ ಸಂಬಂಧಿಸಿದ ವಿಭಾಗಗಳಲ್ಲಿ ಉನ್ನತ ಅಧ್ಯಯನ ಮಾಡಿ ಪದವಿಗಳಿಸಿದ್ದಾರೆ. ಕೆಲವರೂ ಈಗಲೂ ಅಧ್ಯಯನ ಮಾಡುತ್ತಿದ್ದರೆ ಮತ್ತೆ ಕೆಲವರು ವಿಧ್ಯಾಭ್ಯಾಸ ಮುಗಿಸಿ ಸಕರ್ಾರಿ ಸೇವೆಗೆ ಸೇರಿ ನಿವೃತ್ತರಾಗಿದ್ದಾರೆ. ಇಂತಹ ಸಮಾನಾಸಕ್ತರೆಲ್ಲ ಸೇರಿ ಅನ್ನದಾತನಿಗೆ ನೆರವಾಗಲು ಚಿಂತಿಸಿದಾಗ ಅಸ್ತಿತ್ವಕ್ಕೆ ಬಂದದ್ದೆ ಮಂಡ್ಯ ಜಿಲ್ಲಾ ಕೃಷಿ ವಿಜ್ಞಾನ ಪದವಿಧರರ ಸಂಘ. ಐದು ವರ್ಷಗಳ ಹಿಂದೆ ಅಸ್ತಿತ್ವಕ್ಕೆ ಬಂದ ಸಂಘದಲ್ಲಿ 75 ವರ್ಷ ದಾಟಿದ ಹಿರಿಯರೂ ಇದ್ದಾರೆ. ಪ್ರೊ.ಕೆ.ಟಿ.ಶಿವಶಂಕರ್ ಸಂಘದ ಅಧ್ಯಕ್ಷರಾಗಿದ್ದಾರೆ. ಅರಣ್ಯ ಇಲಾಖೆ ನಿವೃತ್ತ ಅಧಿಕಾರಿ ಅಣ್ಣಯ್ಯ ಹಾಗೂ ನಿವೃತ್ತ ಕೃಷಿ ಅಧಿಕಾರಿ ಡಾ.ಎ.ರಾಜಣ್ಣ ಸಂಘದ ಉಪಾಧ್ಯಕ್ಷರಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ.ಸರಕಾರಿ ಇಲಾಖೆಗಳು ಮತ್ತು ರೈತರಿಗೆ ಸಂಪರ್ಕ ಸೇತುವೆಯಾಗಿರುವ ಸಂಘ ವಿಚಾರ ಸಂಕಿರಣ, ತರಬೇತಿ ಶಿಬಿರ,ತೋಟಗಳ ಭೇಟಿ,ಪ್ರಾತ್ಯಕ್ಷತೆ ನಡೆಸುವ ಮೂಲಕ ಅನ್ನದಾತನಿಗೆ ನೆರವಾಗುತ್ತಿದೆ.

ರೈತರ ಬಗ್ಗೆ ಎಲ್ಲರಿಗೂ ಕಾಳಜಿ. ರೈತಪರವಾದ ಪ್ರತಿಭಟನೆ,ಚಳವಳಿಗಳು ನಡೆದರೆ ಎಲ್ಲರ ಬೆಂಬಲವೂ ಇರುತ್ತದೆ.ನೇಗಿಲಯೋಗಿ,ಅನ್ನದಾತ,ಉಳುವಯೋಗಿ ಎಂದು ರೈತರನ್ನು ಎಲ್ಲರೂ ಹಾಡಿ ಹೊಗುಳುವವರೆ.ಸರಕಾರ ರೂಪಿಸುವ ಯೋಜನೆಗಳು ಕೂಡ ರೈತಸ್ನೇಹಿಯಾಗಿಯೆ ಇರುತ್ತವೆ.ದುರಂತವೆಂದರೆ ಅಂತಹ ಯೋಜನೆಗಳ ಅನುಷ್ಠಾನದಲ್ಲಿ ಸರಕಾರಿಯಂತ್ರ ವಿಫಲವಾಗುತ್ತದೆ.ಇದಕ್ಕೆ ಪ್ರಮುಖ ಕಾರಣ ರೈತರಿಗೆ ಸಿಗಬೇಕಾದ ಮಾಹಿತಿ ಮತ್ತು ಸಲಹೆಗಳ ಕೊರತೆ ಎನ್ನುವುದು ಸತ್ಯ.

ರೈತರಿಗೆ ಅನ್ಯಾಯವಾದಾಗ ಬೀದಿಗಿಳಿದು ಪ್ರತಿಭಟಿಸುವ ರೈತನಾಯಕರು,ಆರಂಭದಲ್ಲೆ ಸ್ವಲ್ಪ ಎಚ್ಚೆತ್ತುಕೊಂಡು ರೈತರಿಗೆ ಸರಕಾರಿ ಇಲಾಖೆಯ ಸೌಲಭ್ಯಗಳ ಬಗ್ಗೆ ಅರಿವು ಮೂಡಿಸಿದರೆ,ಸೂಕ್ತ ಸಲಹೆ, ಮಾರ್ಗದರ್ಶನ ನೀಡಿದರೆ ಅನ್ನದಾತನ ಮೊಗದಲ್ಲಿ ನಗು ಕಾಣಬಹುದು. ಇಂತಹ ಪುಣ್ಯದ ಕೆಲಸ ಮಂಡ್ಯ ಜಿಲ್ಲೆಯಲ್ಲಿ ನಡೆಯುತ್ತಿದೆ. ಸರಕಾರದ ಕೃಷಿ,ತೋಟಗಾರಿಕೆ,ಅರಣ್ಯ,ಪಶುಸಂಗೋಪನೆ,ಮೀನುಗಾರಿಕೆ ಹೀಗೆ ವಿವಿಧ ಇಲಾಖೆಗಳು ಮತ್ತು ರೈತರ ನಡುವೆ ಸೇತುವೆಯಾಗಿ ಜಿಲ್ಲೆಯ ಪ್ರಜ್ಞಾವಂತರು ಸಂಘಟಿತರಾಗಿ ಕೆಲಸಮಾಡುತ್ತಿದ್ದಾರೆ.ಇಂತಹ ಮಾದರಿಗಳು ಪ್ರತಿ ಜಿಲ್ಲೆಯಲ್ಲೂ ಅಸ್ತಿತ್ವಕ್ಕೆ ಬಂದರೆ ಅಷ್ಟರ ಮಟ್ಟಿಗೆ ಅನ್ನದಾತ ನಿಟ್ಟುಸಿರು ಬಿಟ್ಟಾನು.

ಬತ್ತದ ನಾಡು, ಸಕ್ಕರೆ ಜಿಲ್ಲೆ ಮಂಡ್ಯ ಬೇಸಾಯವನ್ನೆ ಹೆಚ್ಚು ಅವಂಭಿಸಿರುವ ಪ್ರದೇಶ.ಇಂತಹ ಜಿಲ್ಲೆಯಲ್ಲಿ 700 ಕ್ಕೂ ಹೆಚ್ಚುಮಂದಿ ಪದವಿಧರರು ಕೃಷಿಗೆ ಸಂಬಂಧಿಸಿದ ವಿಭಾಗಗಳಲ್ಲಿ ಉನ್ನತ ಅಧ್ಯಯನಮಾಡಿ ಪದವಿಗಳಿಸಿದ್ದಾರೆ. ಕೆಲವರೂ ಈಗಲೂ ಅಧ್ಯಯನ ಮಾಡುತ್ತಿದ್ದರೆ ಮತ್ತೆ ಕೆಲವರು ವಿಧ್ಯಾಭ್ಯಾಸ ಮುಗಿಸಿ ಸಕರ್ಾರಿ ಸೇವೆಗೆ ಸೇರಿ ನಿವೃತ್ತರಾಗಿದ್ದಾರೆ. ಇಂತಹ ಸಮಾನಾಸಕ್ತರೆಲ್ಲ ಸೇರಿಕೊಂಡು ಅನ್ನದಾತನಿಗೆ ನೆರವಾಗಲು ಚಿಂತಿಸಿದಾಗ ಅಸ್ತಿತ್ವಕ್ಕೆ ಬಂದದ್ದೆ ಮಂಡ್ಯ ಜಿಲ್ಲಾ ಕೃಷಿ ವಿಜ್ಞಾನ ಪದವಿಧರರ ಸಂಘ. 

ಐದು ವರ್ಷಗಳ ಹಿಂದೆ ಅಸ್ತಿತ್ವಕ್ಕೆ ಬಂದ ಸಂಘದಲ್ಲಿ 75 ವರ್ಷ ದಾಟಿದ ಹಿರಿಯರೂ ಇದ್ದಾರೆ. ಪ್ರೊ.ಕೆ.ಟಿ.ಶಿವಶಂಕರ್ ಸಂಘದ ಅಧ್ಯಕ್ಷರಾಗಿದ್ದಾರೆ. ಅರಣ್ಯ ಇಲಾಖೆ ನಿವೃತ್ತ ಅಧಿಕಾರಿ ಅಣ್ಣಯ್ಯ ಹಾಗೂ ನಿವೃತ್ತ ಕೃಷಿ ಅಧಿಕಾರಿ ಡಾ.ಎ.ರಾಜಣ್ಣ ಸಂಘದ ಉಪಾಧ್ಯಕ್ಷರಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ.ಉಳಿದಂತೆ ನಿದೇರ್ಶಕರನ್ನು ಒಳಗೊಂಡ ಆಡಳಿತ ಮಂಡಳಿ ಇದೆ.

ಸರಕಾರಿ ಇಲಾಖೆಗಳು ಮತ್ತು ರೈತರಿಗೆ ಸಂಪರ್ಕ ಸೇತುವೆಯಾಗಿರುವ ಸಂಘದವರು ವಿಚಾರ ಸಂಕಿರಣ, ತರಬೇತಿ ಶಿಬಿರ,ತೋಟಗಳ ಭೇಟಿ,ಪ್ರಾತ್ಯಕ್ಷತೆ ನಡೆಸುತ್ತಾರೆ. ಮುಂದಿನ ದಿನಗಳಲ್ಲಿ ಕೃಷಿಗೆ ಸಂಬಂಧಿಸಿದ ಪತ್ರಿಕೆಯನ್ನು ರೂಪಿಸಿ ರೈತರಿಗೆ ಸೂಕ್ತ ಮಾಹಿತಿ ಒದಗಿಸಲು ಚಿಂತನೆ ನಡೆಸುತ್ತಿದ್ದಾರೆ.

ಸಂಘದ ಉದ್ದೇಶಗಳು : ಮಂಡ್ಯ ಜಿಲ್ಲೆಯಲ್ಲಿ ಹೆಚ್ಚು ಬತ್ತ ಮತ್ತು ಕಬ್ಬು ಬೆಳೆಯಲಾಗುತ್ತದೆ.ನೀರನ್ನೆ ಹೆಚ್ಚು ಅವಲಂಭಿಸಿರುವ ಬೆಳೆಗಳನ್ನು ಇಲ್ಲಿನ ರೈತರು ಬೆಳೆಯುತ್ತಾರೆ. ನೀರನ್ನು ಪೋಲು ಮಾಡುತ್ತಾರೆ ಇದು ಜಿಲ್ಲೆಯ ದೊಡ್ಡ ಸಮಸ್ಯೆ . ಇದಕ್ಕೆ ಏನಾದರೂ ಪಯರ್ಾಯ ಮಾಡಬಹುದಾ? ನೀರನ್ನು ಕಡಿಮೆ ಬಳಸಿ ಪಯರ್ಾಯ ಬೆಳೆ ಪದ್ಧತಿಗಳನ್ನು ಜಾರಿಗೆ ತರಬಹುದಾ? ಎನ್ನುವ ನಿಟ್ಟಿನಲ್ಲಿ ಸಂಘ ಕೆಲಸಮಾಡುತ್ತಿದೆ ಎನ್ನುತ್ತಾರೆ ಸಂಘದ ಉಪಾಧ್ಯಕ್ಷರಲ್ಲಿ ಒಬ್ಬರಾಗಿರುವ ನಿವೃತ್ತ ಅರಣ್ಯಾಧಿಕಾರಿ (ಐಎಫ್ಎಸ್) ಅಣ್ಣಯ್ಯ.

ರೈತರು ಪಯರ್ಾಯ ಬೆಳೆ ಬೆಳೆಯಲು ಸಲಹೆ ಸೂಚನೆ ಕೊಡುವುದು. ಯಾವ ಪ್ರದೇಶದಲ್ಲಿ ಯಾವ ಮಣ್ಣಿಗೆ ಎಂತಹ ಬೆಳೆ ಸೂಕ್ತ ಅಂತ ತಿಳಿಸಿಕೊಡುವುದು. ಕೃಷಿ.ತೋಟಗಾರಿಕೆ ಹಾಗೂ ಅರಣ್ಯದ ಬೆಳೆಗಳನ್ನು ಒಟ್ಟೊಟ್ಟಿಗೆ ಸಮಗ್ರ ಪದ್ಧತಿ ಬೇಸಾಯದಲ್ಲಿ ಬೆಳೆದು ಆದಾಯವನ್ನು ಹೆಚ್ಚಿಸಿಕೊಂಡು ಸುಸ್ಥಿರ ಕೃಷಿ ಮಾಡಲು ಪ್ರೋತ್ಸಾಹ ನೀಡುವುದು.ಆ ಮೂಲಕ ರೈತರನ್ನು ಆಥರ್ಿಕವಾಗಿ ಸಬಲರನ್ನಾಗಿ ಮಾಡುವುದು ಸಂಘದ ಉದ್ದೇಶ ಮತ್ತು ಗುರಿ.

20015 ರಲ್ಲಿ ಜಿಲ್ಲೆಯವರೆ ಆದ ನಾಗರಾಜು ಅವರು ಗೇರು ಅಭಿವೃದ್ಧಿ ಮಂಡಳಿಯ ನಿದರ್ೇಶಕರಾಗಿದ್ದರು. ಒಳನಾಡು ಪ್ರದೇಶದಲ್ಲಿ ಗೇರು ವಿಸ್ತರಣೆಗೆ ಯೋಜನೆ ಜಾರಿಯಲ್ಲಿತ್ತು.ಇದರ ಅಂಗವಾಗಿ ಜಿಲ್ಲಾ ಕೃಷಿ ವಿಜ್ಞಾನ ಪದವಿಧರರ ಸಂಘ 2015 ಅಗಸ್ಟ್ನಲ್ಲಿ ಮಹಾರಾಷ್ಟ್ರದ ವೆಂಗೂಲರ್ಾದಿಂದ ಒಂದು ಲಕ್ಷ ಕಸಿಮಾಡಿದ ಗೇರು ಗಿಡಗಳನ್ನು ತರಿಸಿತು. ಕೇಂದ್ರ ಸಕರ್ಾರದ ಯೋಜನೆಯಡಿ ಕೇರಳ ರಾಜ್ಯದ ಕೊಚ್ಚಿನ್ನಲ್ಲಿರುವ ಗೇರು ಮತ್ತು ಸಂಬಾರ ಅಭಿವೃದ್ಧಿ ಮಂಡಳಿ (ಡಿಸಿಸಿಡಿ)ಯವರು ಈ ಸಸಿಗಳನ್ನು ಉಚಿತವಾಗಿ ಕೊಟ್ಟರು.

ಮಂಡ್ಯ ಜಿಲ್ಲೆಯಲ್ಲಿ ಆಸಕ್ತಿ ಇರುವ ರೈತರ ಗುಂಪುಗಳನ್ನು ರಚನೆ ಮಾಡಲಾಯಿತು.ನಂತರ ಅವರ ಜಮೀನುಗಳಿಗೆ ಸಂಘದ ಸದಸ್ಯರು ಭೇಟಿನೀಡಿ ಕೆಲವೊಂದು ಸಲಹೆ ಸೂಚನೆ ನೀಡಿದರು.ನಂತರ ಆಸಕ್ತ ರೈತರಿಗೆ ಕ್ಷೇತ್ರ ಭೇಟಿ,ಗೇರು ತೋಟಗಳ ವೀಕ್ಷಣೆ ಮಾಡಿಸಿ ಗೇರು ಬೆಳೆಯ ಬಗ್ಗೆ ಅರಿವು ಮೂಡಿಸಲಾಯಿತು. ಪುತ್ತೂರಿನ ಗೇರು ಸಂಶೋಧನಾ ಕೇಂದ್ರಕ್ಕೂ ರೈತರು ಹೋಗಿಬಂದರು.ಅಲ್ಲದೆ ಸಮೀಪದಲ್ಲೇ ಇರುವ ಪ್ರಗತಿಪರ ಗೇರು ಕೃಷಿಕ ಕಡಮಂಜಲು ಸುಭಾಷ್ ರೈ ಅವರ ಗೇರು ತೋಟವನ್ನು ನೋಡಿಬಂದರು.ಮಂಗಳೂರು,ಪುತ್ತೂರಿನ ಸಂಸ್ಕರಣಾ ಘಟಕಗಳಿಗೂ ಹೋಗಿ ಮಾರುಕಟ್ಟೆಯ ಬಗ್ಗೆ ತಿಳಿದುಕೊಂಡರು.ಜಕ್ಕೂರಿನ ಜಿಕೆವಿಕೆ,ಚಿಂತಾಮಣಿಯ ಸಂಶೋಧನಾ ಕೇಂದ್ರ ಮತ್ತು ಮಾರುಕಟ್ಟೆಗೂ ರೈತರು ಹೋಗಿ ಬಂದರು.ಇದಕ್ಕೆಲ್ಲಾ ಸಂಘ ಒತ್ತಾಸೆಯಾಗಿ ನಿಂತು ನೆರವಾಯಿತು ಎನ್ನುತ್ತಾರೆ ಅಣ್ಣಯ್ಯ.

ಇದರ ಫಲವಾಗಿ ಈಗ ಜಿಲ್ಲೆಯಲ್ಲಿ ರೈತರು ಬತ್ತ,ಕಬ್ಬು ಬೆಳೆಗಳಿಗೆ ಪಯರ್ಾಯವಾಗಿ ಗೇರು ಕೃಷಿಮಾಡಿ ಯಶಸ್ವಿಯಾಗಿದ್ದಾರೆ. ಎರಡು ವರ್ಷದಲ್ಲಿ ಜಿಲ್ಲೆಯಲ್ಲೂ ದಟ್ಟ ಬರ ಇತ್ತು. ಬರಕ್ಕೆ ಹೊಂದಿಕೊಳ್ಳುವ ಗೇರು ಲಾಭದಾಯಕ ಬೆಳೆಯಾಗಿಯೂ ಯಶಸ್ವಿಯಾಯಿತು.ಈ ಬಾರಿ  ಮಳೆಯಾದ ಪರಿಣಾಮ  ಎಂಟು ಸಾವಿರ ಗಿಡಗಳನ್ನು ಮತ್ತೆತರಿಸಿ ರೈತರಿಗೆ ವಿತರಿಸಲಾಗಿದೆ. ಮಂಡ್ಯ ಜಿಲ್ಲೆಯ ಜೊತೆಗೆ ಮೈಸೂರು,ಚಾಮರಾಜನಗರ,ಹಾಸನ,ರಾಮನಗರ,ತುಮಕೂರು ಜಿಲ್ಲೆಯ ರೈತರಿಗೂ ಈ ಗೇರು ಸಸಿಗಳನ್ನು ವಿತರಿಸಲಾಗಿದೆ. 

ಕೃಷಿ,ಅರಣ್ಯ,ತೋಟಗಾರಿಕೆ ಎನ್ನುವ ಪರಿಕಲ್ಪನೆಯನ್ನು ಗಮನದಲ್ಲಿಟ್ಟುಕೊಂಡು ಕೃಷಿ ವಿಜ್ಞಾನ ಪದವಿಧರರ ಸಂಘ  ರೈತರಿಗೆ ಪ್ರೋತ್ಸಾಹ ನೀಡುತ್ತಿದೆ. ಜೊತೆಗೆ ಜೇನು ಸಾಕಾಣೆಯನ್ನು ಕಲಿಸಲು ಮುಂದಾಗಿದೆ. ರೈತರ ತೋಟದ ಬದುಗಳಲ್ಲಿ ನೆಡಲು ಸೂಕ್ತವಾದ ಅರಣ್ಯಧಾರಿತ ಗಿಡಗಳನ್ನು ವಿತರಿಸಲಾಗುತ್ತಿದೆ . ಕೆಂಪು ಮಣ್ಣು ಇರುವ ಪ್ರದೇಶಗಳಲ್ಲಿ ತೇಗದ ಜೊತೆಗೆ ನುಗ್ಗೆ,  ಪಪ್ಪಾಯ,ನಡುವೆ ಉರುಳಿ. ಕಪ್ಪು ಭೂಮಿ ಇರುವ ಕಡೆ ಹೆಬ್ಬೇವು,ನುಗ್ಗೆ ಎರಡು ಪಟಗಳ ನಡುವೆ ದನಿಯಾ( ಕೊತ್ತಂಬರಿ) ಬೆಂಗಾಲ್ ಗ್ರಾಂ( ಕಡಲೆ) ಹೀಗೆ ವಿವಿಧ ಮಾದರಿಗಳನ್ನು ಜಿಲ್ಲೆಯಲ್ಲಿ ಕಾಣಬಹುದು ಎನ್ನುತ್ತಾರೆ ಅಣ್ಣಯ್ಯ. ಕಳೆದ ವರ್ಷ ಇಂತಹ ಮಾದರಿ ತೋಟಗಲಲ್ಲಿ ಕ್ಷೇತ್ರೋತ್ಸವಮಾಡಿ ರೈತರಿಗೆ ಅರಿವು ಮೂಡಿಸಲಾಗಿದೆ.

ಮಾದರಿ ನರ್ಸರಿ : ಬೇರೆ ಬೇರೆ ಜಿಲ್ಲೆಗಳಲ್ಲಿ ಅಗ್ರಿ ಕಲ್ಬ್ ಇದೆ.ಅದೊಂದು ತಾಂತ್ರಿಕ ಸಂಸ್ಥೆ. ಅಲ್ಲಿ ರೈತರಿಗೆ ಮಾಹಿತಿ ಕೊಡುತ್ತಾರೆ. ಅದರೆ ನಾವು ಕೃಷಿ ವಿಜ್ಞಾನ ಪದವಿಧರ ಸಂಘದಿಂದ ಸಲಹೆ,ಮಾಹಿತಿ ಕೊಡುವುದರ ಜೊತೆಗೆ ಪ್ರಾಯೋಗಿಕವಾಗಿಯೂ ತಾಕುಗಳನ್ನು ಮಾಡಿಕೊಳ್ಳಲು ನೆರವಾಗುತ್ತಿದ್ದೇವೆ.ಇದರಿಂದ ರೈತರಿಗೆ ಹೆಚ್ಚು ಆತ್ಮವಿಶ್ವಾಸ ಮೂಡಲು ಸಹಾಯವಾಗುತ್ತದೆ ಎನ್ನುತ್ತಾರೆ.

ಮಂಡ್ಯ ಜಿಲ್ಲೆಯವರೆ ಸೇರಿ ಮಂಡ್ಯ ಕೃಷಿ ವಿಜ್ಞಾನ ಪದವಿಧರರ ಸಂಘ ಮಾಡಿಕೊಂಡಿರುವುದರಿಂದ ಜಿಲ್ಲೆಗೆ ಹೆಚ್ಚು ಗಮನಕೊಡಲಾಗುತ್ತದೆ. ಆದರೆ ಒಂದು ಪ್ರದೇಶ ಅಂತ ಇದನ್ನು ಸೀಮಿತ ಗೊಳಿಸಿಕೊಂಡಿಲ್ಲ. ಅಕ್ಕಪಕ್ಕದ ಜಿಲ್ಲೆಯ ರೈತರಿಗೂ ಸಲಹೆ,ಮಾಹಿತಿ,ನರ್ಸರಿ ಸೇವೆ ಎಲ್ಲವನ್ನೂ ನೀಡುತ್ತಾ ಬರುತ್ತಿದ್ದೇವೆ. ಇತ್ತೀಚಿಗೆ ಮೈಸೂರು ತೋಟಗಾರಿಕೆ ವಿಶ್ವ ವಿದ್ಯಾನಿಲಯದಲ್ಲಿ ನಡೆದೆ ಗೇರು ಬೆಳೆ ವಿಚಾರ ಸಂಕಿರಣದಲ್ಲಿ ರೈತರು ಗೇರು ಗಿಡಗಳು ಬೇಕು ಅಂತ ಕೇಳಿದರು. ಈ ಬಾರಿ ಉತ್ತಮ ಮಳೆಯಾದ ಕಾರಣ ಗೇರು ಗಿಡಗಳಿಗೂ ದೊಡ್ಡ ಬೇಡಿಕೆ ಬಂತು. ಗಿಡಗಳು ಎಲ್ಲೂ ಸಿಗುತ್ತಿರಲಿಲ್ಲ.ನಾವು ನಮ್ಮ ಜಿಲ್ಲೆಯಲ್ಲಿ ಕೊಟ್ಟು ಉಳಿದಿದ್ದ ಐದಾರು ಸಾವಿರ ಗಿಡಗಳನ್ನು ಚಾಮರಾಜನಗರ,ಹಾಸನ,ತುಮಕೂರು ಜಿಲ್ಲೆಯ ರೈತರಿಗೂ ಪೂರೈಕೆ ಮಾಡಿದ್ದೇವೆ ಎನ್ನುತ್ತಾರೆ ಅಣ್ಣಯ್ಯ.

ಇದೊಂದು ನೋಂದಣಿಯಾಗಿರುವ ಸಂಘ.ಕಾನೂನು ಬದ್ಧವಾಗಿ ಎಲ್ಲಾ ಚಟುವಟಿಕೆಗಳು ನಡೆಯುತ್ತವೆ.

ಮಂಡ್ಯದಿಂದ 15 ಕಿ.ಮೀ ದೂರದ ಕೆರೆಗೋಡು ಸಮೀಪ ಹಾನಸೋಸಲು ಎಂಬ ಗ್ರಾಮದಲ್ಲಿ ಸಂಘದಿಂದ ಗಿಡಗಳ ನರ್ಸರಿ ಮಾಡಲಾಗಿದೆ. ಇಲ್ಲಿ ಗುಣಮಟ್ಟದ ಸಸಿಗಳನ್ನು ಉತ್ಪಾದಿಸಿ ರೈತರಿಗೆ ವಿತರಣೆ ಮಾಡಲಾಗುತ್ತಿದೆ.ಮುಖ್ಯವಾಗಿ ತೇಗ,ಸಾಗುವಾನಿ,ನುಗ್ಗೆ,ಪಪ್ಪಾಯ ರೀತಿಯ ಗಿಡಗಳನ್ನು ಕಳೆದ ಮೂರು ವರ್ಷಗಳಿಂದ ಬೆಳೆಸುತ್ತಿದ್ದಾರೆ,ವಿತರಿಸುತ್ತಿದ್ದಾರೆ. ಅರಣ್ಯ ಇಲಾಖೆ ಮತ್ತಿತರರ ಸಂಘಗಳು ಇದೆ ಕೆಲಸ ಮಾಡುತ್ತಿದ್ದಾರೆ ನಿಜ ಆದರೆ ಗುಣಮಟ್ಟದ ಬೀಜ ಮತ್ತು ಮೂಲ ತಳಿಯ ಮರಗಳು ಇರುವ ಜಾಗ ನಮಗೆ ಗೊತ್ತಿರುವುದರಿಂದ ನಾವೂ ಕೂಡ ಗುಣಮಟ್ಟದ ಗಿಡಗಳನ್ನು ಉತ್ಪಾದಿಸಿ ರೈತರಿಗೆ ನೆರವಾಗುತ್ತಿದ್ದೇವೆ. ಸಧ್ಯಕ್ಕೆ ರೈತರಿಗೆ ಬೇಡಿಕೆ ಇರುವ ಗಿಡಗಳನ್ನು ಬೆಳೆಸುತ್ತಿದ್ದೇವೆ. ಇಂತಹ ಗಿಡಗಳನ್ನು ಲಾಭದ ದೃಷ್ಠಿಯಿಂದ ನೋಡದೆ ಗಿಡದ ನಿರ್ವಹಣೆ ಮತ್ತು ಬೆಳೆಸಲು ಆದ ವೆಚ್ಚವನ್ನಷ್ಟೇ ಲೆಕ್ಕಹಾಕಿ ಸಾಧ್ಯವಾದಷ್ಟು ಕಡಿಮೆ ದರದಲ್ಲಿ ಗಿಡಗಳನ್ನು ಕೊಡಲಾಗುತ್ತಿದೆ ಎನ್ನುತ್ತಾರೆ ಅಣ್ಣಯ್ಯ. ಹೆಚ್ಚಿನ ಮಾಹಿತಿಗೆ ಅಣ್ಣಯ್ಯ 9448019306 ಸಂಪಕರ್ಿಸಿ.

ಸಾಫ್ಟ್ ವೇರ್ ಜನರಿಂದ ವನ`ಸಿರಿ'ಗೆ ಕೊಡುಗೆ

     # ಬಂಡಿಪುರ ಸುತ್ತಮುತ್ತ ಪರ್ಮಾಕಲ್ಚರ್ ಕಲರವ        #  ಅಂತರ್ಜಲ ಹೆಚ್ಚಳಕ್ಕೆ ಕಾಂಟೂರ್ ಬಂಡ್ಡಿಂಗ್ ಬಲ

ಸಾಫ್ಟ್ ವೇರ್ ಕಂಪನಿಯಲ್ಲಿ ಉದ್ಯೋಗ.ಕೈತುಂಬಾ ಸಂಬಳ.ಬಿಡುವಿಲ್ಲದಷ್ಟು ಕೆಲಸ ಇದ್ದರೆ ಏನು ಮಾಡಬಹುದು.ಸ್ವಂತಕ್ಕೊಂದು ಸುಂದರ ಮನೆ ಕಟ್ಟಿಕೊಳ್ಳಬಹುದು.ಓಡಾಡಲು ಐಷಾರಾಮಿ ಕಾರು ಖರೀದಿಸಿ ನಗರದಲ್ಲಿ ಬದುಕು ಕಟ್ಟಿಕೊಂಡು ಆರಾಮವಾಗಿ ಇದ್ದು ಬಿಡಬಹುದು. ಆದರೆ ಅದನ್ನೆಲ್ಲಾ ಬಿಟ್ಟು ಕಾಡು ಬೆಳೆಸಲು ಮುಂದಾಗಿರುವ ಹಸಿರು ಪ್ರೇಮಿಗಳ ಕತೆ ಇದು.

ಬಂಡೀಪುರ ಅರಣ್ಯದ ಕುಂದುಕೆರೆ ಅರಣ್ಯ ವಲಯಕ್ಕೆ ಸೇರಿದ ಶೆಟ್ಟಹಳ್ಳಿ ಬಳಿ ಕಾಡಂಚಿನಲ್ಲಿ ನಲವತ್ತು ಎಕರೆ ಪ್ರದೇಶದಲ್ಲಿ ವೈವಿಧ್ಯ ಸಸ್ಯಗಳ ಕಾಡುಬೆಳೆಸಿ ಪರ್ಮಾ ಕಲ್ಚರ್ (ಶಾಶ್ವತ ಕೃಷಿ) ಮಾಡಲು ಹೊರಟ ಸಮಾನ ಮನಸ್ಕ ಗೆಳೆಯರ ಕಥಾನಕ ಇದು.

ಬೆಂಗಳೂರಿನ ಸಂತೋಷ್ ತಮ್ಮಂತಹ ಹಲವಾರು ಗೆಳೆಯರು ಸೇರಿ ಹೀಗೆ ನಾನಾ ಭಾಗಗಳಲ್ಲಿ ಮಾಡುತ್ತಿರುವ ಯೋಜನೆಗಳ ಬಗ್ಗೆ ಹೇಳುತ್ತಿದ್ದಾಗ ಈ ಭೂಮಿಯ ಮೇಲೆ ಎಂತೆಂತಹ ಪರಿಸರ ಪ್ರೇಮಿಗಳು, `ಹಸಿರು ಹುಚ್ಚರು' ಇದ್ದಾರಲ್ಲ! ಅನಿಸಿತು.

ಕಳೆದ ಹತ್ತು ವರ್ಷಗಳಿಂದ ಅವರೆಲ್ಲಾ ಶೆಟ್ಟಹಳ್ಳಿಯ ಕರ್ಮಭೂಮಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಬೆಂಗಳೂರು, ಪುಣೆ, ಹೈದರಾಬಾದ್ ಹೀಗೆ ಬೇರೆ ಬೇರೆ ಕಡೆ ಕೆಲಸಮಾಡುತ್ತಿದ್ದ ಸಮಾನಮನಸ್ಕ ಗೆಳೆಯರನ್ನು ಹಸಿರು ಪ್ರೀತಿ ಒಂದೆಡೆ ಸೇರಿಸಿದೆ.ಕೆಲವರು ಬಿಡುವಿನ ವೇಳೆಯಲ್ಲಿ ಇಲ್ಲಿಗೆ ಓಡೋಡಿ ಬಂದರೆ ಮತ್ತೆ ಕೆಲವರು ಇಲ್ಲೇ ನಿಂತು ಇದನ್ನೆಲ್ಲಾ ನೋಡಿಕೊಳ್ಳುತ್ತಿದ್ದಾರೆ.

ಬೆಂಗಳೂರಿನ ಸಂತೋಷ್ ಬಾಚಹಳ್ಳಿ ಎಲ್ಲೆಗೆ ಸೇರಿದ ಚಿಕ್ಕ ಎಲಚೆಟ್ಟಿ ಗ್ರಾಮದಲ್ಲಿ ಜಮೀನು ಖರೀದಿಸಿ ಮನೆಮಾಡಿಕೊಂಡಿದ್ದಾರೆ. ಜೇಡಿ ಆಲ್ಫ್ರೆಡ್ ಪುಣೆಯಲ್ಲಿದ್ದ ತಮ್ಮ ಮನೆ,ಆಸ್ತಿ ಎಲ್ಲಾ ಮಾರಾಟಮಾಡಿ,ಐಟಿ ಉದ್ಯೋಗವನ್ನೂ ಬಿಟ್ಟು ಪತ್ನಿ ಸಮೇತ ಪಮರ್ಾಕಲ್ಚರ್ ಕೃಷಿಮಾಡಲು ಬಂದಿದ್ದಾರೆ.ಹಿಮಾಲಯದ ರಾಣಿಕೇತ್ನಲ್ಲಿರುವ ಲೀಡರ್ ಶಿಫ್ ಸ್ಕೂಲ್ನ ನಿದರ್ೇಶಕ ರವಿ ಕುಮಾರ್,ನಂದನ್ ನೀಲಕೆಣಿ ಜೊತೆ ಕೆಲಸಮಾಡುತ್ತಿರುವ ಜಗದೀಶ್,ಕೌಶಿಕ್ ಎಲ್ಲಾ ಸೇರಿ ಮಾಡುತ್ತಿರುವ ಕೆಲಸದಿಂದ ಒಂದೆರಡು ವರ್ಷದಲ್ಲಿ ಶೆಟ್ಟಹಳ್ಳಿಯ ಸುತ್ತಮತ್ತ ಅಂತರ್ಜಲ ಮಟ್ಟ ಸುಧಾರಿಸಲಿದೆ.ಅದಕ್ಕಿಂತ ಮುಖ್ಯವಾಗಿ ನೂರಾರು ಬಗೆಯ ಕಾಡುಜಾತಿಯ ಗಿಡಮರಗಳು ಇಲ್ಲಿ ಬರಲಿವೆ.ಇದರಿಂದ ಇಡೀ ಪ್ರದೇಶ ಹಸಿರನ್ನು ಹೊದ್ದು ಕಂಗೊಳಿಸಲಿದೆ.ಹಳ್ಳಿಯ ಆಸಕ್ತ ರೈತರಿಗೆ ಪಮರ್ಾಕಲ್ಚರ್ನ ಮಾದರಿ ನೋಡಲು ಅಲ್ಲಿ ಸಿಗುತ್ತದೆ.ಜೊತೆಗೆ ತಮ್ಮ ಜಮೀನುಗಳಲ್ಲೂ ಪಮರ್ಾಕಲ್ಚರ್,ಕಾಂಟೂರ್ ಬಂಡ್ಡಿಂಗ್ ಮಾಡಿಕೊಳ್ಳಲು,ಜೀವನಮಟ್ಟ ಸುಧಾರಿಸಿಕೊಳ್ಳಲು ಈ ಗೆಳೆಯರ ಸಹಕಾರ,ಸಲಹೆ ಹಾಗೂ ನೆರವು ನೀಡಲಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಹೀಗೆ ಸಾವಯವ ಕೃಷಿಕರ ಬಗ್ಗೆ ಹುಡುಕಾಟ ನಡೆಸುತ್ತಿದ್ದಾಗ ಗುಂಡ್ಲುಪೇಟೆ ತಾಲೂಕಿನ ಮಂಗಲ ಗ್ರಾಮದ ಕೆ.ಎನ್.ನಾಗೇಶ್ ಎಂಬ ಯುವಕ ಪರ್ಮಾ ಕಲ್ಚರ್,ಕಾಂಟೂರ್ ಬಂಡ್ಡಿಂಗ್ ಮತ್ತು ವಿವಿಧ ಬಗೆಯ ಅರಣ್ಯಜಾತಿಯ ಮರಗಿಡಗಳ ಬಗ್ಗೆ ಬರೆಯುತ್ತಿರುವುದನ್ನು ಗಮನಿಸುತ್ತಿದ್ದೆ.ನೈಸರ್ಗಿಕ ಕೃಷಿಯಲ್ಲಿನ ಆಸಕ್ತಿ,ಸದಭಿರುಚಿ ನೋಡಿ ಮತ್ತಷ್ಟು ಕುತೂಹಲವಾಗಿ ನೋಡಲು ಹೊರಟೆ.ನಾಗೇಶ್ ಅವರನ್ನು ಭೇಟಿಮಾಡಲು ಕೃಷಿಕ ಮಿತ್ರರಾದ ಶರಣು ಮತ್ತು ಹಂಚೀಪುರದ ಪ್ರಸಾದ್ ಅವರೊಂದಿಗೆ ಹೊರಟವನಿಗೆ ಅಲ್ಲಿ ಮತ್ತೊಂದು ಹೊಸ ಪ್ರಪಂಚವೇ ತೆರೆದುಕೊಂಡಿತ್ತು.ನಮ್ಮ ಆಲೋಚನೆಳನ್ನೆ ತಲೆಕೆಳಗೂ ಮಾಡುವ,ಬದುಕನ್ನು ಸಹಜವಾಗಿ ನೋಡುವ,ಪರಿಸರದ ಜೊತೆ ಜೊತೆಯಾಗಿ ನೈತಿಕ ಅನುಸಂಧಾನ ನಡೆಸುವ ಮಾದರಿಯ ದರ್ಶನವಾಯಿತು.

ಇದೆಲ್ಲಾ ಸರಿ ಇಷ್ಟೊಂದು ಹಣ ವೆಚ್ಚ ಮಾಡಿ ಹೀಗೆ ಕಾಡು ಬೆಳೆಸುತ್ತೀರಲ್ಲಾ ಇದರಿಂದ ಲಾಭ ಏನು ಅಂತ ವ್ಯವಹಾರಿಕ ಪ್ರಶ್ನೆ ಕೇಳಿದಾಗ ಸಂತೋಷ್ "ಹಣ ಬೇರೊಂದು ಕಡೆಯಿಂದ ಬರುತ್ತದೆ. ಆದರೆ ನಮಗೆ ಮರಗಿಡ ಬೆಳೆಸಿದ ಸಂತೋಷ ಇದೆಯಲ್ಲಾ ಅದಕ್ಕೆ ಬೆಲೆಕಟ್ಟಲಾಗದು. ಇಲ್ಲೂ ಪರ್ಮಾ ಕಲ್ಚರ್ ಮಾಡುವುದರಿಂದಲ್ಲೂ ಹಣ ಬಂದೇ ಬರುತ್ತದೆ ಆದರೆ ಸ್ವಲ್ಪಕಾಲ ಕಾಯಬೇಕು" ಎಂದಾಗ ಹೌದು ಹಣವಂತರೆಲ್ಲಾ ಹೀಗೆ ಯೋಚನೆಮಾಡಿಬಿಟ್ಟರೆ ಭೂಮಿತಾಯಿ ಧನ್ಯಳಾಗಿಬಿಡುತ್ತಾಳೆ,ಸುತ್ತೆಲ್ಲಾ ಹಸಿರು ವನರಾಶಿ ಸೃಷ್ಠಿಯಾಗಿಬಿಡುತ್ತದೆ ಅನಿಸಿತು.

ಕಳೆದ ಐದಾರು ವರ್ಷಗಳಿಂದ ಮಳೆ ಇಲ್ಲದೆ ಬಂಡೀಪುರದ ಸುತ್ತಮುತ್ತಾ ಬರಡಾಗಿದ್ದ ಭೂಮಿ ಈಗ ಹಸಿರಾಗಿದೆ.ಮೂರ್ನಾಲ್ಕು ತಿಂಗಳಿನಿಂದ ಸುರಿಯುತ್ತಿರುವ ಮಳೆ ಇಡಿ ವಾತಾವರಣವನ್ನು ತಂಪಾಗಿಸಿದೆ. ಪ್ರಸಕ್ತ ವರ್ಷ ಅಲ್ಲಿ ಹದಿಮೂರು ಸಾವಿರ ಗಿಡಗಳನ್ನು ಹಾಕಿದ್ದಾರೆ.ಮುಂದಿನ ವರ್ಷ ಐವತ್ತು ಸಾವಿರ ಗಿಡಗಳನ್ನು ಹಾಕುವ ಯೋಜನೆ ಇದೆ ಎನ್ನುತ್ತಾರೆ ಸಂತೋಷ್.

ದೇಶದ ನಾನಾ ಭಾಗಗಳಲ್ಲಿ ವೈವಿಧ್ಯಮಯ ಗಿಡಗಳನ್ನು ಹುಡುಕಿ ತಂದು ಇಲ್ಲಿ ಹಾಕಲಾಗಿದೆ. ಕೊಯಮತ್ತೂರಿನ ಈಶಾ ಫೌಂಡೇಶನ್ ನರ್ಸರಿಯಲ್ಲಿ ಹೆಚ್ಚು ಕಾಡುಗಿಡಗಳು ಸಿಕ್ಕಿವೆ. ಒಂದು ಬಾರಿ ಗಿಡ ನೆಟ್ಟಾಗ ನೀರು ಹಾಕುವುದನ್ನು ಬಿಟ್ಟರೆ ಸಹಜವಾಗಿಯೇ ಪರಿಸರಕ್ಕೆ ಹೊಂದಿಕೊಂಡು ಬೆಳೆಯಲು ಬಿಡಲಾಗುತ್ತದೆ.ಇದೊಂದು ಪರಸರದಲ್ಲಿ ಸಹಜವಾಗಿ ನಡೆಯುವ ಪ್ರಕ್ರಿಯೆ.ಗಿಡ ಬೆಳೆಯಲು ನೀರು ಮತ್ತು ಸೂಕ್ತವಾದ ಪರಿಸರ ನಿಮರ್ಾಣ ಮಾಡಿಕೊಟ್ಟುಬಿಟ್ಟರೆ ಅಲ್ಲಿ ವಿಸ್ಮಯವೇ ನಡೆಯುತ್ತದೆ.ಅದನ್ನು ಗಮನಿಸುವುದೆ ಒಂದು ಸೌಂದರ್ಯ ಮತ್ತು ಖುಶಿ ಎಂದು ಸಂತೋಷ್ ಕರ್ಮಭೂಮಿಯಲ್ಲಿ ನಿಂತು ಹೇಳುತ್ತಿದ್ದರೆ ಬೆಟ್ಟದ ಮೇಲಿಂದ ಬೀಸುತಿದ್ದ ತಂಗಾಳಿ ನಮ್ಮನ್ನು ಹಿತವಾಗಿ ಮುಟ್ಟಿ ಮಾತನಾಡಿಸಿ ಮುಂದೆ ಹೋಗುತ್ತಿತ್ತು.

ಇಲ್ಲಿ ನಡೆಯುತ್ತಿರುವ ಕಾಡುಮರಗಳು ಮತ್ತು ಪರಿಸರದಲ್ಲಿ ಜರುಗುವ ವಿಸ್ಮಯವನ್ನು ನೋಡಲು ಇಸ್ರೋ ವಿಜ್ಞಾನಿ ಸಾಂಬಕುಮಾರ್ ಸೇರಿದಂತೆ ಹಲವು ವಿಜ್ಞಾನಿಗಳು ಅಧ್ಯಯನಕ್ಕೆ ಬರುತ್ತಾರೆ.ಪ್ರತಿ ಗಿಡಮರಗಳ ಬಗ್ಗೆ ದಾಖಲಾತಿ ಇದೆ. ಐದು ಎಕರೆ ಪ್ರದೇಶದಲ್ಲಿ ಐದು ಪ್ರತ್ಯೇಕ ವಲಯಗಳನ್ನಾಗಿ ಮಾಡಿಕೊಂಡು ಅದನ್ನು ಮಾತ್ರ ಉಳುಮೆ ಮಾಡಿದ್ದಾರೆ. ಅಲ್ಲಿ ಬೇಳೆಕಾಳುಗಳನ್ನು ಬೆಳೆಯುವ ಪ್ರದೇಶ,ಹಣ್ಣಿನ ಗಿಡಮರ ಬೆಳೆಯುವ ಪ್ರದೇಶ,ಅರಣ್ಯಧಾರಿತ ಮರ ಬೆಳೆಯುವ ಪ್ರದೇಶ,ಹುಲ್ಲುಗಾವಲು (ಗ್ರಾಸ್ ಲ್ಯಾಂಡ್) ಹೀಗೆ ವಿಗಂಡಣೆ ಮಾಡಿಕೊಂಡು ನೈಸಗರ್ಿಕವಾಗಿ ಬೆಳೆಯಲಾಗುತ್ತಿದೆ.

ಉಕ್ಕಿಬಂದ ಗಂಗೆ : ನೀರಿಗಾಗಿ ಒಂದು ಬೋರ್ವೆಲ್ ತೆಗಿಸಿ ಅದಕ್ಕೆ ಹ್ಯಾಂಡ್ಪಂಪ್ ಅಳವಡಿಸಿಕೊಂಡಿದ್ದಾರೆ. ಮಳೆ ಶುರುವಾಗುವುದಕ್ಕಿಂತ ಐದಾರು ತಿಂಗಳ ಹಿಂದೆ 570 ಅಡಿಗೆ ಮತ್ತೊಂದು ಬೋರ್ವೆಲ್ ಕೊರೆಸಲಾಗಿತ್ತು.ಒಂದು ಹನಿ ನೀರು ಬರಲಿಲ್ಲ.ಬರೀ ಧೂಳು.ಸರಿ ಮತ್ತೆ ಪ್ರಯೋಜನವಿಲ್ಲ ಅಂತ ಬಿಟ್ಟುಬಿಟ್ಟರು. ಮಳೆ ಆರಂಭವಾದಾಗ ಕೇವಲ ಒಂದೇ ಮಳೆಗೆ ಆ ನಿಜರ್ೀವ ಬೋರ್ವೆಲ್ಗೂ ಜೀವಬಂತು.ಗಂಗೆ ಹರಿದು ಬಂದಳು.ಇದಕ್ಕೆಲ್ಲಾ ಕಾರಣವಾಗಿದ್ದು ಕಾಂಟೂರ್ ಬಂಡ್ಡಿಂಗ್ ಎಂಬ ಸಂಜೀವಿನಿ.

ಮಳೆ ಬಂದ ನಂತರ ಜನರೇಟರ್ ತಂದು ಎರಡು ದಿನ ಬೋರ್ವೆಲ್ನಿಂದ ನೀರೆತ್ತಿ ಇಳುವರಿ ಪರೀಕ್ಷೆ ಮಾಡಿದ್ದಾರೆ.190 ಅಡಿ ಮೇಲೆ ಬೋರ್ವೆಲ್ನಲ್ಲಿ ನೀರು ನಿಂತಿದೆ.ಒಳ್ಳೆಯ ನೀರಿನ ಇಳುವರಿಯೂ ಸಿಗುತ್ತಿದೆ.ಸಧ್ಯ ಆ ಬೋರ್ವೆಲ್ಗೆ ಸೋಲಾರ್ ವಿದ್ಯುತ್ ಅಳವಡಿಸುವ ಕೆಲಸಸಾಗಿದೆ.

ಯಾಕೆ,ಇಲ್ಲಿ ವಿದ್ಯುತ್ ವ್ಯವಸ್ಥೆ ಇಲ್ಲವೇ? ಎಂದು ಕೇಳಿದರೆ,ಒಂದೆರಡು ಕಿ,ಮೀ.ಅಂತರದಿಂದ ವಿದ್ಯುತ್ ಸಂಪರ್ಕಕ್ಕೆ ಕಂಬ ತರಬಹುದು.ಆದರೆ ಅದೆಲ್ಲಾ ನಮಗೆ ಬೇಡ.ಸಾಧ್ಯವಾದಷ್ಟು ವಿಕಾರಗಳಿಂದ ದೂರವಿರಬೇಕು. ಪ್ರಕೃತಿಯಲ್ಲಿ ಸಿಗುವ ಸಂಪನ್ಮೂಲಗಳನ್ನಷ್ಟೇ ಬಳಸಿಕೊಂಡು ಕೃಷಿಮಾಡುವುದು ನಮ್ಮ ಧ್ಯೇಯ.ಪಮರ್ಾಕಲ್ಚರ್ನ ಮೂಲಧರ್ಮ ಕೂಡ ಅದೆ.ಪ್ರಾಕೃತಿಕ ಸಂಪನ್ಮೂಲಗಳನ್ನು ಎಚ್ಚರಿಕೆಯಿಂದ ಬಳಸಬೇಕು. ಆದಷ್ಟು ಕಡಿಮೆ ಬಳಸಿ ಸುದೀರ್ಘ ಅವಧಿಯವರೆಗೆ ಕಾಯ್ದುಕೊಳ್ಳಬೇಕು.ಕಡಿಮೆ ಶ್ರಮ,ವೆಚ್ಚ ಹಾಗೂ ಹೆಚ್ಚು ಉತ್ಪಾದನೆ.ಜೊತೆಗೆ ಪರಿಸರ ಯಾವತ್ತೂ ಮನುಷ್ಯನಿಗೆ ಸ್ಫೂತರ್ಿದಾಯಕ ವಾಗಿಬೇಕು ಎನ್ನುತ್ತಾರೆ ಸಂತೋಷ್.

ಕಾಂಟೂರ್ ಬಂಡ್ಡಿಂಗ್: ಮಳೆ ಬಂದರೆ ನೀರು ಜಮೀನಿನಲ್ಲಿ ಹಳ್ಳ ಇರುವ ಕಡೆಗೆ ಹರಿದು ನಿಲ್ಲುತ್ತದೆ ಅಥವಾ ಕೆರೆಕಟ್ಟೆ ಪಾಲಾಗುತ್ತದೆ.ಇದರಿಂದ ಭೂಮಿ ಸಮಪ್ರಮಾಣದಲ್ಲಿ ನೀರು ಕುಡಿಯುವುದಿಲ್ಲ.ಒಂದು ಭಾಗದಲ್ಲಿ ಹೆಚ್ಚು ಮತ್ತೊಂದು ಭಾಗದಲ್ಲಿ ಕಡಿಮೆ ನೀರು ಅಸಮಾನವಾಗಿ ಹಂಚಿಕೆಯಾಗುತ್ತದೆ. ಆದರೆ ಕಾಂಟೂರ್ ಬಂಡ್ಡಿಂಗ್ ಮಾಡುವುದರಿಂದ ಇಡೀ ಭೂಮಿ ಸಮಾನಾಂತರವಾಗಿ ನೀರು ಕುಡಿಯುತ್ತದೆ.ಶೇಕಡ 75 ರಷ್ಟು ನೀರು ಭೂಮಿಗೆ ಸಮಪ್ರಮಾಣದಲ್ಲಿ ಹಂಚಿಕೆಯಾಗುತ್ತದೆ.

ಜಮೀನಿನಲ್ಲಿ ತಂತ್ರಜ್ಞಾನ ಬಳಸಿ ಕಾಂಟೂರ್ ಲೈನ್ ಮಾಡಿಕೊಂಡು ನಂತರ ಟ್ರಂಚ್ ಮತ್ತು ಬಂಡ್ಡಿಂಗ್ ಮಾಡುವುದರಿಂದ ಮಣ್ಣು ಫಲವತ್ತಾಗಿ,ಅಂತರ್ಜಲವೂ ಹೆಚ್ಚಾಗುತ್ತದೆ. ಈಗ ಈ ನಲವತ್ತು ಎಕರೆಯಲ್ಲಿ ಕಾಂಟೂರ್ ಬಂಡ್ಡಿಂಗ್ ಮಾಡಿರುವುದರಿಂದ ಮಳೆ ಬಂದಾಗ ನೀರು ಎಲ್ಲಾ ಟ್ರಂಚ್ಗಳಲ್ಲೂ ಒಂದು ಮಟ್ಟದಲ್ಲಿ ನಿಂತು ನಂತರ ನಡೆಯುತ್ತದೆ.ಬೆಟ್ಟದ ಮೇಲೆ ನೀಮತು ನೋಡಿದರೆ ನೀರಿನ ಪ್ರಮಾಣ ಸಮಾನಾಂತರವಾಗಿ ಹಂಚಿಕೆಯಾಗಿರುವುದನ್ನು ನೋಡಬಹುದು.ಒಂದು ಸಾರಿ ಟ್ರಂಚ್ಗಳು ತುಂಬಿದರೆ 12 ಲಕ್ಷ ಲೀಟರ್ ನೀರು ಅಂತರ್ಜಲ ಸೇರುತ್ತದೆ ಎನ್ನುತ್ತಾರೆ ಸಂತೋಷ್.

ಇಲ್ಲಿನ ಸುತ್ತಮುತ್ತಲಿನ ಜನರಿಗೆ ಈಗ ನಮ್ಮನ್ನು ನೋಡಿದರೆ ಕುತೂಹಲ.ಏನೋ ಜೀಪಿನಲ್ಲಿ ಬರುತ್ತಾರೆ ಹೋಗುತ್ತಾರೆ ಅಂತ ತಿಳಿದುಕೊಂಡಿದ್ದಾರೆ.ಆದರೆ ಹೀಗೆ ಮಳೆ ಆದರೆ ಒಂದೆರಡು ವರ್ಷದಲ್ಲಿ ಇಲ್ಲಿ ನಡೆಯುತ್ತಿರುವ ಗುಣಾತ್ಮಕ ಬದಲಾವಣೆಗಳು ಕಣ್ಣಿಗೆ ಬೀಳುತ್ತವೆ. ನಾವೂ ಕೂಡ ಸಮುದಾಯದ ಜೊತೆ ಸೇರಿ ಕೆಲಸಮಾಡಬೇಕು ಎಂದುಕೊಂಡಿದ್ದೇವೆ.ಅದಕ್ಕಾಗಿ ಶೆಟ್ಟಹಳ್ಳಿಯಲ್ಲೇ ಯಾವುದಾದರೂ ಸಣ್ಣ ರೈತರ ಒಂದೆರಡು ಎಕರೆಯಲ್ಲಿ ಪರ್ಮಾ ಕಲ್ಚರ್ (ಶಾಶ್ವತ ಕೃಷಿ) ಮಾದರಿ ಮಾಡಲು ತೀರ್ಮಾನಿಸಿದ್ದೇವೆ. ಜೊತೆಗೆ ವಾಟರ್ ಶೆಡ್,ನರ್ಸರಿ,ಪರ್ಮಾ ಕಲ್ಚರ್ ಅಂದರೆ ಫರ್ಮನೆಂಟ್ ಕೃಷಿ ಬಗ್ಗೆ ಯುವ ರೈತರಿಗೆ ತರಬೇತಿ ಎಲ್ಲವನ್ನೂ ಮಾಡುವ ಆಲೋಚನೆ ಇದೆ ಎನ್ನುತ್ತಾರೆ ಸಂತೋಷ್.

ನಮ್ಮೂರಿನ ಕೂಗಳತೆ ದೂರದಲ್ಲೇ ನಡೆಯುತ್ತಿರುವ ಪ್ರಯೋಗಶೀಲ ಪರಿಸರ ವಿಸ್ಮಯ ನಮ್ಮ ಜನರ ಕಣ್ಣಿಗೆ ಬೀಳಲಿ,ಕೃಷಿಯ ನಾನಾ ಮುಖಗಳನ್ನು ಅದು ತೆರೆದುತೋರಿಸಲಿ ಎನ್ನುವ ಆಶಯದೊಂದಿಗೆ ನಾವು ಅಲ್ಲಿಂದ ಹೊರಟಾಗ ಸೋನೆ ಮಳೆ ಮತ್ತೆ ಆರಂಭವಾಗಿತ್ತು. ನಾವೂ ಕೂಡ  ಈಗ ನಮ್ಮ ಜಮೀನುಗಲಲ್ಲಿ ಸಂತೋಷ್ ಮತ್ತು ಗೆಳೆಯರ ನೆರವಿನಿಂದ ಕಾಂಟೂರ್ ಬಡ್ಡಿಂಗ್ ಮಾಡಿಕೊಳ್ಳುವ ತೀರ್ಮಾನಕ್ಕೆ ಬಂದಿದ್ದೆವೆ. ಮುಂದಿನ ಮಳೆಗಾಲದ ಹೊತ್ತಿಗೆ ನಮ್ಮ ಜಮೀನುಗಳು ಕಾಂಟೂರ್ ಆಗಲಿವೆ.

 ಹಳ್ಳಿಗಳಲ್ಲಿ ಹೊಸ `ಮಾದರಿ' ರೂಪಿಸುತ್ತಿರುವ ದೇಸಿ ಕೃಷಿಕ
# ಕಾಡಂಚಿನ ಗ್ರಾಮಗಳಲ್ಲಿ ನೈಸರ್ಗಿಕ ಕೃಷಿ # ನಾಟಿತಳಿ ಬೀಜಗಳ ಸಂರಕ್ಷಣೆ
ಸದ್ದಿಲ್ಲದೆ ನಡೆಯುವ ಒಳ್ಳೆಯ ಕೆಲಸಗಳು ಹೇಗೆ ವ್ಯಕ್ತಿಯ ಮೇಲೆ ಪ್ರಭಾವ ಬೀರುತ್ತದೆ.ಅಷ್ಟೇ ಅಲ್ಲಾ ಸದಭಿರುಚಿ ಬೆಳೆಸಿ ಮಣ್ಣು,ನೀರು,ಆರೋಗ್ಯವನ್ನೂ ಕಾಪಾಡುತ್ತವೆ ಎನ್ನುವುದಕ್ಕೆ ಈ ಕಥಾನಕವನ್ನು ಉದಾಹರಣೆಯಾಗಿ ತೆಗೆದುಕೊಳ್ಳಬಹುದು. ಸಾಮಾಜಿಕ ಜಾಲತಾಣಗಳಲ್ಲಿ ಹೀಗೆ ನೈಸರ್ಗಿಕ ಕೃಷಿಕರ ಬಗ್ಗೆ ಹುಡುಕಾಟ ನಡೆಸುತ್ತಿದ್ದಾಗ ಕಣ್ಣಿಗೆ ಬಿದ್ದವರೇ ಕೆ.ಎನ್.ನಾಗೇಶ್.
ತಾನಿರುವ ಜಾಗದಲ್ಲೆ ನಡೆಯುತ್ತಿರುವ ಚಮತ್ಕಾರಗಳನ್ನು ಕಾಣುವ ಕಣ್ಣು ಮತ್ತು ಸಹಜ ಕುತೂಹಲ ಇದ್ದರೆ ವ್ಯಕ್ತಿಯೊಬ್ಬ ಹೇಗೆ ಪರಿಸರ  ಪ್ರೇಮಿಯಾಗಬಲ್ಲ ಎನ್ನುವುದಕ್ಕೆ ಕೆ.ಎನ್.ನಾಗೇಶ್ ಅವರ ಜೀವನಗಾಥೆ ಜ್ವಲಂತ ನಿದರ್ಶನ.
ಗುಂಡ್ಲುಪೇಟೆ ತಾಲೂಕಿನ ಮಂಗಲ ಗ್ರಾಮದ ಸೋಮಪ್ಪ ಮತ್ತು ಗೌರಮ್ಮನವರ ಮಗನಾದ ನಾಗೇಶ್ ಕಾಡಂಚಿನಲ್ಲಿ ಕುಳಿತುಕೊಂಡು ಕಾಂಟೂರ್ ಬಂಡ್ಡಿಂಗ್,ಪಮರ್ಾಕಲ್ಚರ್,ಸಹಜ ಕೃಷಿಯ ಬಗ್ಗೆ ಫೇಸ್ಬುಕ್ನಲ್ಲಿ ಸ್ಟೇಟಸ್ ಹಾಕುತ್ತಿರುವುದನ್ನು ಗಮನಿಸುತ್ತಿದ್ದ ನನಗೆ ಆ ವ್ಯಕ್ತಿಯನ್ನು ಕಾಣಬೇಕೆಂಬ ಹಂಬಲ ಹೆಚ್ಚಾಗತೊಡಗಿತು.
ಕುತೂಹಲಕ್ಕಾಗಿ ಶೆಟ್ಟಹಳ್ಳಿಯಲ್ಲಿ ನೈಸಗರ್ಿಕ ಕೃಷಿ ಮಾಡುತ್ತಿರುವ ನಾಗೇಶ್ ಅವರನ್ನು ಕಂಡು ಮಾತನಾಡಿಸಲು ಹೋದೆ.ಅವರೊಂದಿಗೆ ಮಾತಿಗೆ ಕುಳಿತರೆ ಕುಸಿಯುತ್ತಿರುವ ಕೃಷಿ, ರಾಜಕೀಯದ ಹುಚ್ಚಿನಿಂದ ಹಳ್ಳಿ ತೊರೆಯುತ್ತಿರುವ ಯುವಕರು,ತಾಲೂಕು ಆಫೀಸ್ ಮುಂದೆ ನಿತ್ಯವೂ ಕಾಣಸಿಗುವ ಜನಜಂಗುಳಿ ಎಲ್ಲದರ ಅಸಹನೆ ಬೇಸರ ಇಣುಕುತ್ತಿತ್ತು. ಸಾಮಾಜಿಕ,ಆಥರ್ಿಕ ಕುಸಿತಕ್ಕೆ ಕಾರಣಗಳು ಸಿಗುತ್ತಾ ಹೋದವು. ಅದೆಲ್ಲಕ್ಕಿಂತ ಮುಖ್ಯವಾಗಿ ತಾನೇಕೆ ನೈಸಗರ್ಿಕ ಕೃಷಿಕನಾದೆ ಎಂದು ಅವರು ಹೇಳಿದ್ದು ಆರೋಗ್ಯದ ಬಗ್ಗೆ ಅವರಿಗಿರುವ ಕಾಳಜಿಯನ್ನು ತೋರಿಸಿತು.
"ನೈಸಗರ್ಗಿಕವಾಗಿ ಬೆಳೆದ ಆಹಾರ ಪದಾರ್ಥಗಳನ್ನು ಉಪಯೋಗಿಸುತ್ತಿರುವುದರಿಂದ ಆರೋಗ್ಯದಲ್ಲಿ ಆಗುತ್ತಿರುವ ಬದಲಾವಣೆಗಳನ್ನು ಗಮನಿಸಿದ್ದೇನೆ.ಜಮೀನಿನಲ್ಲಿ ಕೆಲಸ ಮಾಡುವಾಗ ನೀರಡಿಕೆ,ಹಸಿವು.ಸುಸ್ತು ಹೆಚ್ಚಾಗಿ ಆಗುವುದಿಲ್ಲ. ಸಾವಯವ ಆಹಾರ ಸೇವಿಸುವುದರಿಂದ ಹೋಟೆಲ್ಗಳಲ್ಲಾಗಲಿ,ಸಮಾರಂಭಗಳಲ್ಲಾಗಲಿ ಊಟ ಮಾಡಲು ಇಷ್ಟವಾಗುವುದಿಲ್ಲ" ಎನ್ನುತ್ತಾರೆ ನಾಗೇಶ್.
ಪಿಯುಸಿವರೆಗೆ ವ್ಯಾಸಂಗ ಮಾಡಿರುವ ನಾಗೇಶ್ ಆರಂಭದಲ್ಲಿ ಎಲ್ಲರಂತೆ ನಗರದಲ್ಲಿ ಬದುಕು ಕಟ್ಟಿಕೊಳ್ಳಲು ಎಲ್ಲರಂತೆ ಅವರೂ ಸೈಕಲ್ ಹೊಡೆದಿದ್ದಾರೆ.ಫ್ಯಾಕ್ಟರಿಗಳಲ್ಲಿ ಗುತ್ತಿಗೆ ಆಧಾರದಲ್ಲಿ ಕೆಲಸಮಾಡಿದ್ದಾರೆ.ಕೊನೆಗೆ ಹಳ್ಳಿಗೆ ಮರಳಿ ಕೃಷಿಕರಾಗಿ ನೆಲೆಕಂಡುಕೊಂಡಿದ್ದಾರೆ.ಅದರಲ್ಲಿ ಸಂತೋಷವಾಗಿಯೂ ಇದ್ದಾರೆ.
ಇದಕ್ಕೆಲ್ಲಾ ಕಾರಣವಾಗಿದ್ದು ತಮ್ಮೂರಿನಲ್ಲೇ ತಾವು ಕಂಡ ಒಂದು ನೈಸಗರ್ಿಕ ತೋಟ ಎಂದು ಹೇಳುವುದನ್ನು ಅವರು ಮರೆಯುವುದಿಲ್ಲ.ಸಿವಿಲ್ ಇಂಜಿನಿಯರ್ ಆಗಿರುವ ಮಂಗಲ ಗ್ರಾಮದ ನಾಗೇಂದ್ರ ಅವರಿಗೆ ಕೃಷಿಯಲ್ಲೂ ಆಸಕ್ತಿ.ಹಾಗಾಗಿ ಅವರು ಊರಿನಲ್ಲಿ ನೈಸಗರ್ಿಕ ಕೃಷಿ ಮಾಡುತ್ತಾರೆ.ತಮಗೆ ಬೇಕಾದ ಆಹಾರವನ್ನು ಸಾವಯವ ಪದ್ಧತಿಯಲ್ಲಿ ಬೆಳೆದುಕೊಳ್ಳುತ್ತಾರೆ.ಇದನ್ನು ಕಂಡ ನಾಗೇಶ್ಗೆ ತಾನೂ ಯಾಕೆ ನೈಸಗರ್ಿಕವಾಗಿ ಆಹಾರ ಪದಾರ್ಥಗಳನ್ನು ಬೆಳೆದುಕೊಂಡು ಬಳಸಬಾರದು ಎಂಬ ಪ್ರಶ್ನೆ ಕಾಡುತ್ತದೆ. ತಡಮಾಡದೆ ನಗರದ ಬದುಕಿಗೆ ವಿದಾಯ ಹೇಳಿ ಸಂಪೂರ್ಣವಾಗಿ ಕೃಷಿಕಾಯಕದಲ್ಲಿ ತೊಡಗಿಸಿಕೊಳ್ಳಲು ನಿರ್ಧರಿಸುತ್ತಾರೆ.
ಈಗ ಅವರು ನೈಸಗರ್ಿಕ ಕೃಷಿಯ ಆಳ ಅಗಲ,ಮಣ್ಣು,ನೀರು,ಮರಗಿಡಗಳ ಬಗ್ಗೆ ಸಮರ್ಥವಾಗಿ ಮಾತನಾಡಬಲ್ಲ ದೇಸಿಕೃಷಿ ವಿಜ್ಞಾನಿಯಾಗಿ ರೂಪುಗೊಳ್ಳುತ್ತಿದ್ದಾರೆ.ಕಾಡಂಚಿನ ಗ್ರಾಮವಾದ ಕಾರಣ ಕೃಷಿಯ ಜೊತೆ ಸೋಲಾರ್ ಫೆನ್ಸ್ ಕೆಲಸ ಕೂಡ ಮಾಡಿಕೊಳ್ಳುವುದನ್ನು ಕಲಿತಿರುವ ನಾಗೇಶ್ ಸುತ್ತಮತ್ತಲಿನ ರೈತರಿಗೆ ಪರಿಸರ ಪಾಠ ಹೇಳಿಕೊಡುವ ಹಾದಿಯಲ್ಲಿದ್ದಾರೆ.
ಶೆಟ್ಟಹಳ್ಳಿ ಗ್ರಾಮದ ಕೂಗಳತೆ ದೂರದಲ್ಲಿ ನಾಲ್ಕು ಎಕರೆ ಜಮೀನು ಖರೀದಿಸಿ ಅಲ್ಲಿ ಮಳೆಯಾಶ್ರಯದಲ್ಲಿ ಯಾವುದೇ ರಸಾಯನಿಕ,ಕ್ರಿಮಿನಾಶಕವನ್ನೂ ಬಳಸದೆ ಕಡಿಮೆ ವೆಚ್ಚದಲ್ಲಿ ಹಲಸಂದೆ,ಮುಸುಕಿನ ಜೋಳ,ತಿಂಗಳ ಅವರೆ,ಈ ಭಾಗದಲ್ಲಿ ವಿಶೇಷವಾಗಿ ಬೆಳೆಯುವ ಬಟಾಣಿ,ಬೇಳೆಕಾಳು ಎಲ್ಲವನ್ನೂ ಬೆಳೆಯುತ್ತಿದ್ದಾರೆ.ಕಳೆದ ಬಾರಿ ಸೂರ್ಯಕಾಂತಿ ಬೆಳೆದು ಅದರಿಂದ ಅಡುಗೆ ಎಣ್ಣೆಯನ್ನೂ ಮಾಡಿಸಿಕೊಂಡು ತಾವೂ ಬಳಸಿ,ಬೆಂಗಳೂರಿನ ಕೆಲವು ಗೆಳೆಯರಿಗೆ ಮಾರಾಟಮಾಡಿದ್ದಾರೆ.
ವಿಶೇಷವೆಂದರೆ ನಾಗೇಶ್ ಅವರ ಕೃಷಿ ಪ್ರೀತಿಗೆ ಬೆಂಬಲವಾಗಿ ಸಾಫ್ಟ್ವೇರ್ ಉದ್ಯೋಗಿಗಳ ತಂಡವೊಂದು ಆಸರೆಯಾಗಿದೆ.ಬೆಂಗಳೂರು,ಪುಣೆ,ಹೈದರಾಬಾದ್ ಮೂಲದ ಸಮಾನಮನಸ್ಕರ ಗೆಳೆಯರ ತಂಡವೊಂದು ಬಂಡಿಪುರದ ಕಾಡಂಚಿನ ಶೆಟ್ಟಹಳ್ಳಿಯಲ್ಲಿ ನಲವತ್ತು ಎಕರೆ ಪ್ರದೇಶದಲ್ಲಿ ಕಾಡು ಬೆಳೆಸುತ್ತಾ,ಪಮರ್ಾಕಲ್ಚರ್ ಮಾಡಲು ಮುಂದಾಗಿದೆ. ಆ ತಂಡದ ಒರ್ವ ಸಕ್ರೀಯ ಸದಸ್ಯರಾಗಿ ನಾಗೇಶ್ ಗುರುತಿಸಿಕೊಂಡಿದ್ದು ಅವರಿಗೆ ನೈಸಗರ್ಿಕ ಕೃಷಿಯ ಬಗ್ಗೆ ಅರಿವು ಹೆಚ್ಚಾಗಲು,ಕಾಡಿನ ವಿಸ್ಮಯಗಳ ಬಗ್ಗೆ ತಿಳಿದುಕೊಳ್ಳಲು ನೆರವಾಗಿದೆ.
ಇದರಿಂದಾಗಿ ನಾಗೇಶ್ಗೆ ಹಲವು ಅನುಕೂಲಗಳಾಗಿವೆ.ಈಗ ಅವರ ಬಳಿ ಎರಡು ವರ್ಷಗಳ ಕಾಲ ನಿರಂತರವಾಗಿ ಫಲಕೊಡುವ ತೊಗರಿ ಇದೆ.ದೇಶದ ನಾನಾ ಭಾಗಗಳಲ್ಲಿ ಉಳಿದುಕೊಂಡಿರುವ ಅಪರೂಪದ ನಾಟಿ ತಳಿಯ ತರಕಾರಿ,ಬೇಳೆಕಾಳುಗಳ ಬೀಜಗಳಿವೆ. ಮುಂದೆ ಈ ಬೀಜಗಳನ್ನು ಹೆಚ್ಚುಮಾಡಿಕೊಂಡು ಈ ಭಾಗದಲ್ಲಿ ಸಹಜ ಕೃಷಿ ಮಾಡುವ ರೈತರಿಗೆ ಕೊಡುವ ಮೂಲಕ ದೇಸಿಬೀಜಗಳನ್ನು ಕಾಪಾಡಿಕೊಳ್ಳಬೇಕು ಎನ್ನುವ ವಿವೇಕ ಇದೆ.ಪ್ರತಿ ಹಳ್ಳಿಯಲ್ಲೂ ದೇಸಿಬೀಜ ಬ್ಯಾಂಕ್ ಮಾಡುವ ಸುಂದರ ಕನಸಿದೆ.
ಇಂತಹ ಹತ್ತಾರು ಯುವ ರೈತರಿಂದ ದೇಸಿತಳಿಯ ಬೀಜಗಳ ಸಂರಕ್ಷಣೆ ಮತ್ತು ಲಭ್ಯತೆಯಾಗುತ್ತಿರುವುದರಿಂದ ನೈಸಗರ್ಿಕ ಕೃಷಿಗೆ ಮತ್ತಷ್ಟು ಬಲತುಂಬಲು ಸಾಧ್ಯವಾಗಿದೆ.ನಾಗೇಶ್ರಂತಹವರು ಮರಳಿ ಹಳ್ಳಿಗೆ ಬಂದು ಹೀಗೆ ಪರಿಸರ ಸ್ನೇಹಿ ಬದುಕು ಕಟ್ಟಿಕೊಳ್ಳುವ ಮೂಲಕ ಹೊಸ `ಮಾದರಿ'ಗಳನ್ನು ಹುಟ್ಟುಹಾಕುತ್ತಿರುವುದು ಈ ಭಾಗದ ಯುವಕರಲ್ಲಿ ಆಶಾಭಾವನೆ ಮೂಡಿಸಿದೆ.ಸಹಜ ಕೃಷಿಗೆ ಮರಳಲು ಸ್ಫೂರ್ತಿಯಾಗಿದ್ದಾರೆ.
ಅಂತರ್ಜಲ,ಕಾಂಟೂರ್ ಬಂಡ್ಡಿಂಗ್,ಪರ್ಮಾಕಲ್ಚರ್ ಬಗ್ಗೆ ನಿಮಗೆ ಹೇಗೆ ಗೊತ್ತಾಯಿತು ಎಂದು ಕೇಳಿದರೆ " ಜಕ್ಕಳ್ಳಿಯಲ್ಲಿ ಬೆಂಗಳೂರಿನಿಂದ ಬಂದು ಕೃಷಿಮಾಡುತ್ತಿರುವ ಸಂತೋಷ್,ಪುಣೆಯ ಜೇಡಿ ಆಲ್ಫ್ರೇಡ್ ಮತ್ತು ಗೆಳೆಯರ ಸಹವಾಸ. ಸಂಘದಂತೆ ಸಹವಾಸ ಎನ್ನುವಂತೆ ಇಂತಹ ಅಗತ್ಯವಾಗಿ ಆಗಲೇ ಬೇಕಾಗಿರುವ ಸಂಗತಿಗಳ ಬಗ್ಗೆ ತಿಳಿಯುತ್ತಾ ಹೋಯಿತು" ಎನ್ನುತ್ತಾರೆ ನಾಗೇಶ್.
"ನಗರದಲ್ಲಿ ಕೆಲಸಮಾಡುತ್ತಿರುವಾಗ ಇಷ್ಟೊಂದು ಸಂತೋಷವಾಗಿ ನಾನು ಇರಲಿಲ್ಲ.ಕೃಷಿ ಕೆಲಸಮಾಡಲು ಬಂದ ನಂತರ ಆರೋಗ್ಯದಲ್ಲಿಯೂ ಸುಧಾರಣೆ ಕಂಡಿದೆ.ವಿಷಮುಕ್ತ ಆಹಾರ,ಸ್ವಚ್ಛಗಾಳಿ,ಒತ್ತಡ ರಹಿತ ಬದುಕು ನನ್ನದಾಗಿದೆ.ಅಗತ್ಯವಿರುವವರಿಗೆ ಸೋಲಾರ್ ಫೆನ್ಸ್ ಕೂಡ ಮಾಡಿಕೊಡುತ್ತಾ,ನೈಸರ್ಗಿಕ ಕೃಷಿಯಲ್ಲೂ ಹಲವು ಪ್ರಯೋಗಗಳನ್ನು ಮಾಡುತ್ತಾ ಆರಾಮವಾಗಿದ್ದೇನೆ.ನಮ್ಮ ಮನೆಯವರೆಲ್ಲರೂ ನೈಸರ್ಗಿಕವಾಗಿ ಬೆಳೆದ ಆಹಾರ ಪದಾರ್ಥಗಳನ್ನೆ ಬಳಸುತ್ತಿದ್ದೇವೆ. ಕೆಲವರಿಗೆ ಔಷದವೇ ಆಹಾರವಾಗಿರುವ ಕಾಲದಲ್ಲಿ ನಾವೂ ಸೇವಿಸುವ ಆಹಾರವನ್ನೇ ಔಷಧಿಯಾಗಿಸಿಕೊಂಡಿದ್ದೇವೆ" ಇದಕ್ಕಿಂತ ಬದುಕಿನಲ್ಲಿ ಹೆಚ್ಚಿಗೆ ಇನ್ನೇನೂ ತಾನೇ ನಿರೀಕ್ಷೆ ಮಾಡಲು ಸಾಧ್ಯ ಎನ್ನುತ್ತಾರೆ. ಹೆಚ್ಚಿನ ಮಾಹಿತಿಗೆ ನಾಗೇಶ್ 9448226802 ಸಂಪರ್ಕಿಸಬಹುದು..